https://www.facebook.com/255475051263506/

សហភាពសហព័ន្ធយុវជនកម្ពុជារាជធានីភ្នំពេញ, #263, Street 107, Phnom Penh (2026)

05/08/2026

សិស្សានុសិស្ស និងអាណាព្យាបាលអាចចូលរួមកម្មវិធីស្វែងយល់ពីជម្រើសសិក្សាសម្រាប់សិស្សបាក់ឌុប ដោយឥតគិតថ្លៃដើម្បី៖

• ការស្វែងយល់អំពីជម្រើសមុខវិជ្ជាសិក្សាពីនិស្សិតឆ្នើម និងអ្នកជំនាញ

• ព័ត៌មានសិក្សា និងឱកាសអាហារូបករណ៍ រហូតដល់៥០% នៅប្រទេសអូស្ត្រាលី កាណាដា ណូវែលហ្សែឡង់ អៀរឡង់ អង់គេ្លស និង អាមេរិក តាមរយៈ IDP

• ការធ្វើតេស្តសមត្ថភាពភាសាអង់គ្លេស ថ្នាក់សិក្សាសាកល្បង និង ការប្រឹក្សាលទ្ធផលដោយឥតគិតថ្លៃពីសាលា ACE

• ព័ត៌មានលម្អិតអំពីតេស្ត IELTS និង ការធ្វើតេស្តសាកល្បងដោយឥតគិតថ្លៃ

🔗ចុះឈ្មោះ និងចូលរួមដោយឥតគិតថ្លៃនៅទីនេះ៖ https://infosession.idpevent.org/Reg?id=60&c=t

📆ថ្ងៃសៅរ៍ទី 15 និងអាទិត្យទី 16 ខែ សីហា | ម៉ោង 9:00 ព្រឹក – 4:00 ល្ងាច នៅសាលា ACE សាខាទួលទំពូង (https://maps.app.goo.gl/LSpKc8aD7vcwcjnbA)

តំណតេលេក្រាម៖ 👉 https://t.me/uyfc_pp

04/08/2026

និស្សិតជ័យលាភីអាហារូបករណ៍ ចំនួន ៥ប្រទេស សរុប ៩០រូប បានចូលជួបសម្តែងការគួរសម និងស្តាប់ប្រសាសន៍ណែនាំពី ឯកឧត្តមប្រធានស.ស.យ.ក. រាជធានីភ្នំពេញ

ក្នុងឱកាសនោះ ឯកឧត្តមប្រធាន បានសម្តែងនូវការអបអរសាទរ និងវាយតម្លៃខ្ពស់ចំពោះការខិតខំប្រឹងប្រែងរបស់និស្សិតជ័យលាភីទាំងអស់ ព្រមទាំងលើកទឹកចិត្តឱ្យបន្តអភិវឌ្ឍន៍ចំណេះដឹង ជំនាញ និងសមត្ថភាព ដើម្បីក្លាយជាមូលធនមនុស្សដ៏មានសក្តានុពលរួមចំណែកដល់ការអភិវឌ្ឍប្រទេសជាតិ។

ទីស្តីការក្រសួងដ.ន.ស., ថ្ងៃទី៣ ខែសីហា ឆ្នាំ២០២៦

តំណតេលេក្រាម៖ 👉 https://t.me/uyfc_pp

02/08/2026

☕ ការចែករំលែកបទពិសោធន៍ពោរពេញដោយតម្លៃ លើវិស័យ «កសិធុរកិច្ចកាហ្វេកម្ពុជា»! 🌱

សិក្ខាសាលាស្តីពី «កសិធុរកិច្ចវិស័យកាហ្វេកម្ពុជា សម្រាប់ជីវភាពប្រចាំថ្ងៃ» នៅវិទ្យាល័យព្រែកលៀប

ការចែករំលែកបទពិសោធន៍ពីម្ចាស់អាជីវកម្ម និងវាគ្មិនជំនាញ ធ្វើឱ្យយុវជនយើងទទួលបាននូវទស្សនវិស័យថ្មីៗ និងការយល់ដឹងកាន់តែច្បាស់អំពីសក្តានុពលនៃកាហ្វេខ្មែរ! 🇰🇭✨
ប្រភព : ស.ស.យ.ក. ខណ្ឌជ្រោយចង្វារ

#សសយក #កសិធុរកិច្ច #ចំការកាហ្វេភីដា #មណ្ឌលគីរី #វិទ្យាល័យព្រែកលៀប

តំណតេលេក្រាម៖ 👉 https://t.me/uyfc_pp

31/07/2026

អបអរសាទរ ខួបលើកទី១៩ ទិវាឧទ្យានុរក្សពិភពលោក ឆ្នាំ២០២៦ 🌳

ឧទ្យានុរក្ស មានតួនាទីយ៉ាងសំខាន់ក្នុងការល្បាត និងការពារតំបន់ការពារធម្មជាតិ អភិរក្សប្រព័ន្ធអេកូឡូស៊ី ជីវចម្រុះ ព្រៃឈើ និងសត្វព្រៃ បង្ក្រាបបទល្មើសធនធានធម្មជាតិ ព្រមទាំងសហការជាមួយសហគមន៍ក្នុងការគ្រប់គ្រង និងប្រើប្រាស់ធនធានធម្មជាតិប្រកបដោយចីរភាព។

សូមថ្លែងអំណរគុណ និងកោតសរសើរយ៉ាងជ្រាលជ្រៅចំពោះមន្ត្រីឧទ្យានុរក្សគ្រប់រូប ដែលបានលះបង់កម្លាំងកាយ កម្លាំងចិត្ត និងបំពេញបេសកកម្មដោយស្មារតីទទួលខុសត្រូវខ្ពស់ ក្នុងការការពារ អភិរក្ស និងថែរក្សាធនធានធម្មជាតិ និងបរិស្ថានរបស់កម្ពុជា។

តំណតេលេក្រាម៖ 👉 https://t.me/uyfc_pp

30/07/2026

ថ្ងៃនេះ គឺជាខួប ១៧ឆ្នាំ ដែលបណ្ណសារឧក្រិដ្ឋកម្មប្រល័យពូជសាសន៍ទួលស្លែង ត្រូវបានចុះក្នុងបញ្ជីស្មារតីចងចាំនៃពិភពលោក របស់អង្គការយូណេស្កូ (៣១ កក្កដា ២០០៩-៣១ កក្កដា ២០២៦) 🇰🇭

បណ្ណសាររួមមាន បណ្ណសារឯកសារ ដែលមានចម្លើយសារភាពរបស់ជនរងគ្រោះចំនួន ៤,១៨៦ ច្បាប់ ប្រវត្តិរូបជនរងគ្រោះ និងកម្មាភិបាលរបបកម្ពុជាប្រជាធិបតេយ្យចំនួន ៦,២២៦ ច្បាប់ ទស្សនាវដ្តី ទង់បដិវត្តន៍ ចំនួន ៥៦ ក្បាល សៀវភៅកត់ត្រាចំនួន ១៨៥ ក្បាល និងឯកសារពាក់ព័ន្ធផ្សេងៗចំនួន ៥,១៣៦ ឯកសារ។ បណ្ណសារសោតទស្សន៍ រួមមានរូបថតជនរងគ្រោះ និងរូបថតពាក់ព័ន្ធចំនួន ៦,១៤៧ សន្លឹក ហ្វីលរូបថតចំនួន ៥,៨៤៧ ហ្វីល និងមីក្រូហ្វីលចំនួន ២១២ ខ្សែ។ ក្រៅពីនេះ សំណុំវត្ថុតាង ដែលពាក់ព័ន្ធនឹងការធ្វើទារុណកម្មនៅមន្ទីរសន្តិសុខ ស-២១ រួមមានខ្នោះ ដែកច្រវាក់ គ្រែសម្រាប់ធ្វើទារុណកម្ម និងឧបករណ៍ពាក់ព័ន្ធផ្សេងៗ ត្រូវបានគណៈកម្មាធិការប្រឹក្សាអន្តរជាតិរបស់អង្គការយូណេស្កូ បានសម្រេចដាក់បញ្ចូលក្នុងបញ្ជីស្មារតីចងចាំនៃពិភពលោក ជាផ្លូវការនៅទីក្រុងប្រ៊ីតថោន ប្រទេសបារបាដូស នៅថ្ងៃទី៣១ ខែកក្កដា ឆ្នាំ២០០៩។

30/07/2026

សូមអនុមោទនា ពិធីបុណ្យចូលព្រះវស្សា 🙏🪷

ពិធីបុណ្យចូលព្រះវស្សា គឺជាព្រះវិន័យ ដែលព្រះសម្មាសម្ពុទ្ធទ្រង់បញ្ញត្តិឡើង ដើម្បីឱ្យព្រះសង្ឃសាវ័កគ្រប់អង្គប្រតិបត្តិតាម ដែលមានរយៈពេល៣ខែ គឺចាប់ថ្ងៃ១រោច ខែអាសាឍ ដល់ទី១៥កើត ខែអស្សុជ។ ព្រះបរមសាស្តាទ្រង់បញ្ញត្តិឱ្យព្រះភិក្ខុសង្ឃគង់ចាំព្រះវស្សារយៈពេល៣ខែ ព្រោះមានមូលហេតុសំខាន់២ រួមមាន៖

១-ព្រះភិក្ខុទាំងហ្លាយត្រាច់ចរទៅកាន់ទីកន្លែងផ្សេងៗមានគួរខ្លះ មិនគួរខ្លះ មាននិមន្តជាន់លើភូតគាម ពីជគាម និងធញ្ញជាតិផ្សេងៗ ជាហេតុនាំឱ្យអ្នកស្រុករិះគន់ តិះដៀល និងពោលនូវទោសដល់ព្រះភិក្ខុសង្ឃ

ទី២-ព្រះពុទ្ធអង្គមានបំណងអនុគ្រោះដល់ព្រះភិក្ខុសង្ឃក្នុងសាសនា កុំឱ្យលំបាកក្នុងការធ្វើដំណើរនៅ រដូវវស្សាដែលមានភ្លៀងជោកជាំ។

តាមទម្លាប់ ពុទ្ធបរិស័ទក្នុងប្រទេសកម្ពុជា តែងតែនាំយកនូវទេយ្យទាន ដូចជា អង្ករ ទៀន ធូប ប្រេង ស្បង់ ចីវរ សំពត់សាដក និងគ្រឿងសម្ភារដទៃទៀត ទៅប្រគេនព្រះសង្ឃតាមវត្តអារាម ដើម្បីផ្គត់ផ្គង់ព្រះអង្គក្នុងអំឡុងពេលនៃការចូលព្រះវស្សានេះ។

ថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦

តំណតេលេក្រាម៖ 👉 https://t.me/uyfc_pp

29/07/2026

លោកជំទាវ ម៉ាណ ណាវី សមាជិកគណៈអចិន្ត្រៃយ៍ តំណាងឯកឧត្ដមប្រធាន ស.ស.យ.ក រាជធានីភ្នំពេញ និងឯកឧត្តម សុខ ពេញវុធ អភិបាលរង តំណាងឯកឧត្ដម អភិបាលនៃគណៈអភិបាលរាជធានីភ្នំពេញ បានអញ្ជើញជាគណៈអធិបតីក្នុងកម្មវិធីប្រកួតប្រជែង «ទិន្នផលបន្លែបង្ការ និងស្នាដៃធ្វើម្ហូប» ឆ្នាំ២០២៦។

ក្នុងគោលបំណងបណ្តុះបំណិនជីវិត លើកកម្ពស់ការដាំដុះ និងការបរិភោគបន្លែធម្មជាតិ បង្កើនស្មារតីស្រឡាញ់បរិស្ថាន គំនិតច្នៃប្រតិដ្ឋ និងសហគ្រិនភាពដល់សិស្សានុសិស្ស។

#សហភាពសហព័ន្ធយុវជនកម្ពុជារាជធានីភ្នំពេញ #បំណិនជីវិត #សិស្សកម្ពុជា #សាលារៀនកម្ពុជា

តំណតេលេក្រាម៖ 👉 https://t.me/uyfc_pp

29/07/2026

ធម៌កំពូល ៣ យ៉ាងរបស់មនុស្សត្រូវមានគឺ

១. សច្ចំ ពោលពាក្យទៀងត្រង់ ស្មោះត្រង់ជាមួយគ្នានិងគ្នា
២. ខន្តី អត់ធន់ អំណត់គ្រប់យ៉ាងចំពោះកិច្ចការងារផ្សេងៗ
៣. កតញ្ញូ ដឹងឧបការគុណរបស់អ្នកដទៃ ចំពោះខ្លួន ហើយត្រូវធ្វើតបវិញ

ធម៌ទាំង៣យ៉ាងនេះមានចំពោះបុគ្គលណា ហើយ រមែងចម្រើនសេចក្តីសុខគ្រប់កាលទាំងពួង

សូមអនុមោទនាថ្ងៃឧបោសថសីល🙏🏻🪷

តំណតេលេក្រាម៖ 👉 https://t.me/uyfc_pp

28/07/2026

សូមអនុមោទនា ពិធីបំបួសនាគខ្នាន

ពិធីបំបួសនាគ គឺជាពិធីបុណ្យប្រពៃណីដ៏សំខាន់មួយក្នុងព្រះពុទ្ធសាសនា ដែលមានប្រវត្តិបន្តតាំងពីបុរាណកាលមក និងផ្សារភ្ជាប់យ៉ាងជិតស្និទ្ធជាមួយជំនឿ វប្បធម៌ និងអត្តសញ្ញាណរបស់ប្រជាជនខ្មែរ។ ពិធីនេះរៀបចំឡើងសម្រាប់កុលបុត្រដែលមានសទ្ធាចិត្ត និងបំណងសាងផ្នួស ដើម្បីចូលសិក្សា និងប្រតិបត្តិតាមព្រះធម៌វិន័យ។ តាមទំនៀមព្រះពុទ្ធសាសនា បុគ្គលដែលត្រៀមចូលសាងផ្នួស ត្រូវបានហៅថា «នាគ» ដែលសំដៅលើបព្វជ្ជាបេក្ខៈ និងឧបសម្បទាបេក្ខៈ មុនពេលទទួលបព្វជ្ជា ឬឧបសម្បទាជាផ្លូវការ។ តាមពុទ្ធប្បវត្តិ ទំនៀមហៅអ្នកសុំបួសថា «នាគ» មានប្រភពពីរឿងនិទានអំពីនាគរាជមួយអង្គ ដែលមានសទ្ធាជ្រះថ្លាចំពោះព្រះពុទ្ធសាសនា បានកាឡាខ្លួនជាមនុស្ស ដើម្បីសុំបួសជាភិក្ខុ ប៉ុន្តែមិនអាចទទួលឧបសម្បទាបានតាមព្រះវិន័យ។ ដោយសារសេចក្តីស្មោះត្រង់ចំពោះព្រះសាសនា ទើបព្រះពុទ្ធទ្រង់អនុញ្ញាតឱ្យហៅបព្វជ្ជាបេក្ខៈ និងឧបសម្បទាបេក្ខៈថា «នាគ» ជាបន្តបន្ទាប់រហូតមក។

តាមទំនៀមប្រពៃណី ពិធីបំបួសនាគមានលំដាប់ពិធីជាច្រើន រួមមាន ពិធីកោរសក់ ពិធីជូនត្រ័យ ពិធីក្រុងពាលី ពិធីបង្វិលពពិល ពិធីធ្វើធ្មេញនាគ ពិធីកួចចំណងដៃនាគ ពិធីលាបប្រេងម្សៅ ពិធីចម្រើនព្រះបរិត្ត ពិធីហែនាគជុំវិញព្រះវិហារ ពិធីចូលព្រះវិហារ ពិធីនាគវន្ទាព្រះពុទ្ធរូប និងព្រះឧបជ្ឈាយ៍ ពិធីសុំនិស្ស័យ និងពិធីបំបួសតាមព្រះវិន័យ។ រាល់លំដាប់ពិធីទាំងនេះ សុទ្ធតែបង្កប់នូវអត្ថន័យនៃការត្រៀមកាយ វាចា និងចិត្ត ឱ្យបានបរិសុទ្ធ សមគួរចំពោះការសាងផ្នួស ព្រមទាំងបង្ហាញនូវសេចក្តីគោរពចំពោះព្រះរតនត្រ័យ ការដឹងគុណចំពោះមាតាបិតា និងលោកអ្នកមានគុណ និងការរួមចំណែកអភិរក្ស លើកតម្កើងព្រះពុទ្ធសាសនា និងមរតកប្រពៃណីដ៏ថ្លៃថ្លារបស់ជាតិឱ្យស្ថិតស្ថេរគង់វង្ស។

ថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦

តំណតេលេក្រាម៖ 👉 https://t.me/uyfc_pp

27/07/2026

មោទនភាពកម្ពុជា! សិស្សកម្ពុជាទទួលបានមេដាយ ២២១ និងពានរង្វាន់ ៧ ពីកម្មវិធីប្រកួតគណិតវិទ្យាអន្តរជាតិ SIMOC 2026 នៅប្រទេសសិង្ហបុរី។

សមិទ្ធផលនេះបានបង្ហាញពីសមត្ថភាព និងសក្តានុពលរបស់យុវជនកម្ពុជាក្នុងការប្រកួតប្រជែងលើឆាកអន្តរជាតិ និងសុទ្ធសឹងជាធនធានមនុស្សដ៏មានតម្លៃសម្រាប់ការរួមចំណែកកសាងសង្គមកម្ពុជាឱ្យមានការរីកចម្រើនជឿនលឿនប្រកបដោយនិរន្តរភាព។

តំណតេលេក្រាម៖ 👉 https://t.me/uyfc_pp

សហភាពសហព័ន្ធយុវជនកម្ពុជារាជធានីភ្នំពេញ

05/08/2026

04/08/2026

02/08/2026

31/07/2026

30/07/2026

30/07/2026

29/07/2026

29/07/2026

28/07/2026

27/07/2026

Address

Website

Alerts

Contact The Organization

Shortcuts

Share

Category

Listing takedown request