25/08/2026
ڕیبەر ڕوستەم باسی مانگگیرانی داهاتو دەکات
بەرەبەیانی ڕۆژی هەینی داهاتوو چی ڕوودەدا ...؟
ڕۆژی هەینی ۲٨ی٨ی۲۰۲٦
دیاردەی مانگگیرانی نیمچەیی واتە مانگگیرانی بەشەکی ڕوودەدات کە سەدا ۹٦ی ڕووی مانگ دەجێتە ناو سێبەری زەویەوە ، بەڵام لەبەر ئەوەی کاتی ڕوودانی دیاردەکە لە ئاسمانی کوردستان و وڵاتانی ناوچەکە ڕۆژەو خۆر هەڵاتووە بۆیە ناتوانرێ وەکو پێویست تێبینی هەموو دیاردەکە بکرێت و تەنها سەرەتای دەستپێکی دیاردەکە دەتوانرێ ببینرێت .
پوختەی مانگگیرانەکە
لە کاتژمێر ٤:٣٠ دەقیقەی بەیانی ڕۆژی هەینی داهاتوو ۲٨ی٨ دیاردەکەدەست پێ دەکات و مانگ ڕەنگەکەی هەندێ کز دەبێ و بەرەو حاڵەتی دروست بوونی سێبەری کاڵ
لە کاتژمێر ٥:٢٨ دقیقەی بەیانی سێبەری زەوی یان بلێین تاریکی زەوی لەسەر ڕووی مانگ دەردەکەوێ و بەڵام بەسەردا خۆر هەڵدێ ئیتر ناتوانرێ وەک پێویست و وەک دیاردەکانی ساڵانی ڕابردووی مانگگیران بتوانین مانگگیرانەکە بەدروستی ببینین لە سەرەتاوە تا کۆتایی پڕۆسەکە کە زیاتر لە پێنج کاتژمێر دەخایەنێ
تاکو کاتژمێر ۱۰ی بەیانی هەمان ڕۆژ بەردەوام دەبێت .
لە کاتژمێر ۷ی بەیانی دەگاتە حاڵەتی لوتکەی مانگگیرانەکە و مانگ تاریک و نیمچە سوور دەبێ ، بەڵام ئەو کات بەتەواوی لای خۆمان و ناوچەکەمان خۆر هەڵاتووەو مانگ نابینین چونکە خۆر بەدەرەوەیە ، بەڵام هەریەکە لە وڵاتانی (امریکاو برازیل و کەنەدا و بریتانیا و ئیسپانیاو فرنساو پرتوگاڵ و بەشێکی ئیتاڵیاو وڵاتانی عەرەبی افریقی وەک مغرب و جزائرو مۆریتانیاو ئەفریقیای باشورو سەنیگال و نایجریا ) دەیبینن ، ئەم دیاردەیەی هەینی داهاتوو دواین دیاردەی فەلەکی پەیوەست بە مانگگیران و خۆرگیرانی ئەمساڵە و دووەمین دیاردەی مانگگیرانی ئەمساڵە
کەدیاردەی یەکەم لە ڕێکەوتی ۳ی۳ی۲۰۲٦ ڕوویدا ، هاوکات لە ڕووی لێکدانەوەکانی ئەسترولوجیەوە مانگ لە بورجی نەهەنگ دەبێت و گۆشەی ۱٨۰ پلەی فەلەکی بەرامبەر دروست دەکات
لەگەڵ خۆرو هەسارەی عتارد لە بورجی فەریک ، وەک سونەتی پێغەمبەرمان محمد د.خ دەتوانرێ نوێژی تایبەت بەم دیاردەیە ئەنجام بدرێت و لەم بارەوە پرسیارو ڕاوێژ لە ماموستایانی ئاینی بکرێت بۆ چۆنیەتی ئەنجامدانی نوێژی سونەت ...
