26/05/2026
අප මහා බෝධිසත්ත්වයෝ බුදු බව පළමුව සිතින් පැතූ දා පටන් අසංක්ඛෙය 20 කුත් කල්ප ලක්ෂයක්, බුදු පමුල නියත විවරණ ලදුව අසංඛ්යෙය 4 ක් සහ තවත් කල්ප ලක්ෂයක් පුරා පාරමීදම් පුරා බුදුව 24 අසංඛ්යෙය 9 කෝටි 60 ලක්ෂයක් සත්ත්වයන්ට නිර්වාන ධාතුව සාක්ෂාත් කරවූ සේක.
ගෞතම බුදුරජාණන් වහන්සේ බුද්ධත්වය ලැබීම සඳහා පාරමී ධර්ම පිරූ කාලය මෙසේය:
නියත විවරණ ලැබූ දින සිට: සාරාසංඛ්ය කල්ප ලක්ෂයකි. (4 අසංඛ්යයකුත් කල්ප ලක්ෂයක්).
මෙම කාලය ගණනය කරනු ලබන්නේ උන්වහන්සේ සුමේධ තාපසයාව ඉපිද, දීපංකර බුදුරජාණන් වහන්සේගෙන් "මොහු මතු දිනක බුදු වන්නේය" කියා නියත විවරණ ලැබූ තැන සිටය.
පාරමී පිරීමේ සම්පූර්ණ ගමන (අදියර 3)
බුදු කෙනෙකු වීමට සිතූ දින සිට සම්පූර්ණ කාලය ගත්හොත් එය මෙසේ කොටස් තුනකට බෙදේ:
1. මනෝ ප්රණිධානය (සිතින් සිතූ කාලය): අසංඛ්යයවල් 7 කි. මෙය ආරම්භවනුයේ තම මව කරමත තබාගෙන දින 7 ක් සමුද්රය තරණය කළ අවස්ථාවේදී පටන්ය.
2. වාග් ප්රණිධානය (වචනයෙන් ප්රකාශ කළ කාලය): අසංඛ්යයවල් 9 කි.
3. කාය ප්රණිධානය (නියත විවරණ ලැබ ක්රියාවෙන් පිරූ කාලය):** අසංඛ්යයවල් 4 ක් සහ කල්ප ලක්ෂයකි.
සාරාංශය: බුදුරජාණන් වහන්සේ නමක වීමට පෙරුම් පිරීම සඳහා සිතූ දින සිට සම්පූර්ණ වශයෙන් විසි අසංඛ්ය කල්ප ලක්ෂයක (20 අසංඛ්යයකුත් කල්ප ලක්ෂයක් කාලයක් ගත වී ඇත. නමුත් බුදුදහමේ සාමාන්යයෙන් "පෙරුම් පිරූ කාලය" ලෙස ප්රකටව හඳුන්වන්නේ නියත විවරණ ලැබීමෙන් පසු ගත වූ සාරාසංඛ්ය කල්ප ලක්ෂයේ කාල සීමාවයි.
පසු සටහන :
ලොවුතුරා බුදුවරයන්ගේ ප්රාර්ථනය කෙතෙක් කල් කරන්නට වටනේ දැ"යි විචාළහ. එකල්හි බුදුන් වහන්සේ වදාරන සේක්
“බුද්ධානං ආනන්ද හෙට්ඨිම පරිච්ඡේදෙන චත්තාරි අසංබෙය්යානි කප්පසතසහස්සඤ්ච, මජ්ඣිම පරිච්ඡෙදෙන අට්ඨඅසංබෙය්යානි කප්පසතසහස්සඤ්ච් උපරිම පරිච්ඡෙදෙන සොළස අසංබෙය්යානි කප්පසතසහස්සඤ්ච” යනුවෙන් “
ආනන්දය, බුදුවරුන්ගේ ප්රාර්ථනය යටත් පිරිසෙයින් අසංඛ්ය සතරක් හා කල්ප ලක්ෂයක් ද, මධ්යම පරිච්ඡේදයෙන් අසංඛ්ය අටක් හා කල්ප ලක්ෂයක් ද, උඩත් පිරිසෙයින් අසංඛ්ය සොළසක් හා කල්ප ලක්ෂයක් ද කළ යුතු වන්නේ ය"යි වදාළ සේක.
මෙහි ප්රාර්ථනය වශයෙන් දක්වන ලදුයේ පැරුම් පුරමින් බුදු බව පැතිය යුතු කාලය ය. ප්රඥාව ය, ශ්රද්ධාව ය, වීර්ය්යය ය යන මෙ ධර්ම තුන බුදු බව ලැබීමෙහි බල පවත්වන්නා වූ බුදු බව ලැබීමට අතිශයින් උපකාරී වූ ධර්ම තුනෙකි. ඒ ධර්මයෝ බෝසතුන් කෙරෙහි සම ව නො පිහිටති. එබැවින් ප්රඥාධික ය. ශ්රද්ධාධිකය, වීර්ය්යාධිකය යි බෝසත්හු තිදෙනෙක් වෙති. ප්රඥාධික බෝසත්නට ශ්රද්ධාව මඳය. වීර්ය්යය මධ්යම ය. ශ්රද්ධාධික බෝධිසත්ත්වයනට ප්රඥාව මධ්යම ය. වීර්ය්යය මඳ ය. වීර්ය්යාධික බෝධිසත්ත්වයනට ප්රඥාව මඳය. ශ්රද්ධාව මධ්යම ය. ප්රඥාධික බෝධිසත්ත්වයෝ චතුරසංඛ්යය කල්ප ලක්ෂයකින් සම්බෝධියට පැමිණෙති. ශ්රද්ධාධික බෝධිසත්ත්වයෝ අෂ්ටාසංඛ්ය කල්ප ලක්ෂයකින් සම්බෝධියට පැමිණෙති. වීර්ය්යාධික බෝධිසත්ත්වයෝ ෂෝඩාශාසංඛ්ය කල්ප ලක්ෂයකින් සම්බෝධියට පැමිණෙති.
