شیفای ناوەکی

شیفای ناوەکی يا حق يا هو 📿 يا حي يا قيوم

بۆ کەســـایەتییەکی بەهێز و کاریزما وە هـــەم بوونی هەیبەتێکی تایبەت لە ژوورەکەتدایە، کە چـۆن بەسەری دەبەیت و چی دەکەی، ل...
26/04/2026

بۆ کەســـایەتییەکی بەهێز و کاریزما وە هـــەم بوونی هەیبەتێکی تایبەت لە ژوورەکەتدایە، کە چـۆن بەسەری دەبەیت و چی دەکەی، لە ڕووکەش هەمــوومان کەســـانی پڕ کاریزماین
بەڵام ئایا لە ژوورە تایبەتەکەی خۆمان تەقوای خودا لە دڵ دەپارێزین ؟
ئایا دەتوانین پەیوەندییەکی ئاسان
لەگەڵ ڕەگەزی بەرامبەر ڕەت
بکەینەوە کە بۆمان هەڵکەوتووە ؟
ئایا دەتوانین ئەو شتەی لە دەرەوە
لەبەر عەیبە نایکەین لە ماڵەوەش
ئەنجامی نەدەین ؟
ئایا دەتوانین پارەیەکی حەڕام کە
بە ئاسانی دێتە بەردەستمان ڕەتی
بکەینەوە ؟

وە هەم دەتوانین خۆمان لە چاو بازی و
سەیرکردنی وێنەی نەشیا و هەم
فیلمی نەشیاو بە دوور بگرین ؟
نهێنییە گەورەکەی هەیبەتی گەورە
لێرەیە کە ئەو شتانەی لە دەرەوە لەبەر خەڵک
ئەنجامی نادەیت لە ژوورەکەت و
تەنیایی لەبەر خودا پاشان پاک
ڕاگرتنی خۆت ئەنجامی نەدەیت
وە هەم بە خودی خۆت بژیت نەک
سیناریۆ بکەیت چونکە بوونی هەیبەت هەست و لەرەی
ناوەکی تۆیە، کاردانەوەی نیەت و
بیرۆکەکانتە، گەر چەندەش خولی
کەسایەتی کاریزما وەربگری بەڵام
دووبارە نیەتت ئەوە بێ کە قبوڵ
بکرێی و سەرنجی ڕەگەزی تر
بۆخۆت ڕابکێشی ئەوا دووبارە
بێ ئەرزش دەردەکەوی گەر چەندیش جل و بەرگت و شێوازی وەستانەکەت تایبەت و
جەنتڵ مان دەرکەوێت !

بیرت بێ سەڵەواتیش هەیبەت زیاد
دەکات، چونکە تۆ سەرنجت
لەسەر گەورەترین مرۆڤی
گەردوون دەبێ، کە خاوەنی
گەورەترین هەیبەت بووە !

ئوسامە 💙

ڕەنگە ئێستا لە بارودۆخێکی ناهەموار بیت دایکت و باوکت قبوڵ نیەلێخۆش بوونت نەکردووە لەگەڵیان کۆک نیلەگەڵ براو خوشکت ئیدارە...
24/04/2026

ڕەنگە ئێستا لە بارودۆخێکی
ناهەموار بیت دایکت و باوکت قبوڵ نیە
لێخۆش بوونت نەکردووە
لەگەڵیان کۆک نی
لەگەڵ براو خوشکت ئیدارە ناکەی.

لەولاشەوە خەمی داهاتووتە کە هاوسەرەکەت و کەسانی دەوروبەرت چۆن دەبن.

بەڵام ڕاستیەکە ئەوەیە
دایک و باوکت وە خوشک و برات ڕاهێنانن بۆتۆ !
گەر زوو لە وانەکە تێ بگەی و خۆت چاک بکەی و ڕاهێنانەکە بەسەرکەوتوویی ئەنجام بدەیت، ئەوا سەرفراز دەبی و کەسانی باش دێنە ڕێگەت لە داهاتوو.
چونکە خانەوادەی تۆ کەسانی داهاتوون کە دێنە پێشت لە هاوڕێ و بەڕێوەبەر و مامۆستا و هاوسەری داهاتووشت
گەر نەتوانی وەک خۆیان قبوڵیان بکەیت و وانەکان فێر نەبی
ناتوانی خۆش لەگەڵ هاوسەرەکەشت بژیت
لەویشی قبوڵ ناکەی !

تۆی ئافرەت گەر ئاشتیت لەگەڵ باوکت یا برات بەرپا نەکردبێ
ناتوانی لەگەڵ مێردەکەت ئاشت بیت
دەڵێی ئەو جیایە
بەڵام بە هەمان سیناریۆ دێتە پێشت
بۆیە وانەکان زوو فێر ببە، لە تاقیکردنەوەکە دەربچۆ
تا هاوسەرەکەت لە پڕیەوە بێتە پێشوازیت و ژیانێکی خۆش بژین.

دژایەتی ڕاگرە و وانە فێر ببە !
ڕق ڕاگرە و فێری لێ بوردەیی بە.

بەڵام وەک خۆی تێ بگە
من ناڵێم لە ناخەوە بتەقەوە و لە دەرەوەش خۆت وانیشان بدەی گونجاوی ! خۆ گونجاندنێکی پڕ خەفەت و قین خراپترە.

بەڵکو وانەکان فێر ببە، کەم و کوڕییەکانت چاک بکە!

ئەو کوڕەی لەگەڵ دایکی ئاشت نیە، ناتوانێ هاوژینەکەشی خۆش بوێ، ناشتوانێ لە هەڵەی هاوژینەکەی خۆش ببێ.
ناتوانێ هاوژینەکەی قبوڵ بکات.
وە وای دەبینێ هاوژینەکەی هاوشێوەی دایکی دەیەوێ کۆنترۆلی بکات، دایکایەتی بەسەر بکات، بیشکێنێتەوە، بەهای کەم بکاتەوە.

لای ئەو مەفهومی ئافرەت : ئازارە.
بۆیە مێشکی بەو ئاراستەی دەبات کە بەرامبەر بە ئازار و خەتەر ببینێ.

تۆی ئافرەت باوکت ئیهمال بووە، گەر گرینگی بۆخۆت دانەنێی و و ئەو هەستانەی وەرتنەگرتووە خۆت بۆخۆتی دابین نەکەیت و لێخۆش بوون نەکەیت و ئاسایی باوکت قبوڵ نەبێ وەک خۆی، ئیدی وەک بار بەسەر پیاوی ترەوە دیار دەبیت، هەر پیاوێک دێ تۆ دەکەویتە چاودێری کردن و هۆگر بوونی کوێرانە بۆی، چونکە بەردەوام دەیخەیتە دۆخی تاقیکردنەوە بزانیت وەک باوکت ئیهمالە! وەک باوکت لێت هەڵدێ ؟! وەک برات دایم خەریکی هەڵە لێگرتن و چاودێریە ؟!

ئەو مرۆڤەی ژیانێکی سەرفرازی هەیە ئەوەیە کە لە تاقیکردنەوەکان دەرچووە، هەوڵی گۆڕانی دایک و باوک و خوشک و برای نەداوە، هەوڵی گۆڕانی خۆی داوە.

ئوسامە 💙

هیلاکی ڕۆحی ئەوەی کە لە نێو دونیای تەسەوف و عیرفان دا خەریکی تەزکیەی نەفس و پەرستشی بەردەوام و تەسبیحاتە دوچاری دەبێ، هە...
20/04/2026

هیلاکی ڕۆحی ئەوەی کە لە نێو دونیای تەسەوف و عیرفان دا خەریکی تەزکیەی نەفس و پەرستشی بەردەوام و تەسبیحاتە دوچاری دەبێ، هەم ئەو مرۆڤەشی کە خەریکی گۆڕینی ستایلی ژیان و ئاگایی و تەرکدانی خوە ناپەسندەکانە.

هیلاکی ڕۆحی لە چەند هۆکارێک دێ:-

١- خۆ کردن بە ئالەتی زیکر و تەزکیە، وەک ئەوەی ئەو کەسە مرۆڤ نەبێت و تەنیا ئالەتێک بێ بۆ زیکر و تەزکیەی نەفس، پشووی نیە، بێ دەنگی نیە، وەرزشی نیە و هەر لەسەر بەرماڵەکە تا کاتی خەو گوزەر دەکات، کە ئەمە مرۆڤ دوچاری هیلاکی و بێزاری ڕۆحی دەکات، چونکە کرانەوەی ڕۆحی قۆناغ بە قۆناغ دەکرێت نەوەک لە پڕ، مرۆڤێک تازە هاتبێتە نێو تەسەوف و ڕۆحانیەت، یانیش ئاگایی، پێویستە سەرەتا لە بەرنامەی بچوک دەست پێ بکات، وە پاشان بێ دەنگی هەبێت.
(چونکە بێ دەنگی پشوو و خەوی رۆحی ).
بزانە ئەی سالیک، ئەی یۆگی، ئەی سۆفی، خوای گەورە دەفەرمووێ (لا يكلف الله نفسا إلا وسعها).

ئەوە مانای ئەوە نیە سارد بیتەوە لە عیبادەت و ئامانجەکانر تر، بەڵکو پێویستە قۆناغ قۆناغ زیکرەکانت زیاد بکەیت نەک لەیەکەم ڕۆژەوە، قۆناغ قۆناغ ئاگایت بەرز بکە نەک هەر ڕۆژە و خەریکی ٥ گرێ بی، هەفتەی یا مانگی کار لەسەر یەک شت بکە.

٢- هۆکاری دووەمی بێزاری و هیلاکی ڕۆحی بریتیە لە غەفڵەت و هەڵە لە ژێر نیەتی جوان، بۆ نمونە هەیە دەیهەوێ ستایلی ژیانی بگۆڕێ و ئاگاییەکی باشتری هەبێ، بەڵام نیەتێکی شاراوەی هەیە کە دەیهەوێ (بە هۆی ئاگاییەکی باشتر هەمووان لە خۆی کەمتر ببینێ) یانیش ( کەسێکی زیکر دەکات، تا ببێت بە وەلی تا دوعاکانی قبوڵ بن و دونیا بە دڵی ئەو بڕوات !)
ئەم نیەتە هەڵانە لەگەڵ ئاراستەی ڕاست و درووستی ڕۆح یەک ناگرن، هەر بۆیە مرۆڤ دوچاری بێزاری و تەسک بونەوەی بارودۆخ و هەست دەبێ.

٣- هەست کردن بە کەم و کوڕی.
کە مرۆڤ ڕۆژانە پەرستش و کاری باش دەکات بە نیەتی کرانەوە و گەیشتن، لەو دیوەش دەبینێ شتەکان پێچەوانەی ویستی ئەون، پێویستە ئاسایی ئەمە قبوڵ بکات و هەوڵی تێگەیشتن بدات لە دونیای دەرەوە و ناوەوەی، نەک بکەوێتە لۆمەی خۆی و بڵێ من بەندەیەکی خراپم، چونکە لێرە دوبارە دەکەوێتە سترێس و خۆ هیلاک کردنی زیاتر، چونکە وانەکە تێنەگەیشتووە، لەولاوەش پێی وایە بۆیە وای لێدێ چونکە خوا لێی ڕازی نیە و خوا عقوبەی دەدات!

ڕۆح توانای بێ سنورە، هیلاکی نیە، بەڵام پێویستە وردە وردە توانای ڕۆحت ئاوێتەی جەستەت بکەیت.

پشووی ڕۆح لە (بێدەنگی و سکونە).
تۆ گەر پڕۆسەی ڕۆحی ئەنجام بدەیت و هەر لە ناو سترێس بوویت هێشتا بەربەستت درووست کردووە کە سوودەکان بە ڕۆحت بگەن.

ئوسامە 💙

چاکڕای تاج پەیوەندی بە پەیوەست بوون بە خالیق و بەهێزی لایەنی ڕۆحانی بوونیمرۆڤە. وە هەروەها واقیعی بوون و دوور بوون لە وە...
13/04/2026

چاکڕای تاج پەیوەندی بە
پەیوەست بوون بە خالیق و بەهێزی لایەنی ڕۆحانی بوونی
مرۆڤە. وە هەروەها واقیعی بوون و دوور بوون لە وەهم و خەیاڵ.

کاتێ ئەم چاکرایە ناباڵانسە
مرۆڤ لە وەهم دەژیەت.
ژیان مانای نامێنێ.
دەیهەوێ تەفسیری تەواوی
ڕووداوەکان بکات.
لە خودا هەم ڕۆحی دادەبڕێت.
وە دەرگای ئیلهامی لە جیهانی
مەلەکوت بەرەو ڕوو دەدەخرێت.

چاکرای تاج هاوڕێی
یەکتاپەرستی و ئارامییە
هاوڕێی فێر بوونە
هاوڕێی بێ دەنگیە
هاوڕێی زیکر و تەسبیحە
هاوڕێی واقیعی بوونە
هاوڕێی تێڕامان لە سرووشتە.

ئەو دوو شتەی کە وادەکەن
بە ماوەیەکی کورت ئاستی
ڕۆحانیەتت بەرز بێتەوە و
هەمیش پەیوەست بیتەوە
بە سەرچاوەی نوری سەرەکی
هەم هەقیقەتی بوون و ژیانت
نیشان دەدەن بریتین لە :-

دوبارەکردنەوەی سەرداری زیکرەکان
( لا إله إلا الله )

هەم زۆر دوبارە کردنەوەی سوڕەتی
( الإخلاص )

کاتێ یەکتا پەرستی و باوەڕ مێشکت
داگیر بکات.

شتە دونیاییەکان و ترسی ماددە
ناتوانێ زەفەرت پێ ببات و لە نور
دوورت بخاتەوە.
کاتێ تاجت بەهێزە و لەگەڵ
دونیای ڕووناکی دەژیت و
دەرچەی تاجت ئاراستە کراوە
بۆ لای خالیقی گەردوون.
ئیگۆ و شەیتان ناتوانن بەرەو
دونیای تاریکی ڕەش ئاراستەت
بکەن و فێڵت لێ بکەن.

ئوسامە 💙

زۆر کات سەرنج بدەین ئێمە گرێیەک چاک دەکەین، یاخود برینێک ساڕێژ دەکەین، دڵمان خۆش دەبێت و کۆمەڵێ کاریگەری ئەرێنی و دڵخۆشک...
08/04/2026

زۆر کات سەرنج بدەین ئێمە گرێیەک چاک دەکەین، یاخود برینێک ساڕێژ دەکەین، دڵمان خۆش دەبێت و کۆمەڵێ کاریگەری ئەرێنی و دڵخۆشکەر دەبینین، بەڵام پاش ماوەیەک دەبینین هەمان گرێ بە ڕوێکی تر و ڕەنگێکی تر و ستایلێکی تر سەری هەڵداوەتەوە یاخود هێشتا تیامان دەژیەت بە جۆرێکی تر !
( کە ئەمە واتای ئەوە نیە کارمان لەسەر خۆمان نەکردووە ).

چونکە کاتێ پێمان وایە ئەو برینەمان ساڕێژ کردووە یاخود بنبڕ بووە، لە ئەسڵدا ئێمە تەنیا توێکڵی دارێکمان بڕیوە لەسەرەوە، بەڵام دارەکە و ڕەگەکەمان نەبڕیوە، هەر بۆیەش پاش ماوەیەکی تر دەبینین هەمان برین ڕووبەڕوومان دەبێتەوە.

بۆچی ؟

🔹 هۆکاری یەکەم:-
چونکە ئێمە لەو قۆناغەی تێیداین قەبارەیەکی دیاریکراوی هێزمتن هەیە و خۆڕاگری و توانامان تا ڕادەیەک سنور دار کردووە، گەر لەسەرەتاوە ڕووبەڕووی ڕەگی گرێکە ببینەوە ڕەنگە زوو پاشەکشە بکەین و بەرگەی نەگرین، یاخود ئازاری زۆرتر بخۆین.
ئەمە ڕاهێنانە کە بەرەنگاری بەشێکی بچوکی برینەکەمان ببینەوە و چاکی بکەین بۆ ئەوەی ئامادە کراو تر بین بۆ قۆناغی داهاتوو.

هەر بۆیەش خوای گەورە لە قورئانی پیرۆز دەفەرمووێت ( سنريهم آياتنا في الافاق و في أنفسهم حتى يتبين لهم أنه الحق )
لێرەدا خودا دەفەرمووێ ( قۆناغ بە قۆناغ ) بەڵگە و نیشانەکانمان و هەقیقەتیان نیشان ئەدەین لە جیهانی دەرەوەیان هەمیش ( و في أنفسهم ) لە جیهانی ناوەوەی خۆیان.

🔸هۆکاری دووەم:-

مرۆڤ هەمیشە لە باشکردنی ژیانی ئیگۆ وەک شانازیەکی گەورە دێتە پێشی و دەڵێ خۆت کردت، گەر ئێمە لەسەرەتای خۆ چاک کردنەوە ڕاستەوخۆ بگەینە ڕەگی کێشەکە، غرورێکی زۆر دەمانگرێ و زۆر بە کورتی کێشە و لاوازیەکەی خۆمان لە بیر دەکەین، هەم لوتفی خواش لە بیر دەکەین. بێنە بەرچاوت ( ئەو ئاگاییەی ئێستا هاتە لە ١٥ ساڵی ئەو ئاگاییەت هەبوا بە هەمان ئیگۆی ئەوکات چیت دەکرد ! )

✨گەشتی ڕۆح لە نێو ئاگایی توێکڵ توێکڵە هەر جارە و توێکڵێک لادەبەیت و شیفای بەشێک دەدەیت و هەمیش ئامادە دەکرێی بۆ پاک کردنەوە و لابردنی توێکڵی داهاتوو.

وە کەی بە تەواوی ئیگۆکەت لە خاک گەرایی بوو و بە واتای وشە ئامادە بوویت ئەوکاتە ڕێک دەگەیتە کۆتایی ڕەگی برینەکەت و شیفا وەردەگریت.

ئوسامە 💙

لە ڕاڤەی هەر سوڕەتێک لە ڕاڤەی ڕووکەش و ئاشکرا، ئێمە حوکمی شەریعەت دەدۆزینەوە.بەڵام گەر بە ڕاڤەی ئاگایی ناوەکی لێی بڕوانی...
07/04/2026

لە ڕاڤەی هەر سوڕەتێک لە ڕاڤەی ڕووکەش و ئاشکرا، ئێمە حوکمی شەریعەت دەدۆزینەوە.

بەڵام گەر بە ڕاڤەی ئاگایی ناوەکی لێی بڕوانین، قسەکردن لەسەر بارودۆخی ناوەوە ( باطن )ـی مرۆڤە لە هەموو سەردەمەکان.

سوڕەتی ( البقرة ) یەکێکە لەو سوڕەتانەی کە چارەسەری ڕەگ و ڕیشەی گشت حاڵەتێکی مرۆڤی تێدایە لە ڕووی دونیا و دین و ڕۆحەوە.

واتای ( البقرة ) بە واتای مانگا دێ.
بەڵام لە سەرچاوەی وشەی بقر وەرگیراوە ( ب ق ر )... کە بە واتای شەق بوون - کرانەوە - فراوان کردن - ئاشکرا بوونیش دێت.
بۆیەش بە مانگا دەگوترێ البقرة چونکە لە عەڕەبی دەوترێ ( يبقر الأرض ) واتە زەوی دەکێڵێ و دەیکاتەوە.

یا بۆ نمونە کاتی خۆی لە نێو عەڕەب دەوترا فلان بقر الأرض : واتە فلان زەویەکەی شەق کرد و ئاوی تێدا دۆزیەوە.
( بڕوانە کتێبەکانی معجم )

ئەمە واتای چیە ؟

سوڕەتی بەقەڕە بە واتای کرانەوەی ڕۆحی مرۆڤ دێ، وە ئاشکرا کردنی ئەو شتانەی کە لە جیهانی ناوەوەی مرۆڤ خۆیان حەشار داوە و ئێمە درکیان پێناکەین و نایان بینین وەک هەستە نەرێنییەکان.. ( ترس - توڕەیی - عیناد - غرور - شەهوەت - گرێیە نەبینراواوەکان )

لە ڕێگەی خوێندنەوەی سوڕەتی البقرة مرۆڤ دەتوانێ دەستنیشانی هەڵە و کێشەکانی خۆی بکات وە درکیان پێ بکات و کاریان لەسەر بکات.

کاتێ مرۆڤێک دەیهەوێ بۆ مەبەستی سیحر سوڕەتی البقرة بخوێنێتەوە، پاش ماوەیەک چاک دەبێ، مەرج نیە ئیلا سیحری لەسەر بوبێ، بەڵکو بە هۆی سوڕەتی بەقەڕەوە هەڵەکانی خۆی بۆ دەرکەوتووە و چاکی کردووە.

🔸 وە هەروەها بە واتای فراوانی دێ، چونکە ئاگایی و مێشکی مرۆڤ فراوان دەکات، هەروەها فراوانی دەخاتە هەبوونەکان وەک فراوانی بواری کۆمەڵایەتی وە ڕزق و ڕۆزی و فراوانی لە ڕەفتارە ئەرێنییەکان فراوانی لە ئاگایی فراوانی لە دونیای پەرستش...

🔸 هەم بە واتای بڕین دێ چونکە پەردە نەرێنییەکانی سەر دڵ دەبڕێ و دڵ پاک دەکاتەوە.

🔹 وە هەروەها سوڕەتی بەقەڕە چەندین وانەی تێدایە کە ئەو وانانە ڕاستەوخۆ ڕۆحی مرۆڤی غافڵ دەبوژێنێتەوە لە کۆمەڵێک ڕەفتار بۆ نمونە:-

عینادی مرۆڤ دەکوژێنێتەوە کاتێ دڵی مرۆڤی خوێنەر عینادی و گرژییەکانی بەنی ئیسرائیل دەبینێ.

هەم ترسی دڵی مرۆڤ دەکوژێنێتەوە کە خوێنەری ئایەتی کورسی دەبێ.

هەم کێشە خێزانییەکان باش دەبن کاتێ دڵ ئەوەی پێدەگات هۆکاری تێکدانی نێوان ژن و مێرد و گرژییەکانی نێوانیان هۆکارەکەی شەیتانە یاخود ئیگۆ.

پێمان بڵێ تۆ بۆ چ مەبەستێک سوڕەتی بەقەڕە دەخوێنیتەوە ؟

ئوسامە 💙

ڕاهێنانی یەکەم هەفتانە یەک چاڵنج لەگەڵ خۆت ئەنجام بدە کە جۆرێکی خواردن نەخۆیت کە لە خواردنی ڕۆژانەت بوونی هەیە بۆ نمونە ...
03/04/2026

ڕاهێنانی یەکەم
هەفتانە یەک چاڵنج لەگەڵ خۆت ئەنجام
بدە کە جۆرێکی خواردن نەخۆیت کە لە
خواردنی ڕۆژانەت بوونی هەیە بۆ نمونە
هەفتەیەک قـاوە مەخــۆوە، هــەفتەیەک
برنج مەخۆ هەفتەیەک چایی هەفتەیەک
گۆشتی سور، هەفتەیەک مریشک.

ڕاهێنانی دووەم
کارەکانی ڕۆژانە تەواو بکە کە دەستیان پێ دەکەیت و بە نیوەچڕی جێیان مەهێڵە، بۆ نمونە پەرداخێک ئاو دەگریتە دەست تەواوی بکە، نامەیەک دەنێری بۆ کەسێک تا کۆتایی بەردەوام بە و لە نیوەدا جێی مەهێڵە، بۆ ئەوەی نیشانی مێشکتی بدەی من ئەو شتەی دەستی پێدەکەم دەتوانم تا کۆتایی لەگەڵی بەردەوام بم !

ڕاهێنانی سێیەم
ڕۆژانە ٣ تا ٥ خولەک لەسەر پێ بوەستە بێ
ئەنجام دانی هیچ جوڵەیەک و تەنیا هەناسە
بدە و مەجوڵێ، ئەمە ڕاهێنانە بەوەی نیشانی
بدەی دەتوانی کۆنتڕۆلت بەسەر شتەکان بشکێ.
بۆ ئەوەی بتوانی کۆنتڕۆڵی بڕیارەکان بکەیت.

ڕاهێنانی چوارەم
نووسینی ٣-٤ بەرنامەی ڕۆژی نوێ وە
هەموویان جێ بەجێ بکە وەک
سەرەتایەک، گەر تۆزێ کەم و کوڕیشی
تێدابێ ئاساییە گرینگ بەردەوامییە
لە سەرەتا تا ڕابێیت.

ڕاهێنانی پێنجەم گرینگترینە
حەزت بە چ شتێک بوو زۆر لە ڕۆژانە
ئەنجام دانی 10-15 خولەک دوابخە ئەم هەم ئیڕادەت بەهێز دەکات، هەمیش مێشک ڕادەهێنێ بە جدی بوونت لە بڕیار.

ئوسامە 💙

30/03/2026

پێش ئەوەی بڵێی مرۆڤەکان ئاوان ئەم پرسیارانە لە خۆت بکە:-

١- پێش ئەوەی بڵێی گەس تێم ناگات، لە خۆت بپرسە ئایا من بە ڕوونی قسە دەکەم و گوزارشت لە خۆم دەکەم ؟ یا دەمهەوێ بەرامبەر بمخوێنێتەوە ؟

٢- پێش ئەوەی بڵێی مرۆڤەکان ساختەن و ماسکیان بەستووە، لە خۆت بپرسە ئایا من لە پەیوەندییەکان خۆمم ؟ وەک خۆم ڕەفتار دەکەم ؟ یا بە جۆرێک ڕەفتار دەکەم کە قبوڵ بکرێم و ڕازیان بکەم ؟

٣- کاتێ زۆر ئیستغلال دەکرێی و بە زۆر شتەکانت پێ ئەنجام دەدەن، لە خۆت بپرسە من بە ئاسوودەیی و بێ ترس دەتوانم بڵێم ( نا ) ؟

٤- کاتێ دەڵێی کەسم نەدۆزیوەتەوە لەگەڵم بگونجێ، لە خۆت بپرسە من هاوبەشێکم دەوێ، یا کەسێکی خەیاڵی بەو جۆرەی مێشکم دیاری کردووە ؟

٥- کاتێ بەردەوام کەسەکان ڕەتت دەکەنەوە و جێت دێڵن، لە خۆت بپرسە من کەسەکان وەک خۆیان قبوڵ دەکەم ؟ وە ئایا هەڵیان دەبژێرم یا لە خۆم هەڵدێم ؟؟!

٦- کاتێ گلەیی دەکەی کە بۆ بەردەوام ئەو مرۆڤانە دێن کە بە دوای بەرژەوەندی جەستەیی و سێکسین، لە خۆت بپرسە من دەمهەوێ هاوبەش بدۆزمەوە یا کەسێک سەرنجم بدات و بیری لام بێت ؟!

✅ وە لە خۆت بپرسە کە من دەمهەوێ گۆڕانکاری بکەم ئایا پێویستە پەیجی شیفای ناوەکی هاوڕێی ئەم ڕێیەم بێ؟

ئوسامە 💙

19/03/2026

بەڵام ئێمە خۆمان نووساندووە بە کەسایەتی و شتانی ڕابردوو
نامانەوێ لە ڕابردوو دەرچین
ئێستاش هەستی تاوانمان هەیە لەوەی لە کۆمەڵێک کەس جیا ببینەوە کە خزمەت بە ژین و دینمان و کەسایەتی نوێمان ناکەن و لەگەڵمان نایەن.

هێشتان بە خەیاڵی ڕق و تۆڵەی کەسانی ڕابردوو دەژین.

هێشتا حەسرەتی کۆمەڵێ شتی لەدەست چووی تەمەنی هەرزەکاری لە ناخمان دەگوزەرێ.

هێشتا خەریکی ئەو خوانەین کە خزمەت بە کەسایەتی پێشوومان دەکەن نەک ئێستا.

هێشتا خەریکی دۆزینەوەی ( بەناو ) شێخێکین کە بڵێت تۆ سیحرت لێکراوە و دوژمنت زۆرە و چاوت لەسەرە.
نەک کەسێک کە پێمان بڵێ تۆ خۆت ئەو کێشەیەت هەیە چاکی بکە.

هێشتا لە پەیوەندیانەک ماوینەتەوە کە بەهای خۆمانی تێدا نابینین و قبوڵی ئەو ناخۆشی و نامورتاحییە دەکەین.

تا کەی ؟!

ئوسامە 💙

05/03/2026

ئاگایی و نیەت.
زۆر کات ئێمە دەیان و سەدان هەوڵی باش بوون دەدەین، زانیاری وەردەگرین، ئاگاییمان بەرز دەکەین، بە حیساب هەوڵی ژیانێکی باشتر دەدەین، بەڵام تا دەچینە ناو ئاگاییەوە ژیانمان قورستر دەبێت ئەمە هۆکاری چیە ؟!

١- نیەتەکە هەڵەیە، ئێمە دێینە نێو ئاگایی بە نیەتێکی نەرێنی، بە نیەتی ئەوەی ( ئازاری ڕابردوو دوبارە نەبێتەوە ) نەک نیەتی ژیانێکی نوێ و ئارام و سەلامەت، لێرەدا چەن پڕ ئاگاییش بین لەسەر ڕێڕەو و لەرەیەکی نزم و نەرێنی هەنگاو دەنێین، بۆیەش هەرچەند کار لەسەر خۆمان دەکەین خراپتر دەبین دۆخەکە و حاڵمان خراپتر دەبێ، سترێس زیاتر دەبێ.

٢- تۆ هاتویتە نێو ئاگایی بە نیەتی کۆنتڕۆل کردنی ژیان و دۆخت، پێت وایە تا زیاتر بزانی و پەیامەکان تێ بگەی تۆ دۆخەکە و چواردەورت و یاسای ژیان کۆنترۆل دەکەیت و هەموو شت لە ژێر ئیڕادەی خۆتە، هەتا بگرە پێت وایە تاقیکردنەوەکانی خواش کۆنترۆل دەکەیت، بۆیەش توشی ناخۆشی زیاتر دەبی، هەمیش ویستی کۆنترۆل بەو شێوە وات لێدەکا کۆنترۆلت لەدەست بدەی.

٣- پەلە ! پەلە دەکەی پێت وایە بە مانگێک زیکر کردن دەبیتە وەلی، بە چەن کۆڕسێکی ئاگایی دەگەیتە تەواوی خەونەکانت، بە جەلسەیەکی ڕاوێژ گشت شۆکەکانت تەواو دەبن، بەڵام خودی ئەو پەلەیە فێڵێکی شەیتان و نەفسە کە هەر لە ناو بازنەی ڕۆڵی قوربانی و شایستە نەبوون دەتهێڵێتەوە کە چاوەڕێی بە چاکردنی هەر شتێک هەموو شتێک چا ببێت ڕاستەوخۆ !

٤- مێشکت فزوڵە و دەتەوێ لە هەموو شت بگەی، شیکردنەوەت بۆ دارو بەرد هەیە، هەتا بە دوای ئەوەی بزانیت ئەمڕۆ لەسەر ڕێی کارەکەت پیاوێکی چڵمنت بینی دەتەوێ بزانی پەیامەکەی چیە !
ئەمڕۆ پارەیەکی باشت دەست دەکەوێ دیسان دەست بە شیکردنەوە دەکەی تا بزانی چیت کردووە بۆتە هۆی هاتنی ئەو پارەیە، بۆیەش بۆ سبەی دوبارە ڕزقت کێشەی تێدەکەوێ.
وەک ئەوەی بتەوێ ڕۆڵی خودا ببینی لە ژیانت و نیشانی بدەی هەموو شت تێدەگەی، بۆیەش هەمیشە وەک تاقیکردنەوە شتی نوێتر دێ، تا ئیگۆت ئاگادار بکاتەوە کاکە بوەستە، ئیشی تۆ نیە هەموو شت تێ بگەی و هەموو شت بزانی، بەس خوا علام الغیوب و خاوەن کەمالە.

ئاگایی:
🔹قبوڵە
🔸نیەتی سەلیمە.
🔹پاک کردنەوەی دڵە.
🔸سەبرە.
🔹سەلامی ناوەکیە.
شۆڕشی ڕێکخستنی ناوەکیە نەک دەرەکی، تا جەنگ بکەی بۆ کۆنترۆل کردنی دونیای دەرەوە و تێگەیشتنی هەموو شت، ئاگاییت لاوازتر دەبێ، خراپتر بەسەرت دێ.

لە ڕێگای ئاگایی، سەڵەواتت لەگەڵ نەبێ، تێدەکەوی.

ئوسامە 💙

02/03/2026

کاتێ ئەم ڕاستییانەم درک پێکرد ئیتر ترسی ئەوەم ڕەوییەوە کە کەسێکی خراپ بێتە ژیانمەوە لە داهاتوو.

🔹کاتێ دەترسین کەسەکە دڵ پیس بێ:-
ئەوە هۆگری کوێرانە و دڵ پیسی خۆمانە دەیبینین و دەترسین لە داهاتوو ڕوو بەڕوومان بێتەوە.
( یانیش کەسایەتییەکی خیانەتکارانەمان تێدایە )

بەڵام غرور و ئیگۆ و خۆشەویستی کوێرانە بۆخۆمان نایەڵێ هەڵەی خۆمان ببینین و دان پێدانان بکەین.

🔸کاتێ دەترسی هاوسەری داهاتووت عیناد و کەلە ڕەق بێ و قسە قسەی خۆی بێ
ئەوە ترسە لە بەشی ( حەزی کۆنترۆل کردنی بەرامبەر ) لە ناخی خۆت کە دەترسی لە داهاتوو بێتەوە پێشت، بۆ چونکە دەترسی نەتوانی کۆنتڕۆڵی بکەی !

🔹کاتێ دەترسی هاوسەری داهاتووت ڕەزیل بێ ئەوە ئەو ترسەیە کە تۆ بۆخۆت دڵت نایە پارەی خۆت خەرج بکەی، بەڵام ڕەحم بە پارەی بەرامبەر ناکەیت و بەرامبەر بە قاسەی پڕ کردنەوەی تەواوی کەم و کوڕییەکانت دەبینی، بۆیەش لەو ڕەزیلیەی خۆت دەترسی ڕووبەڕووت ببێتەوە.

🔸کاتێ دەترسی بەرامبەر ناتێگەیشتوو و ناڕۆشنبیر بێ و بیرت لای ئەوەیە کەسێکی فول ڕۆشنبیر و پڕ سەقافەت بێتە ژیانتەوە، ترسە لە ڕووبەڕووبونەوەی ئەقڵی خۆت کە پێت وایە تۆ هیچ نازانی و دایمە خەریکی لۆمەی خۆتی.

🔹تۆ لەبەر ئەوەی کەسێکت نەرگسی بووە لە هاوسەری نەرگسی ناترسیت ! بەڵکو تۆ هەڵگری هەندێ ڕەفتاری نەرگسیت بە نائاگا، بۆیەش دەترسی هاوسەری داهاتوو نارسست بێ.

✅تێبینی:
هەڵبژاردنی کەسی ( خاوەن کەسایەتی - دەوڵەمەند - جوان - ئاقڵ - دیندار - وە ئەو شتانەی تر کە گرینگن )
هەڵبژاردنێکی جوانە و ئاساییە تۆ ویستی کەسێکی پێرفێکتت هەبێ
بەڵام دەبێ خۆشت بۆی پێرفێکت بی !
نەک لە ئەنجامی ترسی ناوەکی داوای بکەی.

لەو کاتەی لە پڕبوونت لە جوانی داوای پڕێکی جوان دەکەیت ئەو کاتە سەمای یین و یانگ دەست پێدەکات لە ناو ژیان.

کورتەی کەلام: تۆ زەواج لەگەڵ ناخی خۆت دەکەی، جا چۆن بی ئەوەت بۆ دێ، نەک ئەوەی حەزت لێیە.

ئوسامە 💙

Address

Irbil

Opening Hours

14:30 - 22:30

Website

Alerts

Be the first to know and let us send you an email when شیفای ناوەکی posts news and promotions. Your email address will not be used for any other purpose, and you can unsubscribe at any time.

Shortcuts

Share

Category