09/07/2026
Kuwawezesha Vijana, Kujenga Kesho Bora! 🌟
Kwasiku ya pili Leo, Newton Kifuso Community Development Trust ilipata fursa ya kuendesha programu ya uhamasishaji na ushauri (mentorship) katika Shule ya upili ya wasichana ya Agatha Ngoloki, Kaunti Ndogo ya Taita.
Ilikuwa siku ya kujifunza, kuhamasishana na kuwajengea wanafunzi uwezo katika masuala ya uongozi, uchaguzi wa taaluma, maadili mema na stadi za maisha. Ari na ushiriki mkubwa wa wanafunzi umetupa matumaini kuwa taifa letu lina kizazi chenye uwezo mkubwa wa kuleta mabadiliko chanya.
Tunatoa shukrani za dhati kwa uongozi wa shule, walimu na wanafunzi kwa mapokezi mazuri na ushirikiano wao uliofanikisha shughuli hii.
Shukrani za kipekee ziende kwa kundi la vijana waliojitolea wakiongozwa na Clemence, Youth MCA, kwa kujitoa kwao, kutumia muda wao na kufanya kazi kwa bidii kuhakikisha shughuli hii imefanikiwa. Uongozi na moyo wenu wa kujitolea ni mfano wa kuigwa na unathibitisha kuwa vijana wakisimama pamoja wanaweza kuleta mabadiliko makubwa katika jamii.
Hii ni mwanzo tu. Tutaendelea kushirikiana na jamii katika kuwawezesha vijana, kujenga viongozi bora na kuandaa mustakabali wenye matumaini.
"Tunawalea wanafunzi wa leo ili wawe viongozi wa kesho."
