20/09/2026
ថ្ងៃសៅរ៍ ៨កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែកញ្ញា ឆ្នាំ២០២៦ ឯកឧត្តម យ៉ន ទាយាទ ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានសមាគមយុវជនតេជោសប្បុរស បានដឹកនាំសមាជិកចុះសួរសុខទុក្ខអត្តពលិកបាល់បោះរទេះជនពិការ ដោយបាននាំយកមកជាមួយនូវសម្ភារប្រើប្រាស់រួមទាំងគ្រឿងបរិភោគ និងថវិកាមួយចំនួន ដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងការការផ្តល់កម្លាំងចិត្ត លើកទឹកចិត្ត និងគាំទ្រដល់ការហ្វឹកហាត់របស់ក្រុមកីឡាការិនីជម្រើសជាតិ ដែលត្រៀមចូលរួមប្រកួតក្នុងព្រឹត្តិការណ៍អាស៊ីប៉ារ៉ាហ្គេមលើកទី៥ នៅខែតុលា ឆ្នាំ២០២៦ នៅប្រទេសជប៉ុនខាងមុខនេះ។ ព្រមទាំងជូនពរឱ្យក្រុមកីឡាការិនីបាល់បោះរទេះជនពិការ ទទួលបានជោគជ័យ និងសម្រេចបានលទ្ធផលល្អប្រសើរនៅក្នុងព្រឹត្តិការណ៍នេះ។
