ព្រឹត្តិការណ៍នគរសង្រ្កាន្ត Nokor Sankranta

17/09/2026

អបអរសាទរខួបលើកទី៣ នៃការដាក់បញ្ចូល «រមណីយដ្ឋានប្រាសាទកោះកេរ» ក្នុងបញ្ជីបេតិកភណ្ឌពិភពលោករបស់អង្គការយូណេស្កូ UNESCO ១៧ កញ្ញា ២០២៣ - ១៧ កញ្ញា ២០២៦🇰🇭

រមណីយដ្ឋានប្រាសាទកោះកេរ គឺជាស្ថាបត្យកម្មដ៏មហស្ចារ្យរបស់ខ្មែរ ដែលត្រូវបានអង្គការយូណេស្កូ UNESCO បានសម្រេចបញ្ចូលក្នុងបញ្ជីបេតិកភណ្ឌពិភពលោក ក្នុងសម័យប្រជុំលើកទី៤៥ នៅទីក្រុងរីយ៉ាដ ប្រទេសអារ៉ាប៊ីសាអូឌីត។ រមណីយដ្ឋានកោះកេរ ស្ថិតក្នុងខេត្តព្រះវិហារ ជាអតីតរាជធានីរបស់ខ្មែរក្នុងសតវត្សរ៍ទី១០ ដែលមានអាយុកាលជាង ១ពាន់ ឆ្នាំមកហើយ ដោយ ត្រូវបានកសាងដោយ ព្រះបាទជ័យវរ្ម័នទី៤ នៅពេលផ្លាស់ប្តូរ រាជធានីពីក្រុងអង្គរមកតំបន់កោះកេរ។

ក្នុងនាមជាកូនខ្មែរជំនាន់ក្រោយ យើងខ្ញុំសូមប្តេជ្ញាចិត្តថែរក្សា និងការពារសម្បត្តិមរតកដែលបុព្វបុរសខ្មែរបានបន្សល់ទុក ព្រមទាំងរួមគ្នាផ្សព្វផ្សាយសម្បត្តិវប្បធម៌ខ្មែរ ឱ្យបានរីកសុះសាយនៅលើឆាកអន្តរជាតិ។

07/07/2026

អបអរសាទរខួបលើកទី១៨ នៃការដាក់បញ្ចូលប្រាសាទព្រះវិហារ ជាសម្បត្តិបេតិកភណ្ឌពិភពលោក (៧ កក្កដា ២០០៨~ ៧ កក្កដា ២០២៦)

ប្រាសាទព្រះវិហារជាប្រាសាទរបស់បុព្វបុរសខ្មែរដែលស្ថិតក្នុងដែនធិបតេយ្យរបស់កម្ពុជាមានទីតាំងនៅលើកំពូលភ្នំដងរែក ត្រូវបានគណៈកម្មាធិការ បេតិកភណ្ឌពិភពលោករបស់អង្គការយូណេស្កូ (UNESCO) ចុះបញ្ជីជាសម្បត្តិបេតិកភណ្ឌពិភពលោក ក្នុងកិច្ចប្រជុំទី៣២ នៅទីក្រុងកេបិច ប្រទេសកាណាដា នាថ្ងៃទី០៧ ខែកក្កដា ឆ្នាំ២០០៨។

កូនខ្មែរគ្រប់រូប តែងចងចាំនិងដឹងគុណជានិច្ចនូវកិច្ចខិតខំប្រឹងប្រែងរបស់ឥស្សរជនខ្មែរ ក្នុងការថែរក្សា ការពារសម្បត្តិវប្បធម៌ជាតិដ៏មហាសាលនេះ ទុកដល់កូនចៅជំនាន់ក្រោយបន្ត លើកតម្កើងតម្លៃមរតកវប្បធម៌ជាតិខ្មែរ ដែលបុព្វបុរសខ្មែរខំកសាងនិងបន្សល់ទុក។ យើងសូមប្តេជ្ញាការពារបូរណភាពដែនដី និងអធិបតយ្យភាពជាតិឱ្យបានគង់វង្ស។

18/06/2026

ក្នុងឱកាសដ៏មហានក្ខត្តឫក្សឧត្តុង្គឧត្តមប្រពៃថ្លៃថ្លា នៃព្រះរាជពិធីបុណ្យចម្រើនព្រះជន្ម គម្រប់ ៩០ យាងចូល ៩១ ព្រះវស្សា នៃសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ទូលព្រះបង្គំយើងខ្ញុំ សូមព្រះរាជានុញ្ញាតក្រាបបង្គំថ្វាយព្រះសព្វសាធុការពរជ័យ បវរសួស្តី សិរីមង្គល វិបុលសុខមហាប្រសើរ ចំពោះសម្តេចព្រះមហាក្សត្រី សម្តេចម៉ែ សម្តេចយាយ សម្តេចយាយទួត ជាទីគោរពសក្ការៈដ៏ខ្ពង់ខ្ពស់បំផុត សូមទ្រង់ប្រកបដោយព្រះសុខភាពល្អបរិបូរណ៍ ព្រះកាយពលមាំមួន ព្រះបញ្ញាញ្ញាណវាងវៃ ព្រះជន្មាយុយឺនយូរ ដើម្បីទ្រង់ជាម្លប់ដ៏ត្រជាក់ត្រជុំ សម្រាប់ប្រជានុរាស្ត្រ ជាកូន ចៅ ចៅទួតរបស់ព្រះអង្គជានិច្ចនិរន្តរ៍តរៀងទៅ ។

15/06/2026

អបអរសាទរ ខួបលើកទី ៦៤ នៃការប្រកាសសាលក្រមតុលាការអន្តរជាតិ ស្តីពី ប្រាសាទព្រះវិហារ ១៥ មិថុនា ១៩៦២ - ១៥ មិថុនា ២០២៦

កាលពី ៦៤ ឆ្នាំមុន ព្រះរាជាណាចក្រកម្ពុជាបានទទួលជោគជ័យលើប្រទេសថៃ ក្នុងការទាមទារការទទួលស្គាល់ក្រោមច្បាប់អន្តរជាតិនូវអធិបតេយ្យភាពរបស់ខ្លួនលើប្រាសាទព្រះវិហារ។ ក្រោមព្រះរាជបូជនីយកិច្ចដ៏ថ្លៃថ្លានៃអង្គព្រះករុណា ព្រះបាទសម្តេចព្រះ នរោត្តម សីហនុ ព្រះបរមរតនកោដ្ឋ ព្រះរាជាណាចក្រកម្ពុជាទទួលបាននូវយុត្តិធម៌ក្នុងការការពារសម្បត្តិវប្បធម៌ដ៏ពិសិដ្ឋរបស់ដូនតា។

យើងខ្ញុំទាំងអស់គ្នាជាកូនចៅ បន្តចងចាំនូវស្មារតីស្នេហាជាតិប្រកបដោយភាពអង់អាចនេះ និងសូមប្តេជ្ញាបន្តការពារសម្បត្តិវប្បធម៌ដ៏មានតម្លៃឱ្យបានឋិតឋេរគង់វង្សជាយូរអង្វែងតទៅ។

31/05/2026

16/05/2026

នឹក #នគរសង្រ្កាន្ត អត់អ្នកទាំងអស់គ្នា? តើមានអនុស្សាវរីយ៍ល្អៗអ្វីខ្លះ? ជួយប្រាប់អេដមីនផង!

13/05/2026