Styrktarfélag HRH

31/03/2025

Anna Þóra, stofandi Haven og framkvæmdastýra heimilisins, sýndi frá lífinu sínu í Kenía í þættinum Hvar er best að búa á Stöð 2 um helgina. Hér er í greininni má sjá brot úr þættinum.

Í kaótískri höfuðborg Kenía, Naíróbí, býr Anna Þóra Baldursdóttir ásamt 6 ára gamalli dóttur sinni Amelíu Henný.

16/03/2025

Utanríkisráðuneytið hefur nú gefið út niðurstöður úttektar sem gerð var á verkefninu okkar. Það var mjög lærdómsríkt fyrir okkur að taka þátt og mikil hvatning fyrir okkur að sjá niðurstöðuna! 👏🏽

Hér hægt að skoða skýrsluna í heild sinni:

https://www.stjornarradid.is/library/03-Verkefni/Utanrikismal/Throunarsamvinna/uttektar--og-ryniskyrslur/HAVEN%20RESCUE%20HOME_FINAL%20EVALUATION%20REPORT_VERKIS%20Consulting%20Engineers.pdf

Niðurstöður nýrrar úttektar á vegum utanríkisráðuneytisins, sem framkvæmd var af Verkís verkfræðiskrifstofu, benda til að verkefnið Haven Rescue Home í Kenía, sem utanríkisráðuneytið styrkti með nýliðastyrk fyrir frjáls félagasamtök um fjórar milljónir króna árið 2021, hafi skilað haldbærum árangri.

Haven Rescue Home er heimili í Naíróbí fyrir stúlkur 18 ára og yngri, sem eru ýmist barnshafandi eða mæður ungra barna, og er rekið af Önnu Þóru Baldursdóttur. Heimilið var stofnað árið 2015 með það að markmiði að skapa öruggt umhverfi og styðja við ungar stúlkur og börn þeirra.

Sjá frétt frá utanríkisráðuneytinu í athugasemd.

📸Anna Þóra Baldursdóttir ásamt haghöfum í verkefninu hennar í Naíróbí.

28/02/2025

Í gær fengum við símtal frá barnavernd í næstu sýslu við okkur. Hjá þeim var 14 ára stelpa sem er gengin um 2 mánuði á leið. Hún verður hjá okkur þar til að málinu gegn manninum sem braut á henni er lokið. Eða að minnsta kosti þar til búið er að taka lífsýni úr barninu til þess að staðfesta faðernið. Mörg af okkar málum hljóma á þennan veg. Við tókum að sjálfsögðu vel á móti henni í gær eftir að hún kom í lögreglufylgd til okkar ❤️

31/01/2025

Kærar þakkir fyrir ómetanleg viðbrögð við síðustu uppfærslu. Þökk sé ykkur er Mark litli útskrifaður af spítalanum og kominn heim til bræðra sinna.

Við höfum nú þegar lagt út um 163.000isk fyrir fjölskylduna. Og ennþá er til smá sjóður fyrir þau.
Það borgar sig svo sannarlega að vera með félagsráðgjafa sem þekkir kerfið vel en henni tókst að fá helminginn af spítalakostnaðinum niðurfelldan. Þegar þau komu heim í gær kom í ljós að þeim vantaði ýmislegt sem þurfti að græja. Eftir það var gengið frá skólamálum bræðranna og fengu þeir að byrja strax í gær eftir fund með skólastjóra. Þeir voru í gömlu skólabúningum úr skólanum sem þeir voru í en nýju búninga fengu þeir í dag og geta mætt í þeim á mánudaginn.

Það sem við höfum greitt fyrir fjölskylduna er:
- Spítalakostnaðurinn
- Húsaleiga fyrir 4 mánuði (2 voru í skuld)
- 2 dýnur og gaskút til að elda með (kallinn hafði tekið allt)
- Skólgjöld, skólabúninga, skólaskó og námsgögn fyrir eldri drengina
- Matarinnkaup

Frá okkur bættum við svo við fötum, bleyjum og taubleyjum á Mark litla.

Upphæðin er rúmlega það sem hún fékk í árslaun þegar hún var að vinna. Möguleikar hennar á að komast í gengum þetta voru ekki miklir. Við höldum áfram að stiðja við þau mánarlega og stefnum síðan að því að hjálpa henni að opna litin sölu markað svo hún geti á séð fyrir sér og drengjum sínum.

Að eiga langveiktbarn í Kenía er erfitt og engan stuðning að fá. Við erum ykkur afar þakklát að gera okkur kleift að vera þeirra stuðningur ❤️
Fjölskyldan sendir þakkir sínar, þau hreinlega grétu af þakklæti ❤️

29/01/2025

Um mitt síðasta ár fengum við nýja stelpu til okkar, hún er 16 ára og ekki með barn og átti því aðeins að koma tímabundið. Eins og svo oft áður breyttist það mjög fljótt. Heimilisaðstæður hennar voru skoðaðar vorum við og barnavernd sammála að heimilið okkar væri öruggasti staðurinn fyrir hana að vera á. Fjölskyldan bjó öll í litlu herbergi þar sem mamma hennar, stjúpfaðir og bræður hennar sváfu öll. Auk þess að mamman var ólétt af sínu fjórða barni.
Planið var að hún fær í stuttar heimsóknir heim sem síðan myndu lengjast ef vel gengi. Oft höfum við reynt að aðstoða fjölskyldur við að bæta heimilisaðstæður en vegna þessa að stjúpfaðirinn bjó á heimilinu yrðu þær aldrei öruggar fyrir hana.

Aðstæður breyttust hinsvegar mikið í desember og leitaði móðir hennar til okkar og þarf svo sannarlega á stuðningi að halda. Litli drengurinn hennar fæddist með downsheilkenni og hjartagalla og hefur verið á spítala frá fæðingu.
Rétt áður en hún eignaðist lítinn dreng lét kallinn sig hverfa og staðan því þannig að eldri drengirnir, 8 og 12 ára búa einir og eru ekki í skóla en góðir nágrannar fylgjast með þeim og gefa þeim að borða. Mamman skuldar núna 2 mánuði í leigu og verður stráknum hent út um mánaðarmótin ef ekkert er gert.

Spítala reikningurinn hækkar um 4400kr á dag.
Drengurinn litli er nuna 43 daga gamall sem þýðir að reikningurinn er að nálgast 200.000kr.
Skóli fyrir eldri strákana kostar um 30.000kr. en þar sem hún þurfti að minnka við sig þegar kallinn hvarf eru þeir að fara í nýja skóla og þurfa því nýja skólabúninga. Eftir það eru skólagjöldin um 4500kr á mann.

Að lokum vantar hana aðstoð við almennt uppihald
þar til hún getur farið að vinna aftur.

Þetta er gríðarlegur pakki og konur í hennar stöð sjá oft ekkert annað í stöðunni en að laumast út af spítalanum og skilja barnið eftir 💔

Við leitum því til ykkar í þessum erfiðu aðstæðum. Ef þið hafið tök á að aðstoða okkur að létta undir hjá þeim þá læt ég fylgja hér styrktarreikninginn okkar. Það má gjarnan merkja færsluna honum Mark litla 💚

Reikningur 0537 - 14 - 407270
Kt. 450315-1760

*Myndir birtar með leyfi móður

25/12/2024

24/11/2024

Hægt að fylgjast með úrdrætti úr happdrættinu í beinni núna :)

15/11/2024

Ert þú búin/n að næla þér í miða?

Elding gefur gjafabréf í hvalaskoðun👏👏

15/11/2024

Elding gefur gjafabréf í hvalaskoðun👏👏