Komalay afratani kurdistan

Komalay afratani kurdistan المساواة للمراة و السعادة للطفولة
يەکسانی بۆ ئـافرەت ?

06/06/2026

📌 کۆیە؛ بە جۆش و خرۆشەوە ئاهەنگی ڕۆژی جیهانیی منداڵان بەڕێوەچوو

بەمەبەستی دروستکردنی کەشێکی شاد و بەخشینی زەردەخەنە بە ڕووی منداڵاندا، کۆمەڵەی ئافرەتانی کوردستان بە هاوکاری ڕێکخراوی ئەحمەد بانی خێڵانی، ئاهەنگێکی تایبەتیان بەبۆنەی ڕۆژی جیهانیی منداڵانەوە لە شاری کۆیە ڕێکخست.

ئاهەنگەکە لە ناو کەشێکی سەرنجڕاکێشی پارکی (فاتیح ڕەسوڵ) و بە بەشدارییەکی پڕ لە جۆش و خرۆشی منداڵان و خێزانەکانیان بەڕێوەچوو. لەم ئاهەنگە (گرووپی مامە پیرە) بە پێشکەشکردنی چەندین گۆرانی، یاری و چالاکیی جۆراوجۆر، کاتێکی پڕ لە چێژیان بۆ منداڵە بەشداربووەکان خوڵقاند.

جگە لە لایەنە هەمەڕەنگ و کات بەسەربردنەکە، ئاهەنگەکە ڕەهەندێکی هۆشیاریی تەندروستیشی لەخۆگرتبوو؛ لە ڕێگەی پێشکەشکردنی ئامۆژگاریی بەسوود و جەختکردنەوە لەسەر گرنگیی بەخشینی شیرینی سروشتی بە منداڵان، کە .

پاراستنی مافەکانی منداڵان و دابینکردنی ژینگەیەکی تەندروست بۆ گەشەکردنیان، ئەرکی لە پێشینەی هەمووانە. پیرۆزبێت ڕۆژی جیهانیی منداڵان.

#کۆیە #کوردستان

بە بۆنەی ڕۆژی جیهانی مناڵان، چالاکییەک بۆ مناڵانی کەلار ئەنجامدرا #کەلار لیژنەکانی (لاوان، ئافرەتان و قوتابیان) لە کەلا...
02/06/2026

بە بۆنەی ڕۆژی جیهانی مناڵان، چالاکییەک بۆ مناڵانی کەلار ئەنجامدرا

#کەلار
لیژنەکانی (لاوان، ئافرەتان و قوتابیان) لە کەلار، ساتێکی پڕ لە خۆشەویستی و شادییان بۆ مناڵانی شارەکەمان ڕەخساند.

ئاهەنگەکەمان پڕبوو لە دەنگی پێکەنین، یاریی جۆراوجۆر و گۆرانی کە کەشێکی خنجیلانەی بۆ مناڵە شیرینەکان دروستکردبوو. لە کۆتاییشدا، بە دابەشکردنی دیاری، ویستمان دڵخۆشییەکەیان تەواوتر بکەین.

هیوادارین هەمیشە مناڵانمان لە خۆشی و ئارامیدا بن.

#کەلار #خۆشی #مناڵان #لاوان #ئافرەتان #قوتابیان

ڕاگەیەندراوی کۆمەڵەی ئافرەتانی کوردستان بە بۆنەی ١ی حوزەیران، ڕۆژی جیهانی منداڵانمنداڵان نەوەی داهاتوون، پاراستنیان ئەول...
31/05/2026

ڕاگەیەندراوی کۆمەڵەی ئافرەتانی کوردستان بە بۆنەی ١ی حوزەیران، ڕۆژی جیهانی منداڵان

منداڵان نەوەی داهاتوون، پاراستنیان ئەولەویەتی نیشتمانی و مرۆییە

بە بۆنەی ١ی حوزەیران، ڕۆژی جیهانی منداڵان، گەرمترین پیرۆزبایی ئاراستەی سەرجەم منداڵانی عێراق، کوردستان و جیهان دەکەین، هیوادارین ئەم ڕۆژە ببێتە دەستپێکێک بۆ ژینگەیەکی سەقامگیرتر و شایستەتر بۆ گەشەکردنی منداڵانمان.

منداڵان بناغەی کۆمەڵگەی داهاتوون و داهاتووی وڵاتەکەمان لەسەر دەستی ئەوان دەنووسرێتەوە. بۆیە ئەرکی سەرشانی هەموومانە ژیانێکی پڕ لە خۆشەویستی، میهرەبانی و سەلامەتیان بۆ دابین بکەین.

" جیهانەکەتان هی ئێوەیە، نەک هی ئەو سیستەمەی دەیەوێت ئێوە
بکاتە ئامرازێک بۆ قازانج. پێویستە جیهانێک دروست بکرێت کە تێیدا
دەستەکانتان بۆ یاریکردن، داهێنان و فێربوون بن، نەک بۆ کارکردنی سەخت سیستەمێک کە هەموو داهاتەکانی وڵات بۆ
تەندروستی، خوێندنی ئاستبەرز و دڵخۆشیی ئێوە تەرخان بکات جێگرەوەیەک دابنرێت کە تێیدا هیچ منداڵێک لە ئەوی دیکە بەختەوەرتر نەبێت، هەمووتان یەکسان بن و بە ئازادی گەشە بکەن.
جیهانێک کە تێیدا مافی ئەوەتان هەبێت تەنها منداڵ بن و خەون ببینن، نەک خەم بۆ بەیانی بخۆن، چونکە ئایندەی ئێوە گەوهەری کۆمەڵگەی داهاتووی ئێمەیە.
بە داخەوە، ئەمڕۆ لە هەرێمی کوردستان دۆخەکە بەو ئاراستەیەدا دەڕوات کە بەشێکی زۆری منداڵان لە قۆناغی خوێندن دادەبڕێن. لەلایەک بەهۆی هەژاری و کەمدەرامەتییەوە ناچار دەکرێن ڕوو لە بازاڕەکانی کار بکەن، لەلایەکی تریشەوە لاوازبوونی کەرتی پەروەردەی حکومی و پەرەسەندنی کەرتی تایبەتی خوێندن، بۆشاییەکی گەورەی چینایەتی و دەروونی دروست کردووە. ئەم دۆخە منداڵان دەخاتە بەردەم دووڕیانێکی ناتەندروستەوە؛ کە کاریگەری نەرێنی قووڵی لەسەر ڕەوشت و تەندروستی دەروونیان دروست کردووە و پێویستە بە زوترین کات بە سیاسەتی پەروەردەیی گشتگیر چارەسەر بکرێت.

لەپاڵ ئەمەشدا، ئێمە جەخت لەسەر ڕۆڵی گرنگی خێزان دەکەینەوە. پێویستە دایک و باوکان، وەک یەکەم قوتابخانەی ژیانی منداڵ، ئەندامی نوێی کۆمەڵگە فێری پاراستنی ژینگە و پاکڕاگرتنی خاکی نیشتمان بکەن. پەروەردەی ژینگەیی بەشێکی بنەڕەتییە لە دروستکردنی کەسایەتییەکی بەرپرسیار؛ منداڵێک کە فێر بکرێت خاکەکەی خۆش بوێت و ژینگەکەی بپارێزێت، داهاتوویەکی گەشتر بۆ نیشتمانەکەی مسۆگەر دەکات.

ئێمە لە کۆمەڵەی ئافرەتانی کوردستان، داوا لە حکومەت و لایەنە پەیوەندیدارەکان دەکەین:
١. کەرتی پەروەردەی حکومی بەهێز بکەنەوە و دادپەروەری کۆمەڵایەتی لە نێوان منداڵاندا دابین بکەن.
٢. سنوورێک بۆ کاری منداڵان دابنێن و یاساکانی پاراستنی مافی منداڵان بە کردەیی جێبەجێ بکەن.
٣. پاڵپشتی خێزانە کەمدەرامەتەکان بکەن بۆ ئەوەی منداڵەکانیان لە چنگی کارکردنی قورس دەربهێنن.

با پێکەوە هەوڵ بدەین منداڵانمان لە چنگی هەژاری و چەوسانەوە دەربهێنین، پەروەردەیەکی ژینگەیی و نیشتمانیان پێ ببەخشین، و ژیانێکی شایستەیان بۆ مسۆگەر بکەین.

کۆمەڵەی ئافرەتانی کوردستان
١ی حوزەیرانی ٢٠٢٦

جەژنتان پیرۆز بێت بە بۆنەی هاتنەوەی جەژنی قوربانی پیرۆز، گەرمترین پیرۆزبایی خۆمان ئاراستەی سەرجەم ئافرەتانی کوردستان، کە...
27/05/2026

جەژنتان پیرۆز بێت

بە بۆنەی هاتنەوەی جەژنی قوربانی پیرۆز، گەرمترین پیرۆزبایی خۆمان ئاراستەی سەرجەم ئافرەتانی کوردستان، کەسوکاری سەربەرزی شەهیدان، پێشمەرگە قارەمانەکان و تەواوی خەڵکی خۆشەویستی کوردستان دەکەین.

لەو بۆنە پیرۆزەدا، هیوادارین جەژن ببێتە هەوێنی ئاشتی، تەبایی و بەختەوەری بۆ هەموو ماڵێکی کوردستان.

لە کۆمەڵەی ئافرەتانی کوردستانەوە، ئاواتی ئەوە دەخوازین ئەم جەژنە ئارامی و خۆشگوزەرانی لەگەڵ خۆیدا بهێنێت و خوازیارین هەموو لایەک لە خۆشی و شادی دابن.

دووپاتی دەکەینەوە کە ئەرکی نیشتمانی و مرۆیی هەموومانە بە یەکڕیزی و پێکەوەژیان، پارێزگاری لە دەستکەوتەکان و ئایندەی گەلی کوردستان بکەین. با ئەم جەژنە بکەینە دەرفەتێک بۆ پتەوکردنی گیانی برایەتی و پشتگیریکردنی یەکتر لە پێناو کوردستانێکی ئاوەدانتر و بەهێزتردا.

جەژنتان پیرۆز بێت، هەمیشە لە خۆشی و سەرکەوتندا بن.

کۆمەڵەی ئافرەتانی کوردستان
‌ ٢٠٢٦/٥/٢٧

کۆمەڵەی ئافرەتانی کوردستان لقی سلێمانی لە مەراسیمێکی شایستە و فەرمیدا بەشدارییان کرد لە کۆڕیادی دکتۆر دیار نجیب ئەو پزی...
22/05/2026



کۆمەڵەی ئافرەتانی کوردستان لقی سلێمانی لە مەراسیمێکی شایستە و فەرمیدا بەشدارییان کرد لە کۆڕیادی دکتۆر دیار نجیب ئەو پزیشکە مرۆڤدۆستەی کە تەمەنی خۆی بەخشی بە خزمەتکردنی مرۆڤایەتی لەم مەراسیمەدا کە بە ئامادەبوونی نوێنەرانی لایەنە سیاسییەکان و ڕێکخراوە حکومی و مەدەنییەکان لە تەلاری هونەر بەڕێوەچوو چەندین وتار پێشکەش کران کە تێیاندا تیشک خرایە سەر ڕۆڵی باڵا و مێژووی پڕ لە سەروەری و دڵسۆزی دکتۆر دیار لە کۆمەڵگادا هاوکات کۆمەڵەی ئافرەتانی کوردستان لقی سلێمانی دووپاتیان کردەوە کە یاد و مێژوو و ڕێبازە مرۆڤدۆستانەکەی دکتۆر دیار نجیب هەمیشە لە دڵ و یادیاندا بە زیندوویی دەمێنێتەوە و وەک هێمایەکی باڵای خزمەتکردن درێژە بە کاروانە پڕ لە دڵسۆزییەکەی دەدەن بەڵێنیشیان نوێ کردەوە کە هەمیشە ڕێز لەو مێژووە پڕ لە سەروەرییە بگرن کە لە پێناو مرۆڤایەتیدا تۆماری کردووە و نەوە دوای نەوە وەک وانەیەکی مرۆڤایەتی لە یادی نەکەن

هه‌وڵێکی نیشتمانی و فراوان بۆ کۆتاییهێنان بە پرسی ئاوارەبوون و چەسپاندنی ئاشتی کۆمەڵایەتی لە کەرکوک​لەسەر بانگهێشتی فە...
22/05/2026


هه‌وڵێکی نیشتمانی و فراوان بۆ کۆتاییهێنان بە پرسی ئاوارەبوون و چەسپاندنی ئاشتی کۆمەڵایەتی لە کەرکوک

​لەسەر بانگهێشتی فەرمی و بە مەبەستی داڕشتنی نەخشەڕێگایەکی گشتگیر، لقی کەرکوکی کۆمەڵەی ئافرەتانی کوردستان بەشداری لە کۆبوونەوەیەکی بەرفراوان و گرنگدا کرد کە تایبەت بوو بە دۆزینەوەی میکانیزمی گونجاو و چارەسەری هەمیشەیی بۆ پرسی ئاوارەبوون لە پارێزگاکەدا.

​ئەم کۆبوونەوەیە بە ئامادەبوونی بەرچاوی نوێنەرانی لایەنە ئەمنییەکان، دامەزراوە خزمەتگوزاری و پەروەردەییەکان، لەگەڵ ژمارەیەک لە ڕێکخراوەکانی کۆمەڵگەی مەدەنی بەڕێوەچوو، کە تێیدا پێکەوە گفتوگۆ و گۆڕینەوەی بیروڕا لەسەر ڕەهەندە جیاوازەکانی ئەم دۆسیە مرۆییە کرا.

کۆمەڵەی ئافرەتانی کوردستان هەمیشە لە پێشەنگی ئەو هه‌وڵانەدا دەبێت کە ئامانجیان خزمەتکردنی مرۆڤایەتی، پاراستنی شیرازەی خێزان و دابینکردنی مافە سەرەتاییەکانی هەموو تاکێکی کۆمەڵگەیە.
جهود وطنية واسعة لإنهاء ملف النزوح وترسيخ السلم المجتمعي في كركوك
تلبيةً لدعوة رسمية وبهدف صياغة خارطة طريق شاملة، شارك فرع كركوك لجمعية نساء كوردستان في اجتماع موسع ومهم شُخِص لبحث آليات مناسبة وحلول جذرية لإنهاء ملف النزوح في المحافظة.
عُقد هذا الاجتماع بحضور لافت لممثلي الأجهزة الأمنية، والمؤسسات الخدمية والتربوية، إلى جانب عدد من منظمات المجتمع المدني، حيث جرى تبادل الآراء والنقاش المشترك حول الأبعاد المختلفة لهذا الملف الإنساني.
إن رابطة المراة كوردستان ستبقى دائماً في طليعة الجهود التي تهدف إلى خدمة الإنسانية، وحماية التماسك الأسري، وضمان الحقوق الأساسية لكل فرد في المجتمع.

#سکرتارییەت یەک نەتەوە و یەک چارەنووس؛ کۆمەڵەی ئافرەتانی کوردستان جەخت لە بەردەوامی خەبات دەکاتەوەئێوارەی دووشەممە، ڕێک...
12/05/2026

#سکرتارییەت
یەک نەتەوە و یەک چارەنووس؛ کۆمەڵەی ئافرەتانی کوردستان جەخت لە بەردەوامی خەبات دەکاتەوە

ئێوارەی دووشەممە، ڕێکەوتی ٢٠٢٦/٥/١١، هاوڕێ خەدیجە مووسی سکرتێری کۆمەڵەی ئافرەتانی کوردستان لەگەڵ شاندی یاوەری بەشدارییان لە مەراسیمێکی شکۆداردا کرد لەژێر دروشمی "یەک نەتەوە و یەک چارەنووس".
ئەم مەراسیمە وەک وەفایەک و سوپاسگوزارییەک بۆ خەڵکی تێکۆشەری باشووری کوردستان سازکرابوو، کە لە مانگی یەکی ئەمساڵدا بە دەنگێکی زاڵ و هەڵوێستێکی نەتەوەیی، پشتیوانی خۆیان بۆ خوشک و براکانیان لە ڕۆژئاوای کوردستان دووپاتکردەوە و بەشدارییەکی کارایان لە خۆپیشاندانەکاندا کرد.
کۆمەڵەی ئافرەتانی کوردستان، کە هەمیشە لە ڕیزی پێشەوەی شەقام و مەیدانەکانی تێکۆشان بووە بۆ پاراستنی دەستکەوتە نەتەوەییەکان، لەم مەراسیمەدا جارێکی دیکە جەختیان لەوە کردەوە: "خەباتی ئێمە بۆ پشتیوانی لە پرسی ڕەوای گەلەکەمان لە ڕۆژئاوا و هەموو پارچەکانی کوردستان بەردەوام دەبێت و شەقام بە سەنگەری سەرەکی خەباتی مەدەنی خۆمان دەزانین."

بە ئامادەبوونی کۆمەڵەی ئافرەتانی کوردستان؛ لە کەرکوک ڕێز لە مۆمی سەرکەوتنی قوتابیان نرائێوارەی ئەمڕۆ پێنجشەممە، ٢٠٢٦/٥...
08/05/2026


بە ئامادەبوونی کۆمەڵەی ئافرەتانی کوردستان؛ لە کەرکوک ڕێز لە مۆمی سەرکەوتنی قوتابیان نرا

ئێوارەی ئەمڕۆ پێنجشەممە، ٢٠٢٦/٥/٧، لە مەراسیمێکی شکۆداردا، لقی کەرکوکی (کۆمەڵەی ئافرەتانی کوردستان) بەشداری کرد لە ڕێوڕەسمی ڕێزلێنان لە کۆمەڵێک قوتابی سەرکەوتووی شاری کەرکوک.

ئەم مەراسیمە کە لەلایەن ئەنجومەنی بەڕێوەبردنی کەرکوکی (یەکێتی گشتی قوتابیانی کوردستان) ڕێکخرابوو، تێیدا جەخت لەسەر گرنگی زانست و ڕۆڵی گەنجان لە بونیادنانی داهاتووی وڵات کرایەوە. لە میانی مەراسیمەکەدا، سکرتێری یەکێتی گشتی قوتابیانی کوردستان وتارێکی پێشکەش کرد و تیشکی خستە سەر هەوڵ و کۆششی قوتابیان لە ساڵی خوێندنی (٢٠٢٥-٢٠٢٦).

لە کۆتایی چالاکییەکەدا، لەڵغانی ڕێزلێنان و دیاری پێشکەش بەو قوتابییە سەرکەوتووانە کرا کە توانیبوویان پلەی باڵا بەدەستبهێنن. بە ئامادەبوونی خێزان و کەسوکاری قوتابیان، کە جوانی و شکۆیەکی زیاتری بە مەراسیمەکە بەخشیبوو..

#کەرکوک #سەرکەوتن #خوێندن #پێشەنگ

حفل تكريم الطلاب المتفوقين في محافظة كركوك.

مساء الخميس، الموافق 7 مايو/أيار 2026، شاركت رابطة المرأة الكوردستانية ، فرع كركوك، في حفل بهيج لتكريم عدد من الطلاب والطالبات المتفوقين.

وركز الحفل، الذي نظمه المجلس التنفيذي لاتحاد طلبة كردستان في كركوك، على أهمية العلم ودور الشباب في بناء مستقبل الوطن. وألقى أمين عام اتحاد طلبةكردستان كلمةً خلال الحفل، أشاد فيها بجهود الطلبة خلال العام الدراسي 2025-2026.

وفي ختام الحفل، تم تقديم شهادات تقديرية وهدايا للطلبة المتفوقين الاوائل الحاصلين على أعلى الدرجات. بحضور الاهالي والعوائل الكريمة للطلاب والطالبات، مما أضفى مزيدًا من الجمال والبهجة على الحفل

#كركوك #النجاح #التعليم #القيادة

کۆمەڵەی ئافرەتانی کوردستان، لقی کەرکوک، بەشداری دانیشتنێکی گفتوگۆی کرد کە لەلایەن کۆمسیۆنی باڵای مافی مرۆڤی عێراق/نوسی...
07/05/2026


کۆمەڵەی ئافرەتانی کوردستان، لقی کەرکوک، بەشداری دانیشتنێکی گفتوگۆی کرد کە لەلایەن کۆمسیۆنی باڵای مافی مرۆڤی عێراق/نوسینگەی کەرکوکەوە ڕێکخرابوو، بە هاوبەشی لەگەڵ ژمارەیەک ڕێکخراوی ناحکومی، بۆ تاوتوێکردنی یاسای ژمارە 12ی ساڵی 2010ی تایبەت بە ڕێکخراوە ناحکومییەکان و ئەو پەیڕەوانەی بەپێی ئەو یاسایە دەرچووە.

لە دانیشتنەکەدا گفتوگۆ کرا لەسەر داڕشتنی پەیڕەوێکی نوێی ناوخۆ بۆ ڕێکخستن و ئاسانکاری بۆ کاری ڕێکخراوە ناحکومییەکان، بە ئامانجی پێشکەشکردنی بۆ لایەنە پەیوەندیدارەکان و وەرگرتنی ڕەزامەندی فەرمی. هەروەها جەخت لەسەر کاراکردنی ڕۆڵی کۆمەڵگەی مەدەنی بەپێی ماددەی 45ی دەستووری عێراق کرا، بەمەش پەرەپێدانی کەشێکی کارکردنی یاسایی و پارێزراو بوو کە خزمەت بە بەرژەوەندی گشتی بکات و پاڵپشتی مافەکانی مرۆڤ و گەشەپێدانی بەردەوام لە پارێزگاکەدا بکات.

شاركت رابطة المرأة الكوردستانية فرع كركوك في جلسة حوارية نظمتها المفوضية العليا لحقوق الإنسان في العراق / مكتب كركوك وبالتعاون مع نخبة من المنظمات غير الحكومية لمناقشة قانون المنظمات غير الحكومية رقم 12 لسنة 2010 والتعليمات الصادرة بموجبه.

وتضمنت الجلسة بحث إعداد مسودة نظام داخلي جديد يسهم في تنظيم وتسهيل عمل المنظمات، تمهيداً لرفعها إلى الجهات المختصة واستحصال الموافقات الرسمية، إلى جانب التأكيد على تفعيل دور المجتمع المدني بما ينسجم مع المادة (45) من الدستور العراقي، وبما يعزز بيئة عمل قانونية وآمنة تخدم الصالح العام.وتدعم مسيرة حقوق الإنسان والتنمية المستدامة في المحافظة.

پرسەنامەیەک لە کۆمەڵەی ئافرەتانی کوردستانەوە بەداخ و پەژارەیەکی قووڵەوە، هەواڵی کۆچی دوایی مامۆستا و تێکۆشەری دێرینی ڕیز...
07/05/2026

پرسەنامەیەک لە کۆمەڵەی ئافرەتانی کوردستانەوە

بەداخ و پەژارەیەکی قووڵەوە، هەواڵی کۆچی دوایی مامۆستا و تێکۆشەری دێرینی ڕیزەکانی کۆمەڵەکەمان، خاتوو (سامیە شاکر)مان پێگەیشت.

کۆچی دوایی ئەم ژنە تێکۆشەرە، کە تەمەنی خۆی لە پێناو پەروەردەکردنی نەوەکان و داکۆکیکردن لە مافەکانی ئافرەتان بەسەر برد، خەمێکی گەورە و لەدەستدانێکی پڕ ئەسەفە بۆ هەموومان. مامۆستا سامیە نموونەی خۆڕاگری و دڵسۆزی بوو، شوێنپەنجەی لە خەباتی ڕێکخراوەیی و کایەی پەروەردەدا بە ڕوونی دەمێنێتەوە.

بەم بۆنە غەمناکەوە، سەرەخۆشی لە خۆمان و بنەماڵە تێکۆشەرەکەیان و سەرجەم هاوڕێ و هاوکارانی دەکەین. سەبووری و ئارامی بە هەموو لایەک ببەخشێت.

کۆچت خەمێکی قووڵە، ناوت بە نەمری لە مێژووی خەباتی ئافرەتانی کوردستاندا دەمێنێتەوە.

کۆمەڵەی ئافرەتانی کوردستان
‌ ٢٠٢٦/٥/٧

Address

ھەولێر
ھەولێر

Telephone

+9647704021900

Website

Alerts

Be the first to know and let us send you an email when Komalay afratani kurdistan posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Komalay afratani kurdistan:

Shortcuts

Share

Category