Warith NGO - صندوق وارث

Warith NGO - صندوق وارث بناءً على رغبة مجتمعية واسعة في دعم مرضى السرطان من الاطفال عبر مؤسسات وارث الدولية، أُنشئ هذا الصندوق ليكون وسيلة لمشاركة العطاء.
(6)

مؤسسة عراقية غير ربحية تعمل على دعم جهود الوقاية والرعاية لمرضى السرطان والامراض المستعصية من خلال تفعيل المشاركة المجتمعية واستثمار القدرات الوطنية لتحقيق هذا الهدف السامي بالتنسيق والتعاون مع مؤسسات وارث الدولية.

17/06/2026

هذا الفيديو يحجي قصة أحد أبطالنا اللي نفتخر بيهم، لكنه بنفس الوقت يحجي عن مئات القصص اللي تتكرر يومياً داخل مؤسسة وارث.

لكل طفل يواجه المرض بشجاعة، ولكل أم وأب يصبرون ويواصلون، ولكل فرد من الكادر الطبي والتمريضي والإداري والخدمي، ولكل من ساهم ودعم وكان سبباً باستمرار هذه المسيرة...
نقدمها على انها رحلة من الأمل والتقدم والشجاعة، بدل الألم والحيرة

تحية لكل أطفالنا الأبطال، ولكل عوائلهم، ولكل فرد يعمل يومياً حتى تستمر هذه الرسالة.

بكم نواصل… ولأجلهم نستمر.
للتواصل: 7374

⁩

ساهم لمرضى اطفال السرطان عبر رسائل آسياسيل 📲أرسل رقم 1 الى 2166للتبرع بمبلغ 1,000 دينارأرسل رقم 5 الى 2166للتبرع بمبلغ 5...
16/06/2026

ساهم لمرضى اطفال السرطان عبر رسائل آسياسيل 📲
أرسل رقم 1 الى 2166
للتبرع بمبلغ 1,000 دينار

أرسل رقم 5 الى 2166
للتبرع بمبلغ 5,000 دينار

بكم نواصل… ولأجلهم نستمر.
للتواصل: 7374

⁩
⁩

احصائيات الشهر السابق لعدد الأطفال المُستفيدين داخل مؤسسة وارث لعلاج الأورام، مستشفى الثقلين ومستشفى المجتبى 📈حيث ذهبت ك...
14/06/2026

احصائيات الشهر السابق لعدد الأطفال المُستفيدين داخل مؤسسة وارث لعلاج الأورام، مستشفى الثقلين ومستشفى المجتبى 📈

حيث ذهبت كل مساهماتكم إلى تغطية علاج لأطفال خلال الشهر السابق من 17 مدينة عراقية وهي:
ميسان (17)، المثنى (37)، السليمانية (2)، ذي قار (85)، واسط (37)، كربلاء (223)، أربيل (1)، بغداد (175)، نينوى (31)، البصرة (58)، النجف (57)، ديالى (23)، بابل (141)، صلاح الدين (19)، الأنبار (40)، كركوك (9)، القادسية (78)

في صندوق وارث، نؤمن أن المساهمة المجتمعية يجب أن تكون أسلوب حياة وعطاء لا منتهي لتسطر أجمل صور التآخي.
ساهم الآن عبر زين كاش، سوبر كي، أو موقعنا.

بكم نواصل… ولأجلهم نستمر.
للتواصل: 7374

⁩
⁩

11/06/2026

لأن الأبطال مو بس بالملعب… الأبطال هم اللي يواجهون كل يوم بقوة وما يفقدون الأمل.

ساهم للأبطال المصابين بالسرطان تحت عمر الـ 15 سنة عبر صندوق وارث وخلي الفرحة تكبر.

بكم نواصل… ولأجلهم نستمر.
للتواصل: 7374

⁩
⁩

09/06/2026

اليوم نفذنا واحدة من رغبات أطفالنا بلقاء الممثل فائز العبد الله (عمو رحومي)، حيث تركت الزيارة أثراً إيجابياً، وأسهمت في رسم البسمة على وجوه كثير من المرضى في مؤسسة الثقلين.

07/06/2026

اليوم عدنا فرحتين، الاولى حسوني نجح، والثانية حب الهدية الاختاريناها اله
مبارك يا بطل وننتظر الفرحة الثالثة من تطلع من المستشفى والسلامة مرافقتك

ساهم بعلاج سرطان الاطفال بالمجان عبر صدوق وارث
بكم نواصل… ولأجلهم نستمر.
للتواصل: 7374

⁩
⁩

04/06/2026

اطفال وارث يلعبون، يضحكون، ويعيشون طفولتهم اثناء تلقيهم العلاج، لان الطفولة لكل الاطفال

ساهم بعلاج اطفال مرضى السرطان بالمجان وكن جزء من قصة شفاء جسد صغير عبر صندوق وارث

بكم نواصل… ولأجلهم نستمر.
للتواصل: 7374

⁩

الطفلة اللي كل متدخل للمستشفى تمليها حب.. سامعين بطفل يفرح من ييجي للمستشفى؟اجت تالين بعمر صغير لمستشفى وارث بتشخيص لوكي...
02/06/2026

الطفلة اللي كل متدخل للمستشفى تمليها حب.. سامعين بطفل يفرح من ييجي للمستشفى؟
اجت تالين بعمر صغير لمستشفى وارث بتشخيص لوكيما، سرطان الدم
وية سنين علاجها صارت تشوف كل الكادر اصدقائها، هي مرحة وتحب تلعب وتتشاقة
دائما تطلب ناخذلها صور وية الفريق الطبي واول متجي تصيحهم تريد تصعد تلعب وياهم

على لسان ممرضتها:
أكو أطفال تفرح من تجينا حتى تتعالج… تالين وحدة منهم
بنتنا اللي صارلها ويانا من البدايات، ومن أقدم أطفالنا.
متعلقة بالكادر وتنتظر شوكت تنزل وتلعب وياهم وتاخذ صور

من يوم افتتاح الثقلين وهي تتعالج عدنا،
واليوم ننتظر وياها اللحظة الحلوة…

فرحة تالين وهي تدخل للمستشفى مو صدفة،
من ابتسامة الاستقبال، لرعاية الكادر، لغرفة الألعاب، وإحساس الطفل إن هذا المكان آمن…
وهذا الشي جنا حريصين ان نبني ونخلي هالتجربة مو معيق بحياة الطفل من يكبر

ننتظر نفرح وياچ ياتالين بفرحة الشفاء.

بكم نواصل… ولأجلهم نستمر.
للتواصل: 7374

⁩
⁩

أول مرة دخلت قسم أورام الأطفال، جنت أحاول أتصرف بثبات…بس بداخلي جنت خايفةخايفة من فكرة ان تشوف أطفال بعمر المفروض يكون ك...
31/05/2026

أول مرة دخلت قسم أورام الأطفال، جنت أحاول أتصرف بثبات…
بس بداخلي جنت خايفة

خايفة من فكرة ان تشوف أطفال بعمر المفروض يكون كله لعب ضحك بدون شي ثقيل عليهم،
بدلها تشوفهم يعانون معاناة أكبر من أعمارهم واجسادهم.

أتذكر بالبداية جنت أتأثر بكل شي.
ومرات أبچي لأن تحس تريد تساعدهم بكل طاقتك، بس تشوف شكد المعركة صعبة عليهم وعلى أهلهم واكو امور خارج عن ايدك

فد يوم طفل اسمه سلطان فتحلي گلبه گلي
“أحب من تدوامين وتجين بوقت الاكل… لأن من تجين آكل أكثر، وتلعبين وياية وتضحكيني"

هو ميعرف شكد كلامه غيّرني.

خلاني أفهم أن وجودنا مو فقط أدوية وإبر وعلاج.
ومن وقتها، تغيرت علاقتي بالمهنة كلها.

صرت أؤمن أن التمريض هو قرب حقيقي من الطفل وأهله،
متابعة، واهتمام، وكلمة مطمئنة، وتفاصيل صغيرة ممكن تخفف عنهم يوم كامل.

كل طفل هنا يترك أثر…
واتمنى احنا دنترك اثر بحياته لما يكبر ويتذكر

مساهمتك تصنع فرق حقيقي، وأثرها يتعدى كل شي.. هو يكمل حياة

بكم نواصل… ولأجلهم نستمر.
للتواصل: 7374

⁩
⁩

29/05/2026

فضة من الكوت راح ترجع لأحضان أهلها بعد ما خلصت علاجها ولله الحمد وتتمنى الكم عيد أضحى سعيد 🙏

بكم نواصل… ولأجلهم نستمر.
للتواصل: 7374

⁩
⁩

Address

شارع الحر
Karbala'
56001

Website

Alerts

Be the first to know and let us send you an email when Warith NGO - صندوق وارث posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Warith NGO - صندوق وارث:

Shortcuts

Share

Category