Sindh Association Of Japan

18/10/2026

سنڌي ثقافت جو ڏهاڙو 2026 — ڪوبي، جاپان
سنڌ ايسوسيئيشن آف جاپان پاران اعلان ڪجي ٿو ته سنڌي ثقافت جو ڏهاڙو 5 ڊسمبر 2026ع، ڇنڇر تي ڪوبي، جاپان ۾ ملهايو ويندو.
اچو ته پنهنجي سنڌي ثقافت،سنڌي ٻولي ۽ روايتن کي فخر سان اجاگر ڪريون.
جيئي سنڌ،
جيئي سنڌي ثقافت!

30/05/2026

09/05/2026

اسين هڪ آهيون:
اسان جي سڃاڻپ رڳو سنڌيت!“
اسين جتي به آهيون، سنڌي آهيون!“

🌏❤️

سنڌي ڪائونسل آف انڊيا (SCI) جي جاپان آمد تي جاپان ۾ رهندڙ سنڌين پاران هڪ شاندار آجياڻو ڏنو ويو، جنهن ۾ سنڌ ايسوسيئيشن آف جاپان (SAJ) جي دوستن کي به خصوصي دعوت ڏني وئي.

ان موقعي تي سنڌ ايسوسيئشن آف جاپان جي صدر محترم سائين غلام فاروق مهر صاحب تقريب کي خطاب ڪندي چيو ته: ”اسان انڊيا جا هجون يا پاڪستان جا، پر اسان اصل ۾ سنڌي آهيون. اسان وٽ مذهب ۽ ملڪ کان مٿانهون رڳو سنڌيت جو رشتو آهي.“
سنڌي ٻولي، ثقافت ۽ پاڻ ۾ محبت جو هي ميڙاڪو ثابت ڪري ٿو ته دنيا جي ڪنهن به ڪنڊ ۾ هجون، سنڌي سونهن ۽ سڳنڌ هميشه گڏ رهندي.

29/04/2026

سنڌ جو آواز، عالمي پليٽ فارم تي!
سانا پاران لنڊن ۾ منعقد ڪيل انٽرنيشنل سنڌي ڊائسپورا ڪانفرنس جي "سووينئر"ميگزين ۾ سائين محمد ايوب مھر جي شرڪت ۽ سنڌ ايسوسيئيشن آف جاپان جي سٿ جون تجويزون.

25/04/2026

جاپان مان لنڊن تائين، سنڌ جي پريت جو نياپو کڻي ويندڙ محترم سائين محمد ايوب مھر صاحب جون تصويري جهلڪيون
سانا جي هن تاريخي سٿ ۾ اسان جي ڀرپور شرڪت ان ڳالهه جو ثبوت آهي ته دنيا جي ڪنهن به ڪنڊ ۾ هجون، سنڌ جو درد اسان کي هڪ هنڌ ڳنڍي رکي ٿو.
ڪاميابيءَ لاءِ نيڪ تمنائون!

29/03/2026

ڪوبي جي فضا ۾ صوفياڻي سرن جي ورکا
جاپان جي سرزمين تي سنڌي ثقافت جي خوشبو مهڪي اٿي، جڏهن نامياري قوال جمشيد صابري ۽ سندس گروپ پاران اوساڪا ۾ روح پرور قوالي پيش ڪئي وئي۔
تقريب ۾ سنڌي ڪميونٽي وڏي انگ ۾ شرڪت ڪئي، جتي صوفياڻي ڪلامن جو سحر ڇانيل رهيو ۽ محفل روحانيت سان سرشار ٿي وئي۔ جمشيد صابري پنهنجي جادوئي آواز سان پرديس ۾ ويٺل سنڌين کي پنهنجي مٽي ۽ روحاني ورثي جي ياد ڏياري ڇڏي۔

28/03/2026

جاپان جي شهر اوساڪا ۾ منعقد ٿيل پهرين "پاڪستان اوساڪا ڪلچرل فيسٽيول" جي ڪامياب پڄاڻيءَ کانپوءِ، سنڌ ايسوسيئيشن آف جاپان (SAJ) جي سٿ پاران سنڌ مان آيل ملهه پهلوانن ۽ وفد جي اعزاز ۾ هڪ خاص نشست ۽ ڪچهري منعقد ڪئي وئي.
هن موقعي تي سنڌ ايسوسيئيشن آف جاپان جي سٿ سنڌي جوانن ۽ پهلوانن سان ملاقات ڪئي ۽ فيسٽيول ۾ سنڌي ثقافت جو نالو روشن ڪرڻ تي کين واڌايون پيش ڪيون. ايسوسيئيشن پاران پهلوان محمد صديق بگٽي، قربان هوٿيپوٽو، ريفري محرم مجيداڻي، گروپ ڪوآرڊينيٽر نامياري سفرنامہ نگار ۽ پبلشر قربان منگي، گروپ ليڊر، مصور ۽ انسٽيٽيوٽ آف آرٽ اينڊ ڊزائين يونيورسٽي آف سنڌ جو ڊائريڪٽر سعيد منگي
کي سندن بهترين ڪارڪردگي ۽ سنڌي ملاکڙي کي جاپان جهڙي ترقي يافته ملڪ ۾ متعارف ڪرائڻ تي سنڌ جي ثقافتي سوکڙي "اجرڪون" اوڍايون ويون.
سنڌ ايسوسيئيشن آف جاپان جي سٿ پاران خطاب ڪندي چيو ويو ته:
پاڪستان اوساڪا ڪلچرل فيسٽيول ۾ سنڌي ملهه ۽ جاپاني سومو جو تاريخي مقابلو ڪرائڻ هڪ وڏو ڪارنامو آهي. هن مقابلي سان سنڌي ملهه راند کي عالمي سطح تي تمام گهڻي پزيرائي ملي آهي ۽ اها ثابت ٿي ويو آهي ته اسان جي قديم ثقافت ۾ اڄ به دنيا کي پاڻ ڏانهن متوجهه ڪرڻ جي طاقت آهي."

24/03/2026

سنڌ جو قديم راند ملاکڙو بمقابله جاپان جي مشهور راند سومو!
​پھرئين پاڪستان–اوساڪا ڪلچر فيسٽيول 2026 جي موقعي تي دنيا ۾ پهريون ڀيرو ٻن قديم تهذيبن جي روايتي راندين جو ميلاپ ٿي رهيو آهي. هن عالمي پليٽ فارم تي سنڌ جي قديم راند "ملاکڙو" ۽ جاپان جي قومي راند "سومو" جا پهلوان آمهون سامهون هوندا.
تاريخ: 28 مارچ 2026
هنڌ:اوھاما پارڪ ،ساڪائي، اوساڪا، جاپان
​🌟 فيسٽيول جون خاص ڳالهيون:
​تاريخي ۽ منفرد مقابلو: تاريخ ۾ پهريون ڀيرو سنڌي ملهه پهلوان جاپاني سومو اسٽارز سان مقابلو ڪندا.
​اسان جا هيرو: سنڌ جا ناميارا ملهه پهلوان منٺار علي بگٽي ۽ قربان علي هوٿيپوٽو هن تاريخي مقابلي ۾ پنهنجا جوهر ڏيکاريندا
​ثقافتي سفارتڪاري: هي پروگرام پاڪستان ۽ جاپان جي گهري ثقافتي ۽ سفارتي تعلقاتن کي وڌيڪ مضبوط ڪرڻ جي هڪ ڪوشش آهي.
​ سهڪار: پاڪستان ايسوسيئيشن ڪانسائي، پاڪستان جاپان ڪلچرل ايسوسيئيشن ۽ اسپورٽس ۽ يوٿ افيئرس کاتو (حڪومت سنڌ)
جاپان ۾ سنڌي ثقافت جو جهنڊو بلند ڪندڙ پاڪستان ايسوسيئيشن ڪانسائي، پاڪستان جاپان ڪلچرل ايسوسيئيشن ۽ اسپورٽس ۽ يوٿ افيئرس کاتو (حڪومت سنڌ) جي سھڪار سان هڪ انتهائي شاندار ۽ تاريخي شروعات ڪرڻ تي سنڌ ايسوسيئيشن آف جاپان طرفان ڀرپور آجيان ڪجي ٿي .
​اچو ته گڏجي پنهنجي پهلوانن جو حوصلا وڌايون ۽ سنڌي ثقافت کي عالمي سطح تي روشناس ڪرايون! 🌏✨
​
#منٺارعلي #بگٽي
#قربان #علي #هوٿيپوٽو
Sindh Association Of Japan