12/08/2026
#ខួបអនុសញ្ញាទីក្រុងហ្សឺណែវ ១២ សីហា ឆ្នាំ១៩៤៩
អនុសញ្ញាហ្សឺណែវ ថ្ងៃទី១២ ខែសីហា ឆ្នាំ១៩៤៩ គឺជាកម្រងអនុសញ្ញាក្រុងហ្សឺណែវចំនួន៤ រួមបញ្ចូលគ្នា ក្នុងនោះរួមមាន៖ ១. អនុសញ្ញាហ្សឺណែវទី១ ឆ្នាំ១៨៦៤ ស្តីពីការការពារ និងធ្វើឲ្យប្រសើរឡើង អ្នករបួស និងអ្នកជំងឺ ក្នុងសមរភូមិដែនគោក, ២. អនុសញ្ញាហ្សឺណែវទី២ ឆ្នាំ១៩០៧ ស្តីពីការធ្វើឲ្យប្រសើរឡើង កិច្ចការពារអ្នករបួស និងអ្នកជំងឺ ឬ សមាជិកនៃកងកម្លាំងប្រដាប់អាវុធ ក្នុងសមរភូមិដែនទឹក, ៣. អនុសញ្ញាហ្សឺណែវទី៣ ឆ្នាំ១៩២៩ កំណត់នីតិវិធី បែបបទការពារ និងថែរក្សាឈ្លើយសឹក និងបង្កើតឱ្យមានសេវាកម្មស្រាវជ្រាវរកគ្រួសារ និងបញ្ជូនសារកាកបាទក្រហម, ៤. អនុសញ្ញាហ្សឺណែវទី៤ ឆ្នាំ១៩៤៩ ស្តីពីការការពារជនស៊ីវិលក្នុងពេលមានសង្គ្រាម។
ប្រទេសហត្ថលេខីនៃអនុសញ្ញាហ្សឺណែវ ត្រូវទទួលយកកាតព្វកិច្ច គោរព និងធានាការគោរពអនុសញ្ញាហ្សឺណែវ។ ការគោរពច្បាប់មនុស្សធម៌អន្តរជាតិ ជាកាតព្វកិច្ចរួមរបស់រដ្ឋភាគីនៃអនុសញ្ញា និងពលរដ្ឋម្នាក់ៗ (យុទ្ធជន និង ប្រជាពលរដ្ឋទូទៅ)៕
