04/01/2026
මෑත ඉතිහාසයේ අපේ රටට සිදුවූ දරුණුතම ආපදා තත්ත්වය ඇතිවුණේ "දිට්වා" සුළි කුණාටුව නිසා. අපේ රටේ දිස්ත්රික්ක කිහිපයක් හැර ඉතිරි සියලුම දිස්ත්රික්කයන් මේ සුළි කුණාටුව හේතුවෙන් ආපදාවට ලක් වුණා. මිල කළ නොහැකි තරම් ජීවිත හානි, මිල කළ නොහැකි තරම් පොදු දේපළ හා පෞද්ගලික හානි මේ සුළි කුණාටුව නිසා සිදුවුණා.
එදා රුදුරු වුණු ගංගා ඇළ දොළ, එදා ගස් ගල් පෙරලමින් කඩන් හැලුණු කදු වැටි අද නිසොල්මනේ. ඒත් පීඩාවට පත් වුණු අපේම මිනිසුන් අදටත් යථා තත්ත්වයට පත්වෙලා නෑ. ඇතමෙක් තාමත් සුරක්ෂා මධ්යස්ථාන වල. තමන්ගේ නිවෙස් වලට ගියත් පොඩි වැස්සටත් හිත් ගැස්සෙන මිනිස්සු බොහෝමයි.
ඒ අතරේ ගංවතුර, නායයෑම් සියැසින් දැක්ක පොඩිත්තෝ තමන්ගේ හීන සැබෑ කරගන්න සුපුරුදු ලෙස පාසල් යන්න පටන් ගන්නවා. හැබැයි පොඩිත්තන්ට ගංවතුරෙන්, නාය යෑම් වලින් තමන්ගේ පොත් ටික, ස්කූල් බෑග් එක, සපත්තු දෙක අහිමි වෙලා. ඉස්කෝලේ බිම, බිත්ති ඉරි තැලිලා. ආසාවෙන් අලුත් ස්කූල් බෑග්, සපත්තු, පොත් අරගෙන 2026 යන්න හිටපු පොඩිත්තන්ගේ අම්මා තාත්තාට තමන්ගේ එදිනෙදා රැකියාවන් අහිමි වෙලා නිසා ඒ අලුත් බඩු අරන් දෙන්න බැරි වෙලා.
ආපදා තත්ත්වයට සෘජුවම මුහුණ දීපු වගේම සුළි කුණාටුව නිසා රැකියා අහිමි වුණ දෙමාපියන්ට පොඩිත්තන්ගේ නව පාසල් වාරයට අවශ්ය අධ්යාපනික උපකරණ අරන් දෙන්න අපහසු අවස්ථාවක් මේක.
ඉතිං ආපදාවෙන් පීඩාවට පත්වුණු පාසල් දරුවන්ගේ සිහින බොද නොකර ඔවුන්ගේ මුවගට සිනහාවක් කැන්දන්න අධ්යාපනික උපකරණ හා ද්රව්ය අරගෙන යන්න අපි කොත්මලේ රතනසාර කනිෂ්ඨ විද්යාලය තෝරා ගත්තා.
පුංචි මනසට දරා ගන්න බැරි තරමේ ආපදාවක් දැකපු ඒ පොඩිත්තෝ අදටත් පොඩි වැස්සටත් ආරක්ෂිත ස්ථාන වලට දුවනවා. හැමදාම අකුරු කරපු සෙල්ලම් කරපු පාසලේ පොළවත් ඉරි තලලා. හැබැයි ලොව ජය ගන්න හෙටත් ඒ පාසලේ අකුරු කරන්න යන්න මේ පොඩිත්තෝ සූදානම්.
ඔවුන්ගේ ඒ මුවගට සිනහාවක් කැන්දන්න ඒ පුංචි හිත් වලට සවිය වෙන්න රත්නසාර විද්යාලයට අපි යනවා ජනවාරී 17.
ඉතිං අපි ඔයාලාගෙන් පුංචි ඉල්ලීමක් කරනවා, ඔබට පුළුවන්නම් ඒ පොඩිත්තන්ගේ මුවඟට සිනහාවක් කැන්දන්න පුංචි මුදලකින් හෝ ද්රව්යමය දෙයකින් හෝ ප්රදානයක් මේ ව්යාපෘතියට ලබාදෙන්න.
https://docs.google.com/forms/d/e/1FAIpQLSdTDBmZOBP9n0QyvaZpJ2kSP-JE8Wb2YWRqv8Ny4tQaCkSAWw/viewform?usp=publish-editor
