https://www.facebook.com/114946853234636/

Iraqi Clinical Embryologists, حي الجامعة, Baghdad (2026)

18/09/2026

السلام عليكم
بيوم ٣١-٣-٢٠٢٦
المعهد البريطاني
NICE
National Institute for Health and Care Excellence
المعهد الوطني للصحة والرعاية المتميزة

اصدر احدث التعليمات الخاصة بطرق التعامل مع حالات تاخر الانجاب
واخص بالذكر موضوع تكسر المادة الوراثية للحيامن للازواج اللي عندهم حيامن بس عندهم نسبة تكسر المادة الوراثية عالية

التعليمات تكول:
" لا يتم طرح عملية السحب من الخصية للازواج اللي يعانون من تكرار الاسقاطات او فشل اطفال الانابيب بسبب التكسر في المادة الوراثية للحيامن كطريقة لتحسين النتائج"

الحلو بالموضوع كله
اخذوا ١٨ بحث من نوع RCT
واللي تعتبر القاعدة الذهبية من البحوث اللي يعتمد عليها عالميا لان هذه البحوث المفروض المصداقية العلمية وطريقة التعامل الحالات ضمن هاي البحوث هي اصح ما يمكن باعتبارها تلغي تاثير الباحث وانحيازه للبحث.
فهي تضمن دقة النتائج
وتاكد بشكل فعال تاثير العلاج المستخدم على النتيجة
مصداقية البحث
عدم انحياز تجاه البحث المطروح
فهي افضل البحوث رصانة

[لكوا اغلبها تفتقد للدقة في جوانب مهمة معينة]

القرار يكول:

وفقا للادلة السريرية
فشلت الدراسات في اثبات فعالية علاج التكسر للمادة الوراثية
لذا قرار اللجنة الغاء فحص تكسر المادة الوراثية

فيما يخص استخدام مضادات التاكسد والفيتامينات لعلاج تكسر المادة الوراثية.
لا توجد ادلة كافية لاستعمالها كعلاج لهذه الحالات.

🥸 يعني خلاصة الحجي
مثل ما كلتلكم لا تظلون تمشون ورة موضوع تكسر المادة الوراثية بصورة مبالغ بيها.
هي مو شماعة يتعلك عليها اسباب ثانية.

🥸 مع تحيات جدو

17/09/2026

🥸 اليوم ضروري افرحكم بعدما تاخرت عليكم ورة اخر منشور🥰
يوم ١٢-٩-٢٠٢٦ دخلت مراجعة لعملية سحب بيوض محاولة ثالثة
عقم اولي لمدة ١٣ سنة
العمر ٢٩ سنة
المحاولتين جان بيها عدد البيوض مايتجاوز ٦ بيضات
عدد البيوض الناضجة ماتتجاوز ٣ بيضات
الارجاع بالمحاولتين جان بيها عمر الاجنة ٣ ايام
الزوج تشوهات ١٠٠%

طبيبة شطورة
سحبتلي ٢٢ بيضة
قرار الطبيبة تجميد كل الاجنة وبدون ارجاع

المبيض الايمن به ١١ بيضة ( اول مبيض سحبناه)
المبيض الايسر به ١١ بيضة ( ثاني مبيض سحبناه)
عزلت البيوض كل مبيض وبيوضة على صفحة
قررت اقشر المبيض الايمن بالتقنية اللي اخترعتها
والمبيض الايسر بالتقنية العادية اللي المراكز كلها تتبعها بالعالم

النتيجة:
المبيض الايمن
٥ بيضات فقط ناضجات وصالحات للحقن نوع MII
٢ بيضة غير ناضجة نوع GV سيئة
٣ بيضات غير ناضجات نوع MI
١ بيضة مشوهة
نسبة نضوج البيوض هي 54.5%
التقشير للبيوض بطريقتي الجديدة🥰

نسبة نضوج البيوض الكلي للبرنامج هو 68.1% وهو ضعيف

المبيض الايسر
٧ بيضات ناضجات وصالحات للحقن نوع MII
١ بيضة غير ناضجة نوع GV سيئة
١ بيضة غير ناضجة نوع MI
٢ بيضة مشوهة
نسبة نضوج البيوض هي 81.8%
التقشير للبيوض بالطريقة التقليدية😏

عينة الزوج فريش
نسبة التشوهات ايضا 100%
حقنت ٥ بيوض للمبيض الايمن
و ٧ بيوض للمبيض الايسر

النتيجة:
تكون من المبيض الايمن ٥ بيوض مخصبة
نسبة الاخصاب جانت 100%
تكون من المبيض الايسر ٥ بيوض مخصبة
نسبة الاخصاب 71.4%
نسب الاخصاب معناتها مختبري جيد وشغلي صحيح😘

نتيجة اليوم الثالث بعد الحقن:
المبيض الايمن تكونت عندي ٥ اجنة درجة اولى وبجودة عالية
Compaction
المبيض الايسر تكونت عندي ٥ اجنة درجة اولى ولكن ما شاهدت بيهم compaction

نسبة تكون الاجنة جيدة جدا
Embryogenesis rate 100%

هنا اجيت انه لازم اتخذ قرار
لو اجمد الاجنة بعمر ٣ ايام
لو اصير جريء واتجه لتجميد الاجنة بعمر ٥ ايام

اكيد جدو كال نكمل الاجنة لحد عمر ٥ ايام
بس ليش؟
الاسباب هي :
بنية عمرها صغير
محاولتين سابقة فاشلة باجنة عمرها ٣ ايام
اني واثق من شغلي
النتيجة عفتهم لل ٥ ايام

اليوم رحت للمركز الساعة ٨ الصبح
واني تراودني افكار، اخاف ما راح احصللها بلاستات🫣

النتيجة:
المبيض الايمن:
حصلت ٥ بلاستات من اصل ٥ بيوض
Blastocyst rate 100%
الاجنة درجة اولى ٤ من اصل ٥ اجنة
🥰🥰🥰🥰🥰فدييييييييييييييتني🥰🥰🥰🥰🥰

المبيضة الايسر:
حصلت ٢ اجنة من اصل ٧ بيوض
Blastocyst rate 40%
الاجنة درجة اولى صفر من اصل ٥ اجنة.

التحليل الاولي لتقنيتي:
زيادة نسبة الاخصاب بمعدل 28.6%
زيادة في معدل تكوين الاجنة بعمر ٥ ايام بنسبة 60%
زيادة جودة الاجنة بعمر ٥ ايام بنسبة 80%

شلوووووووني😉😉😉😉

صورة رقم ١ :
الاجنة بالتقنية اللي اخترعتها
صورة رقم ٢:
الاجنة بالتقنية العادية

تحيات جدو الشطور😜😜😜😜

11/09/2026

السلام عليكم جميعا
شوية اتحملوني لان حتشوفون مو نفس اسلوبي يالكتابة.

كمية المشاكل اللي دااسمعها من رجعت للصفحة ولحد هسه ما تنوصف، سبق واني صار نفس الموضوع وياي اكثر من مرة.
وهذا معناته انه المشاكل نفسها دتنعاد بس الفرق غير ناس ديوقعون بيها. واني هدفي جان ولحد هسه انه اوعي المجتمع بخصوص مجال تاخر الحمل.
اللي وصلتله كنتيجة هي؟ انه الكوادر اللي دتشتغل بهذا المجال بعدها مصرة على نفس افكارها واسلوب تعاملها مع الحالات.
الفرق الوحيد هو غير مراجعين
وراح نظل احنا بهالمنوال هذا
نفس الكوادر
نفس التصرفات والقناعات
نفس الاساليب العلاجية
المتغير الوحيد والجديد هو عوائل جديدة دتنحط بنفس المواقف.
اللي يريد يزعل
اللي يرد يتجاوز
اللي يريد يكرهني
احب اكلك اخذ راحتك، سوي اللي يعجبك .

شوفوا واسمعوني زين كل بنية دتريد حمل
هسه الحمل
بالبيت
بالتلقيح الصناعي
باطفال الانابيب (سواء حمل عادي، او تحديد جنس، او دراسة امراض وراثية)

اسمعيني زين جدو، ولا تقبلين بغير هالشي
واللي هو يخص حاليا بهذا المنشور فقط الزوج
غير مرة راح احجي عن الزوجة
ووراها عن المراكز

اولا: لا تفحصون عينة زوجج باي مختبر بالشارع.
ما يخصني اسم المختبر شنو
ولا يخصني شكبر المختبر
ولا اجهزته الحديثة
ولا الي دزتكم عليه الطبيبة او الطبيب
ما يخصني
اي تحليل لسائل منوي بمختبر لا تسوونه. كافي عاد تشخبط نتائج مو دمرتوا العالم.
اي طبيب او طبيبة
اي صيدلي او صيدلانية
اي شخص معالج بنية جان او ولد
يمشي على تحليل مختبر غلط وياخذ به وينصحكم او ينطيكم علاج على اساسه
مااعرف شلون تقبلون تضيعون عمركم وفلوسكم وياهم؟

من هاي اللحظة بعد ممنوع تفحصون باي مختبر لو مهما جانت الظروف.

التحلبل الغلط راح يكلفكم التالي
فلوس مهدورة بدون معنى
عمر ضايع بدون معنى
علاج الطبيب اللي حينكتب على هذا التحليل كله بدون فائدة
تلقيح الصناعي بهذا التحليل الغلط ما وراه اي فايدة. وما يعتبر اصلا مسويه تلقيح صناعي.
نسبة فشل الاخصاب باطفال الانابيب
نسبة تكون الاجنة الدرجة الاولى ما مضمونه ولا شعرة
نجاح انه تلكون اجنة ذكور باطفال الانابيب
كل هذا رايح بدون فايده بسبب هذا التحليل الغلط

كافي تسوون تحليل سائل منوي يم المختبرات
الوحيد اللي يسوي تحليل سائل منوي نسبة الخطا بالتحليل تكون قليلة نسبيا هو اخصائي الاجنة.

نصيحتي هي
اللي رايحه تسوي اطفال انابيب
افهمي جدو
اهم عامل باطفال الانابيب والكل بدون استثناء هاملينه هو الحيامن
السبب الرئيسي لهذا الاهمال هو؟
لانه الغرب الكافر اللي علم المسلمين يشتغلون اطفال انابيب يكول انه اطفال الانابيب اخترعناها للزوج اللي عينته سيئة
يعني هي السبب في تاخر الحمل.

هذا الشي صارلي سنين اصيح 🗣🗣🗣 ما ينفع يتبطق هنا بالعراق. كل شعب وكل دولة شكل.
ما ينفع هنا اي عينه رجل تشتغلوها اطفال انابيب.
ما ينفع
ما يصير
لا تسوون هيج
مااعرف شلون بعد احجيها
حالات معينه اللي ييها كلشي سوينه صح مو تشخبط كلشي صح سويناه والزوج ما دتتحسن حالته. بس هذا ممكن نستعمل عينته مثل ما هي
والرجال اللي عينته هي خزعة اكيد راح نشتغل بيها مثل ما هي

افهموا شغله وخلوها ترجيه باذنكم
كلما جانت عينة الزوج مشاكلها هواي
كلما خاطرنا بفشل اطفال الانابيب حتى قبل الارجاع اصلا.

اسمعوني زين
اخصائي الاجنة مابيده شي ما الكم علاقه بالترويج ومسوين نفسهم على اساس صانعين الذرة ومخترعين مغارة علي بابا
هذا الوهم والهالة اللي داير مدايرهم ترة مو صحيحه
ما بيدنا شي غير انه ناخذ حيمن نحطه بنص بيضة
وهاهية
اني مدااحجي عن موضوع شلون يدير المختبر مالته وشلون يحافظ على البيوض والاجنة وشلون يحاول ينجح العمليه
اني ادري هذا الموضوع عملاق ومو بس متعب وانما مهلك نفسيا وجسديا.
اني دااقصد موضوع الحيامن اللي ما بيدنا شي غير انه ناخذ احسنهن وهاهية
ليش تخلون فشل اطفال الانابيب بايدينه
انتوا اذا تجيبون النا حيامن موزينة
شنو الشي اللي ابالكم نكدر نسويه؟
ترة كلشي مابيدنا غير انه نختار احسن سيء ونحقنه بالبيضة.

كلما حقنا حيمن سيء
كلما قلت نسبة البيوض اللي تتلقح
كلما زادت تشوهات الاخصاب نفسه
كلما قل عدد الاجنة الدرجة الاولى
كلما قل عدد الاجنة الي تكدر توصل لعمر ٥ ايام
يعني معناتها قلت نسب الحمل
زادت نسبة الاسقاطات

اي عليمن ما تكلولي عليمن؟

وعليه اي بنيه حتدخل اطفال انابيب، لا تبدين بتنشيط البيوض اذا مو تضمنين انه زوجج عنده حيامن سليمة لو حتى نص % حتى مو ١%.
على اقل تقدير انه تضمنون مشاكلكم ويه اطفال الانابيب مو سببها حيامن مشوهة حقناها

شغله ثانية هم تشخبط بموضوع حيامن الزوج
واللي صرتوا حتى انتوا تحجون بيها

اسمعوا مني
من هاي اللحظة بعد ممنوع تسوون لازواجكم تكسر المادة الوراثية باطفال الانابيب اذا جان زوجج نسبة الحيامن السليمة غير المشوهة اقل من ٤ بالمية
صرف فلوس بدون اي فايدة
وصار تكسر المادة الوراثية شماعة تتعلك عليها اخطاء جسيمة
حجة جاهزة محد يكدر يحاجج عليها سموها تكسر مادة وراثية.

واللي يدخلي ويكلي شلون هيج تحجي والعالم كله يكول تسوي تكسر المادة الوراثية
جوابي الكم( لا تخليني افشلكم وافضحكم، خلوني ساكت)
مو اي عينة تحتاج فحص تكسر المادة الوراثية
واصلا موضوع تكسر المادة الوراثية باطفال الانابيب ما منها اي فائدة ابدا ولا الها اي سبب بفشل اطفال الانابيب بالعراق.
كل اللي ممكن تاثره على فشل اطفال الانابيب
هو احتمالية جزء من الحيامن اللي انحقنت بيها تكسر
يعني موضوع احتماليات وبس
وما عندك اي برهان ولا دليل تثبتلي انه الحيمن اللي انحقن جان به تكسر بالمادة الوراثية مالته.
كله تخمينات وشماعة تعلكون عليها فشل جوابكم لسؤال يكول ليش فشلت عمليتي وبس.

اخر رسالة هي للازواج
مو كلكم بعضكم
اهتموا شوية بصحتكم مدامك ما عندك طفل او دتحاول تسوي طفل بالجديد تحديد جنس او مو تحديد
اتحمل شوية وعدل وضعك الصحي.
ترة زوجاتكم شايلات الضيم كله
انت يجوز ما منتبه
وماتشوف شديصير بيهن من خوف وقلق بصالات العمليات
دتتحمل ضرب الابر والمراجعات والسرة والبهذلة والانتظار
والتخدير
ومصايب كومه احنا ما نتحمل منها ١٠% ترة
كل اللي دنسويه ننطي عينه وبس
انت شايف النيدل شطولة اللي ديدخل بجسمها حتى نسحب البيوض؟
لو اعرف اموت ومااقبل ادخل هذا النيدل بجسمي
كل اللي نريده منك بالزايد ١٠٠ حيمن سليم اقصى شي ممكن نحتاجه
دااكول ١٠٠ حيمن لا الف ولا عشرة ولا مليون ولا اي شي
١٠٠ حيمن اقصى شي ممكن نحتاجه.

10/09/2026

كل هالجمال.
كل هذا الابداع.
ويه التوفيق الالهي بالشغل الصحيح
والباقي يم الخالق

08/09/2026

خل احجيلكم قصة
صارت وياي خلال هالايام الراحت
هواي بنات بكل الدول العربية والاجنبية يواجهون فشل محاولة اطفال الانابيب
واني قاصد اكول محاولة مو عملية اطفال انابيب،
لانه نسبة الفشل في اطفال الانابيب اكبر من نسب النجاح بالغالب.
لهذا هي محاولة مو عملية، لو جانت عملية ؟ جان نسب النجاح اعلى بهواي.
اما بالنسبة للمراكز اللي دتنطي نسب نجاح عالية. فهاي ارقام مبالغ بيها واكو امور مااكدر احجيها.

خلينا نرجع لاول الكلام
اسباب الفشل تكون نوعين
الاول هو كلشي جان صحيح، من اكول كلشي يعني المختبر نتائجة جدا جيدة والطبيبة رتبت اغلب الامور. ومع هذا تفشل المحاولة.
هنا ماعندي اي مشكلة
النوع الثاني هو اما يكون اكو شي جان بالمختبر او عند الطبيبة. وحاليا اللي يهمني هو دور اخصائي الاجنة داخل المختبر وشلون يتعامل مع العملية.

الفكرة من القصة هي شكد مهم انه اخصائي الاجنة يكون شخص صاحب علم ويعرف شلون يلكي حلول للمواقف اللي يتعرضلها خلال عملية اطفال الانابيب.
عندي رجل وزوجته اتعرفت عليهم برحلتهم للحصول على حمل.
الموضوع طويل، بس اللي يهمني هو سوينا محاولة اولى وجان عدد البيوض جدا مناسب لعمرها والاعداد جانت جدا جيدة.
البنية صغيرة
الطبيبة من اشطر الطبيبات بالعراق
الزوج جانت عينته بيها مشاكل بالاعداد والحركة والتشوهات الى درجة انه هي السبب بتاخر الحمل و ممكن جدا تكون سبب بفشل اطفال الانابيب.
بس؟
التعامل الصحيح وية الزوج قبل عملية السحب
وتعاون وفهم الزوجين للحالة اللي هم بيها
من اهم العوامل اللي تزيد من فرص نجاح اطفال الانابيب
حصلنا عدد كلش ممتاز من الاجنة
رجعنا ٣ اجنة بعمر ٣ ايام
وباقي الاجنة عفناها لليوم الخامس وهذا جان قراري
حصلتلهم ٤ اجنة بعمر ٥ ايام من الدرجة الاولى
جمدتهم على محاولتين باعتبار انه هي صغيرة فميصير اخلاقيا وطبيا وحطوا الف خط جوة ميصير.
كل محاولة جنينين
فرص الحمل بالمحاولتين متساوية وعالية جدا

بعد الارجاع البنية طلعت مو حامل مع انه الاجنة درجة اولى. واني من اكول درجة اولى يعني من صدك درجة اولى لانه اني كلش نحس بتقييم الاجنة.

المفروض بعد فترة نحاول بالاجنة المجمدة!
بس؟
الزوجة قررت تسحب مرة ثانية، والسبب انه لانه عينه الزوج وضعها مو تمام ولانه العينة جدا اتحسنت عن اول مراجعاتها.
فرادت تسحب بيوض ونسوي بعد اجنة

هنا اكو شي انتوا ما فاهمينة، وهو ثقتهم العالية بشغلي.
واكيد ثقة الطبيبة بشغلي.

اجينا نسحب مرة ثانية
واللي صار عدد البيوض اقل من اول مرة لدرجة نص العدد اللي سحبناه عن اول محاولة.
هذا العدد القليل جان ضغط نفسي عالزوجة انه ليش هالمرة بيوض اقل وافكار وتساؤلات طويلة عريضة.
انتوا عايشين هالوضع هذا والقلق والتوتر وكلشي.
الاسوء حدث
واللي هو ما متوقعينه لا اني ولا الازواج ولا الطبيبة
البيوض جانت هشة جدا
ومجرد الحقن المجهري بالحيامن سبب تلف هاي البيوض.
وبقالنا بس ٣ بيضات من كل العملية.
اول شخص انصدم جان اني.
وما اخفيكم سر. مابقى بجسمي ولا قطرة دم.
ثاني يوم لكيت البيوض ثلاثتهم متخصبة
وثاني يوم لكيت ٣ اجنة درجة اولى
ثالث يوم لكيت ٣ اجنة درجة اولى بس؟ نموهم وطريقة انقسامهم مو بالجودة اللي اني متعود عليها داخل مختبري.
جان يوم مرعب بداخل عقلي.
خابرت الزوجة وبلغتها وتناقشنا انه غالبا راح نذوب الاجنة المجمدة ونرجعها في حال ما حصلنا اجنة بعمر ٥ ايام.

هنا اللي اريد اوصله الكم
واللي هو.
دائما احط بالمختبر ميديات خاصة للحالات الحرجة.
وهذا طبعا فضل يعود لمديرة المركز. لانه مديرة المركز رؤيتها هي سوي كلشي تكدر عليه بغض النظر عن الفلوس اللي راح نصرفها عالمراجعة
والاجمل من هذا كله انه هي ما تضيف اجور عالمراجعة في حال استخدمت اي شي اضافي.
حقيقة اشكرها من كل قلبي.
قررت انه استخدم هاي الميديا للاجنة وارجع هاي الاجنة بنفس هاي الميديا
خففت جدار الاجنة بالليزر
وحطيت الاجنة بالميديا وطلعت للبيت.

اليوم واني رايح للمركز
بكل خطوة يتقدم بيها جسمي تجاه المركز برجلي
ارجع بعقلي ١٠ خطوات.
قلق ماتتخيلونه
خوف ماخذ كل عقلي
🥸 جدو لا تروح للمركز
🥸 جدو لا تصعد
🥸 جدو لا تشوف الاجنة

حقيقة جنت امشي عبارة عن جثة تتحرك باتجاه مشنقتها.
رايح برجلي بس رايح غصب عني مااكدر ارجع.
وصلت للمختبر
دخلت
وطلعت الاجنة من الحاظنة، واول نظرة لكيتهم كلهم صايرين بعمر ٥ ايام
اجنة بلاستوسست من اجمل الاجنة
بيني وبين ان ابجي شعرة
كمزت من مكاني واني مليان فرح
صورتهم والدنيا ما واسعتني
رحت للردهة والزوجين بغرفتهم
دكيت الباب ودخلت
وكلتلهم ماراح نذوب الاجنة القديمة
راح نرجع ونجمد هم بعد.
اختارينا جنينين
وجمدنا واحد اضافي وصار عندها ٣ محاولات باجنة درجة اولى.

هذا سببه توفيق رب العباد
ووراه يجي تداركي للموقف وتغييره للافضل.
الحمد لله على النتيجة الرهيبة والجميلة اللي صارت اليوم.
واسف للاطالة.
تحيات جدو 🥸

06/09/2026

مساء الخير جدو

🥸 هلا وكل الهلا

جدو عندي الك استشارة، اريدك تفهمني شسوي.
عندي صديقي شاب واتزوج بنية عمرها بالعشرين وورة سنة ماصار عندهم حمل، راحوا للطبيبة وفحصت زوجتة ولكت مابيها شي. ومن دزت صديقي يفحص عينة السائل المنوي، لكوا انه خطية ماعنده حيامن.
تكدر تفهمنا شنو السبب وشنو لازم يسوي؟

🥸 اوف ياجدو شكد تقهر هاي الحالة وشكد خطية شباب متاذين نفسيا بسبب ماعندهم طفل وبالاخص بهذه الحالة.

🥸 شوف حبيبي.
من نفحص رجال ومانلكه عنده حيامن. هاي الحالة نسميها انعدام النطف وبالانكليزي نسميها (Azoospermia)
بس خليني افهمك الاخطاء والمشاكل اللي تصير بهيج حالات واريدك تركز كلش زين.

🥸 اولا اكبر جريمة بحق هيج ناس انه من اول فحص للعينة ومانلكي حيامن بيها نكول عليه هذا الرجل ماعنده حيامن.
لانه ممنوع علينا نقرر حالة انعدام النطف من اول تحليل.

لعد شنو المفروض نسوي؟

🥸 لازم يا جدو نسوي ٣ مرات تحليل سائل منوي على مدى ٣ شهور متتالية وكلهن مانلكي بيهن حيامن يله نكدر نكول هذا الرجل عنده حالة انعدام نطف. ولازم نسوي هاي التحاليل يم اخصائي اجنة. ولازم جدو بمركز عقم مو نروح لمختبر عادي. ممنوع جدو نروح نفحص بغير مراكز العقم.

لانه الحيامن كلش صغيرووووونه ووزنها كلللللللللللللش خفيف فمو بسهولة نلكيها اذا جان عددها قليل كلش يعني يادوب تنعد على اصابع ايدينا.

زين جدو شنو اللي راح نستفاد منه من نفحص تحليل السائل المنوي؟

🥸 جواب سؤالك هو: حتى نتاكد انه صدك ماعنده حيامن بالعينة مالته.

زين جدو ليش لازم بمركز عقم ما يصير نفحص بمختبر عادي؟

🥸 لانه اذا فحصنا بمختبر عادي ولكينا حيامن قليلة، شنو راح نستفاد من هاي الحيامن وشنو مصيرها؟
ياجدو راح نتلفها ياجدو لانه احنا فحصنا بمختبر.
بينما لو سوينا التحليل بمركز عقم، راح نكدر نجمد هاي الحيامن ونستخدمها باطفال الانابيب ويصير عندنا طفل ياجدو.

كلش زين، هسه افتهمت ليش ممنوع نسوي التحليل بمختبر عادي 🥰🥰🥰

🥸 بعدها يا جدو لازم نفحص هرمونات. وهنا ياجدو ضروري ما يروح لاي مختبر. ضروري يفحص يم مختبر عنده اجهزة فحص الهرمونات اللي تتطي نتائج صحيحة ودقيقة لانه اي تحليل يكون غلط راح تخربط على الطبيب طريقة العلاج.
فلازم يا جدو نتاكد من انه تحليل الهرمونات مفحوص بجهاز حديث ودقيق.

ياجدو شنو انواع هاي الهرمونات؟

🥸 لازم نفحص هرمون
هرمون FSH
هرمون LH او نعتمد بس هرمون Testosterone
هرمون الحليب PRL
هرمون Inhibin B
هرمون Estradiol

زين جدو شنو اللي راح نستفاد منه من نفحص تحليل هرمونات الرجل بالدم؟

🥸 جواب سؤالك هو: حتى اذا اكو خربطه بهاي الهرمونات نكدر نعدلها لانه هاي الهرمونات هي المسؤولة عن انتاج الحيامن وترجع عنده الحيامن بالعينه وتخلص المشكلة ياجدو ويصير عنده طفل.

زين هسه هاهية ياجدو بس هذني ونروح للطبيب؟

🥸 لانه الموضوع معقد ومو سهل، فيا جدو عندنا بعد فحوصات حتى نكدر نعرف ليش ماعنده حيامن. ونشوف نكدر نعالجه؟

شنو لازم يسوي جدو؟

🥸 لازم بعد يروح لطبيب اشعة وسونار ويسوي دوبلر، حتى نعرف اذا اكو خصية مهاجرة او حجم الخصية صغير او ممكن اذا اكو دوالي او لا واذا اكو دوالي فيا درجة هاي الدوالي. واخر شي لازم نفهم الدم ديوصل للخصية بشكل صحيح لو لا؟

زين جدو شنو اللي راح نستفاد منه من نسوي دوبلر؟

🥸 جواب سؤالك هو: حتى نعرف اذا اكو مشكلة عضوية وشلون لازم نتصرف وياها.

🥸 بعد لازم يروح يسحب دم بمختبر امراض وراثية مو مختبر عادي مو تنسى!
ويسوي هاي التحاليل:
اول واحد هو فحص الكروموسومات واسمه Karyotyping
حتى نتاكد انه ماعنده مرض اسمه كلاينفلتر

ثاني فحص هو حذف بكروموسوم Y واسمه
Chromosome Y microdeletion
وهذا الفحص به ٣ انواع
حتى نتاكد انه ماعنده خلل وراثي

ثالث فحص هو التليف الكيسي cystic fibrosis واسمه
CFTR mutation analysis
حتى نتاكد انه ماعنده ضمور ولادي بالقنوات الدافقة للحيامن.

🥸 هنا يا جدو كملنا كلشي نحتاجه حتى نخلي الطبيب يكدر يقرر شنو نوع الحالة وشلون راح نعالجها ياجدو.

زين جدو اني ادري طولت بالاسئلة بس وراها شنو راح يصير؟

🥸 الطبيب يا جدو راح يكون عنده خيارين حسب نتائج التحاليل هاي.
اول خيار: اذا جان الخلل ممكن يتعالج بعلاجات راح يكتبها النا ونلتزم بالعلاج ونصير زينين.
ثاني خيار: اذا جان الخلل ما نكدر نحله بعلاج، فالطبيب راح يكللنا نروح نسوي عملية خزعة من الخصية.

🥸 الحلو يا جدو انه العلم ديتطور، وحاليا الخزعة صار نكدر بيها نستخدم مجهر او مايكروسكوب حتى نشوف اوضح وما ناذي الخصية. وهاي العملية اسمها تفتيش مجهري واسمها بالانكليزي Micro-TESE.

بهاي التقنية الجديدة، الطبيب راح يدور يا مكان منفوخ شويه، راح ناخذه خزعة وندور به حيامن. وبعدين هاي الحيامن نجمدها ونكدر نسوي بيها اطفال انابيب.

زين جدو اذا عملية التفتيش المجهري مجلن بيها حيامن شلون؟ شنو لازم نسوي؟

🥸 اكو شغلتين كلش كلش كلش كلش مهمات:

اول شغلة مهمة هي ؛ انه هاي مو معناتها انه كل الخصية مابيها حيامن ولا هي نهاية الرحلة بانه مستحيل نلكي حيامن بعد.
وهالشي ضروري تعرفوه.
اكيد اكو امل انه نلكي حيامن بغير عملية.

ثاني شغلة مهمة هي؛ الخزعة اللي اخذها الطبيب لازم تدزوها زرع نسيجي وتقرير هذا الزرع النسيجي تحتفظون به وابد ما تضيعونه. لانه هو يفهمنا شنو السبب انه الطبيب ما لكه حيامن بعملية التفتيش المجهري.

وان شاءالله ياجدو الصحة والعافية كلها، ونفرح بيكم وباطفالكم🥰

05/09/2026

تتذكرون من نشرت التقنية الجديدة اللي اخترعتها؟
اللي بالصورة الاولى؟
😊😊😊😊😊😊😊😊😊😊😊😊😊😊😊😊😊😊
🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰

شوفوا الصورة الثانية😘😘😘😘😘😘😘

03/09/2026

تحفة فنية🥰🥰🥰
صورة لبيضتين ناضجتين لسيدة عمرها ٣٨ سنة
رهيب اني بالتصوير😁😁😁

المشاكل الموجودة في البيضتين:
تحبب سايتوبلازم البيضة
وتجمع التحبب السايتوبلازمي في منتصف البيضة الثانية
تثخن جدار البيضتين بما يعني ان جدار البيضة سميك نسبيا
اختلال في التجانس السايتوبلازمي للبيضتين
وخصوصا بشكل واضح في البيضة الثانية

الاسباب:
التقدم بالعمر
الجرع العالية من هرمونات التنشيط
التلوث البيئي
سوء التغذية والصحة العامة

التفسير العلمي؛
نضوج البيضة من الناحية الجينية مع تاخر نضوج السايتوبلازم

الاثار الجانبية في اطفال الانابيب:
تعتبر هذه البيوض جيدة من ناحية المشاكل في التغيرات المظهرية. ولا يتوقع حدوث مشاكل في الاخصاب او تكوين الجنين.
ولكن في حال كون المشاكل اشد مما في الصورة تكون التاثيرات كالاتي:

انخفاض في معدلات الاخصاب
انخفاض قدرة البيوض على تحمل التجميد
انخفاص تكوين اجنة من الدرجة اولى
ازدياد نسب الخلل الكرموموسومي
انخفاض في معدلات الحمل والولادات

مع تحيات جدو🥸

02/09/2026

اليوم اشوفكم شكد رحمة رب العالمين جبيرة.
ولو هو الموضوع لا شيء مقارنة برحمة رب العالمين. بس بموضوع الحمل هذا جانب بسيط ممكن تشوفون به رحمة رب العباد.
بالسونار من ترحون للعيادة تشوفون بيوضكم. بس بالواقع واني شارحها الكم قبل هاي مو بيوض وانما هي اكياس واللي يسموها حويصلات.

شنو يعني حويصلات؟

الحويصلات هي عبارة عن كيس به سائل. واقربها الكم خل نكول شي يشبه النفاخة 🎈 اللي ننفخها من نسوي اعياد ميلاد.🎈🎈🎈

ان شاء الله نفرح باعياد ميلاد اطفالكم كلكم🎂

هذه الاكياس تكبر من بداية الدورة الشهرية للبنوتة وتوصل ليوم الاباضة، وهنا تنفجر هذه الاكياس وتطلع منها السائل اللي بداخلها ووياه البيضة الحقيقية.

شوفوا صورة رقم ١

شلون النفاخة 🎈 من نظل ننفخ بيها وبعدين تطك؟ نفس الشي من توصل حجم معين تنفجر.

البيضة الحقيقية نلكيها بنص مجموعة من الخلايا تحيط بيها
وهواي حجيتلكم عن هالشي.

شوفوا صورة رقم ٢

ورة ما ننظف هذه البيضة من الخلايا تطلعلنا البيضة الحقيقية🥰

زين هسه لهنا الموضوع طبيعي. صح؟

الطبيعي انه بكل حويصلة اكو بيضة وحدة. وهذا الشي اللي كلنا نعرفه. بس؟؟؟؟؟؟؟

اليوم اشوفلكم مراجعة سحبتلها بيوض. وحده من هاي البيوض لكيت بيها بيضتين 🥰🥰🥰🥰 مو بيضة وحدة.
شكد فرحت من شفتها.
وصورتها الكم حتى هم تشوفوها وياي وتفرحون انتوا هم مو بس اني افرح🥰

وحتى اشوفكم رب العالمين شنو يكدر يسوي
شوفوا صورة رقم ٣ ❤️❤️❤️
شلون اكو بيضتين سوية وحدة يم اختها🫠🫠

كولوا جدو ما يشوفنا شغلات حلوة😁

01/09/2026

اليوم جدو يشوفكم شي ما شايفينه قبل ولا سامعين به
واللي هو التحفيز الذاتي لانقسام البيضة بدون حيمن
واله اسم ثاني واللي هو الانقسام العذري

هذا شنو ياجدو؟
🥸 من نسحب البيوض بعملية اطفال الانابيب، تطلعلنا البيوض بنص مجموعة جبيرة من الخلايا الهلامية
اني مشوفها الكم قبل.
حتى نكدر نحقن البيضة بالحيمن لازم ننضفها من هاي الخلايا
وراها تطلعلنا البيضة نظيفة لوحدها ونبدي بالحقن المجهري وكل بيضة نحقنها بحيمن واحد بس.

هنا البيضة متوقفة عن الانقسام وتنتظر الحيمن يصير بداخلها حتى يحفزها عالانقسام وتصير جنين.
اللي صار وياي البيوض بعدما نظفتهن بعملية التقشير جانن بيوض طبيعية كلش. بس؟
ورة ساعتين من اجيت اريد احقن البيوض، لكيت بيضة منقسمة لوحدها بدون ما احقنها بالحيمن.
وهذا الشي اسمه الانقسام العذري او مثلما حجينا اسمه الثاني التحفيز الذاتي لانقسام البيضة.

زين يا جدو هاي البيضة يصير تستخدموها وتسوون منها جنين؟

🥸 لا ياجدو ميصير لان هاي البيضة كدرت تنقسم لوحدها بدون جينات الزوج. وعليه صارت خطرة انه نحقنها لاسباب علمية هواية مانكدر نشرحها هنا.

زين جدو اذا بقيناها بالحاظنة ممكن تصير جنين درجه اولى او ممكن تصير جنين بعمر ٥ ايام؟

🥸 اقصى شي شافوه انه تكدر توصل لعمر ٣ ايام يعني بداخلها ٨ خلايا. ومن النادر جدا ممكن توصل لعمر ٥ ايام.
ولهذا ياجدو ميصير نحقنها ولازم نتلف هاي البيضة.

زين يا جدو شنو السبب اللي خلاها تنقسم لوحدها؟

🥸 ياجدو عوامل هواي. بس راح احجيلك كم شغلة منهن
بالعادة ياجدو البيضة من يدخل الحيمن بيها يفرز عوامل خاصة تسبب زيادة بايون الكالسيوم بداخلها، وهذه الزيادة بالكالسيوم راح يحفز البيضة حتى تكمل انقساماتها وتصير بيضة مخصبة. ولهذا ياجدو اكو بنات يدخلن اطفال انابيب ومن يحقنون بيوضهم ما يتخصبن ولا بيضة. وهذا يسمونه فشل الاخصاب الكلي. وهيج حالات نستخدم احنا محفزات لايون الكالسيوم من عندنا ونظيفها عالبيضة حتى نخليها تتخصب. وهاي المواد هي مواد كيميائية او بالجديد جهاز التحفيز الكهربائي اللي اني اول شخص دخلته للعراق ياجدو. تتذكر من نشرته هنا بالصفحة؟

اي صحيح جدو اتذكرته هذا الجهاز الرصاصي اللي نزلته وشرحتلنا عنه.
🥸 عفية عليك جدو تتذكر ومتابعني زين😘

زين هسه افهمك شنو اللي صار لهذه البيضة.
بالبداية هاي البيضة هي بالاصل جانت بيضة كلش حساسة لاي تاثير خارجي وتختلف عن خواتها وبشكل عام نسميها بيضة متقدمه بالعمر او داخلة بمرحلة الشيخوخة.
فيا جدو اي تاثير بسيط احنا نسويه مثل اثناء عملية التقشير او تعرضها للضوء او تغيرت عليها درجه الحرارة حتى لو شي بسيط راح يخليها راسا تتوهم ووتنشط وتدخل عملية الانقسام العذري هذا بدون ما يكون حيمن بداخلها.
وبيهج حالة حنشوف بداخلها خليتين بدل ما يكون خلية وحدة.

🥸 هسه ياجدو شفت شكد حلو هذا الموضوع؟

Iraqi Clinical Embryologists

18/09/2026

17/09/2026

11/09/2026

10/09/2026

08/09/2026

06/09/2026

05/09/2026

03/09/2026

02/09/2026

01/09/2026

Address

Telephone

Website

Alerts

Contact The Organization

Shortcuts

Share

Category

Listing takedown request