04/10/2026
A harsami, sifak zawn kan ruahmi hi minung nih cun kan i philh piak ko lai, nangmah zong nih na philh caan a um te lai
Sihmenhsehlaw a hmete kan tuahmi thiltha zong Bawipa nih cun a kan cinken piak i kan herh ning in a kan cham than hrimhrim ko lai.
Pathian nih cun kanmah loin zeithil paoh hi a lim khawh dih i a tlamtlin ter khawh dih ko. Asinain kanmah hmang in thil tlamtlin ter hi a duh chin chin. Rak ka bochan hna seh ti a duh i mi zei ka si kha ka hngal hna seh ti a duh zungzal!
Kan mah tu nih hin kan bochan khawh tawn lo bia tu a si.
Tlang cung cawnpiaknak lio ah mipi hna ei awk an ngei ti lo, Jesuh nih cun fawi tein ei awk a pek khawh ko hna, asinain hngakchiapa te hmang in nga pahnih le changreu panga in Khuaruah har thil a tuah.
Jesuh nih hngakchia pa loin khuaruah har thil a tuah khawh ko. Sihmenhsehlaw hi zawn ah hin mi zei a si le kan bochan ngamnak ding zong kha a kan cawnpiak chih i a riantuannak ah kan i tel ve ding a kan duhpiak zong kan hmuh khawh
Cu lawng siloin minung thong tampi nih khim tein ei ding a petu hngakchia pa thinlung ah zeitluk in dah lawmhnak a um hnga? Cu lawmhnak thluachuah zong cu co a phu taktak mi asi.
*Pek leiah hin hmuh lei nakin lunglawmhnak a um deuh! (Lam 20:35)
**Salm 41:1 Sifak zawn a ruatmi cu lunglawmmi a si, harnak chung i a um tikah { Bawipa } nih a bawmh lai.
2.{ Bawipa } nih a huhphenh lai i a nunnak kha a zuah lai; ram chungah lunglawm in a umter lai i a ral hna k*t chungah a ka**ak lai lo.
3.A zawt tikah { Bawipa } nih a bawmh lai i a damter ṭhan lai.
