20/03/2026
تقريبا دة المقال اللى زعل الريس .. 👇🏻
فى فرق كبير بين انك تكون مسئول و تكون مواطن بيقيم وبيتكلم وخلاص ....
مؤخرا انا جاتلى حاله من اللامبالاة ، مبقتش برد على حد ، مش بعلق ، مش بناقش... بقيت حاسس ان الكلام ملهوش فايدة .... لأن فى ناس مش عاوزة تفهم ... ومهما عملت مش حيفهموا ... لأن مفيش رغبه فى الفهم
وخت بالى من كلام الريس وهو بيقول انا كل مرة فى كل اجتماع بعيد نفس الكلام ... حقيقي.. هو المسئول الأول... ومهما اتغيرت الأكاذيب و التعليقات السطحية...إلا أن دايما الرد واحد ومفيش حل غير أن حد يفضل يكرر نفس الكلام للناس ...
فحقيقي انك تكون مسئول ، دى عملية صعبة جدا ، لأن لو انت معملتش ومقولتش ، مفيش حد غيرك حيقول ولا حيعمل ....
مشكلتنا التانية هى نكران النعم ... الناس من كتر الكلام مبقوش شايفين ولا مقدرين النعمه اللى احنا فيها..
ميعرفش أن زحمه الموصلات لكن فى امان دى نعمه ... مشوار الفرن دة نعمه ....توافر السلع دى نعمه ... فرص العمل نعمه .... البيع والشراء حتى لو مش احسن حاجة نعمه ... التعليم نعمه ... المستشفيات اللى فى كل مصر حتى لو على قد حالها نعمه .....نعم الله علينا لا تحصى .... لكن الناس بطلت تعدها ... الناس دايما بتبص لنص الكوبايه الفاضى...
ولأسف مش بيتعلموا غير بالتجربة زى الاطفال ...يتلسع يفهم خطورة النار ....
لكن فى النهاية هى الناس كدة ... دايما بتسعى للأفضل و بتسعى للتغير و هدم ما هو قائم ... ظنا منهم فى حياة أفضل ... وبعد كدة يفهموا ويندموا .... حتى عملوا كدة مع الانبياء كلهم ... رفض فى مقاومة فى قبول وبعدين تمرد ... وبعد التمرد انقسام .... منهم من يستمر ومنهم من يرتد
دى حال الدنيا ودة حال الناس ....
لكن الأكيد أن كل دة معداش ببلاش بدون مقابل ... لأ زى ما قال الرئيس ، دة كان مفترق طرق... واحنا خدنا الطريق الصح .... اللى حيخلى البلد دى عصية أبية كريمه عزيزة أمنه لعشرات السنين قدام ...
فالحمد لله على نعمه الفهم ... والحمدلله على الحمدلله....
وخليك فاكر أن الجاهل شكاى بكاى ... فمحروم من لذه الحمدلله... فدة ربنا معاه ويهدية وينور عقله ويهدى قلبة ...
لكن القلوب فى ايد ربنا ...
وَأَلَّفَ بَيْنَ قُلُوبِهِمْ ۚ لَوْ أَنفَقْتَ مَا فِي الْأَرْضِ جَمِيعًا مَّا أَلَّفْتَ بَيْنَ قُلُوبِهِمْ
