Youth Voices for Development

01/09/2026

ថ្ងៃទី ២៦ ខែសីហា ឆ្នាំ២០២៦
យុវជនមកពី ក្រុមសម្លេងយុវជនដើម្បីការអភិវឌ្ឍន៍ (Youth Voice for Development – YVD) បានចូលរួមក្នុង វគ្គបណ្ដុះបណ្ដាលស្តីពីការផលិតវីដេអូមូលដ្ឋានសម្រាប់យុវជន ដែលរៀបចំឡើងដោយ គណៈកម្មាធិការសហប្រតិបត្តិការដើម្បីកម្ពុជា (CCC)។

វគ្គបណ្ដុះបណ្ដាលនេះផ្តោតលើការពង្រឹងចំណេះដឹង និងជំនាញជាក់ស្តែងរបស់យុវជនក្នុងការផលិតមាតិកាវីដេអូ ដើម្បីអាចប្រើប្រាស់ឧបករណ៍ឌីជីថល និងបង្ហាញសម្លេង គំនិត និងរឿងរ៉ាវរបស់យុវជនបានកាន់តែច្បាស់ និងទាក់ទាញ។

- ក្នុងវគ្គនេះ យុវជនបានសិក្សា និងអនុវត្តជាក់ស្តែងលើ៖
- ការធ្វើ Vox Pop និង Video Interview
- ការថត B-roll
- ការប្រើប្រាស់ Camera/Phone Camera
Framing, Composition និង Camera Angles
- ការរៀបចំគំនិត និងផលិតវីដេអូជាក្រុម។

🌱 YVD ជឿជាក់ថា សម្លេងរបស់យុវជនអាចកាន់តែមានឥទ្ធិពល នៅពេលយើងអាចប្រាប់រឿងរ៉ាវ និងបង្ហាញសាររបស់យើងតាមរយៈមាតិកាដែលមានគុណភាព និងមានការទទួលខុសត្រូវ។

🙏 សូមអរគុណ CCC សម្រាប់ការរៀបចំវគ្គបណ្ដុះបណ្ដាលដ៏មានអត្ថប្រយោជន៍នេះ និងសម្រាប់ឱកាសឱ្យយុវជនបានរៀនសូត្រ អនុវត្ត និងបង្កើនសមត្ថភាពក្នុងការប្រើប្រាស់វីដេអូជាឧបករណ៍សម្រាប់ការបញ្ចេញសម្លេង និងការចែករំលែកសារសំខាន់ដល់សង្គម។ 💙

29/08/2026

📚✨ សមាជិកនៃ ក្រុមសម្លេងយុវជនដើម្បីការអភិវឌ្ឍន៍ (YVD) បានចូលរួមកម្មវិធី « ការលើកកម្ពស់ការចូលរួមរបស់កុមារ និងយុវជនក្នុងការរៀបចំផែនការ និងថវិកាឃុំ-សង្កាត់ »🤝💙

នាថ្ងៃទី ២៤–២៥ ខែសីហា ឆ្នាំ២០២៦ យុវជនមកពី ក្រុមសម្លេងយុវជនដើម្បីការអភិវឌ្ឍន៍ (YVD) បានចូលរួមក្នុង សិក្ខាសាលាពង្រឹងសមត្ថភាព ស្ដីពីការលើកកម្ពស់ការចូលរួមរបស់កុមារ និងយុវជនក្នុងប្រព័ន្ធថវិកា និងផែនការថវិកាឃុំ-សង្កាត់ ដែលរៀបចំឡើងដោយ Cambodia Children and Young People Movement for Child Rights (CCYMCR) និង NGOF។

🎯 តាមរយៈសិក្ខាសាលានេះ យុវជន YVD បានស្វែងយល់ និងពង្រឹងចំណេះដឹងអំពី ប្រព័ន្ធថវិកា និងផែនការថវិកាឃុំ-សង្កាត់ តួនាទីរបស់រដ្ឋបាលថ្នាក់ក្រោមជាតិ និងលទ្ធភាពចូលរួមរបស់កុមារ និងយុវជនក្នុងដំណើរការរៀបចំផែនការ និងថវិកា។

💡 លើសពីការរៀនសូត្រ អ្នកចូលរួមក៏បានចូលរួមក្នុងសកម្មភាពជាក្រុម ការអនុវត្តតួនាទី និងការរៀបចំផែនការសកម្មភាព ដើម្បីបន្តធ្វើការជាមួយអាជ្ញាធរឃុំ-សង្កាត់ និងលើកកម្ពស់សម្លេងរបស់កុមារ និងយុវជននៅក្នុងសហគមន៍។

🌱 YVD ជឿជាក់ថា ការចូលរួមរបស់យុវជននៅក្នុងការរៀបចំផែនការ និងថវិកាមូលដ្ឋាន គឺជាជំហានសំខាន់មួយក្នុងការធ្វើឱ្យការអភិវឌ្ឍនៅមូលដ្ឋានកាន់តែឆ្លើយតបនឹងតម្រូវការ និងអាទិភាពរបស់កុមារ និងយុវជន។

🙏 សូមអរគុណ CCYMCR និង NGOF សម្រាប់ការរៀបចំ និងផ្តល់ឱកាសដ៏មានតម្លៃដល់កុមារ និងយុវជនក្នុងការរៀនសូត្រ ចែករំលែក និងពង្រឹងសមត្ថភាពរបស់ខ្លួន។

27/08/2026

📣 YVD ចូលរួមសិក្ខាសាលាបណ្ដុះបណ្ដាលតស៊ូមតិរួមគ្នា ស្ដីពីសិទ្ធិកុមារ និងអភិបាលកិច្ចមូលដ្ឋាន 🤝💙

នាថ្ងៃទី ២០–២១ ខែសីហា ឆ្នាំ២០២៦ ក្រុម សម្លេងយុវជនដើម្បីការអភិវឌ្ឍន៍ (Youth Voice for Development – YVD) ក្រោមការជំរុញ និងគាំទ្រពី (CCYMCR) បានបញ្ជូនសមាជិកក្លឹបចំនួន ០៥ នាក់ ចូលរួមក្នុង សិក្ខាសាលាបណ្ដុះបណ្ដាលតស៊ូមតិរួមគ្នា ស្ដីពីសិទ្ធិកុមារ និងអភិបាលកិច្ចមូលដ្ឋាន ដែលរៀបចំដោយ អង្គការសម្ព័ន្ធភាពដៃគូដើម្បីការអភិវឌ្ឍតាមបែបប្រជាធិបតេយ្យ (CPDD)។

🎯 សិក្ខាសាលានេះមានគោលបំណងពង្រឹងចំណេះដឹង ជំនាញ និងកិច្ចសហការរវាងរដ្ឋបាលថ្នាក់ក្រោមជាតិ អង្គការសង្គមស៊ីវិល និងបណ្ដាញដឹកនាំដោយកុមារ និងយុវជន ដើម្បីលើកកម្ពស់ការតស៊ូមតិរួមគ្នាប្រកបដោយប្រសិទ្ធភាព និងជំរុញឱ្យការរៀបចំផែនការ ការរៀបចំថវិកា ការសម្រេចចិត្ត និងការផ្តល់សេវាសាធារណៈនៅថ្នាក់មូលដ្ឋាន កាន់តែឆ្លើយតបទៅនឹង សិទ្ធិ តម្រូវការ និងអាទិភាពរបស់កុមារ។

📚 តាមរយៈការចូលរួម សមាជិក YVD ទាំង ០៥ នាក់ បានទទួលនូវចំណេះដឹង និងបទពិសោធន៍បន្ថែមពាក់ព័ន្ធនឹង សិទ្ធិកុមារ ការចូលរួមរបស់កុមារ និងយុវជន ការតស៊ូមតិគោលនយោបាយ ការបង្កើតសារតស៊ូមតិផ្អែកលើភស្តុតាង និងការរៀបចំផែនការសកម្មភាពរួមគ្នា។

🌱 YVD ជឿជាក់ថា សម្លេងរបស់កុមារ និងយុវជន គឺជាផ្នែកដ៏សំខាន់ក្នុងការកសាងអភិបាលកិច្ចមូលដ្ឋានដែលមានការចូលរួម បរិយាបន្ន និងឆ្លើយតបចំពោះតម្រូវការរបស់កុមារ។

អរគុណ CPDD និង CCYMCR សម្រាប់ឱកាសដ៏មានតម្លៃនេះ ដែលបានផ្តល់កន្លែងឱ្យយុវជនរៀនសូត្រ ចែករំលែក និងបង្កើនសមត្ថភាព ដើម្បីបន្តលើកកម្ពស់សិទ្ធិកុមារ និងការចូលរួមរបស់យុវជននៅក្នុងសហគមន៍។ 💙

12/08/2026

អបអរទិវាយុវជនអន្តរជាតិ 12 សីហា 2026
Happy international youth day 12 august 2026 ❤️
#ទិវាយុវជន

29/03/2026

ថ្ងៃអាទិត្យទី29 ខែមិនា ឆ្នាំ2026 ក្រុមសម្លេងយុវជនដើម្បីការអភិវឌ្ឍន៍របស់យើងបានបញ្ចូលនូវសមាជិកក្រុម2រូបគឹ
- យុវតី សួន លាភា
- យុវជន ខន សុវណ្ណរាជ
ចូលរួមក្នុងកម្មវិធី សិក្ខាសាលាពិគ្រោះយោបល់កុមារស្តីពី « ការរៀបចំសេចក្ដីថ្លែងការរបស់កុមារ »

ក្រោមការគាំទ្រពីអង្គការសង្គ្រោះកុមារ Save the Children លើគម្រោងពង្រឹងសមត្ថភាពអង្គការសង្គមស៊ីវិលដើម្បីសិទ្ធិកុមារ ពីឆ្នាំ២០២៥ ដល់២០២៨ ចលនាកុមារ និងអង្គការដៃគូពាក់ព័ន្ធផ្សេងទៀតបានសហការគ្នារៀបចំសិក្ខាសាលាពិគ្រោះយោបល់កុមារស្ដីពី «ការរៀបចំសេចក្ដីថ្លែងការណ៍កុមារ»នៅថ្ងៃអាទិត្យ ទី២៩ខែមីនា ឆ្នាំ២០២៦។

គោលបំណង
➢ ពិគ្រោះយោបល់ជាមួយកុមារដើម្បីប្រមូលធាតុចូលរបស់កុមារសម្រាប់រៀបចំសេចក្ដីថ្លែងការណ៍កុមារដាក់ទៅក្រសួងពាក់ព័ន្ធ កម្មវិធីវេទិកាកុមារ និងអ្នកធ្វើគោលនយោបាយ និងទិវាកុមារអន្តរជាតិឆ្នាំ២០២៦។
ដោយមានការផ្ដល់ឱកាសពីសំណាក់ Cambodia Children and Young People Movement for Child Rights ។

21/03/2026

ថ្ងៃសៅរ៍ ទី21 ខែមិនា ឆ្នាំ2026
យុវជន អ៊ុន បញ្ញា ប្រធានក្លឹបសម្លេងយុវជនដើម្បីការអភិវឌ្ឍន៍ បានធ្វើបទបង្ហាញ ក៏ដូចជាណែនាំអំពីគម្រោងនៃក្លឹបទៅកាន់យុវជនដែលបានចូលរួមនៅក្នុងកម្មវិធី ការអបអរសាទរលទ្ធផលនៃការប្រកួតផលិតវិដេអូយុវជន ស្ដីពី បទពិសោធន៍យុវជនក្នុងការអនុវត្តសិទ្ធិក្នុងការចូលរួមសកម្មភាពបរិស្ថាន ដោយក្នុងនោះយុវជនតំណាងក្លឹបរបស់យើងបានចែករំលែកអំពី
- ក្លឹបសម្លេងយុវជនដើម្បីការអភិវឌ្ឍន៍
- សកម្មភាព
- ផែនការក្នុងការអនុវត្តន៍គម្រោងនាពេលខាងមុនអំពីការប្រែប្រួលអាកាសធាតុ
ដោយមានការផ្ដល់ឱកាសពី អង្គការ YRDP ។

13/03/2026

20/01/2026

We are back