Talaka - Associazione dei bielorussi in Italia

21/06/2026

Сёння Сонца дасягнула найвышэйшага пункту на небасхіле. Дзень летняга сонцастаяння!

А мы запрашаем 11 ліпеня адсвяткаваць Купалле разам.

Запоўніце форму!

https://forms.gle/gViYkyMJ2Nnf49uc8

🌿 КУПАЛЛЕ 2026 🌿

Запрашаем вас разам адсвяткаваць Купалле — самае чароўнае, спеўнае і душэўнае свята беларускага лета.

📅 11 ліпеня 2026
🕓 Пачатак а 16:00
📍 Dimora di Carduccio, Firenze

На маляўнічых пагорках Тасканы нас чакае вечар беларускіх традыцый, музыкі і сяброўства. Мы будзем плясці купальскія вянкі, спяваць беларускія песні, танчыць, шукаць папараць-кветку, сустракаць захад сонца і збірацца вакол купальскага вогнішча.

Кошты (за 1 чалавека):
🔻Дарослыя і падлеткі ад 10 гадоў: **20€**
🔻Дзеці да 10 гадоў: **бясплатна**

Для ўдзелу просім загадзя зарэгістравацца праз форму. У ёй знойдзеце больш падрабязную інфармацыю пра мерапрыемства і ўмовы ўдзелу.

Да сустрэчы на Купаллі!

📍Мы арганізуем свята з патрымкай Народных амбасад Беларусі і інфармацыйнай падтрымкай Цэнтра беларускай дэмакратычнай супольнасці.

18/06/2026

Гэтым днем Италія афіцыйна стала рэспублікай.

А да гэтага апошні кароль італіі Умбэрта II разам са сваёй сям'ёй пакінуў краіну і больш туды не вярнуўся.

Прапануем пазнаёміцца з кароткай, але цікавай гісторыяй кіравання перадапошняга і апошняга каралей Італіі. Ні на што не намякаем, але мудрасці трэба вучыцца ў гісторыі.

Гартайце карткі!

17/06/2026

Мінулі 40 гадоў з таго момату, калі чарнобыльская катастрофа змяніла многае ў свеце. Памятаць пра трагедыю важна, аднак нельга забывацца ейныя наступствы. Пра іх трэба гаварыць.

Падчас сустрэчы мы звернемся да гісторыі катастрофы, абмяркуем сучасныя выклікі і пагрозы, а таксама нагадаем пра важную ролю салідарнасці і падтрымкі, што цягам дзесяцігоддзяў аб’ядноўвала Італію і Беларусь.

Гэта прастора для дыялогу. Дзень прысвечаны памяці і агульнай адказнасці за будучыню.

У мерапрыемстве прымуць удзел прадстаўнікі інстытуцый, эксперты і прадстаўнікі грамадзянскай супольнасці, а таксама будуць гучаць асабістыя гісторыі.

Мерапрыемства арганізаваў Цэнтр беларускай дэмакратычнай супольнасці ў Італіі ў партнёрстве з асацыяцыяй "Талака" і Народнай амбасадай Беларусі ў Італіі пры патранажы Савета рэгіёна Тасканы.

🗓 22 чэрвеня 2026
🕔 17:00
📍 Фларэнцыя, Савет рэгіёна Тасканы

Для ўваходу неабходны дакумент, які сведчыць асобу.
Далучайцеся!

15/06/2026

⚡️Моўная хвілінка!

Дарэмна нас дражняць бульбаю. Ёсць бульба, ёсць і да бульбы. Я не кажу пра ежу даўніх беларускіх магнатаў, усе гэтыя «ласіныя губы ў падсалоджаным воцаце», «бабровыя хвасты» і іншае. Нават кухарская кніга XIX стагоддзя «Гаспадыня літоўская» (Беларусь тады часта называлі Літвою), кніга для сярэдніх класаў, дае тысячы рэцэптаў дужа складаных страў.

Уладзімір Караткевіч, з мастацка-гістарычнага нарыса “Зямля пад белымі крыламі”

А файна дзяліцца рэцэптамі між сабой (па-італьянску “ricеtta”) . А калі людзі з розных краін - дык увогуле спрычыняешся да іншай культуры. То дзяліцеся рэцэптамі дранікаў (як варыянт), а наўзамен даведайцеся рэцэпт, напрыклад, самай смачнай піццы!..🍕

10/06/2026

🔅Водгук пра адпачынак ад сям'і замест нашых каментароў.

”У Дж. Р. Р. Толкіна ёсць тэрмін - эўтакатастрофа. Гэта раптоўны паварот да святла тады, калі ты стаіш на краі бездані, не маеш рэсурсаў, а цемра нібыта перамагла. Калі гадамі нясеш у сабе досвед сутыкнення з рэжымам, твая унутраная катастрофа становіцца хранічнай. Ты звыклы жыць са сціснутымі сківіцамі і выпаленай нервовай сістэмай. І калі “Талака” працягвае руку і адпраўляе сям'ю ў Італію на рэабілітацыю, спачатку ты не верыш. А потым едзеш, але…бярэш сваё пекла з сабой.

Першыя некалькі дзён я хаджу па ўзбярэжжы і паўтараю сама сабе: “Вандраваць бессэнсоўна, бо ты возіш з сабой самога сябе”. Унутраны канвой не ідзе па дамах толькі таму, што змянілася геаграфія. А потым адбываецца яна. Эўтакатастрофа.

Яна прарастае незаўважна, калі ты перастаеш чакаць, што цябе “адпусціць”. Раптам ты заўважаеш, што мора - радок за радком, хваля за хваляй - змывае журботу. Дробны італьянскі пясок рыпіць пад нагамі і нагадвае пра тленнасць тыранічнага быцця. Заходы сонца так плаўна пераходзяць у світанкі, што час губляе сваю траўматычную лінейнасць і зноў становіцца бяспечным “цяпер”.

І ў пэўны вечар ты ўсведамляеш: у цябе больш не баляць сціснутае спазмам сэрца і стомленая ад стрэса печань. У цябе… проста баляць апаленыя паўднёвым сонцам плечы. І гэта - самы цудоўны кантраст. Таму што апёки на скуры лечацца звычайным пантэнолам, лёгка і хутка. А раны душы, што мы прывезлі з Беларусі, атрымалі тое, чаго ім не ставала, - бяспечную прастору, каб пачаць загойвацца.

Шчыры дзякуй “Талацы” за гэты эўтакатастрафічны паварот для нашай сям'і. Зто тое, што дзеці пабачылі маму і тату, якія проста дыхаюць, а не выжываюць. Мы яшчэ паваюем. Але спачатку - намажам плечы крэмам і паслухаем мора”.

09/06/2026

🌿 КУПАЛЛЕ 2026 🌿

Запрашаем вас разам адсвяткаваць Купалле — самае чароўнае, спеўнае і душэўнае свята беларускага лета.

📅 11 ліпеня 2026
🕓 Пачатак а 16:00
📍 Dimora di Carduccio, Firenze

На маляўнічых пагорках Тасканы нас чакае вечар беларускіх традыцый, музыкі і сяброўства. Мы будзем плясці купальскія вянкі, спяваць беларускія песні, танчыць, шукаць папараць-кветку, сустракаць захад сонца і збірацца вакол купальскага вогнішча.

Кошты (за 1 чалавека):
🔻Дарослыя і падлеткі ад 10 гадоў: **20€**
🔻Дзеці да 10 гадоў: **бясплатна**

Для ўдзелу просім загадзя зарэгістравацца праз форму. У ёй знойдзеце больш падрабязную інфармацыю пра мерапрыемства і ўмовы ўдзелу.

Да сустрэчы на Купаллі!

📍Мы арганізуем свята з патрымкай Народных амбасад Беларусі і інфармацыйнай падтрымкай Цэнтра беларускай дэмакратычнай супольнасці.

04/06/2026

Сёння ў Рыме Юлія Юхно, кіраўніца Цэнтра беларускай супольнасці і прадстаўніца Народнай амбасады Беларусі ў Італіі ўзяла ўдзел у канферэнцыі «Transnational Repression: una sfida per i diritti e la sicurezza della democrazia».

Мерапрыемства прысвяцілі транснацыянальным рэпрэсіям. Гэта тая пагроза, з якой усё часцей сутыкаюцца беларусы за межамі сваёй краіны.

Транснацыянальныя рэпрэсіі — гэта ціск на эмігрантаў і дыяспару праз сваякоў, абвяшчэнне людзей і арганізацый «экстрэмісцкімі», злоўжыванне міжнароднымі механізмамі вышуку, спробы вярбоўкі спецслужбамі за мяжой, пазбаўленне грамадзян базавых правоў і доступу да дакументаў.

Падчас дыскусіі Юлія расказала пра тое, як беларускі рэжым працягвае пераследаваць сваіх грамадзян нават пасля іх вымушанага выезду з краіны.

Дзякуй арганізатарам — FIDU і IPHR — за магчымасць падняць гэтую важную тэму разам з прадстаўнікамі праваабарончай супольнасці, дзяржаўных інстытутаў, журналістамі і экспертамі.

03/06/2026

Народная амбасада Беларусі ў Італіі і Цэнтр беларускай дэмакратычнай супольнасці збіраюць звесткі аб патрэбе ў пашпарце Новай беларусі!

Для тых беларусаў, хто жыве ў Італіі, ёсць тэарэтычная і практычная магчымасць займець такі пашпарт. Практычная магчымасць залежыць ад колькасці заявак. Таму важна ведаць, наколькі шырокі попыт і жаданне займець пашпарт Новай Беларусі.

У сторыз таксама ёсць форма, што адлюстроўвае выключна вашае жаданне (калі вы яе запоўніце). Яна не збірае асабістых звестак.
https://forms.gle/thS2bBFLDtLaEWts8

✊Няхай уладальнікаў пашпарта Новай Беларусі стане больш!

02/06/2026

⚡️Гэтым днём у 1946 годзе прайшоў сусветнавядомы рэферэндум, дзе перад італьянцамі паўстала і простае, і адначасова складанае пытанне: як жыць далей? Выбар быў такі: манархія альбо рэспубліка. Больш за палову выбаршчыкаў (а іх было каля 25 мільёнаў!) абралі рэспубліку. Кароль Умбэрта II пакінуў краіну разам з сям'ёй, а з італьянскага сцяга прыбралі каралеўскі герб.

А яшчэ ў гэты дзень жанчыны ўпершыню атрымалі права галасаваць і прыйшлі на выбарчыя ўчасткі.

Віншуем Італію і ейны народ са святам. Няхай шлях вашай краіны будзе ясным і паслядоўным.

30/05/2026

✨Гляньце, колькі прыгажосці ў нас на стэндзе!

Гэта ярмарка ARTIGIANO IN FIERA! Распаўсюджвайце інфармацыю пра тое, што цяпер у Мілане можна набыць штосьці, што заўсёды нагадае пра Беларусь.

‼️Як знайсці беларускі стэнд?

Fieramilano Rho, павільён 4, месца Н130. Кірмаш працуе да 2 чэрвеня з 10.00 да 22.30

Зроблена ўмелымі беларускімі рукамі.