27/09/2026
सेप्टेम्बर २६ तारिख गोलोव गाइजद्वारा आयोजित विशेष स्वागत तथा सम्मान समारोह भव्य रूपमा सम्पन्न भएको छ।कार्यक्रममा संस्थामा नयाँ सदस्यका रूपमा आबद्ध हुनुभएका
श्री पासाङ छिरिङ थिकेपा
ज्यूलाई सफल कार्यकालको शुभकामना सहित संस्थामा हार्दिक स्वागत गरिएको थियो।
त्यसैगरी, कर्मभूमि दक्षिण कोरियामा आफ्नो पहिलो कार्यकाल सफलतापूर्वक सम्पन्न गरी केही दिनमै जन्मभूमि नेपालतर्फ प्रस्थान गर्न लाग्नुभएका निवर्तमान वरिष्ठ उपाध्क्ष
श्री तेन्बा थिकेपा ज्यू
र वर्तमान सह–सचिव श्री छिङ्द नुप्पा ज्यूलाई संस्थाले सम्मानसहित बिदाइ गरेको थियो। त्यसैगरी, संस्थाको दुई कार्यकाल अध्यक्ष जस्तो गरिमामय पदको जिम्मेवारी सम्हाली संस्थालाई आजसम्म सफलतापूर्वक डोर्याउनुभएका निवर्तमान अध्यक्ष श्री मिक्मा रिदार थिकेपाज्यूको योगदानको उच्च कदर गर्दै संस्थाले उहाँलाई दोसल्ला ओढाई सम्मानपत्र प्रदान गरी सम्मान गरेको थियो।
उक्त कार्यक्रममा प्रमुख अतिथिका रूपमा स.स. परिवार दक्षिण कोरियाका अध्यक्ष श्री जम्लिङ थिकेपाज्यू, विशिष्ट अतिथिका रूपमा स.स. परिवार दक्षिण कोरियाका निवर्तमान अध्यक्ष श्री पासाङ डी. शेर्पाज्यू तथा सभाध्यक्ष श्री आन्द्रियास सेक्नेपेदेन लगायत गोलोव गोलोम सदस्यहरूको गरिमामय उपस्थिति रहेको थियो।कार्यक्रमले संस्थामा नयाँ सदस्यलाई स्वागत गर्नुका साथै संस्थामा योगदान पुर्याउनुभएका सदस्यहरूको सम्मान गर्दै आपसी एकता, सहकार्य र आत्मीयतालाई अझ मजबुत बनाएको छ।
