សមាគមអ្នកស្រលាញ់បរិស្ថាន និងសង្គមប្រចាំខេត្តបាត់ដំបង

29/05/2026

ការចូលរួមថែរក្សាបរិស្ថានអាចចាប់ផ្តើមបានយ៉ាងងាយស្រួលតាមរយៈការកែប្រែទម្លាប់ប្រើប្រាស់ប្រចាំថ្ងៃ ✋🚫
យើងអាចចាប់ផ្តើមដោយការបដិសេធមិនប្រើប្រាស់សម្ភារៈប្លាស្ទិកដែលប្រើបានតែម្តងរួចបោះចោលដូចជា ដប កែវ និងបំពង់បឺតប្លាស្ទិក។ ការកាត់បន្ថយការប្រើប្រាស់សម្ភារៈទាំងនេះតាមរយៈការដំឡើងម៉ាស៊ីនចម្រោះទឹក និងការប្រើប្រាស់ថង់បរិស្ថាន គឺជាការរួមចំណែកកាត់បន្ថយសំណល់ប្លាស្ទិកយ៉ាងមានប្រសិទ្ធភាព។ បន្ថែមពីនេះ ការជ្រើសរើសប្រើប្រាស់សម្ភារៈដែលប្រើបានយូរអង្វែងដូចជា ដបទឹកដែក ថង់ក្រណាត់ ឬចានស្រាក់ និងការចាត់ចែងទុកដាក់សម្រាមប្លាស្ទិកឱ្យបានត្រឹមត្រូវដើម្បីកែច្នៃឡើងវិញ សុទ្ធតែជាសកម្មភាពចាំបាច់ក្នុងការរក្សាតុល្យភាពប្រព័ន្ធអេកូឡូស៊ី។ ការចែករំលែកចំណេះដឹងទាំងនេះទៅកាន់មនុស្សជុំវិញខ្លួន គឺជាការបណ្តុះស្មារតីស្រលាញ់បរិស្ថានឱ្យកាន់តែទូលំទូលាយ ដើម្បីធានាបាននូវអនាគតដ៏ស្អាតបាត និងមាននិរន្តរភាពសម្រាប់យើងទាំងអស់គ្នា។

09/05/2026

សម្ដេច​មហា​បវរ​ធិបតី​ ហ៊ុន​ ម៉ាណែត​ នាយករដ្ឋមន្ត្រី​នៃព្រះរាជាណាចក្រកម្ពុជា​ តែ​ងតែ​យកចិត្ត​ទុកដាក់​ចំពោះ​ជាតិ​មាតុភូមិ​🙏❤️️🇰🇭

07/05/2026

សេចក្ដីសម្រេច ស្ដីពី បន្ថែមតួនាទី និងភារកិច្ចជូនលោក នួម សីហា បច្ចុប្បន្នឧត្ដមទីប្រឹក្សាជាន់ខ្ពស់ ទៅជាប្រធានប្រតិបត្តិសមាគមអ្នកស្រលាញ់បរិស្ថាន និងសង្គម ខេត្តបាត់ដំបង។

អនុប្រធាន ក្រុមប្រឹក្សាព្រឹទ្ធាចារ្យ និងសាមីខ្លួនដូចមានចែងក្នុងប្រការ១ខាងលើ ត្រូវទទួលបន្ទុកអនុវត្តសេចក្ដីសម្រេចនេះឱ្យមានប្រសិទ្ធភាពខ្ពស់។

ថ្ងៃព្រហស្បតិ៍ ៦រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែឧសភា ឆ្នាំ២០២៦៕

07/03/2026

សារលិខិតជូនពរ របស់ថ្នាក់ដឹកនាំ សមាជិក សមាជិកា នៃសមាគមអ្នកស្រលាញ់បរិស្ថាន និងសង្គម ក្នុងឱកាសអបអរសាទរខួបលើកទី១១៥ ទិវាអន្តរជាតិនារី ៨មីនា ឆ្នាំ២០២៦
-----
នៅក្នុងឱកាសដ៏មហាសិរីមង្គលាភិរម្យថ្លៃថ្លានៃការប្រារព្ធខួបលើកទី១១៥ នៃទិវាអន្តរជាតិនារី ៨មីនា ឆ្នាំ២០២៦ ក្រោមប្រធានបទ «សន្តិភាព និងសន្តិសុខសម្រាប់ស្ត្រី និងគ្រួសារ» ដែលជាព្រឹត្តិការណ៍នៅទូទាំងសកលលោក ហើយដែលនារីនៅទូទាំងព្រះរាជាណាចក្រកម្ពុជា កំពុងតែមានសេចក្តីសោមនស្សរីករាយអបអរសាទរចំពោះទិវាជាប្រវត្តិសាស្ត្រនេះ ក្នុងគោលបំណងរម្លឹកពីប្រវត្តិ នៃការតស៊ូទាមទារសិទ្ធិសេរីភាព និងឆ្លុះបញ្ចាំងពីការវិវឌ្ឍប្រែប្រួលរីកចម្រើនសមិទ្ធផល បញ្ហាប្រឈម ការប្តេជ្ញាចិត្ត និងវិធានការជាវិជ្ជមាននានា ក្នុងការលើកកម្ពស់សមភាពយេនឌ័រ និងបង្កើនភាពអង់អាចដល់ស្ត្រី។ ទិវាអន្តរជាតិនារី ត្រូវប្រារព្ធឡើងជារៀងរាល់ឆ្នាំនៅថ្ងៃទី៨ ខែមីនា។ ទិវានេះ ជាថ្ងៃដ៏សំខាន់បំផុតក្នុងមួយឆ្នាំដើម្បីគោរពសមិទ្ធផលរបស់ស្ត្រី ការអប់រំ និងលើកកម្ពស់ការយល់ដឹងអំពីសិទ្ធិស្មើគ្នារបស់ស្ត្រី ការអំពាវនាវឱ្យមានការផ្លាស់ប្តូរជាវិជ្ជមានដើម្បីលើកកម្ពស់វឌ្ឍនភាពរបស់ស្ត្រី។

មានសន្តិភាព មានការលើកកម្ពស់សមភាពយេនឌ័រ គឺតម្លៃដែលមិនអាចកាត់ថ្លៃបាន នៃសន្តិភាព និង អរគុណសន្តិភាព ដែលបានប្រែក្លាយប្រទេសកម្ពុជាពីគំនរផេះផង់ ការបែកបាក់ជាតិ និងការបែងចែកទឹកដី ទៅជាជាតិមាតុភូមិមួយ ប្រកបដោយសុខសន្តិភាព ស្ថេរភាព សិទ្ធិសេរីភាព លិទ្ធិប្រជាធិបតេយ្យសេរីពហុបក្ស នីតិរដ្ឋ និងការអភិវឌ្ឍ ខ្លាំងក្លាលើគ្រប់វិស័យ ព្រមទាំងជាប្រទេសមួយដែលបានចូលរួមដោយស្មើភាព និងស្មើសិទ្ធិជាមួយបណ្ត ប្រទេសនានា នៅក្នុងតំបន់និងលើសកលោកផងដែរ។ សមភាពយេនឌ័រជាកត្តាចម្បងក្នុងការធានានូវចីរភាពនៃសន្តិភាព និងកិច្ចអភិវឌ្ឍន៍ហើយស្ត្រីគឺជាតួអង្គរួមចំណែកដ៏ សំខាន់ និងមិនអាចខ្វះបានក្នុងការធានាបាននូវប្រសិទ្ធភាព បរិយាប័ន្ន និងនិរន្ដរភាពយូរអង្វែងនៃសន្តិភាព។

យើងខ្ញុំ សូមសម្ដែងនូវមនោសញ្ចេតនាសោមនស្សរីករាយឥតឧបមា និងសូមចូលរួមជូននូវសព្ទសាធុការពរជ័យ ប់វរសួស្ដី សិរីមង្គល វិបុលសុខ មហាប្រសើរគ្រប់ប្រការប្រកបដោយសេចក្ដីគោរពស្រឡាញ់យ៉ាងជ្រាលជ្រៅ ចំពោះស្រ្តីគ្រប់រូប សូមបានសមប្រកបទៅដោយបញ្ញាញាណភ្លឺថ្លា កាយពលរឹងមាំ សុខភាពល្អបរិបូណ៍ ជន្មាយុយឺនយូរ និងប្រកបដោយប្រាជ្ញាស្មារតីក្លាយជាធនធានមនុស្សប្រកបដោយសក្ដានុពល របស់គ្រួសារ សង្គម និងជាសសរទ្រូងសម្រាប់ជាតិមាតុភូមិ៕

ថ្ងៃសៅរ៍ ៤រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៧ ខែមីនា ឆ្នាំ២០២៦

26/12/2025

https://www.facebook.com/share/p/1BvHvhjMMY/?mibextid=wwXIfr

សូមមេត្តាបន្តជួយបន្ថែមទៀត!
ឥឡូវនៅខាង EAT MORE ត្រូវការស្បៀងបន្ថែមទៀត ព្រោះភៀសសឹកបានកើនឡើងដល់ជាងកន្លះលាននាក់! ឥឡូវនេះជំនួយរបស់យើងថយចុះ សូមមេត្តាអ្នកទាំងអស់គ្នា បន្តរួបរួមកម្លាំងគ្នាបន្តទៀត🇰🇭
សូមអរគុណ🙏🇰🇭

25/12/2025

25/12/2025

លោក​ ចេង​ ភារ៉ា​ ប្រធានប្រតិបត្តិសមាគមអ្នកស្រលាញ់បរិស្ថាន និងសង្គម​ខេត្តបាត់​ដំបង បានចេញញត្តិថ្កោលទោសញត្តិថ្កោលទោសសង្គ្រាមឈ្លានពានរបស់ថៃមកលើអធិបតេយ្យភាពនៃព្រះរាជាណាចក្រកម្ពុជា
-----
ខ្ញុំបាទ ចេង​ ភារ៉ា​ ប្រធានប្រតិបត្តិសមាគមអ្នកស្រលាញ់បរិស្ថាន និងសង្គម​ខេត្តបាត់​ដំបង សូមប្រកាសថ្កោលទោសយ៉ាងដាច់អហង្ការបំផុតចំពោះទង្វើឈ្លានពានយ៉ាងព្រៃផ្សៃរបស់កងកម្លាំងយោធាថៃមកលើដែនអធិបតេយ្យភាពរបស់ព្រះរាជាណាចក្រកម្ពុជា ចាប់ពីថ្ងៃទី៧ ខែធ្នូ ឆ្នាំ២០២៥ និងបន្តរហូតមក ដល់បច្ចុប្បន្ននេះ ដែលបានបណ្តាលឱ្យប្រជាជនស៊ីវិលស្លូតត្រង់កម្ពុជាបានបាត់បង់ជីវិត និងរងរបួសជាច្រើននាក់ ព្រមទាំងខូចខាតហេដ្ឋារចនាសម្ព័ន្ធ សាធារណៈ សាលារៀន មន្ទីរពេទ្យ លំនៅដ្ឋានប្រជាពលរដ្ឋ និងទ្រព្យសម្បត្តិយ៉ាងច្រើនសន្ធឹកសន្ធាប់ ជាពិសេសបានធ្វើឱ្យប្រជាពលរដ្ឋរាប់សែននាក់បាត់បង់ទី លំនៅ និងកុមាររាប់ម៉ឺននាក់មិនបាន សិក្សារៀនសូត្រ។

ថ្ងៃព្រហស្បតិ៍ ៦កើត ខែបុស្ស ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៥ ខែធ្នូ ឆ្នាំ២០២៥៕

02/12/2025

សេចក្ដីសម្រេច ស្ដីពី ការតែងតាំង លោក ហាំ សារ៉ាត់ ទីប្រឹក្សាសមាគមអ្នកស្រលាញ់បរិស្ថាន និងសង្គម ខេត្តបាត់ដំបង។

អនុប្រធាន ក្រុមប្រឹក្សាព្រឹទ្ធាចារ្យ និងសាមីខ្លួនដូចមានចែងក្នុងប្រការ១ខាងលើ ត្រូវទទួលបន្ទុក អនុវត្តសេចក្តីសម្រេចនេះឱ្យមានប្រសិទ្ធភាពខ្ពស់។

13/11/2025

ញត្តិថ្កោលទោស
ចំពោះការប្រើប្រាស់ហិង្សាដោយភាគីថៃលើប្រជាពលរដ្ឋស៊ីវិលកម្ពុជា
នៅភូមិព្រៃចាន់ ខេត្តបន្ទាយមានជ័យ
-----
យើងខ្ញុំជាថ្នាក់ដឹកនាំ និងសមាជិក សមាជិកា ទាំងអស់នៃសមាគមអ្នកស្រលាញ់បរិស្ថាន និងសង្គម សូមធ្វើការថ្កោលទោសចំពោះការប្រើប្រាស់អំពើហិង្សារបស់ភាគីថៃមកលើប្រជាពលរដ្ឋស៊ីវិលស្លូតត្រង់កម្ពុជានៅភូមិព្រៃចាន់ នាល្ងាចថ្ងៃទី១២ ខែវិច្ឆិកា ឆ្នាំ ២០២៥ នេះ ដែលបណ្តាលឱ្យប្រជាពលរដ្ឋស៊ីវិលស្លូតត្រង់កម្ពុជារបួសធ្ងន់ធ្ងរ៣នាក់ និងស្លាប់បាត់បង់ជីវិត១នាក់។

ថ្ងៃព្រហស្បតិ៍ ៨រោច ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៥៕