17/10/2025
ඔයාලගේ කැඩිලා, මැකිලා තියන පරණ ජාතික හැඳුනුම්පත වෙනුවට අලුත් එකක් ගන්න අවශ්යයි නම්...පහල සඳහන් කාරණා ටික සම්පූර්ණ කරගන එක දවසෙන් අයිඩෙන්ටිය අතට ගන්න බත්තරමුල්ලට යන්න...රුපියල් 2500යි යන්නේ.
මුලින්ම ලඟම තියන පොටෝ ස්ටූඩියෝ එකකට ගිහින් ජාතික හැඳුනුම්පතට පොටෝ එකක් ගන්න ආවේ කීවම එයාලා පොටෝ අරගන්නවා.(මම 8 පාරක් ගත්තා පාස් උනේ නෑ) 9වෙනි පාර පාස් උනේ.
ඒකට රුපියල් 500ට වඩා අඩු මුදලක් වැය වෙන්නේ. පොටෝ ගත්තම ඒ අය ඒක අනුමත කරගන අපට ලියුම් කවරෙක දාලා කොළයක් දෙනවා. ඊට පස්සේ අලුතෙන් ගත්ත උප්පැන්න කොපියක් අවශ්ය වෙනවා. පරණ ඒවා ගන්නේ නෑ.ඒ ටික අරගන ඔයාලට අදාල ග්රාමසේවක ලඟට යන්න. කාරණය පැහැදිලිව කියන්න. එයා ලඟ නොමිලේ දෙන ෆෝම් සෙට් එකක් තියනවා.
පුරවන්න දන්නේ නැති අයට ඒක එයාගෙත් උදව් ඇතිව පුරවගන්න පුළුවන්.එක් දින සේවාවට කොළබ ගිහින් අයිඩෙන්ටිය හදන අයට තව දිග ලියුම් කවරයක් ග්රාමසේවක ලඟට අරන් යන්න ඕනා. ලියුම් කවරයේ පාට සුදුද බ්රවුන්ද අදාල නෑ.
ඒක පුරවලා ඉවර උනාම පරණ අයිඩෙන්ටිය ග්රාමසේවක ඒ ෆෝම් සෙට් එක එක්කලා අමුණනවා.කැඩිලා නම් කෑල්ල අමුණනවා.
ලියුම් කවරයට ෆොටෝ ගත්ත කොළය සහ ෆෝම් සෙට් එක උප්පැන්නය දාලා අලවලා ඔයාලගේ අතට දෙනවා ප්රාදේශීය ලේබම් කාර්යාලයෙන් අනුමත කර ගන්න. ග්රාමසේවක ලඟින් වැඩේ ඉවර උනාම දවස් 3 කට කලින් ප්රාදේශීය ලේබම් කාර්යාලයට යන්න කියලයි කියන්නේ.එතන සල්ලි ගන්නේ නෑ
ඒක කරගන කොළබට යන්න ඕනා. දවල් 12 ට කලින් බාර දුන්නම හවස 5 ට කලින් ගන්න පුළුවන්.
උප්පැන්නයේ සඳහන් ආකාරයට තමා නම සිංහල සහ ඉංගීසි වලින් දාලා දෙන්නේ. උප්පැන්න ලියන අය අතපසුවීම් කරලා අකුරු වරද්දලා තිබ්බා නම් ඒ විදිහටම තමා ලැබෙන්නේ. ඒ නිසා උප්පැන්න සංශෝධනයක් කර ගන්න ඕනේ නම් අයිඩී එක හදන්න කලින් ග්රාමසේවකගෙන් තොරතුරු අහන් ප්රාදේශීය ලේබම් කාර්යාලයෙන් ඒක වෙනස් කරන් යන්න.
මේවා ඉතින් රජයේ නිධාරීන්ගේ අතපසුවිම් උනාට අපට හොඳ කට්ටක් කන්න සෙට් වෙන වැඩ.
ජාතික හැඳුනුම්පත් හදන තැන නම් හොඳ කාර්යක්ශමව වැඩ ටික කරලා දුන්නා. අපට නිකන් එයාලගේ දේපලකට ගියා වගේ සැලකුවේ නෑ. එතන සල්ලි දීලා කන්න බොන්න වගේම වැසිකිලි පහසුකම් එහෙම හොඳට තියනවා.
හැබැයි තාමත් සමහර ග්රාමසේවකලා ඉන්නවා අපි අතපල්ලෙන් වැටිලා වගේ සලකන්න බලාගන ඉන්න අය. හරි තොරතුරක් දෙන්නේ නෑ. මිනිස්සු රස්තියාදු කරනවා.
අවසාන වශයෙන් කියන්ට ඕනා පාස්පෝට් හදන කෙනා ඔයාගේ නම වරද්දලා ලියලා නම් එහෙම ඒ විදිහට අයිඩී ලැබෙන්නෙ නෑ. උප්පැන්නයේ නම විදිහටම අකුරක්වත් වෙනස් නොකර තමා දෙන්නේ. මගේ පාස්පෝට් එකෙ අර නම මගේ ලයිසන් එකේ අර නම කිව්වට වැඩක් නෑ හරිත.
අම්මෝ! තව වැදගත් දෙයක් කියන්න තියනවා. අලුත ඉපදුන ලමයිගේ උප්පැන්න ලියන අය ඒක ඔයාලා දාපු නමෙන්ම ලියලද වාසගම හරියට ලියලද බලන්න. සමහර අය වාසගම අතර තියන හිස්තැන තියන්නේ නෑ.. රණසිංහආරච්චිගේ කියලා එකටම ලියපුවට දෙයියන්ගෙම පිහිටයි. ඒක ඒ විදිහටම අයිඩී එකේ ලියනවා.
✍️ Niranjala Sarojanie
