15/03/2026
Shaxdan ayaa iftiiminaysa qaar ka mid ah hoggaamiyeyaasha adduunka ee xukunka ugu muddada dheer, iyadoo muujinaysa sida shakhsiyaad gaar ahi awoodda u hayeen tobanaan sano.
Paul Biya oo dalka Cameroon u dhashay ayaa liiska hoggaaminaya, isagoo xukunka hayay ku dhawaad 50 sano, waxaana ku xiga Teodoro Obiang Nguema ee dalka Equatorial Guinea kaas oo awoodda hayay 45 sano. Hoggaamiyeyaal ay ka mid yihiin Ali Khamenei maalmaha ka hor la dileyee dalka Iiraan, Denis Sassou Nguesso ee Jamhuuriyadda Congo, iyo Yoweri Museveni ee dalka Uganda ayaa iyaguna sidoo kale maamulka gacanta ku hayay ku dhawaad afartan sano.
Kuwo kale oo liiska ku jira, oo ay ka mid yihiin Alexander Lukashenko, Daniel Ortega, Paul Kagame, iyo Vladimir Putin, ayaa mid kastaaba dalkiisa xukumayay in ka badan labaatan sano. Garaafkani wuxuu muujinayaa sida hoggaanka siyaasadeed ee waddamo qaarkood uu ugu urursanaan karo gacmaha shakhsiyaad isku mid ah muddooyin aad u dhaadheer.
Haddaba su'aashu waxay tahay: Ma dhici kartaa in Madaxweyne Xasan Sheekh Maxamuud uu isaguna xiisaynayo ka mid noqoshada liiskan hoggaamiyeyaasha xukunka ku raagay, mise nidaamka siyaasadeed iyo awood qaybsiga Soomaaliya ayaa ah mid dabiici ahaan ka hortagaya in hal qof uu xukunka isku dhejiyo muddo intaas le'eg?
