Social Action for Community and Development

04/04/2026

លោក ប៉ិក សម្បត្តិ តំណាងសហគមន៍ បាននិយាយថា៖ «បុណ្យពូជលើកទឹកចិត្តប្រជាពលរដ្ឋក្នុងសហគមន៍ ឲ្យយល់ដឹងពីការធ្វើកសិកម្មតាមបែបធម្មជាតិ ជាអាទិ៍ ការធ្វើកសិកម្មដោយមិនចាំបាច់ចំណាយថវិកា។ កម្មវិធីបុណ្យ មានបញ្ចូលការចែករំលែកបទពិសោធន៍ពីកសិករទៅកសិករ ស្តីពីបច្ចេកទេសកសិកម្មតាមបែបធម្មជាតិ ដូចជាការស្តារដី របៀបធ្វើជីធម្មជាតិ និងថ្នាំបណ្តេញសត្វល្អិតចង្រៃ និងផ្សព្វផ្សាយពូជបុរាណ នៅក្នុងសហគមន៍ត្រពាំងស្វាយរបស់យើងខ្ញុំ»។

04/04/2026

ព្រឹកថ្ងៃទី៤ ខែមេសា ឆ្នាំ២០២៦ - ដង្ហែក្បួនពូជ ទៅកាន់រោងបុណ្យពូជសហគមន៍ត្រពាំងស្វាយ ❤️🇰🇭

03/04/2026

សកម្មភាពលើកទង់ ដើម្បីបញ្ជាក់អំពីទីតាំងនៃបុណ្យពូជសហគមន៍ត្រពាំងស្វាយ។

03/04/2026

រសៀលថ្ងៃទី០៣ ខែមេសា ឆ្នាំ២០២៦ - បុណ្យពូជសហគមន៍ត្រពាំងស្វាយ ៖ ពិធីក្រុងពាលី។

25/03/2026

ខេត្តកំពង់ឆ្នាំង៖ មហាសន្និបាតបូកសរុបប្រចាំឆ្នាំ របស់សហគមន៍កសិកម្មអញ្ចាញរូងសម័យថ្មី
—————————
នៅព្រឹកថ្ងៃទី២៥ ខែមីនា ឆ្នាំ២០២៦ #សហគមន៍កសិកម្មអញ្ចាញរូងសម័យថ្មី បានប្រារព្ធរៀបចំកម្មវិធី អបអរសាទរ មហាសន្និបាតបូកសរុបប្រចាំឆ្នាំលើកទី១២ ស្ថិតក្នុងភូមិអណ្តូងរវៀង ឃុំអញ្ចាញរូង ស្រុកបរិបូរណ៌ ខេត្តកំពង់ឆ្នាំង។ កម្មវិធីនេះ មានការអញ្ជើញចូលរួមពីសមាជិកសហគមន៍កសិកម្មអញ្ចាញរូងសម័យថ្មី សហគមន៍កសិកម្មខេត្តពោធិ៍សាត់ អាជ្ញាធរដែនដី និងអង្គការដៃគូរ
ប្រមាណ១២៥នាក់។

តំណាងសហគមន៍បានលើកឡើងនៅវឌ្ឍនភាពលើការងារអភិវឌ្ឍក្នុងសហគមន៍ដូចជា៖ សេវាទឹកស្អាត ការផលិតមាន់នឹងពងមាន់ ការផលិតស្រូវ ការដាំដុះបន្លែ និងឥណទានក្នុងសហគមន៍។
តាមការលើកឡើងរបស់អ្នកតំណាងសហគមន៍បានបញ្ជាក់ថា សហគមន៍មានផែនការអភិវឌ្ឍបន្តរទៀតលើការងារដែលមានស្រាប់ និងពង្រីកការងារបន្ថែម ដើម្បីជួយដល់សមាជិកសហគមន៍ថ្មីៗបន្ថែមទៀត ក៏ដូចជាផ្តល់ជំនាញមុខរបរក្នុងគ្រួសារ និងការចិញ្ចឹមមាន់-ការដាំដុះក្នុងគ្រួសារ ដើម្បីជួយដោះស្រាយជីវភាពដល់សមាជិកដែលខ្វះខាត។

24/03/2026

ពលរដ្ឋនៅសៀមរាបជំរុញអាជ្ញាធរដោយះស្រាយករណីជនខិលខូចទន្ទ្រានយកដីឃ្លាំងទឹក៧៨ធ្វើកម្មសិទ្ធិ: https://shorturl.at/8uh6Q

18/03/2026

📰 តំណរភ្ជាប់សារព័ត៌មានដែលបានចុះផ្សាយអំពី"សហគមន៍ភ្នំក្រោម ក្នុងការស្នើរសុំចេញបណ្ណកម្មសិទ្ធិដីធ្លី និងការការពារទប់ស្កាត់ការជីកដីទន្ទ្រានដីទំនប់ឃ្លាំងទឹក៧៨"
-------------
១. អង្គការមណ្ឌលព័ត៌មានស្រ្តីកម្ពុជា៖ https://shorturl.at/D2Osz
២. Post News- សៀមរាបប៉ុស្ដិ៍៖ https://shorturl.at/l6tVt
៣. ព័ត៌មានពលរដ្ឋ - CJ News https://shorturl.at/SVoTm

18/03/2026

08/03/2026

ពិធីរំលឹកគុណ ប្រសីទ្ធីគ្រាប់ពូជបុរាណ និងចែករំលែកពូជ។

08/03/2026

កសិករ នឹម ឈៀង សហគមន៍នេសាទស្តីក្រោមរហាសួង ខេត្តបាត់ដំបង

“ការធ្វើកសិកម្មតាំងពីបុរាណកាល/សម័យមហានគរមក បានជួយអោយប្រជាពលរដ្ឋរស់នៅដោយមានជីវភាពប្រសើរ និងមានសុខភាពល្អ។ ដោយឡែក នាពេលបច្ចុប្បន្នកសិករយើងរងគ្រោះដោយទំនើបកម្ម គ្រឿងចក្រកសិកម្ម ការប្រើប្រាស់គីមីច្រើនលើសលប់ ដែលបានបំពុលទឹក ដី ខ្យល់យ៉ាងខ្លាំង។ ជាក់ស្តែក នៅក្នុងឆ្នាំ២០០៥ ខ្ញុំ និងគ្រួសារមានជីវភាពលំបាកជាខ្លាំង និងធ្លាក់ខ្លួនក្នុងស្ថានភាពបំណុលដែលមួយផ្នែកធំមកពីការចំណាយលើធាតុចូលកសិកម្ម ជី ថ្នាំ ពូជ ជាដើម។ ឧត្តមភរិយាខ្ញុំ ក៏ទទួលរងនូវផលប៉ះពាល់ផងដែរ តាមការហូបចុកបន្លែ ត្រី អង្ករ ដែលមានជាតិគីមីបណ្តាអោយគាត់កើតជំងឺទឹកនោមផ្អែម។
ក្រោយស្ថានភាពនេះកើតឡើង ខ្ញុំនឹងគ្រួសារបានចាប់ផ្តើមផ្លាស់ប្តូរទម្លាប់ពីការប្រើគីមី ចាប់ផ្តើមផលិតជី ថ្នាំធម្មជាតិ រក្សាទុកពូជ និងដាំដុះបន្លែដំណាំចម្រុះ/ឆ្លាស់តាមរដូវកាល ជីកស្រះរក្សាទុកត្រីធម្មជាតិឡើងវិញ។

ជាលទ្ធផល ឧត្តមភរិយាខ្ញុំ បានរស់នៅជាមួយខ្ញុំ៣១ឆ្នាំហើយតាមរយៈការដាំដុះ និងហូបចុកបន្លែដែលដាំដុះផ្ទាល់ដៃ។ ចំណូលខ្ញុំបានតិច តែខ្ញុំបានកាប់កោះ ដាំដុះដោយប្រើកម្លាំងខ្លួនឯង ជាហេតុចំណាយតិច និងពេលខ្លះមិនចំណាយថវិការ ដែលខ្ញុំអាចសន្សំនិងអាចដោះស្រាយបំណុលបានជាបន្តរបន្ទាប់។”