Lalish Sharya Branch مركز لالش شاريا

16/06/2026

100 زاڕۆک د چالاکییەکا هشیارییێ دا

​ئیرۆ، سێشەمبی ڕێکەفتی 16ێ خزیرانا 2026 ـان، بنگەهێ لالش تایێ شاریا، د چارچۆڤەیێ چالاکییێن خۆ یێن پەروەردەیی و جڤاکی دا، سەرکەفتییانە کۆڕەکێ هشیارییێ بۆ بتر 100 زاڕۆکان ژ هەردو ڕەگەزان ڕێکخست.
​ئەڤ کۆڕە ژ ئالییێ مامۆستا( بارزان خێری) ڤە هاتە پێشکێش کرن، کو تێدا ڕۆناهی ئێخستە سەر بابەتێن گرنگ یێن گرێدایی هشیاری و پەروەردەکرنا دورست یا زاڕۆکان د جڤاکی دا و ئەو کارێن گرنگ یێن دبنە ئەگەرێ بهێزکرنا هشیارییێ و سەرەدەرییا وێ د ناڤبەرا زاڕۆک و دەوروبەران دا و هەر ژینگەهەکا ئەو تێدا دژین.
​بنگەهێ لالش بەردەوامە د کار و خزمەتێن خۆ دا بۆ بلندکرنا ئاستێ رەوشەنبیری و هشیارییێ د ناڤبەرا تەخ و چینێن جودا یێن جڤاکی دا، ب تایبەتی زاڕۆک و گەنجان.

15/06/2026

ڕاپۆرتا sema tv ل دۆر فێرکاریا شاریا یا وەرزشی ئەوا ژ لایێ بنگەهێ لالش تایێ شاریا ڤە هاتییە ڤەکرن

14/06/2026

🔹ل شاریا چالاکیەک بۆ پتر ژ 100 ئافرەتان هاتە ئەنجامدان

🔹بنگەهێ لالش تایێ شاریا ب هەڤکاری دگەل کۆمەلا ژنان بەغدا رابوون ب گێرانا چالاکیەکێ کو ب هەلکەفتا سالڤەگەرا 22 ساليا دامەزراندنا کۆمەلا ژنان ل بەغدا، چالاکیەک بۆ پتر ژ 100 ئافرەتان ل هۆلا لالش ئێک ئەنجامدان.

🔹چالاکی ژ چەندین برگێن هەمەجۆر پێک دهات ژوان ژی، ل دەستپێکێ خۆلەکەکێ راوەستیان وەک ريزگرتنەک ژ بۆ گیانێ پاکێ شەهید و جانگۆریێن کوردستانێ، پاشان پەیڤەک هاتە پێشکێشکرن ژ لایێ راوێژکارا کۆمەلا ژنان ڤە ( پارێزەر سوزان خودێدا )، هەر دیسان پەیڤەک هاتە پێشکێشکرن ژ لایێ ( خانم مریەم )ـڤە کو هەر ئەو ژی ئێک ژ کارگێرێن کۆمەلا ژنان بوو ل ئوفیسا وان ل دهۆک، پاشان برگەکا مۆزیکی ژ لایێ گرۆپێ ئەزدا ڤە هاتە پێشکێشکرن دگەل ژەنینا مۆزیکەکا ئارام کێکەک هاتە شکاندن ب هەلکەفتا دامەزراندنا 22 ساليا سالڤەگەرا کۆمەلا ژنان، ل دووماهیێ ژی پەیڤ و هێما ل سەر بالونان هاتن نڤیسان و هاتنە فراندن بۆ ئەسمانی ژ لایێ ئافرەتێن د چالاکیێ دا بەشدار.

🔹برێڤەبرنا پەنەلی ژ لایێ ڕاگەهاندکار ( جەمیلا حازم )ـڤە بوو.

14/06/2026

30 خێزانێن کێمدەرامەت هاریکارییان وەردگرن ​
ئیرۆ ل ڕۆژا ئێکشەمبێ ڕێککەفتی 2026/6/14ێ ، بنگەهی لالش تایێ شاریا ب هەڤکاری ل گەل خێرخوازێ ئێزدی (ئەمین قاسۆ گرێپانی ) رابوو ب بەلاڤکرنا 30 سەلکێن خوارنێ یێن سەرەکی و پێدڤی ل سەر ئاوارە و خێزانێن خۆجهــ و کێدەرامەت ل کۆمەلگەها شاریا .
​ب ناڤێ بنگەهی لالش تایێ شاریا، سوپاسی و پێزانینێن مەزن ئاراستەی خێرخوازێ هێژا (ئەمین قاسۆ) دکەین بۆ ڤێ دەستپێشخەریا مرۆڤاتی و ژ خودێ دخوازین خێرا وی قەبوول بکەت و هەر بەردەوام بت د کارێن خێرخوازی دا بۆ خزمەتکرنا پێکهاتێ مە یێ ئێزدی و تەڤایا مرۆڤاتییێ.

12/06/2026

شاریا: پتر ژ 100 خێزانان سەلێن خوارنێ وەرگرتن

​وەکو هەر جار د چوارچۆڤێ کارێن مرۆڤایەتی و بەردەوامیا هەڤکاریان دا بۆ پشتەڤانیکرنا خێزانێن کێم دەرامەت ل دەڤەرێ، ئیرۆ ل ڕۆژا ئینیێ ل ڕێکەفتی 12/6/2026 بنگەهێ لالش تایێ شاریا ب هەڤکاری دگەل (کنيسة یسوع المسیح بیبرا الالمانية) و ( کنیسة زاخو الانجيلية ) ڕابوون ب بەڵاڤکرنا هاریکاریيان ب سەر پتر ژ ( 100 ) خێزانێن کێم دەرامەت یێن کۆمەلگەها شاریا و ئاوارەیێن کەمپا شاریا.

​د ڤێ چالاکییێ دا، پتری 100 سەلێن خوارنێ و پێدڤیێن سەرەکی لسەر خێزانێن ئاوارە و خۆجهێن دەڤەرێ دا هاتنە دابەشکرن هاریکاری پێکهاتبوون ژ ( برنج، زیت، نیسک، فاسولی، توف چای، شیر، ساڤار، معجون و معکرونێ ) کو ئەڤە ژی پشکەکە ژ زنجیرە چالاکییێن بەردەوام یێن بنگەهێ لالش بۆ پشتەڤانیکردنا تەخ و چینێن جودا جودا یێن جڤاکی.

​​ئەڤ پێنگاڤە دەربرینێ ژ روحا پێگهاندنا کارێن مروڤایەتیێن هەڤپشکیێ و پشتەڤانیا بەردەوام دکەت بۆ کێمکرنا بارگرانیێ لسەر شانێن خێزانێن کەمدرامەت و ئاوارە ل دەڤەرێ.

ل دووماهیێ ژی بنگەهێ لالش تایێ شاریا سۆپاسیێن خۆ ئاراستەیی کەنیسەیێن ناڤبری كرن کو ئەڤە بۆ جارا گەلەکێ یە دگەل بنگەهی شاریا و خەلکێ دەڤەرێ پشتەڤانن.

05/06/2026

05/06/2026

خەلاتکرنا 120 قوتابییێن پێشەنگ ل سەر ئاستێ قوتابخانەیێن کۆمەلگەها شاریایێ . تەمامییا وێنەیێن قوتابییان.

05/06/2026

خەلاتکرنا 120 قوتابییێن پێشەنگ ل سەر ئاستێ قوتابخانەیێن کۆمەلگەها شاریایێ . تەمامییا وێنەیێن قوتابییان.

05/06/2026

🔶 خەلاتکرنا 120 قوتابییێن پێشەنگ ل سەر ئاستێ قوتابخانەیێن کۆمەلگەها شاریا.

🔸 بۆ پتر خزمەتکرنا کەرتێ پەروەردەیێ ئیرۆ ل رێککەفتی 5/6/2026 بنگەهێ لالش تایێ شاریا ب هەڤکاری ل گەل لیژنا ناوچەیا فەیدیێ و ب پشتەڤانییا دارایی یا گەنجێ کومەلگەها شاریا (شەریف الیاس سمو) و ب ئامادەبوونا هژمارەکا زۆر ژ کەساتی و ریهسپی و بەربژێرێن گوندان و کەساتیێن پەروەردەیی و حزبی و حکومی 110 قوتابییێن پێشەنگ ل سەر ئاستێ قوتابخانەیێن کۆمەلگەها شاریایێ رێز لێ هاتە گرتن. هەروەسا هەر دەهـ ڕێڤەبەرێن قوتابخانەیێن کۆمەلگەها شاریا ژی هاتنە خەلاتکرن ژ بەر ڕۆلێ وان د وارێ پەروەردەیێ دا. ل دەستپێکێ "دلگەش سەلیم "بەرپرسێ بنگەهێ لالش پەیڤا بخێرهاتنێ ڕابەری ئامادەبوویان کر و گۆت: گەرمترین پیرۆزباهییان ئاراستەی تەڤایا قوتابیێن خۆشتڤی، مالباتێن وان یێن ڕێزدار، و ستافێ پەروەردەیی و مامۆستایێن دلسۆز دکەین.
​ئەڤ دەستکەفتە بەرهەمێ شەونخونی و بەردەوامییا قوتابییان و پشتەڤانییا خێزانێن وانە. هەروەسا پەیڤەک ژ ئالییێ مامۆستا "سەعید جردۆ" سەرۆکێ دەستەکا بلند یا بنگەهێ لالش و تێدا ڕۆناهی خستە سەر گرنگییا ڤان جۆرەچالاکییان. هەروەسا پەیڤەک ژ ئالییێ مامۆستا "حەسەن چەلەبی" ڕێڤەبەرێ پەروەردەیا سێمێلێ و تێدا پشتەڤانییا خۆ دیار کر بۆ چالاکییێن پەروەردەیی و هاندانا قوتابییان بۆ خووندن و بلندکرنا ئاستێ زانستی.
​گرنگییا ڤێ پێنگاڤێ ​هاندانا زانستی خەلاتکرنا قوتابییان ژ ئالییێ بنگەهێ لالش یێ ڕوشەنبیری و جڤاکی ڤە، پێنگاڤەکا گرنگ و پڕبایەخە بۆ ڕێزلێنان ل ماندووبوونا وان و هاندانا پاشەڕۆژەکا گەشتر.ئەڤ جۆرە چالاکییە دبنە ئەگەرێ بلندکرنا ئاستێ ڕەوشەنبیری و زانستی د ناڤ جڤاکی دا و پەرەپێدانا شیانێن گەنج و قوتابیانە، ​داخوازا سەرکەفتنێ و بەردەوامیێ بۆ تەڤایا قوتابییێن خەلاتکری دکەین د قۆناغێن داهاتی یێن زانستی دا، و دەستخۆشییێ ل کاک "شریف لیاس سمو" دکەین بۆ ڤێ پشتەڤانی و دەستپێشخەرییا جوان.