16/10/2026
❤️ ජීවිතයට ජීවය දෙන්නට... ලෙයින් බැඳුණු මිනිස්කම පෙන්වන්නට... ❤️
ශ්‍රී සද්ධානන්දා දහම් පාසල් ආදි ශිෂ්‍ය සංගමය විසින් විසි පස් (25) වන වරටත් ආදරයෙන් හා ගෞරවයෙන් සංවිධානය කරනු ලබන,
මඩපාත ධම්මාලෝක නාහිමි ගුණානුස්මරණ "මහා ලේ දන්දීමේ කඳවුර" 🩸
දිනය : 2026 නොවැම්බර් 07 වන
සෙනසුරාදා
වේලාව : උදෑසන 9.00 සිට සවස 3.00
දක්වා
ස්ථානය : කටුවාවල පරමධම්ම
විසුද්දාරාම විහාරස්ථ භූමියේදී
"වසර 2️⃣4️⃣ක අඛණ්ඩ ආදරණීය මතකය..."
පසුගිය වසර විසිහතරක් පුරාවට, ඔබ අප වෙත ලබා දුන් ඒ දහස් ගණනක් වූ රුධිර බිඳු, තවත් නොසිතූ මොහොතක අසරණ වූ අපේම සහෝදර මිනිසුන්ගේ හද ගැස්ම නතර නොවන්නට ජීවය දුන්නේය. ඔවුන්ගේ ජීවිතවලට අලුත් බලාපොරොත්තුවක්, මුවඟට ආදරණීය සිනහවක් එක් කරන්නට එදා ඔබේ ඒ පරිත්‍යාගය මහත් වූ ශක්තියක් විය.
"මෙවරත්... අපි ඔවුන්ට හුස්මක් වෙමු!"
විසි පස් වන වරටත් පවත්වනු ලබන මේ උතුම් පුණ්‍යකර්මයට දායක වෙමින්, පිළිකා රෝගයෙන් පීඩා විඳින අපේම අහිංසක දෙමාපියන්ගේ, සහෝදර සහෝදරියන්ගේ මෙන්ම, මල් කැකුළු වැනි පුංචි දූ පුතුන්ගේ ජීවිතවලට යළිත් බලාපොරොත්තුවේ හුස්මක් පිඹින්නට අපි එක් වෙමු.
ජීවිතයේ වටිනාකම හඳුනන, ජාතියේ නිහඬ විරුවන් වන ඔබට...
විනාඩි 20ක කෙටි කාලයක් තුළ කළ හැකි උත්කෘෂ්ටම සමාජ මෙහෙවරට දායක වන්නට,
නොවැම්බර් 07 වන සෙනසුරාදා කටුවාවල විහාරස්ථානය වෙත පියනඟන්නැයි අපෙන් ආදරණීය ආරාධනා...!
"ඔබේ ලේ බිඳක් – තවකෙකුට ජීවිතයක්!" 🤝🩸
