Associations of United Nationalities In Japan

Associations  of United Nationalities In Japan Freedom and Equally for human rights and go for federals democracy union in myanmar

2026/09/22

(၅)ကြိမ်မြောက် ဖက်ဒရယ်ပွဲတော်အတွက်
ရှမ်းလူငယ်မောင်မယ်များ အကလေ့ကျင်နေမှုပုံရိပ်များ

https://www.facebook.com/share/r/1e5Uq4iJRz/?mibextid=wwXIfr

"(၅)ကြိမ်မြောက် ဖက်ဒရယ်ပွဲတော်သို့ ဖိတ်ခေါ်ခြင်း"下記に日本語の記載があります。ဖက်ဒရယ်ပြည်ထောင်စု တည်ဆောက်နိုင်ရေး အတွက် ဂျပန်နိုင်ငံရေ...
2026/09/18

"(၅)ကြိမ်မြောက် ဖက်ဒရယ်ပွဲတော်သို့ ဖိတ်ခေါ်ခြင်း"

下記に日本語の記載があります。

ဖက်ဒရယ်ပြည်ထောင်စု တည်ဆောက်နိုင်ရေး အတွက် ဂျပန်နိုင်ငံရောက် တိုင်းရင်းသားအင်အားစုများ၊ ဖက်ဒရယ်ဒီမိုကရေစီပြည်ထောင်စု တည်ဆောက်ရေးကို အားပေးထောက်ခံသူများနှင့် အတူတကွပူးပေါင်းကာ "ဖက်ဒရယ်ပွဲတော်" အား တိုကျိုမြို့၊Toneri Park တွင် "(၅)ကြိမ်မြောက် ဖက်ဒရယ်ပွဲတော်" အား နိုဝင်ဘာလ၁၅ရက်နေ့တွင် ကျင်းပပြုလုပ်သွားမှာဖြစ်တဲ့အတွက် နီးစပ်ရာဒေသများမှ တိုင်းရင်းသားပြည်သူများအားလုံး လာရောက်ပူးပေါင်းနိုင်ရန် ထပ်မံအသိပေးနှိုးဆော်လိုက်ရပါသည် ။

တိုင်းရင်းသားလူမျိုးပေါင်းစုံတို့​၏ ဓလေ့ထုံးစံများ၊ယဉ်ကျေးမှုအစဉ်အလာများနှင့် ဖျော်ဖြေရေးအစီအစဉ်များ၊ အရသာရှိသော အစားအသောက်များ၊ရိုးရာယဉ်ကျေးမှုဖက်ရှင်များကို ပေါ်လွင်စေသည့် အမှတ်တရ ပစ္စည်းများပါ တနေရာတည်းတွင် စုံစုံလင်လင် ရရှိနိုင်မည့် ယဉ်ကျေးမှုပွဲတော်ဖြစ်ကာ ရရှိလာမည့် အကျိုးအမြတ်များအား မြန်မာပြည်တွင်းရှိ နေရာဒေသအသီးသီးမှ စစ်ဘေးဒုက္ခကြုံတွေ့ခံစားနေရသော ဒေသများသို့ အပြည့်အဝပေးပို့လှူဒါန်းသွားမည် ဖြစ်ပါသည်။

နေ့ရက် ။ ။ 15.11.2026(Sun)
အချိန် ။ ။ 10 AM ~ 17 PM
နေရာ ။ ။ Toneri Park 東京都立舎人公園

“5回目のフェデラルフェスティバル開催の知らせ”

フェデラル民主国家建設のために在日ミャンマー少数民族と連邦制民主主義国家を支持する人々が協力して「フェデラルフェスティバル」を東京都足立区の舎人公園で開催します。

少数民族の伝統的な踊り、音楽、食事、写真展などを通じてミャンマー少数民族の文化を紹介し、ミャンマーのお土産・物産販売や少数民族の料理を楽しめます。イベントから得た利益はミャンマー国内避難民の生活支援、医療支援に使わせて頂きます。

日時: 2026年11月15日(日曜日)10:00~17:00
場所: Toneri Park 東京都立舎人公園
〒121-0837 東京都足立区舎人公園1丁目1


#ဖက်ဒရယ်ပွဲတော်
#フェデラル民主国家設立へ

2026/09/15

📌 Save the Date! 🗓️
(၅)ကြိမ်မြောက် ဖက်ဒရယ်ပွဲတော်ကို မကြာမီ ကျင်းပတော့မှာ ဖြစ်ပါတယ်။

တိုင်းရင်းသားပေါင်းစုံရဲ့ ယဉ်ကျေးမှု၊ အနုပညာနဲ့ အစားအသောက်တွေကို တစ်နေရာတည်းမှာ စုံစုံလင်လင် ခံစားကြည့်ရှုနိုင်ဖို့အတွက် ပြက္ခဒိန်မှာ ရက်လေး မှတ်ထားပေးကြပါဦးနော်။

🗓️ နေ့ရက်:2026/11/15(Sunday)
⏰ အချိန်: 10:00~17:00
📍 နေရာ: Toneri Park, Adachi-ku, Tokyo

အသေးစိတ် အစီအစဉ်တွေကို ထပ်မံကြေညာပေးသွားမှာဖြစ်တာကြောင့် ဖက်ဒရယ်ပွဲတော် Page ကို ပုံမှန် စောင့်ကြည့်ပေးကြပါဦးလို့ ညီအစ်ကို မောင်နှမများအားလုံးကို မေတ္တာဖြင့် ဖိတ်ခေါ်အပ်ပါသည်။ 🥰🥰🥰

ဖက်ဒရယ်ပွဲတော် page link
https://www.facebook.com/share/1FAKJzCho9/?mibextid=wwXIfr


မြန်မာ့ဒီမိုကရေစီအရေးနှင့် တိုင်းရင်းသားများအား အစဉ်တစိုက် ကူညီအားပေးခဲ့သည့် ဆရာ Masaharu Nakagawa အား ကျေးဇူးတင်ဂုဏ်ပြု...
2026/09/06

မြန်မာ့ဒီမိုကရေစီအရေးနှင့် တိုင်းရင်းသားများအား အစဉ်တစိုက် ကူညီအားပေးခဲ့သည့် ဆရာ Masaharu Nakagawa အား ကျေးဇူးတင်ဂုဏ်ပြုပွဲ စည်ကားသိုက်မြိုက်စွာ ကျင်းပ

မြန်မာ့ဒီမိုကရေစီရေးနှင့် တိုင်းရင်းသားအရေးကိစ္စများတွင် ခိုင်မာစွာ ရပ်တည်၍ အမြဲမပြတ် ကူညီအားပေးဆောင်ရွက်ခဲ့သည့် ဂျပန်အောက်လွှတ်တော်အမတ်ဟောင်း ဆရာ Masaharu Nakagawa အား ကျေးဇူးတင်ဂုဏ်ပြုသည့် အခမ်းအနားကို ၂၀၂၆ ခုနှစ်၊ စက်တင်ဘာလ (၆) ရက်နေ့တွင် တိုကျိုမြို့၊ အိခဲဘုခုရိုဘူတာရှိ "SUNSHINE CRUISE CRUISE" ၌ စည်ကားသိုက်မြိုက်စွာ ကျင်းပပြုလုပ်ခဲ့ပါသည်။

အဆိုပါ ဂုဏ်ပြုအခမ်းအနားသို့ AUN အလုပ်အမှုဆောင်အဖွဲ့ဝင်များ တက်ရောက်ခဲ့ကြပြီး AUN ၏ နာယကနှင့် Founder ဖြစ်သူ ဦးဇော်မင်းခိုင်၊ ဦးမိုင်ကျော်ဦး နှင့် ဥက္ကဋ္ဌ ကိုသံလွင်ဦးတို့က မြန်မာ့ဒီမိုကရေစီအရေး၊ ငြိမ်းချမ်းရေးနှင့် တိုင်းရင်းသားများ၏ ရပိုင်ခွင့်များအတွက် အစဉ်တစိုက် အားတက်သရော ကူညီဆောင်ရွက်ပေးခဲ့သည့် ဆရာ Nakagawa Masaharu အား လှိုက်လှဲစွာ ကျေးဇူးတင်ဂုဏ်ပြုစကားများ အသီးသီး ပြောကြားခဲ့ကြပါသည်။

“နိုင်ငံရေးဖြတ်သန်းမှုနှင့် မြန်မာ့အရေးကြိုးပမ်းမှုများ”

ဆရာ Masaharu Nakagawa သည် ၁၉၉၆ ခုနှစ်မှ ၂၀၂၄ ခုနှစ်အထိ (၂၈) နှစ်တိုင်တိုင် ဂျပန်အောက်လွှတ်တော်အမတ်အဖြစ် သက်တမ်းရှည် တာဝန်ထမ်းဆောင်ခဲ့သူဖြစ်ပြီး တာဝန်ထမ်းဆောင်စဉ် ကာလအတွင်း ပေါ်လစီဆိုင်ရာ စိန်ခေါ်မှုအမျိုးမျိုးကို ထိရောက်စွာ ဖြေရှင်းပေးခဲ့သူ ဖြစ်ပါသည်။ ၎င်းသည် ၂၀၀၅ ခုနှစ်မှစ၍ ယနေ့အထိ မြန်မာ့ဒီမိုကရေစီအရေးနှင့် တိုင်းရင်းသားအရေး ကိစ္စရပ်များကို အထူးအလေးထား ဆောင်ရွက်ပေးခဲ့ကာ၊ ၂၀၂၅ ခုနှစ် ရွေးကောက်ပွဲတွင် နိုင်ငံရေးလောကမှ အနားယူခဲ့ပါသည်။

“ဂျပန်ဘုရင်၏ အမြင့်ဆုံး ဂုဏ်ပြုဆုတံဆိပ် ချီးမြှင့်ခံရခြင်း”

နိုင်ငံတော်နှင့် အများပြည်သူဆိုင်ရာ အကျိုးစီးပွားအတွက် စွမ်းစွမ်းတမံ ပေးဆပ်ဆောင်ရွက်ခဲ့မှုများကြောင့် ၂၀၂၆ ခုနှစ် နွေဦးရာသီ ဂုဏ်ပြုဆောင်ဘွဲ့တံဆိပ်များ ပေးအပ်ပွဲတွင် ဂျပန်ဘုရင်မင်းမြတ် ကိုယ်တိုင် ချီးမြှင့်သည့် အမြင့်ဆုံး ဂုဏ်ပြုဆုတံဆိပ်ကိုလည်း ရရှိဆွတ်ခူးခဲ့သူ ဖြစ်ပါသည်။

အခမ်းအနားတွင် တက်ရောက်လာကြသူများသည် ဆရာ Nakagawa ၏ မြန်မာပြည်သူများအပေါ်ထားရှိသည့် စေတနာနှင့် ကျေးဇူးတရားများကို အမှတ်ရဂုဏ်ပြုခဲ့ကြပြီး၊ ဆရာမှနွေးထွေးရင်းနှီးစွာဖြင့် နှုတ်ခွန်းဆက်စကားပြောကြားခဲ့ပြီး အခမ်းအနားအား အောင်မြင်စွာ ရုပ်သိမ်းခဲ့ကြပါသည်။

Karenni National Society Japanမှ ဦးဆောင်၍ (၉)ကြိမ်မြောက်အဲဒိုပေါ်မှီ(ဒီးကူပွဲ)ကျင်းပပြုလုပ်၂၀၂၆ခုနှစ်၊ ဩဂုတ်လ၊ ၃၀ရက်နေ့တ...
2026/08/31

Karenni National Society Japanမှ ဦးဆောင်၍ (၉)ကြိမ်မြောက်အဲဒိုပေါ်မှီ(ဒီးကူပွဲ)ကျင်းပပြုလုပ်

၂၀၂၆ခုနှစ်၊ ဩဂုတ်လ၊ ၃၀ရက်နေ့တွင် Itabashi Green Hall၌ Karenni National Society Japanမှ ဦးဆောင်၍ (၉)ကြိမ်မြောက် အဲဒိုပေါ်မှီ(ဒီးကူပွဲ)ကိုကျင်းပပြုလုပ်ခဲ့ပါသည်။

အဆိုပါအခမ်းအနားသို့ ညီညွတ်သောတိုင်းရင်းသားများအဖွဲ့အစည်း (AUN-Japan)မှ ဥက္ကဌ၊အတွင်းရေးမှူး အလုပ်အမှုဆောင်အဖွဲ့ဝင်များ တက်ရောက်ဂုဏ်ပြုခဲ့ကြပါသည်။

ဒီးကူပွဲ ဆိုတာ အများသိတဲ့ ပွဲနာမတခုဖြစ်ပြီး ကယားလူမျိုးတွေကတော့ အဲ့ဒိုပေါ်မီပွဲလို့ သတ်မှတ်ခေါ်ဝေါ်ကျင်းပကြပါတယ်။ ဒီပွဲမှာ ဒီးကူလို့ ခေါ်တဲ့ ကောက်ညှင်းထုပ်ကို အဓိက ကျွေးမွေးဧည့်ခံတာကြောင့် အများစုက ဒီးကူပွဲလို့ သိကြတာပါ။

ဒီးကူဆိုတာ ရှေးတုန်းက ကရင်နီပြည်ကို ကျူးကျော်လာတဲ့ ယွန်းလူမျိုးတွေကို စုပေါင်းအင်အားနဲ့ တိုက်ထုတ်ရင်း စည်းလုံးညီညွတ်ခြင်းကို ဂုဏ်ပြုသောအားဖြင့် (တစ်ခု) ဒီးကူ ဆိုပြီး သုံးနှုန်းတာဖြစ်ပါတယ်။

ဒီးကူကို ကိုင်းပင်တမျိုးရဲ့ အရွက်နဲ့ ကောက်ညှင်းထုပ်ကာ ချည်နှောင်ချက်ပြုတ်ထားပြီး မပုပ်မသိုးဘဲ ကြာရှည် အထားခံနိုင်အောင် ရိက္ခာအဖြစ် အသုံးပြုခဲ့ကြပါတယ်။

“ဒီးကူ” ကို ရိက္ခာအဖြစ် အသုံးပြုခဲ့ကြရင်း ကရင်နီပြည်ကို ကျူးကျော်လာတဲ့ ယွန်းလူမျိုးတွေကို နေ့ရောညပါ အဆက်မပြတ် တိုက်ထုတ် အောင်နိုင်ခဲ့ကြပါတယ်။

ဒါ့အပြင် ယွန်းလူမျိုးတို့ရဲ့ ဖိနှိပ်ကျွန်ပြုမှုအောက်က လွတ်မြောက်အောင် အဓိက ဦးဆောင်ခဲ့ကြတဲ့ ကယား၊ ကယန်းနဲ့ ကယောတို့ကို ရည်စူးပြီး ဒီနေ့ထိတိုင် မမေ့နိုင်အောင် သုံးထောင့်ပုံသဏ္ဌာန် ကောက်ညင်းထုပ်ကို သုံးခုလျှင် တစည်းတည်းဖြစ်အောင် စည်းထားပါတယ်။ တစည်းချင်းကိုလည်း နှီးနဲ့ စုပေါင်းတွဲကာ တရေ၊ နှစ်ရေ ခန်းတဲ့အထိ တညလုံး ပြုတ်ကြရပါတယ်။

ယွန်းလူမျိုးတွေကို တိုက်ထုတ်နိုင်ခဲ့တဲ့ အချိန်ဟာ အခုလို မိုးရာသီအချိန်မှာ ဖြစ်တဲ့အတွက် စက်တင်ဘာနဲ့ အောက်တိုဘာလတွေထဲမှာ “ဖိနှိပ်မှုမှ လွတ်မြောက်တဲ့ အထိမ်းအမှတ်” အနေနဲ့ ဒီးကူပွဲ ခေါ် ကောက်ညှင်းထုပ်ပွဲကို နှစ်စဉ်နဲ့အမျှ ကျေးရွာတိုင်းလိုလိုက သူ့ရွာနဲ့သူ ကြက်ရိုးထိုးပြီး ပွဲကျင်းပဖို့ ရက်တွေ သတ်မှတ်လာခဲ့ကြတာပါ။

ဒါကြောင့် ရိုးရာဓလေ့များ မပျောက်ပျက်ရအောင် လက်ဆင့်ကမ်းထိန်းသိမ်းသည့်အနေဖြင့် ဩဂုတ်လ(၃၀)ရက်နေ့တွင် (၉)ကြိမ်မြောက် အဲ့ဒိုပေါ်မှီ ဒီးကူပွဲကို ကျင်းပပြုလုပ်ခဲ့ပါတယ်။

ကရင်နီတို့ရဲ့ စည်းလုံးညီညွတ်ခြင်းရဲ့ သင်္ကေတဖြစ်တဲ့ ဒီးကူကဲ့သို့ စစ်မှန်သော စည်းလုံးခြင်းသို့ ရောက်ရှိနိုင်ပါစေကြောင်း ဆုမွန်ကောင်းတောင်းလိုက်ရပါတယ်။

ဝမ်းနည်းခြင်း သဝဏ်လွှာကရင်နီအမျိုးသားတိုးတက်ရေးပါတီ (KNPP) ၏ အထွေထွေအတွင်းရေးမှူးနှင့် ဖက်ဒရယ်ဒီမိုကရေစီပြည်ထောင်စု ပေါ်...
2026/08/31

ဝမ်းနည်းခြင်း သဝဏ်လွှာ

ကရင်နီအမျိုးသားတိုးတက်ရေးပါတီ (KNPP) ၏ အထွေထွေအတွင်းရေးမှူးနှင့် ဖက်ဒရယ်ဒီမိုကရေစီပြည်ထောင်စု ပေါ်ထွန်းရေးဦးဆောင်ကောင်စီ (SCEF) အတွင်းရေးမှူးအဖွဲ့ဝင် ကရင်နီပြည် အတိုင်ပင်ခံကောင်စီ (KSCC)၏ဥက္ကဌ ဆရာဦးအောင်ဆန်းမြင့် ကွယ်လွန်အနိစ္စရောက်ရှိသွားခဲ့သည့်အတွက် ညီညွတ်သော တိုင်းရင်းသားများအဖွဲ့အစည်း (AUN-Japan) အနေဖြင့် ကျန်ရစ်သူ မိသားစုဝင်များ၊ KNPP အဖွဲ့ဝင်များနှင့် ကရင်နီပြည်သူတစ်ရပ်လုံးနှင့်အတူ ထပ်တူထပ်မျှ အလွန်ပင် ဝမ်းနည်းကြေကွဲရပါကြောင်း ဦးစွာ ဖော်ပြအပ်ပါသည်။

ဆရာဦးအောင်ဆန်းမြင့်သည် ကရင်နီပြည်သူများ၏ အခွင့်အရေး၊ စစ်အာဏာရှင်စနစ် ချုပ်ငြိမ်းရေးနှင့် စစ်မှန်သော ဖက်ဒရယ်ဒီမိုကရေစီပြည်ထောင်စု တည်ဆောက်ရေးတို့အတွက် စွမ်းစွမ်းတမံ ဆောင်ရွက်ခဲ့သော ထက်မြက်သည့် ခေါင်းဆောင်တစ်ဦး ဖြစ်ပါသည်။ ဆရာ၏ မလျှော့သော ဇွဲလုံ့လ၊ အနစ်နာခံမှု၊ ဦးဆောင်မှုနှင့် တိုင်းရင်းသားညီညွတ်ရေးအတွက် ပေးဆပ်ခဲ့မှုများသည် သမိုင်းတွင် အစဉ်ထာဝရ မေ့ပျောက်နိုင်မည် မဟုတ်ပါ။

ယခုကဲ့သို့ စိန်ခေါ်မှုများပြည့်နှက်နေသည့် သမိုင်းအကွေ့တွင် ဆရာဦးအောင်ဆန်းမြင့် ကွယ်လွန်သွားခြင်းသည် ကျန်ရစ်သူ မိသားစုဝင်များ၊ KNPP အတွက်သာမက ကရင်နီပြည်သူများ၊ နွေဦးတော်လှန်ရေး၊ တိုင်းရင်းသားအင်အားစုများ အားလုံးအတွက်ပါ အစားထိုးမရနိုင်သော ကြီးမားသည့် ဆုံးရှုံးမှုကြီး ဖြစ်ပါသည်။

ဆရာဦးအောင်ဆန်းမြင့် ကောင်းရာသုဂတိသို့ ရောက်ရှိပါစေကြောင်းနှင့် စစ်မှန်သော ငြိမ်းချမ်းရေး၊ ဖက်ဒရယ်ဒီမိုကရေစီပန်းတိုင်သို့ မရောက်မချင်း ဆရာ့၏ စိတ်ဓာတ်ကို ခံယူကာ ဆက်လက်တိုက်ပွဲဝင်သွားမည်ဟု သန္နိဋ္ဌာန်ပြုလျက် ကျန်ရစ်သူ မိသားစုနှင့်ထပ်တူ ဝမ်းနည်းကြေကွဲကြောင်း သဝဏ်လွှာပါးအပ်ပါသည်။

“ဆရာအောင်ဆန်းမြင့် ကောင်းရာသုဂတိသို့ ရောက်ပါစေ”

Oversea Karen Organization Japan(OKOJ)မှ ကြီးမှူးပြီး ကရင်ရိုးရာ ဝါခေါင်လ ချည်ဖြူဖွဲ့မင်္ဂလာအခမ်းအနားကို ကျင်းပပြုလုပ်Ov...
2026/08/30

Oversea Karen Organization Japan(OKOJ)မှ ကြီးမှူးပြီး ကရင်ရိုးရာ ဝါခေါင်လ ချည်ဖြူဖွဲ့မင်္ဂလာအခမ်းအနားကို ကျင်းပပြုလုပ်

Oversea Karen Organization Japan(OKOJ)မှ ကြီးမှူးကျင်းပသော ကရင်ရိုးရာ ဝါခေါင်လ ချည်ဖြူဖွဲ့မင်္ဂလာအခမ်းအနားကို တိုကျိုမြို့၊ Hikifune Culture Center၌ ကျင်းပပြုလုပ်ခဲ့ပါသည်။

ထိုအခမ်းအနားသို့ ညီညွတ်သောတိုင်းရင်းသားများအဖွဲ့အစည်း(AUN-Japan)မှ ဥက္ကဌ၊ အတွင်းရေးမှူးအဖွဲ့နှင့် အလုပ်အမှုဆောင်အဖွဲ့ဝင်များ တက်ရောက် ဂုဏ်ပြုခဲ့ကြပါသည်။

လက်ချည်ပွဲဆုတောင်းရင် ချည်ဖြူအပြင် ငှက်ပျောသီး၊ ကောက်ညှင်းထုပ်၊ ထမင်းဆုပ်၊ နတ်ပန်းညို၊ ချည်ဖြူ၊ ရေ၊ ကြံပိုင်းတို့လည်း ပါပါတယ်။ ငှက်ပျောသီးဟာ အဖီးလိုက် အတွဲလိုက်ရှိတာကြောင့် ကရင်လူမျိုးတွေရဲ့ စည်းလုံးခြင်းကိုဆောင်တယ်၊ ကောက်ညှင်းက စေးစေးကပ်တဲ့သဘောရှိတာကြောင့် ကရင်တွေကြား ဘယ်တော့မှခွဲလို့မရဘူးဆိုတဲ့ သဘောကိုဆောင်တယ်၊ ထမင်းဆုပ်က စုစည်းခြင်းကို ဆောင်တယ်လို့ ကရင်တိုင်းရင်းသားတွေက အဓိပ္ပာယ်ဖွဲ့လေ့ရှိသည်ဟု သိရပါသည်။

ကရင်လူမျိုးများသည် နိုင်ငံရေး၊ ဘာသာရေး၊ အမျိုးသားရေး၊ ယဉ်ကျေးမှု စသည့် အတွေးအခေါ် အယူအဆများ မည်သို့ပင် ကွဲပြားစေကာမူ အားလုံးသော ကရင်အမျိုးသားအရေးသည် ကရင်လူမျိုးအတွက်သာ အဓိက အစစ် အမှန်ဖြစ်ပြီး ကရင်စကားသည် ဒို့စကား၊ ကရင်စာပေသည် ဒို့စာပေ၊ ကရင်သုခုမ အနုပညာသည် ဒို့ပညာ၊ ကရင် ရိုးရာ ယဉ်ကျေးမှု ဓလေ့ထုံးတမ်းသည် ဒို့ရိုးရာ ဓလေ့ထုံးတမ်းဆိုသော ဂုဏ်အင်္ဂါများနှင့်အညီ သန္နိဋ္ဌာန်ပြုကြ ရင်း လက်ချည်ပွဲတော် အခမ်းအနားသို့ တက်ရောက်လာကြသော တိုင်းရင်းသား မိတ်ဆွေသားချင်းများကို ချစ်ကြည်ရင်းနှီးစွာ ဖိတ်ခေါ်လျက် သာယာလှပသော အနာဂတ် ခရီးပန်းတိုင်သို့ ညီညွတ်စွာ လက်တွဲလျှောက် လှမ်းနေကြသည်။

ယခုလို တိုင်းတပါးသို့ရောက်နေသော်ငြားလည်း မိမိတို့ရိုးရာယဉ်ကျေးမှုများကို မပျောက်ပျက်ရအောင် ထိန်းသိမ်းစောင့်ရှောက်ကာ ကရင်ရိုးရာ ဝါခေါင်လ ချည်ဖြူဖွဲ့မင်္ဂလာအခမ်းအနားကိုဦးဆောင်ကျင်းပခဲ့သည့် ကရင်တိုင်းရင်းသားညီကိုများအား ဂုဏ်ယူပါကြောင်းနှင့် ချည်ဖြူများကဲ့သို့ စုစည်းခိုင်မာစွာဖြင့် ရိုးရာဓလေ့ထုံးစံများကို ဆက်လက်ထိန်းသိမ်းနိုင်ပါစေကြောင်း ဆုမွန်ကောင်းတောင်းလိုက်ရပါတယ်။

တိုကျို၊ ဂျပန်။
၂၀၂၆ခုနှစ်၊ ဩဂုတ်လ၊ ၃၀ရက်နေ့။

(၇၆)နှစ်မြောက် ကရင်အာဇာနည်နေ့သို့ ပေးပို့သော သဝဏ်လွှာ၂၀၂၆ခုနှစ်၊ ဩဂုတ်လ၊ ၁၂ရက်၂၀၂၆ ခုနှစ် ဩဂုတ်လ (၁၂) ရက်တွင် ကျရောက်သော...
2026/08/12

(၇၆)နှစ်မြောက် ကရင်အာဇာနည်နေ့သို့ ပေးပို့သော သဝဏ်လွှာ

၂၀၂၆ခုနှစ်၊ ဩဂုတ်လ၊ ၁၂ရက်

၂၀၂၆ ခုနှစ် ဩဂုတ်လ (၁၂) ရက်တွင် ကျရောက်သော (၇၆)နှစ်မြောက် ကရင်အာဇာနည်နေ့ အား ဂျပန်ရောက်ညီညွတ်သောတိုင်းရင်းသားများအဖွဲ့အစည်း (AUN-Japan)မှ လေးနက်သော ဂုဏ်ပြုအလေးပြုခြင်းဖြင့်အမှတ်တရ ဂုဏ်ပြုအပ်ပါသည်။

ကရင်အာဇာနည်နေ့သည် ကရင်အမျိုးသားတို့၏ လွတ်လပ်မှု၊ တရားမျှတမှု၊ ကိုယ်ပိုင်ပြဋ္ဌာန်းခွင့်နှင့် အမျိုးသားဂုဏ်သိက္ခာအတွက် အသက်၊ သွေး၊ ချွေးများဖြင့် စွန့်လွှတ်အနစ်နာခံခဲ့ကြသော အာဇာနည်ခေါင်းဆောင်များနှင့်ရဲဘော်ရဲဘက်များကို အစဉ်အမြဲ အောက်မေ့ဂုဏ်ပြုသည့် သမိုင်းဝင်နေ့တစ်နေ့ဖြစ်ပါသည်။

ယနေ့ မြန်မာနိုင်ငံ၏ နိုင်ငံရေးအခင်းအကျင်းသည် အာဏာရှင်စနစ်ကို ဆန့်ကျင်တော်လှန်နေသော ပြည်သူလူထု၊တိုင်းရင်းသားတော်လှန်ရေးအင်အားစုများနှင့် ဒီမိုကရေစီအင်အားစုများ၏ စည်းလုံးညီညွတ်မှုကို ယခင်ကထက်ပိုမိုလိုအပ်နေသော အချိန်ကာလဖြစ်ပါသည်။ သမိုင်းက သက်သေပြထားသည့်အတိုင်း အာဏာရှင်စနစ်ကို အနိုင်ယူနိုင်သည့် အင်အားမှာ လက်နက်အင်အားထက် ပြည်သူလူထု၏ စည်းလုံးညီညွတ်မှု ဖြစ်သည်။

ကရင်အာဇာနည်များ၏ စွန့်လွှတ်အနစ်နာခံမှုသည် ကရင်လူမျိုးတစ်မျိုးတည်းအတွက်သာမက တိုင်းရင်းသားလူမျိုးအားလုံး၏ တန်းတူညီမျှရေး၊ လွတ်လပ်ရေးနှင့် ဖက်ဒရယ်ဒီမိုကရေစီပြည်ထောင်စုတည်ဆောက်ရေးအတွက် မီးရှူးတန်ဆောင်တစ်ရပ်အဖြစ် ယနေ့တိုင် လမ်းပြပေးလျက်ရှိပါသည်။

ထို့ကြောင့် ကျွန်ုပ်တို့ တိုင်းရင်းသားညီအစ်ကိုမောင်နှမများအားလုံးသည် သွေးကွဲစေသော အတွေးအခေါ်များကိုကျော်လွှားကာ အပြန်အလှန်လေးစားမှု၊ ယုံကြည်မှုနှင့် ညီညွတ်မှုကို အခြေခံ၍ လက်တွဲရပ်တည်ကြရန် အထူးတိုက်တွန်းအပ်ပါသည်။ ကျွန်ုပ်တို့၏ မတူကွဲပြားမှုများသည် အားနည်းချက်မဟုတ်ဘဲ အနာဂတ်ဖက်ဒရယ်ပြည်ထောင်စု၏ အင်အားဖြစ်ကြောင်း အမြဲသတိပြုကြပါစို့။

ကရင်အာဇာနည်များ၏ စိတ်ဓာတ်ကို အမွေဆက်ခံကာ အမှန်တရား၊ တရားမျှတမှုနှင့် လွတ်လပ်မှုအတွက်ဆက်လက်ရပ်တည်ကြမည်ဟု ကတိပြုရင်း၊ ကျဆုံးလေပြီးသော အာဇာနည်အပေါင်းအား လေးမြတ်စွာ ဦးညွှတ်အလေးပြုအပ်ပါသည်။

“ညီညွတ်ခြင်းသည် အောင်ပွဲ၏ အခြေခံဖြစ်သည်။
တိုင်းရင်းသားအားလုံး လက်တွဲညီညွတ်မှသာ လွတ်လပ်၍ တရားမျှတသော ဖက်ဒရယ်ဒီမိုကရေစီပြည်ထောင်စုကို တည်ဆောက်နိုင်မည်။”

ဗဟိုအလုပ်အမှုဆောင်ကော်မတီ
ညီညွတ်သော တိုင်းရင်းသားများအဖွဲ့အစည်း(ဂျပန်)

(၅၁)နှစ်မြောက် ကချင်အာဇာနည်နေ့သို့ ပေးပို့သော သဝဏ်လွှာ၂၀၂၆ခုနှစ်၊ ဩဂုတ်လ၊ ၁၀ရက်ကချင်အာဇာနည်နေ့ အထိမ်းအမှတ်အဖြစ် ကချင်အမျ...
2026/08/10

(၅၁)နှစ်မြောက် ကချင်အာဇာနည်နေ့သို့ ပေးပို့သော သဝဏ်လွှာ
၂၀၂၆ခုနှစ်၊ ဩဂုတ်လ၊ ၁၀ရက်

ကချင်အာဇာနည်နေ့ အထိမ်းအမှတ်အဖြစ် ကချင်အမျိုးသားတို့၏ လွတ်လပ်ရေး၊ တန်းတူညီမျှရေး၊ ကိုယ်ပိုင်ပြဋ္ဌာန်းခွင့်နှင့်ဖက်ဒရယ်ဒီမိုကရေစီပြည်ထောင်စု တည်ဆောက်ရေးအတွက် အသက်၊ သွေး၊ ချွေးများဖြင့်စွန့်လွှတ်အနစ်နာခံခဲ့ကြသော အာဇာနည်ခေါင်းဆောင်များနှင့် ရဲဘော်ရဲဘက်များအား ညီညွတ်သောတိုင်းရင်းသားများအဖွဲ့အစည်း (AUN-Japan) မှ အလေးအနက် ဂုဏ်ပြုဦးညွှတ်အပ်ပါသည်။

ကချင်ပြည်သူများ၏ တော်လှန်ရေးသမိုင်းသည် မိမိတို့အမျိုးသားအခွင့်အရေးကို ကာကွယ်ရုံသာမကမြန်မာနိုင်ငံအတွင်းရှိ တိုင်းရင်းသားလူမျိုးအားလုံး တန်းတူအခွင့်အရေးရရှိရေး၊ ငြိမ်းချမ်းရေးနှင့် တရားမျှတသော ဖက်ဒရယ်ပြည်ထောင်စု တည်ဆောက်ရေးအတွက် အရေးပါသော သမိုင်းမှတ်တိုင်တစ်ရပ်ဖြစ်ပါသည်။
ယနေ့မြန်မာနိုင်ငံ၏ နိုင်ငံရေးအခြေအနေသည် တိုင်းရင်းသားလူမျိုးများ၊ ဒီမိုကရေစီအင်အားစုများနှင့်ပြည်သူလူထုတို့၏ ပူးပေါင်းညီညွတ်မှုကို ယခင်အချိန်များထက် ပိုမိုလိုအပ်နေပါသည်။ သမိုင်းက အကြိမ်ကြိမ်သင်ခန်းစာပေးခဲ့သည်မှာ ကျွန်ုပ်တို့ ကွဲပြားနေသရွေ့ အာဏာရှင်စနစ်က အားကောင်းနေမည်ဖြစ်ပြီး၊ ကျွန်ုပ်တို့ညီညွတ်လျှင် လွတ်လပ်မှုနှင့် တရားမျှတမှုဆီသို့ ရှေ့ဆက်နိုင်မည် ဖြစ်သည်။
ကချင်အာဇာနည်များ၏ စွန့်လွှတ်အနစ်နာခံမှုသည် ကချင်လူမျိုး အတွက်သာမက တိုင်းရင်းသားလူမျိုးအားလုံး၏ ဂုဏ်ယူဖွယ်အမွေအနှစ်ဖြစ်သည်။ ထိုစိတ်ဓာတ်ကို အမွေဆက်ခံကာ လူမျိုး၊ ဘာသာ၊ ဒေသကွဲပြားမှုများကို ကျော်လွန်ပြီး အပြန်အလှန်ယုံကြည်မှု၊ လေးစားမှုနှင့် စည်းလုံးညီညွတ်မှုကို ပိုမိုခိုင်မာစွာ တည်ဆောက်ကြရန် ကျွန်ုပ်တို့အားလုံးတွင် တာဝန်ရှိပါသည်။

အထူးသဖြင့် ပြည်ပရောက်တိုင်းရင်းသားများအနေဖြင့် အချင်းချင်းရိုင်းပင်းကူညီခြင်း၊ အမုန်းတရား ထက်နားလည်မှုကိုရွေးချယ်ခြင်း၊ သမိုင်းဝင်နာကျင်မှုများကို သင်ခန်းစာအဖြစ်ခံယူပြီး အနာဂတ်ဖက်ဒရယ်ဒီမိုကရေစီပြည်ထောင်စုကို အတူတကွတည်ဆောက်ရန်နှင့် လက်တွဲကြိုးပမ်းကြရန် တိုက်တွန်းအပ်ပါသည်။

ကျွန်ုပ်တို့၏ အင်အားသည် လူမျိုးတစ်မျိုးချင်းစီ၏ အင်အားမဟုတ်ဘဲ တိုင်းရင်းသားအားလုံး၏ စည်းလုံးညီညွတ်မှု ဖြစ်ပါသည်။ ညီညွတ်မှုရှိမှသာ အနာဂတ်မျိုးဆက်များအတွက် လွတ်လပ်၍ တရားမျှတသော နိုင်ငံတစ်နိုင်ငံကို လက်ဆင့်ကမ်းပေးနိုင်မည်ဖြစ်သည်။

ကချင်အာဇာနည်များ၏ မြင့်မြတ်သောစိတ်ဓာတ်နှင့် စွန့်လွှတ်အနစ်နာခံမှုကို အစဉ်ထာဝရ အောက်မေ့ဂုဏ်ပြုရင်း တိုင်းရင်းသားအားလုံး လက်တွဲညီညွတ်စွာဖြင့် ငြိမ်းချမ်းပြီး ဒီမိုကရေစီအခြေပြု ဖက်ဒရယ်ပြည်ထောင်စုသစ်ကို အတူတကွ တည်ဆောက်ကြပါစို့။

“ကချင်၏ဂုဏ်သည် တိုင်းရင်းသားအားလုံး၏ဂုဏ်၊
တိုင်းရင်းသားအားလုံး၏ ညီညွတ်မှုသည်
မြန်မာနိုင်ငံ၏ အနာဂတ်ဖြစ်သည်။”

ဗဟိုအလုပ်အမှုဆောင်ကော်မတီ
ညီညွတ်သော တိုင်းရင်းသားများအဖွဲ့အစည်း(ဂျပန်)

住所

Tokyo Toshima

ウェブサイト

アラート

Associations of United Nationalities In Japanが新しいニュースやキャンペーンを投稿したら、いち早くメールでお知らせします。メールアドレスが他の目的に使われることはなく、いつでも配信を停止できます。

ショートカット

共有する

カテゴリー