Sevabharathi Vechuchira

08/03/2026

09/06/2025

നമസ്തെ
** കൂടെയുണ്ട് സേവാഭാരതി **
സേവാഭാരതി വെച്ചുചിറ യൂണിറ്റിന്റെ ആഭിമുഖ്യത്തിൽ വെച്ചുചിറ ഗ്രാമ പഞ്ചായത്തിലെ വിവിധ പ്രദേശങ്ങളിൽ കുട്ടികൾക്ക് പഠനോ പകരണങ്ങൾ വിതരണം ചെയ്തു.ചാത്തൻതറ,കുറുമ്പൻമൂഴി,വെച്ചുചിറ,കൂത്താട്ടുകുളം,കുന്നം എന്നി പ്രദേശങ്ങളിലായി 250 കുട്ടികൾക്ക് പ്രയോജനപ്രദമായി.സേവാഭാരതി യുടെ വിദ്യാഭ്യാസ ആയാമ ത്തിന്റെ ഭാഗമായാണ് ബുക്ക് വിതരണം നടത്തിയത്.

18/05/2025

നമസ്‌തെ,
കൂടെയുണ്ട് സേവാഭാരതി
പുതിയ സ്കൂൾ വർഷം വരവായി.സമൂഹത്തിൽ ദുർബലരായ കുടുംബങ്ങളിൽ ഉള്ള +2 വരെയുള്ള ക്ലാസ്സുകളിൽ പഠിക്കുന്ന കുട്ടികൾക്കുള്ള പഠനോപകരണ വിതരണം വെച്ചുചിറ സേവാഭാരതി യൂണിറ്റിന്റെ ആഭിമുഖ്യത്തിൽ നടന്നു.നൂറോക്കാട് ശ്രീ ധർമ ക്ഷേത്രത്തിൽ വച്ച് നടന്ന പഠനോ പകരണ വിതരണ ഉൽഘാടനം സേവാഭാരതി വെച്ചുചിറ യൂണിറ്റ് പ്രസിഡന്റ് ശ്രീ കെ വി നാരായണൻ നിർവഹിച്ചു.ചടങ്ങിൽ ബാലഗോകുലം മണ്ഡൽ കാര്യദർശി ശ്രീ ശ്യം പ്രസാദ്,സേവാഭാരതി വെച്ചുചിറ യൂണിറ്റ് സെക്രട്ടറി പ്രശാന്ത് എസ് എന്നിവർ പങ്കെടുത്തു

25/02/2025

പത്രകുറിപ്

ദാഹജലവുമായി സേവാഭാരതി.

പതിനഞ്ച് വർഷം കാത്തിരുന്നിട്ടും ജല വിതരണം പൂർത്തിയാകാത്ത കുടിവെള്ളം കിട്ടാകനിയായ വാകമുക്ക്,പുളിക്കൽ പടി അംഗൻ വാടി പ്രദേശത്തെ 40 കുടുംബങ്ങൾക്ക് കുടിവെള്ളവുമായി വെച്ചുചിറ സേവാഭാരതി.വേനൽ കടുത്തതോടുകൂടി കുടിവെള്ള ക്ഷാമം കൂടുതൽ അനുഭവപ്പെടുന്ന കുന്നം,വെൺകുറിഞ്ഞി,വാകമുക്ക് മുതലായ സ്ഥലങ്ങളിൽ കുടിവെള്ളം എത്തിച്ചു നൽകും.കുടിവെള്ള വിതരണത്തിന്റെ ഉത്ഘാടനം യൂണിറ്റ് പ്രസിഡന്റ് കെ വി നാരായണൻ നിർവഹിച്ചു.സേവാഭാരതി കാര്യകർത്താക്കളായ,സജി,അഭികാന്ത്,അഖിൽ ദാസ്,ജിനു എന്നിവർ നേതൃത്വം നൽകി.

25/02/2025

05/11/2024

നമസ്തേ.
വെച്ചുചിറ സേവാഭാരതി യൂണിറ്റിന്റെ ആഭിമുഖ്യത്തിൽ നടന്ന പോസ്റ്റ് ഓഫീസ് പേ മെന്റ് ബാങ്കിന്റെ ആക്സിഡന്റ് ഇൻഷുറൻസ് പോളിസി രജിസ്ട്രേഷൻ ക്യാമ്പ് 5/11/24 ന് കുന്നത്തു നടന്നു.ആദിത്യ ബിർള ഇൻഷുറൻസ് കമ്പിനിയുമായി ചേർന്ന് 15ലക്ഷം രൂപ വരെ കവറേജ് കിട്ടു ന്ന ഇൻഷുറൻസ് ആണ്‌.ടി ക്യാമ്പിന്റെ ഉത്ഘാടനം സേവാഭാരതി വെച്ചുചിറ യൂണിറ്റ് പ്രസിഡന്റ് കെ വി നാരായണൻ നിർവഹിച്ചു.ചടങ്ങിൽ മീഡിയ കോ കോർഡിനേറ്റർ ശ്രീ ജിനു പി ജി,SASS പ്രസിഡന്റ് സദാനന്ദൻജി പോസ്റ്റ് ഓഫീസ് ജീവനക്കാരയ ഡോൺ മാത്യു,രാജു എന്നിവർ പങ്കെടുത്തു.ക്യാമ്പിൽ 20 ൽ പരം ആളുകൾ പങ്കെടുത്തു.

08/10/2024

പത്ര കുറിപ്പ്.
സ്വാന്തന പരിചരണ വിഭാഗം ഉത്ഘാടനം
ചെയ്തു.

വെച്ചുചിറ :സേവാഭാരതി വെച്ചുചിറ യൂണിറ്റിന്റെ നേതൃത്വത്തിൽ കേശവീയം പെയിൻ ആൻഡ് പാലിയേറ്റീവ് കേന്ദ്രം ദേശീയ സേവാഭാരതി പത്തനംതിട്ട ജില്ല പ്രസിഡന്റ്‌ അഡ്വ.ഡി.അശോക് കുമാർ ഉത്ഘാടനം ചെയ്തു.സേവാ ഹി പരമോ ധർമ എന്ന ലക്ഷ്യം മുൻ നിർത്തി പ്രവർത്തിക്കുന്ന സേവാഭാരതിയുടെ പ്രവർത്തനം ജനങ്ങൾ ഏറ്റെടുത്തതായി അദ്ദേഹം അഭിപ്രായപെട്ടു. കെ വി നാരായണൻ അധ്യക്ഷത വഹിച്ചു. പുതിയ ആംബുലൻസിന്റെ താക്കോൽ ദാനം ശശിധരൻ പിള്ള നിർവഹിച്ചു.മുതിർന്ന സംഘ പ്രവർത്തകനായിരുന്ന പരമേശ്വരൻ നായരുടെ ഓർമ്മക്കായി പല്ലിയേറ്റീവിന് ആവശ്യമായ മെഡിക്കൽ ഉപകരണങ്ങൾപ്രമോദ് മുളക്കൽ സേവാഭാരതി ക്ക് കൈമാറി.ചടങ്ങിൽ ജോസഫ് ആഗസ്തി(ബി ജെ പി റാന്നി മണ്ഡലം സെക്രട്ടറി )സദാനന്ദൻ നായർ(പ്രസിഡന്റ് ശബരിമല അയ്യപ്പ സേവാ സമാജം റാന്നി താലൂക്ക് )എ ആർ രാജാഗോപാൽ (പ്രസിഡന്റ് ബി ജെ പി ഏരിയ കമ്മിറ്റി വെച്ചുചിറ )രവീന്ദ്രൻ പി എസ്(സെക്രട്ടറി ബി എം എസ് വെച്ചുചിറ )രാജി വിജയകുമാർ (വാർഡ് മെമ്പർ )തൃലോക് നാഥ്(ദേശീയ സേവാഭാരതി ജില്ല കമ്മിറ്റി അംഗം)ശ്രീമതി സരിത (കൺവീനർ പാലിയേറ്റീവ് പത്തനംതിട്ട )അപർണ എം,മനു എസ് എന്നിവർ സംസാരിച്ചു.

05/10/2024

മാന്യ മിത്രമേ നമസ്കാരം.
2018 സെപ്തംബർ 5 ന് വെച്ചുചിറയിൽ ആരംഭിച്ച സേവാഭാരതി യൂണിറ്റ് ആറ് വർഷങ്ങൾ പൂർത്തിയാക്കി ഏഴാം വർഷത്തിലേക്ക് കടന്നിരിക്കുകയാണ്.ആരോഗ്യം,വിദ്യാഭ്യാസം,സാമാജികം,സ്വവാലമ്പനം,ആപത് സേവാ എന്നി മേഖലകളിൽ ശ്രെദ്ധേയമായ പ്രവർത്തനങ്ങൾ നടത്തിവരുന്നു.സമാജത്തിലെ ദുരിതം അനുഭവിക്കുന്ന വിവിധ രോഗങ്ങളാൽ കഷ്ടപ്പെട്ടു കിടപ്പ് രോഗികളായിട്ടുള്ള വർക്ക് ആശ്വാസം നൽകുന്ന പദ്ധതി നാം ഏറ്റെടുക്കുകയാണ്."കേശവീയം "പെയിൻ ആൻഡ് പാലിയേറ്റിവ് കെയർ യൂണിറ്റ് (സാന്ത്വന പരിചരണ വിഭാഗം )8/10/24രാവിലെ 8.30 ന് വെച്ചുചിറ കവലയിൽ വച്ച് രാഷ്ട്രീയ സ്വയം സേവക സംഘം ശബരിഗിരി വിഭാഗ് മാന്യ.സംഘചാലക് ശ്രീ മോഹനചന്ദ്രൻജി ഔപചാരികമായി ഉൽഘാടനം ചെയ്യുന്നു.പെയിൻ ആൻഡ് പാലിയേറ്റീവ് കെയർ യൂണിറ്റിന് സി എസ് മോഹനൻ,ചെയർമാൻ സേവാ ശക്തി ഫൌണ്ടേഷൻ കേരളം വാങ്ങി നൽകിയ പുതിയ ആംബുലൻസിന്റെ ഫ്ലാഗ് ഓഫ് കർമ്മം ബഹു.ശ്രീ ശശിധരൻ പിള്ള മേലതിൽ വെച്ചുചിറ നിർവഹിക്കുന്നു.നാളിത് വരെ സേവാഭാരതി വെച്ചുചിറ യൂണിറ്റിന്റെ വളർച്ചക്ക് എല്ലാ വിധ പിന്തുണയും നൽകിയ എല്ലാ സുമനസുകളുടെയും സാന്നിധ്യം ഈ ശുഭ മുഹൂർത്വത്തിലേക്ക് സാദരം ക്ഷണിച്ചുകൊള്ളുന്നു.വിവിധ സംഘ പരിവാർ സംഘടനകളുടെ ജില്ലാ സംസ്ഥാന കാര്യകർത്താക്കൾ പങ്കെടുക്കുന്നതാണ്.
മാതൃ സേവാർത്ഥം
കെ വി നാരായണൻ
പ്രസിഡന്റ്
സേവാഭാരതി വെച്ചുചിറ യൂണിറ്റ്

02/10/2024

🌹മാനവ സേവാ മാധവ സേവാ🌹
2024 ഒക്ടോബർ 2 ബുധനാഴ്ച ഗാന്ധി ജയന്തിയോടനുബന്ധിച്ചു "എന്റെ ജീവിതമാണ് എന്റെ സന്ദേശം "എന്ന മഹത് വചനത്തെ അന്വര്തമാക്കികൊണ്ട് "സ്വച്ഛ ഭാരതം "എന്ന ലക്ഷ്യം കൈ വരിക്കുന്നതിനായി വെച്ചുചിറ സേവാഭാരതി യൂണിറ്റിന്റെ നേതൃത്വത്തിൽ കുന്നം ഗവ.എൽ പി സ്കൂൾ പരിസരം,ആനമാടം ഈ എ എൽ പി സ്കൂൾ എന്നിവിടങ്ങളിൽ ശുചീകരണ പ്രവർത്തനങ്ങൾ നടത്തി.കുന്നം ഗവ.എൽ പി സ്കൂളിലെ ശുചീകരണ പ്രവർത്തന്നതിനു യൂണിറ്റ് ഖജാൻജി ശ്രീമതി അപർണ എം നേതൃത്വം നൽകി.സേവാഭാരതിയുടെ ശുചീകരണ പ്രവർത്തനം ആനമാടം ഈ എ എൽ പി സ്കൂൾ ഹെഡ് മിസ്ട്രെസ് ഉത്ഘാടനം ചെയ്തു.ആനമാടം സ്കൂളിലെ ശുചീകരണ പ്രവർത്തങ്ങൾക്ക് യൂണിറ്റ് സെക്രട്ടറി മനു എസ് നേതൃത്വം നൽകി.രാഷ്ട്രീയ സ്വയം സേവക സംഘം,സേവാഭാരതി പ്രവർത്തകർ പങ്കെടുത്തു.

26/09/2024

മാനവ സേവാ മാധവ സേവാ
സേവാഭാരതി വെച്ചുചിറ യൂണിറ്റ് നടപ്പിലാക്കിവരുന്ന "കേശവീയം "പൈൻ ആൻഡ് പാലിയേറ്റീവ് കെയർ യൂണിറ്റിന് വേണ്ടി സേവാ ശക്തി ഫൌണ്ടേഷൻ കേരളം വാങ്ങി നൽകിയ ആംബുലൻസിന്റെ താക്കോൽ യൂണിറ്റ് പ്രസിഡന്റ് ശ്രീ കെ വി നാരായണൻ ഏറ്റുവാങ്ങി.ചടങ്ങിൽ യൂണിറ്റ് സെക്രട്ടറി മനു എസ്,വൈസ് പ്രസിഡന്റ്‌ ഡി ശ്രീകുമാർ എന്നിവർ പങ്കെടുത്തു.

18/06/2024

നമസ്‌തെ,
സേവാഭാരതി വെച്ചുചിറ യൂണിറ്റിന്റെ വാർഷിക പൊതുയോഗം,പുതിയ കാര്യകർത്താക്കളുടെ തെരഞ്ഞെടുപ്പും 16/6/24 2.30 ന് കുന്നത്തു കുമാർജിയുടെ ഭവനത്തിൽ വച്ച് കൂടി.വാർഷിക റിപ്പോർട്ട് സെക്രട്ടറി പ്രശാന്ത് എസ് അവതരിപ്പിച്ചു.വരവ് ചിലവ് കണക്ക് രാജശ്രീ ഉദയൻ അവതരിപ്പിച്ചു.റിപ്പോർട്ടും കണക്കും വിശദമായ ചർച്ചകൾക്ക് ശേഷം പാസ്സാക്കി.തുടർന്ന് നടന്ന കാര്യകർത്താക്കളുടെ തെരെഞ്ഞെടുപ്പിൽ കെ വി നാരായണൻ (പ്രസിഡന്റ് )അഞ്ചു എസ് നായർ,ഡി ശ്രീകുമാർ (വൈസ് പ്രസിഡന്റ് )മനു എസ് (സെക്രട്ടറി )ലത ഉണ്ണികൃഷ്ണൻ,മധു സി ബി,ചെറിയത്ത് (ജോയിന്റ് സെക്രട്ടറി )അപർണ എം (ട്രഷറർ )ജിനു പി ജി (മീഡിയ കോർഡിനേറ്റർ )രാജശ്രീ ഉദയൻ (ആരോഗ്യം )സുനിൽകുമാർ സി (വിദ്യാഭ്യാസം )ബീനാകുമാരി (സ്വാവലെമ്പനം )സജി പി ജി (സാമാജികം )അനീഷ് N T(ആപത് സേവാ )എന്നിവരെ തെരഞ്ഞെടുത്തു.രാഷ്ട്രീയ സ്വയം സേവക സംഘം റാന്നിഖണ്ഡ് പ്രൗഡ പ്രമുഖ് സദാനന്ദൻജി വരുണാധികാരിയായിരുന്നു.സമാപന സമ്മേളനത്തിൽ ദേശീയ സേവാഭാരതി ജില്ല ട്രഷറർ അജികുമാർ കാട്ടൂർ സേവാ സന്ദേശം നൽകി.