សហគមន៍ទេសចរណ៍ធម្មជាតិ-កំពង់ឃ្លាំង

08/07/2026

🙏 ព្រះពុទ្ធបដិមា វត្តកំពង់ឃ្លាំង

👉 ប្រភពវីដេអូ : កម្ពុជាមាតុភូមិខ្ញុំ

#ឃុំកំពង់ឃ្លាំង #ស្រុកសូទ្រនិគម #ខេត្តសៀមរាប
fans អ៊ន់ ផល្លី

27/06/2026

27/06/2026

ព្រឹត្តិការណ៍ទេសចរណ៍បរិស្ថានប្រចាំឆ្នាំ ២០២៦ បុណ្យដឹងគុណបឹងទន្លេសាប ដែលជាសមុទ្រទឹកសាបកម្ពុជា ក្រោមប្រធានបទ៖ “ទស្សនារដូវកាលបៃតងកម្ពុជា សម្រាប់សហគមន៍កំពង់ឃ្លាំង”

នារសៀលថ្ងៃទី ២៦ ខែមិថុនា ឆ្នាំ២០២៦ លោក គិម វណ្ណៈ អភិបាល នៃគណៈអភិបាលស្រុក ក្រោមអធិបតីភាពលោក ង៉ូវ សេងកាក់ អភិបាលរងខេត្ត តំណាងឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប ចូលរួមក្នុងពិធីបើក ព្រឹត្តិការណ៍ទេសចរណ៍បរិស្ថានប្រចាំឆ្នាំ ២០២៦ «បុណ្យដឹងគុណបឹងទន្លេសាប ដែលជាសមុទ្រទឹកសាបកម្ពុជា» ក្រោមប្រធានបទ “ទស្សនារដូវកាលបៃតងកម្ពុជា សម្រាប់សហគមន៍កំពង់ឃ្លាំង” ដែលរៀបចំឡើងនៅសហគមន៍កំពង់ឃ្លាំង ស្រុកសូទ្រនិគម ខេត្តសៀមរាប ក្រោមវត្តមានឯកឧត្តម គុជ បញ្ញាសារ រដ្ឋលេខាធិការក្រសួងទេសចរណ៍ តំណាងដ៏ខ្ពង់ខ្ពស់ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ លោកជំទាវឧកញ៉ា ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា លោកអភិបាលក្រុងរុនតាឯក លោកប្រធានមន្ទីរទេសចរណ៍ និងព័ត៌មានខេត្តសៀមរាប លោក លោកស្រី វិស័យឯកជន អង្គការដៃគូអភិវឌ្ឍន៍ ប្រតិបត្តិករទេសចរណ៍ ភ្ញៀវទេសចរជាតិ និងអន្តរជាតិ ព្រមទាំងបងប្អូនប្រជាពលរដ្ឋ និងសមាគមទេសចរណ៏ធម្មជាតិកំពង់ឃ្លាំង ដែលបានអញ្ជើញចូលរួមក្នុងព្រឹត្តិការណ៍យ៉ាងច្រើនកុះករ ។

លោក​អភិបាលរងខេត្ត បានមានមតិព្រឹត្តិការណ៍នេះបានប្រព្រឹត្តទៅស្របពេលដែលរាជរដ្ឋាភិបាលកម្ពុជា កំពុងយកចិត្តទុកដាក់យ៉ាងខ្លាំងលើការអភិវឌ្ឍទេសចរណ៍បៃតង ទេសចរណ៍សហគមន៍ និងទេសចរណ៍ធម្មជាតិ ដែលជាវិស័យអាទិភាពមួយក្នុងការលើកកម្ពស់កំណើនសេដ្ឋកិច្ច បង្កើតការងារ និងធ្វើឱ្យប្រសើរឡើងនូវជីវភាពរស់នៅរបស់ប្រជាពលរដ្ឋ​ ក្រោមប្រធានបទ "ទស្សនារដូវកាលបៃតងកម្ពុជា សម្រាប់សហគមន៍កំពង់ឃ្លាំង"​ ព្រមទាំងចំណងជើងព្រឹត្តិការណ៍ «បុណ្យដឹងគុណបឹងទន្លេសាប ដែលជាសមុទ្រទឹកសាបកម្ពុជា» ពិតជាមានអត្ថន័យយ៉ាងជ្រាលជ្រៅ ព្រោះមិនត្រឹមតែបង្ហាញពីសម្រស់ធម្មជាតិដ៏សម្បូរបែបនៃរដូវកាលបៃតងនោះទេ ប៉ុន្តែថែមទាំងជាការបង្ហាញនូវការដឹងគុណ និងការទទួលស្គាល់តម្លៃដ៏ធំធេងរបស់បឹងទន្លេសាប ដែលជាប្រភពជីវិត សេដ្ឋកិច្ច និងវប្បធម៌របស់ប្រជាជនកម្ពុជាយើង។

លោក​ អភិបាលរងខេត្តបានបន្តថាខេត្តសៀមរាប ជាពិសេសតំបន់បឹងទន្លេសាប និងសហគមន៍កំពង់ឃ្លាំង គឺជាតំបន់ដែលមានសក្តានុពលខ្ពស់ទាំងផ្នែកធម្មជាតិ វប្បធម៌ និងទេសចរណ៍សហគមន៍។ ការរស់នៅរបស់ប្រជាពលរដ្ឋលើផ្ទៃទឹក ប្រពៃណី វប្បធម៌ និងធនធានធម្មជាតិដ៏សម្បូរបែប បានក្លាយជាអត្តសញ្ញាណពិសេស ដែលទាក់ទាញភ្ញៀវទេសចរជាតិ និងអន្តរជាតិឱ្យមកទស្សនា និងសិក្សាស្វែងយល់។​ ជាមួយគ្នានេះ យើងក៏ត្រូវទទួលស្គាល់ថា បញ្ហាបរិស្ថាន ដូចជាសំណល់ប្លាស្ទិក ការប្រែប្រួលអាកាសធាតុ និងការបាត់បង់ធនធានធម្មជាតិ គឺជាបញ្ហាប្រឈមធំមួយ ដែលទាមទារឱ្យមានការចូលរួមពីគ្រប់ភាគី។ ដូច្នេះ ព្រឹត្តិការណ៍ថ្ងៃនេះ គឺជាវេទិកាសំខាន់មួយក្នុងការលើកកម្ពស់ការយល់ដឹង និងជំរុញសកម្មភាពជាក់ស្តែងក្នុងការថែរក្សាបរិស្ថានឱ្យបានយូរអង្វែង។

លោកអភិបាលរងខេត្ត បានអំពាវនាវដល់អាជ្ញាធរមូលដ្ឋាន សហគមន៍ វិស័យឯកជន យុវជន និងប្រជាពលរដ្ឋទាំងអស់ បន្តរួមគ្នាថែរក្សាធនធានធម្មជាតិ និងបរិស្ថានរបស់យើងឱ្យបានគង់វង្ស ដើម្បីឱ្យកម្ពុជា ជាពិសេសខេត្តសៀមរាប ក្លាយជាគោលដៅទេសចរណ៍បៃតងប្រកបដោយភាពទាក់ទាញ គុណភាព និងចីរភាពសម្រាប់ពិភពលោក។

26/06/2026

📣 សេចក្តីជូនដំណឹងក្នុងកម្មវិធីថ្ងៃទី២ ស្តីពី ព្រឹត្តិការណ៍ទេសចរណ៍បរិស្ថានប្រចាំឆ្នាំ២០២៦

ថ្ងៃសៅរ៍ ទី២៧ ខែមិថុនា ឆ្នាំ២០២៦
ទីតាំង៖ សហគមន៍ទេសចរណ៍កំពង់ឃ្លាំង (ស្រុកសូទ្រនិគម ខេត្តសៀមរាប)

សូមអញ្ជើញចូលរួមឲ្យបានកុះករ ដើម្បីរួមចំណែកលើកស្ទួយវិស័យទេសចរណ៍បរិស្ថាន និងសេដ្ឋកិច្ចសហគមន៍មូលដ្ឋាន!

25/06/2026

📢សេចក្តីជូនដំណឹង
#របៀបវារៈកម្មវិធីផ្លូវការសម្រាប់គណៈអធិបតី ក្នុងព្រឹត្តិការណ៍ទេសចរណ៍បរិស្ថានប្រចាំឆ្នាំ ២០២៦ «បុណ្យសមុទ្រទឹកសាបកម្ពុជា ដឹងគុណបឹងទន្លេសាប»ក្រោមប្រធានបទ៖ ទស្សនារដូវកាលបៃតងនៅកម្ពុជា។ 🌊❤️

25/06/2026

#ជួបគ្នាថ្ងៃស្អែកណាបងប្អូនសូមអញ្ជើញចូលរួមឲ្យបានច្រើនកុះករ ❤️

✨ការរៀបចំកែច្នៃសំណាញ់ចាស់ៗ និងកាកសំណល់ប្លាស្ទិក ធ្វើរូបត្រីគល់រាំង ដែលជា និមិត្តសញ្ញាតំណាងឱ្យបឹងទន្លេសាប ក្នុងព្រឹត្តិការណ៍ទេសចរណ៍បរិស្ថានប្រចាំឆ្នាំ ២០២៦ «បុណ្យសមុទ្រទឹកសាបកម្ពុជា ដឹងគុណបឹងទន្លេសាប»ក្រោមប្រធានបទ៖ ទស្សនារដូវកាលបៃតងនៅកម្ពុជា ដែលប្រព្រឹត្តទៅនៅថ្ងៃទី២៦-២៧ ខែមិថុនា ឆ្នាំ២០២៦។😘

🙏យើងខ្ញុំសូមគោរពអញ្ជើញសាធារណជន និងភ្ញៀវទេសចរទាំងអស់ អញ្ជើញមកទស្សនាកម្សាន្តនៅ សហគមន៍ទេសចរណ៍កំពង់ឃ្លាំង រយៈពេល ២ថ្ងៃពេញ ដើម្បីស្វែងយល់ពីជីវភាពរស់នៅប្រចាំថ្ងៃរបស់សហគមន៍ របរនេសាទ ការធ្វើត្រីឆ្អើរ ត្រីងៀត ប្រហុក បង្គាក្រៀម(ហៃប៊ី) និងទស្សនាព្រៃសហគមន៍ធម្មជាតិដោយផ្ទាល់។🌊❤️

📍ទីតាំង: ឃុំកំពង់ឃ្លាំង ស្រុកសូទ្រនិគម ខេត្តសៀមរាប
🗺️ https://maps.app.goo.gl/hpGzSuY13TbxTxKY6

ជួបគ្នាថ្ងៃស្អែកក្នុងព្រឹត្តិការណ៍ទេសចរណ៍បរិស្ថានប្រចាំឆ្នាំ ២០២៦🎉🇰🇭

Cr To : Tonle Sap Dream Team

#បុណ្យទន្លេ២០២៦ #សហគមន៍ទេសចរណ៍ #ព្រឹត្តិការណ៍

25/06/2026

📢 សេចក្តីជូនដំណឹង

ថ្ងៃស្អែកនេះហើយ! សូមគោរពអញ្ជើញបងប្អូនប្រជាពលរដ្ឋ ភ្ញៀវទេសចរជាតិ និងអន្តរជាតិ ចូលរួមក្នុង ព្រឹត្តិការណ៍ទេសចរណ៍បរិស្ថានប្រចាំឆ្នាំ ២០២៦ «បុណ្យសមុទ្រទឹកសាបកម្ពុជា ដឹងគុណបឹងទន្លេសាប» នឹងប្រារព្ធឡើងជាលើកដំបូងនៅសហគមន៍ទេសចរណ៍កំពង់ឃ្លាំង ក្រោមប្រធានបទ «ទស្សនារដូវកាលបៃតងនៅកម្ពុជា»
ដែលនឹងប្រព្រឹត្តទៅនៅ ឃុំកំពង់ឃ្លាំង ស្រុកសូទ្រនិគម ខេត្តសៀមរាប។

ព្រឹត្តិការណ៍នេះនឹងប្រព្រឹត្តទៅរយៈពេល ២ ថ្ងៃ គឺនៅថ្ងៃទី ២៦-២៧ ខែមិថុនា ឆ្នាំ២០២៦ ដោយមានកម្មវិធីសម្បូរបែប រួមចំណែកលើកកម្ពស់វិស័យទេសចរណ៍ ការអភិរក្សបរិស្ថាន និងការថែរក្សាវប្បធម៌ប្រពៃណីក្នុងសហគមន៍។

📋 សូមអញ្ជើញទស្សនាកម្មវិធីលម្អិតនៅខាងក្រោម និងចូលរួមឱ្យបានច្រើនកុះករ។

សូមអរគុណ និងស្វាគមន៍យ៉ាងកក់ក្តៅចំពោះវត្តមានរបស់លោកអ្នក។ 🙏🌿🚴‍♂️🏞️

កំពង់ឃ្លាំង៖ ទេសចរណ៍ បរិស្ថាន និងសហគមន៍។

📞 ព័ត៌មានបន្ថែម និងទំនាក់ទំនង៖
១. លោក គិម វណ្ណៈ (អភិបាលស្រុកសូទ្រនិគម) ៖ ០៧៧ ៤៧៣ ៥៤៥
២. លោក ប៉ា ប៉ូរ (មេឃុំកំពង់ឃ្លាំង) ៖ ០៧៧ ៩៦៤ ៣១១
៣. លោក ស៊ា សុផល (ប្រធានអង្គការមូលនិធិទំពាំងស្នងឫស្សី) ៖ ០៩២ ៨៧៤ ២៧៤

24/06/2026

មេត្រីគល់រាំងយក្ស ទម្ងន់ជាង ៣០០ គីឡូក្រាម កែច្នៃឡើងពីសំណល់ប្លាស្ទិក បានបង្ហាញខ្លួនជាផ្លូវការរួចរាល់ហើយ! 🐟♻️

ស្នាដៃដ៏អស្ចារ្យនេះ ត្រៀមចូលរួមអបអរសាទរ បុណ្យសមុទ្រទឹកសាបកម្ពុជា និងពិធីបុណ្យដឹងគុណបឹងទន្លេសាប ដើម្បីផ្សព្វផ្សាយសារៈសំខាន់នៃការអភិរក្សបរិស្ថាន កាត់បន្ថយសំណល់ប្លាស្ទិក និងលើកកម្ពស់តម្លៃធនធានធម្មជាតិដ៏មានតម្លៃនៃបឹងទន្លេសាប។ 🌿💙

✨ចំណាប់អារម្មណ៍របស់លោក រៀម មុនីស៊ីឡុម ដែលជាសិស្បៈករកែច្នៃ ប្លាស្ទិក និងជាប្រជាជនរស់នៅសហគមន៍កំពង់ឃ្លាំងផ្ទាល់ លោកបានចូលរួមបង្ហាញស្នាដៃក្នុងការរៀបចំធ្វើ ត្រីគល់រាំងយក្សដើម្បីដង្ហែ ក្នុងព្រឹត្តិការណ៍ទេសចរណ៍បរិស្ថានប្រចាំឆ្នាំ ២០២៦ «បុណ្យសមុទ្រទឹកសាបកម្ពុជា ដឹងគុណបឹងទន្លេសាប»ក្រោមប្រធានបទ៖ ទស្សនារដូវកាលបៃតងនៅកម្ពុជា នៅថ្ងៃទី២៦-២៧ ខែមិថុនា ឆ្នាំ២០២៦ 🌊❤️

សូមអញ្ជើញចូលរួមឱ្យបានច្រើនកុះករ ដើម្បីរួមចំណែកក្នុងការអភិរក្សបរិស្ថាន និងផ្សព្វផ្សាយសក្តានុពលទេសចរណ៍ធម្មជាតិកំពង់ឃ្លាំងឱ្យកាន់តែទូលំទូលាយ។ 🌿🚴‍♀️🌊

សូមថ្លែងអំណរគុណយ៉ាងជ្រាលជ្រៅចំពោះសិល្បករដ៏មានទេពកោសល្យ ដែលបានកែប្រែសំណល់ប្លាស្ទិកឱ្យទៅជាស្នាដៃដ៏មានន័យ។

📞 ព័ត៌មានបន្ថែម និងទំនាក់ទំនង៖
១. លោក គិម វណ្ណៈ (អភិបាលស្រុកសូទ្រនិគម) ៖ ០៧៧ ៤៧៣ ៥៤៥
២. លោក ប៉ា ប៉ូរ (មេឃុំកំពង់ឃ្លាំង) ៖ ០៧៧ ៩៦៤ ៣១១
៣. លោក ស៊ា សុផល (ប្រធានអង្គការមូលនិធិទំពាំងស្នងឫស្សី) ៖ ០៩២ ៨៧៤ ២៧៤

ទីតាំង : ឃុំកំពង់ឃ្លាំង ស្រុកសូទ្រនិគម ខេត្តសៀមរាប
👉🗺️ https://maps.app.goo.gl/1wu1RGkrmagBBQWP6

#ដឹងគុណបឹងទន្លេសាប #បុណ្យសមុទ្រទឹកសាបកម្ពុជា