10/06/2026
នៅថ្ងៃ អាទិត្យ ទី7 ខែ មិថុនា ឆ្នាំ 2026 សៀវភៅមួយសហគមន៍មួយ(OBOC) បានចុះទៅកាន់ខេត្តកំពត ដើម្បីផ្ដល់សៀវភៅដល់បណ្ណាល័យសហគមន៍ក្នុងខេត្តកំពតមានឈ្មោះ ( @វេទិកាអនាគត ) ក្នុងគោលបំណងចង់ឲ្យប្រជាជននៅក្នុងសហគមន៍មានសៀវភៅសម្រាប់អានដើម្បីបង្កើនពុទ្ធិ ។ ហើយក្រុមពួកយើងក៏បាននាំមកនូវភាពសប្បាយរីករាយជាមួយប្អូនៗ ក្មេងៗ ដែលបានទទួលសៀវភៅថ្មីៗសម្រាប់អាន ដោយឃើញបណ្ណាល័យមិនទាន់មានភាពទាក់ទាញ ពួកយើងបានជួយសម្អាតសៀវភៅចាស់ៗពីធូលីដី ហើយរៀបទៅតាមផ្នែកនិងប្រភេទសៀវភៅនីមួយៗដើម្បីអោយពួកគាត់ស្រួលយក ស្រួលអាន ហើយត្រូវនឹងវ័យរបស់ពួកគាត់ ដែលអាចបង្កើននូវចំណង់អានជាង ។ ក្រោយពីបានរៀបចំសោភ័ណ្ឌភាពបណ្ណាល័យឲ្យស្អាត និងមានសណ្តាប់ធ្នាប់ជាងមុន អំឡុងពេលនោះផងដែរ យើងមានសកម្មភាពសប្បាយៗ និងអប់រំជាច្រើនដែលបានចែករំលែករវាងក្រុមការងារ OBOC យើងនិងក្មេងៗ ដូចជា ការនិទានរឿង (storytelling) , ការសង្ខេបរឿង, ការត្តេសសាកល្បង ការរៀនភាសាអង់គ្លេសតាមវីដេអូ (Online English learning program) ដល់ពួកគាត់,ការលេងហ្គេម,សួរសំណួរអប់រំដោយផ្ដល់ជារង្វាន់លើកទឹកចិត្តជាដើម ដើម្បីបង្កើនភាពក្លាហានដល់ពួកគាត់ ព្រមទាំងជួយជាចំណែកមួយផ្នែកក្នុងការធ្វើអោយពួកគាត់ចង់ចេះ ចង់អានច្រើនជាងមុន។
កម្មវិធីរបស់OBOCមាន4ដូចជា
កម្មវិធីអភិវឌ្បន៍បណ្ណាល័យ
កម្មវិធីបណ្ណាល័យចល័ត
កម្មវិធីអភិវឌ្ឍន៍យុវជន
និងកម្មវិធីរៀបចំតាំងពិព័រណ៍សៀវភៅជាដើម។
យុទ្ធនាការ សៀវភៅ១ សហគមន៍១
One Book One Community (OBOC)
Facebook: fb.com/1book1com
Telegram: t.me/OneBookOneCommunity
Youtube: www.youtube.com/
TikTok: www.tiktok.com/
Serey: https://oboc.serey.io
