ناوەندی باڵای دەورووبەری سلێمانی

31/07/2017

ستافی ناوەندی باڵامان رۆژی دووشەممە ٨⁄٣١ سەردانی دەستەی ڕێکخراوە جەماوەری پیشەییەکانی ئەنجومەنی سەرکردایەتی پارێزگای سلێمانی و ھەڵەبجەمان کرد ، سەبارەت بە کار و پڕۆژەی داھاتووی ناوەندی باڵامان گفتوگۆمان کرد . سوپاس بۆ کاک فارس بۆ پشتگیری خەمخۆری بەڕێزیان بۆ لاوان ناوەندی باڵامان.

21/02/2017

لە چوارچێوەی چالاكییەكانی بەرزڕاگرتنی یادی ١٨ ی شوبات
نمایشی شانۆیی ئێمە و ئەمڕۆ لە نواندنی تیپی شانۆیی نیگا تۆراوەكان سەر بە ناوەندی چالاكی و پێگەیاندنی لاوانی بەكرەجۆ

19/02/2017

ئەمڕۆ
بەشێك لە مەراسیمی پێشوازی میوانانی ساڵیادی دامەزراندنی یەكێتی لاوانی دیموكراتی كوردستان و یەكێتی قوتابیانی كوردستان

17/02/2017

بەرز و پیرۆز بێت یادی ١٨ ی شوبات
بە بۆنەی ساڵیادی دامەزراندنی یەكێتی لاوانی دیموكراتی كوردستان ڕۆژی یەكشەممە بەرواری ٢٠١٧/٢/١٩ ناوەندی باڵای دەوروبەری سلێمانی لە ھۆڵی سیمینارەكانی لقی ٢١ لە پێشوازی میوانانی خۆشەویستدا دەبێت

24/01/2017

ئەمڕۆ بە ئامادەبوونی ھەڤاڵانی ناوەندی باڵای دەوروبەری سلێمانی و بەرپرس و كارگێڕانی لیژنەی ناوچەی خەبات ، ناوەندی چالاكی و پێگەیاندنی لاوانی شارباژێڕ كۆتایی بە خولێكی تۆپی پێ ھێنا كە بۆ ١٤ لە تیپی ئەو سنوورە سازكرابوو

10/12/2016

ناوەندی چالاكی لاوانی بازیان بە ئامادە بوونی ستافی ناوەندی باڵای دەوروبەری سلێمانی و لیژنەی ناوچەی ڕاپەڕین كۆتایی بە خولێكی تۆپی پێ ھێنا كە بۆ ژمارەیەك لە تیپەكانی سنووریان سازیدابوو

18/11/2016

ئه‌مڕۆ به‌ ئاماده‌بوونی به‌رپرسی جه‌موه‌رییه‌كانی لقی ٢١ و به‌رپرسی لیژنه‌ی ناوچه‌ی ڕاپه‌ڕین و به‌رپرس و كارگێڕانی ناوه‌ندی باڵای ده‌ورووبه‌ری سلێمانی، ناوه‌ندی لاوانی دوكان كۆتایی به‌ خولێكی تۆپی پێ هێنا كه‌ بۆ ژماره‌یه‌ك له‌ تیپه‌كانی سنووریان سازیكردبوو

13/11/2016

مەراسیمی کۆتای هێنان بەخولی پێشمەرگە
ڕۆژی ۱۳_۱۱_۲٠۱٦__ ناوەندی لاوانی دوکان بەئامادەبونی هەڤاڵانی ناوەندی باڵای دەوروبەر و بەرپرسی لیژنەی ناوچەی ڕزگاری کۆتایى هێنا بەخولی پێشمەرگە کەبۆکۆمەڵێک تیپی وەرزشی سنوری ناوه‌ند ڕێکخرابوو

02/11/2016

كردنه‌وه‌ی خولێكی تۆپی پێ له‌ سنووری ناوندی لاوانی به‌كره‌جۆ سه‌ر به‌ ناوه‌ندی باڵای ده‌وروبه‌ری سلێمانی بۆ ١٠ تیپی سنووره‌كه‌
٢٠١٦/١١/٢

17/03/2015

لە یادی لەدایکبوونی بارزانی نەمر ناوەندی چالاکی و پێگەیاندنی لاوانی دوکان لە گەڵ هەڤاڵانی لیژنەی ناوچەی دوکان هەستان بە بەخشینی خوێن بۆ برا پێشمەرگەکان

24/02/2015

یەکێتی لاوانی دیموکراتی کوردستان پیشانگایەکی بۆ سەرجەم شەهیدانی شەڕی داعش کردەوە

له‌ هه‌ولێر كردنه‌وه‌ى پیشانگایه‌كى فۆتۆگرافیى شه‌هیدانى شه‌ڕى دژى داعش 24-2-2015

18/02/2015

لە پەیامێکدا بەبۆنەی ٦٢ـەمین ساڵیادی دامەزراندنی ڕێکخراوی (یەكێتیی قوتابیانی كوردستان و یەكێتیی لاوانی دیموكراتی كوردستان)، سەرۆكی هەرێمی كوردستان ڕایگەیاند، بۆ ئێستا و پاشەڕۆژیش ڕۆڵی لاوان و قوتابیان هەستیار و گرینگە و لە کاتێکدا شەرەفی پێشمەرگایەتی و پاراستنی گەل و وڵاتەکەیان وەدەست هێناوە، پێویستە بە هەمان هەستی پێشمەرگانەوە ڕێگە لە بڵاوبوونەوەی بیری توندڕۆیی بگرن و بەرپەرچی ئەو هەوڵانە بدەنەوە کە بۆ بێ ئیرادەکردن و لاوازکردنی هەستی نیشتیمانپەروەری لای گەنجان لەئارادایە.

دەقی پەیامی، سەرۆكی هەرێمی كوردستان پیرۆزبایی لە هەردوو یەكێتیی قوتابیان و لاوانی كوردستان دەكات
بەناوی خوای گەورە و میهرەبان
قوتابیان و لاوانی خۆشەویست
بەبۆنەی ٦٢ـەمین ساڵیادی دامەزراندنی ڕێکخراوەکەتان (یەكێتیی قوتابیانی كوردستان و یەكێتیی لاوانی دیموكراتی كوردستان) پیرۆزباییان لێ دەكەم و هیوای سەرکەوتنی زیاترتان بۆ دەخوازم.
مێژووی بزاڤی ڕزگاریخوازیی گەلەکەمان پڕە لە لاپەڕەی شانازیی لاوانی وڵاتەکەمان و بوون و مانەوەی کوردستان بەهۆی گیانفیدایی و قوربانیدانی لاوەکانمانەوەیە. قوتابیان و لاوانی کوردستان، بەردەوام لە هەردوو بەرەی پاراستنی وڵات و دابینکردنی ئاییندەیەکی گەش بۆ گەلەکەیان سەرەڕم بوون و پاڵپشتێکی پۆڵایینی شۆڕش و بەرخودانی گەلەکەمان بوونە.
ئێستایش کە گەل و وڵاتمان بەرەوڕووی شەڕێکی داسەپاوی دوژمنێکی دڕندە و دژەژیان و ئازادی بۆتەوە و شەڕی مان و نەمانە، هەموو چینوتوێژەکانی گەلەکەمان بوونە پێشمەرگە و لەو بەرگرییە قارەمانانەیەدا بەشدارن و توانییان سەروەرییەکی گەورەی مێژوویی تۆمار بکەن و ئەفسانەی دڕندەترین دوژمن لەسەر خاکی کوردستان تێکبشکێنن، بە جۆرێک کە ئێستا هەموو جیهان شانازیی بە ئازایەتی و جوامێریی پێشمەرگەوە دەکات.
بۆیە، بۆ ئێستا و داهاتوویش ڕۆڵی ئێوەی لاوان و قوتابیان زۆر هەستیار و گرینگە و لە کاتێکدا شەرەفی پێشمەرگایەتی و پاراستنی گەل و وڵاتەکەتان وەدەست هێناوە، پێویستە بە هەمان هەستی پێشمەرگانەوە ڕێگە لە بڵاوبوونەوەی بیری توندڕۆیی بگرن و بەرپەرچی ئەو هەوڵانە بدەنەوە کە بۆ بێ ئیرادەکردن و لاوازکردنی هەستی نیشتیمانپەروەری لای گەنجانی وڵاتمان لەئارادایە.
سەربەرز و سەرکەوتوو بن.
مەسعوود بارزانی
سەرۆكی هەرێمی كوردستان
18/2/2015