05/05/2026
គម្រោងសាងសង់អគារសិក្សាថ្មីមួយខ្នងដែលមាន ០៥បន្ទប់ ក្រោមគំនិតផ្តួចផ្តើមដោយអគ្គនាយកដ្ឋានសម្ភារៈបច្ចេកទេស ក្រសួងការពារជាតិនៃព្រះរាជាណាចក្រកម្ពុជា ឧត្ថម្ភថវិកាធំដោយក្លឹបឡាយអិន អាំប៉ាង ប្រទេសម៉ាឡេស៊ី សហការជាមួយនឹងមូលនិធិសៅសារី។ គម្រោងនេះនឹងផ្តល់អោយនូវអគារសិក្សាថ្មីស្រឡាងមួយខ្នងសម្រាប់ដំណាក់កាលទី១ និងផែនការអភិវឌ្ឍរយៈពេល ៥ឆ្នាំ ចាប់ពីឆ្នាំ២០២៦នេះតទៅដែលជាប្រយោជន៏ទៅដល់លោកគ្រូអ្នកគ្រូ និងសិស្សានុសិស្សដែលបានកំពុងសិក្សាជាង ១០០នាក់ (ដោយមិនរាប់បញ្ចូលចំនួនសិស្សដែលត្រូវចុះឈ្មោះចូលរៀនជាប្រចាំឆ្នាំ)។
មូលនិធិសៅសារី ដៃគូសហការ និងម្ចាស់ជំនួយ ពិតជាមានមោទនភាពក្នុងការចូលរួមចំនែកក្នុងការធ្វើអោយប្រសើរឡើងនូវលើវិស័យអប់រំនៅកម្ពុជា។ ភាពស្មើភាពក្នុងការទទួលបានការអប់រំរវាងជនបទនិងទីប្រជុំជន ជាការប្តេជ្ញាចិត្តរបស់យើងខ្ញុំ ចូលរួមជាមួយនឹងរាជរដ្ឋាភិបាលនៃព្រះរាជាណាចក្រកម្ពុជាសម្រេចអោយបានជាដាច់ខាត។
#មូលនិធិសៅសារី #សាលាបឋមសិក្សាព្រែកខ្យង #ក្រសួងការពារជាតិ
