Alhadaf Institute

15/09/2026

كثير من الصدمات اللي بنحملها كبار، جذورها ترجع لطريقة تربيتنا وتعامل أهلنا معنا وإحنا صغار —وأحيانًا بدون قصد منهم.
مش الهدف إننا نلوم، الهدف إننا نفهم وننكسر الحلقة.

شو رأيكم، كيف بأثر أسلوب التربية على شخصيتنا وإحنا كبار؟

#تربية

The part of the interview that hit closest to home: the role parents play in shaping acquired trauma 🎙️

So much of what we carry into adulthood traces back to how we were raised — often without our parents even realizing it.
This isn’t about blame. It’s about understanding, so we can break the cycle.

How do you think upbringing shapes who we become as adults?

Parenting

11/09/2026

الدعم والإسناد مش مرتبط بعمر… الطفل بحاجة لحدا يسمعه ويحتويه، والبالغ كمان ممكن يمر بظروف وضغوط ويحتاج مساحة آمنة يحكي فيها ويلاقي الدعم.

في مؤسسة الهدف، بنؤمن إن الإنسان، بأي مرحلة من مراحل حياته، بيستحق إنه يكون مسموع، مفهوم، ومدعوم.

من خلال برامجنا، بنسعى نوفر مساحات آمنة للأطفال والبالغين، نساعدهم فيها على التعبير عن مشاعرهم، التعامل مع التحديات، وبناء مهارات تساعدهم يكونوا أكثر قدرة على مواجهة الحياة.

لأنه طلب الدعم مش ضعف… بالعكس، أحيانًا أقوى خطوة ممكن ياخذها الإنسان هي إنه يقول: أنا بحاجة لحدا يكون معي.

ومؤسسة الهدف موجودة لتكون جزء من هالطريق… دعم، إسناد، وتمكين للإنسان في كل مرحلة.

09/09/2026

هذه الصور تم توثيقها خلال زيارة خاصة إلى دار سيدة الجبل – عنجرة.

كل طفل بحاجة لحدا يسمعه، يفهمه، ويشعره إنه مش لحاله.

الدعم والإسناد للأطفال مش بس إننا نساعدهم وقت يواجهوا مشكلة، هو إننا نكون موجودين من البداية… نسمع بدون حكم، نحتوي بدون لوم، ونعطيهم مساحة آمنة يحكوا فيها عن مشاعرهم وتجاربهم.

في مؤسسة الهدف، بنؤمن إن الطفل لما يلاقي شخص داعم وآمن بحياته، بقدر يتجاوز الصعوبات بثقة أكبر، ويكتشف قدراته، ويؤمن بحاله وبمستقبله.

لأنه أحيانًا كلمة بسيطة، حضن، أو شخص يقول للطفل: «أنا جنبك»… ممكن تفرق معه أكثر مما نتخيل.

دعم الطفل اليوم، هو بناء لإنسان أقوى وأكثر أمانًا بكرة.

08/09/2026

إذا فقدان السيطرة بالحياة
بخليك تسيطر على الأشياء الي حواليك؟
اسمع و شاهد هاد الفيديو

02/09/2026

https://www.youtube.com/watch?v=maJJE85YMSo&t=2s

شو يعني يكون الأب حاضر فعلًا بحياة طفله؟ وهل المهم يقضي معه ساعات طويلة، ولا نوعية الوقت والتواصل هي اللي بتصنع الفرق؟

في حلقة جديدة من برنامج «كيفك»، نستضيف الاستشارية الأسرية ماران معايعة للحديث عن أهمية دور الأب في تنشئة الطفل، وكيف يؤثر حضوره واهتمامه وتفاعله على شخصية أبنائه وشعورهم بالأمان والثقة.

الحضور الحقيقي مش بعدد الساعات… بل بالأثر اللي بيتركه الأب بحياة طفله.

Maran Ma'ay'ah AbuJaber

شو يعني يكون الأب حاضر فعلًا بحياة طفله؟ وهل المهم يقضي معه ساعات ط...

01/09/2026

من مقابلتي على التلفزيون الأردني ، جزء بسيط بس مهم عن أنواع الصدمة النفسية 🎙️

في أكثر من نوع من الصدمة اللي مرّ عليّ في تجربتي كمدربة مهارات حياتية:
الصدمة المكتسبة – الصدمة المباشرة

كل نوع بيأثر بطريقة مختلفة، وفهمه هو أول خطوة نحو التعافي.

شاركوني: أي نوع منها حسيتوا فيه بحياتكم؟

31/08/2026

تتقدم **مؤسسة الهدف** بأسمى آيات التهنئة والتبريك إلى
**جلالة الملكة رانيا العبدالله المعظمة**،

بمناسبة عيد ميلاد جلالتها.

سائلين الله أن يمنّ على جلالتها بموفور الصحة والعافية، وأن يمدّها بالقوة والعزم لمواصلة مسيرتها المباركة في خدمة الوطن، ودعم الأسرة والمرأة والطفل، وتعزيز التعليم والتنمية وتمكين الأجيال.

كل عام وجلالتكم بخير،
وكل عام والأردن وقيادته الهاشمية وشعبه الأصيل بألف خير.

**مؤسسة الهدف**
**الأردن**

31/08/2026

كونوا معنا في لقاء مميز، عبر أثير إذاعة Ain Fm | عين اف ام