17/10/2026
පරිසර අමාත්‍යංශයේ පාරිසරික සංවේදී කලාප වැඩමුලුවක් දකුණු පළාතේ පළාතේ ප්‍රාදේශීය ලේකම්වරුන් ප්‍රධාන පරිපාලන නිළදාරීන් වෙනුවෙන් දියගම වනාන්තරය පාදක කරගනිමින් පැවත්වුණි.
උදෑසන දියගම වනාන්තරයේ ක්ෂේත්‍ර අධ්‍යනය මහාචාර්‍ය්ය සෙව්වන්දි ජයකොඩි මහත්මියගේ හැදින්වීමේ දේශනයකින් ආරම්භ වුන අතර දිලුම් චන්ද්‍රනිමල් මහතා, ප්‍රදීප් මහේන්ද්‍ර මහතාගේ සම්පත් දායකත්වයෙන් Urban Biodiversity Alliance-Sri Lanka හි රවී ජයරත්න මහතා ඇතුලු සාමාජිකයන්ගේ මගපෙන්වීමෙන් පැවැත්වුනි.
වනාන්තරයට අදාල පාර්ශවකරුවන්ගේ සාකච්චාව ගම්වාසීන් හා, පරිසර සංවිධාන ප්‍රධානත්වයෙන් දියගම සාලවනෝද්‍යනාරාමයේදී පැවැත්වුනි.
එහිදී වනාන්තරයේ වැදගත්කම පිළිබද දේශනයක් කොළඹ විශ්වවිද්‍යාලයේ දියගම වනාන්තරයේ පර්‍යේෂණ කණ්ඩායමේ සාමාජික,ෂමිල් ඉලේපෙරුම මහතා පැවැත්විය.
මෙම වැඩසටහන සංවිධාන කටයුතු සිදුකල හෝමාගම සහකාර ප්‍රාදේශීය ලේකම්තුමා, පරිසර නිළදාරී ලසන්ති නුගලියද්ද මහත්මිය ඇතුලු නිළදාරීන්ටත්, වැඩසටහනට උපදේශකත්වය සැපයූ මහාචාර්‍ය්ය සෙව්වන්දි ජයකොඩි මහත්මිය, SLIDA ආයතනයටත් සම්පත් දායකත්වය සැපයූ සියලු දෙනාටත් ස්තූති වන්තවෙමු.
