22/07/2026
സ്പർശം പ്രതിഭാ സംഗമം 2026, പാലിയേറ്റീവ് രോഗികൾക്കുള്ള ഓണകിറ്റ് വിതരണോത്ഘാടനം – റിപ്പോർട്ട്
സ്പർശം റിലീഫ് സെൽ, താഴെ അരപ്പറ്റയുടെ നേതൃത്വത്തിൽ 2026 ജൂലൈ 19-ന് വൈകുന്നേരം 4 മണിക്ക് BHM ഹാളിൽ സംഘടിപ്പിച്ച “സ്പർശം പ്രതിഭാ സംഗമം 2026” വിജയകരമായി നടന്നു.
ഈ കഴിഞ്ഞ അധ്യയന വർഷത്തിൽ എസ്.എസ്.എൽ.സി, പ്ലസ് ടു എന്നിവയിൽ ഉന്നതവിജയം നേടിയവരെ ആദരിച്ചു. വാർഡ് മെമ്പർ ശ്രീമതി സംഗീത രാമകൃഷ്ണൻ ആദ്യക്ഷനായ ചടങ്ങ് മൂപ്പനാട് പഞ്ചായത്തു വൈസ് പ്രസിഡന്റ്‌ ശ്രീമതി റൈഹാനത്ത് ഉത്ഘാടനം ചെയ്‌തു. പ്രസ്തുത പരിപാടിയിൽ ഡോക്ടർ മൂപ്പൻസ് നഴ്സിംഗ് കോളേജ് പ്രിൻസിപ്പൽ പ്രൊഫസർ ശ്രീമതി ലിഡാ ആന്റണി മുഖ്യതിഥി ആയിരുന്നു. കൂടാതെ വാർഡ് മെമ്പർ ശ്രീമതി ജാസ്മിൻ, ശ്രീ അഷ്‌റഫ്‌ മമ്മിസ, സ്പർശം അഡ്മിൻ മാരായ ശ്രീ അലവി pv, അഷ്‌റഫ്‌ p, ശിഹാബ് p, മുഹമ്മദ്‌ ബഷീർ എന്നിവർ സംസാരിച്ചു. പാലിയേവ് രോഗികൾക്കുള്ള ഓണകിറ്റ് വിതരണം പഞ്ചായത്തു വൈസ് പ്രസിഡന്റ്‌ നു നൽകി ശ്രീ അഷ്‌റഫ്‌ മമ്മിസ ഉത്ഘാടനം ചെയ്‌തു. വിദ്യാർത്ഥികളുടെ കഠിനാധ്വാനവും നേട്ടങ്ങളും സമൂഹത്തിന് മുന്നിൽ അംഗീകരിക്കുകയും അവരെ കൂടുതൽ ഉയരങ്ങളിലേക്ക് പ്രോത്സാഹിപ്പിക്കുകയും ചെയ്യുക എന്നതായിരുന്നു പരിപാടിയുടെ പ്രധാന ലക്ഷ്യം.
പരിപാടിയിൽ സ്പർശം പ്രവർത്തകർ, കുടുംബാംഗങ്ങൾ, വിദ്യാർത്ഥികൾ, സാമൂഹിക പ്രവർത്തകർ, വിവിധ മേഖലകളിലെ പ്രമുഖർ എന്നിവർ പങ്കെടുത്തു.
Muhammed Basheer
