DYFI Kothamangalam BC

16/08/2026

Dyfi കോതമംഗലം ബ്ലോക്ക്‌ കമ്മിറ്റിയുടെ നേതൃത്വത്തിൽ യങ് ഇന്ത്യ ക്യാമ്പയിൻ സംഘടിപ്പിച്ചു.വിദ്യാഭ്യാസ അഴിമതിക്കും തൊഴിൽ നിഷേധത്തിനും പകരം ചോദിക്കുക എന്ന മുദ്രാവാക്യമുയർത്തി കോതമംഗലത്തു നടത്തിയ പരിപാടിയിൽ നൂറുകണക്കിന് യുവതി യുവാക്കൾ പങ്കെടുത്തു. ചെറിയ പള്ളിതാഴത്ത് നിന്നും ആരംഭിച്ച യുവജന പ്രകടനം താങ്കളം ലോറി സ്റ്റാൻഡിൽ സമാപിച്ചു. തുടർന്ന് നടന്ന പൊതുയോഗത്തിൽ ബ്ലോക്ക്‌ പ്രസിഡന്റ്‌ അരുൺ പി ബോബൻ അധ്യക്ഷനായി. Dyfi മുൻ കോഴിക്കോട് ജില്ലാ കമ്മിറ്റി അംഗം സ. അനൂപ് കക്കോടി യോഗം ഉദ്ഘാടനം ചെയ്തു. ബ്ലോക്ക്‌ സെക്രട്ടറി ജിയോ പയസ്,ആർ അനിൽകുമാർ, ആന്റണി ജോൺ, കെ എ ജോയ്,ധനേഷ് കെ ശ്രീധർ, അപർണ ഗോപി, എൽദോസ് പോൾ, അമൽ കെ എൻ എന്നിവർ സംസാരിച്ചു.

15/08/2026

ഉണരണം ഇന്ത്യ... പൊരുതണം യുവത ✊
ആഗസ്റ്റ് 15...DYFI

07/08/2026

കുരൂർ തോടിലെ താൽക്കാലിക പാലം: നിയമവിരുദ്ധ നടപടികൾ അവസാനിപ്പിക്കണം

കോതമംഗലം നഗരത്തിൽ ഒഴുകുന്ന കുരൂർ തോടിനു കുറുകെ, പിട്ടാപ്പിള്ളിൽ ഏജൻസിക്കു എതിർവശത്തായി മുനിസിപ്പാലിറ്റിയുടെ നിർദ്ധിഷ്ട ടൗൺഹാൾ സ്ഥലത്തേക്ക് നിർമിച്ച താൽക്കാലിക പാലം തകർന്ന വിഷയത്തിൽ കോതമംഗലം മുനിസിപ്പാലിറ്റി ഭരണസമിതിയുടെ നടപടിയിൽ ശക്തമായ പ്രതിഷേധം രേഖപ്പെടുത്തുന്നു.

ലഭ്യമായ വിവരങ്ങൾ പ്രകാരം, റെഡ് അലേർട്ട് പ്രഖാപിച്ച ഘട്ടത്തിൽ പോലും യുഡിഫ് ഭരണാസമിതിയുടെ ഏകപക്ഷിയമായ അനുമതിയുടെയും, ഒത്താശയുടെയും പിൻബലത്തിലാണ് ഈ നിർമ്മാനങ്ങൾ നടന്നിട്ടുള്ളത്. എന്നാൽ ഇറിഗേഷൻ വകുപ്പിന്റെ No Objection Certificate (NOC), PWD NOC, മുനിസിപ്പൽ എഞ്ചിനീയറിങ് വിഭാഗത്തിന്റെ NOC ഉൾപ്പെടെ നിയമപ്രകാരം ആവശ്യമായ മറ്റ് വകുപ്പുകളുടെ അനുമതികൾ നേടിയിട്ടുണ്ടോയെന്നത് മുനിസിപ്പൽ അധികാരികൾ വെളിപ്പെടുത്തേണ്ടതാണ് . ഒരു ജലാശയത്തിലോ തോടിലോ അതുമായി ബന്ധപ്പെട്ട സംരക്ഷിത മേഖലയിലോ നിർമ്മാണ പ്രവർത്തനങ്ങൾ നടത്തുമ്പോൾ ബന്ധപ്പെട്ട വകുപ്പുകളുടെ നിയമാനുസൃത അനുമതികൾ നിർബന്ധമായും ഉറപ്പാക്കേണ്ടതാണ്.

ഇതിനിടയിൽ, കഴിഞ്ഞ ദിവസം പ്രസ്തുത സ്ഥലത്തെ തോടിന്റെ സംരക്ഷണഭിത്തി ഇടിഞ്ഞ സംഭവം അതീവ ഗൗരവമുള്ളതാണ്. ഈ തകർച്ചയ്ക്ക് താൽക്കാലിക പാലനിർമാണവുമായി എന്തെങ്കിലും ബന്ധമുണ്ടോയെന്ന് ബന്ധപ്പെട്ട സാങ്കേതിക വിദഗ്ധരെ ഉൾപ്പെടുത്തി സ്വതന്ത്രമായി അന്വേഷിക്കണം.

അതിനാൽ കോതമംഗലം മുനിസിപ്പാലിറ്റി ഭരണസമിതി പൊതുജനങ്ങൾക്ക് താഴെപ്പറയുന്ന കാര്യങ്ങൾ അടിയന്തരമായി വ്യക്തമാക്കണം:

പ്രസ്തുത നിർമ്മാണത്തിന് ലഭിച്ചിട്ടുള്ള എല്ലാ നിയമാനുസൃത അനുമതികളുടെയും വിശദാംശങ്ങൾ പരസ്യമാക്കുക.
ഇറിഗേഷൻ വകുപ്പ് ഉൾപ്പെടെയുള്ള ബന്ധപ്പെട്ട വകുപ്പുകളുടെ അനുമതികൾ ലഭിച്ചിട്ടുണ്ടെങ്കിൽ അവയുടെ പകർപ്പുകൾ പൊതുജനങ്ങൾക്ക് ലഭ്യമാക്കുക.
സംരക്ഷണഭിത്തി ഇടിഞ്ഞ സംഭവത്തെക്കുറിച്ച് വിദഗ്ധ സാങ്കേതിക പരിശോധന നടത്തി റിപ്പോർട്ട് പ്രസിദ്ധീകരിക്കുക.
നിയമലംഘനമോ നടപടിക്രമങ്ങളിലെ വീഴ്ചയോ കണ്ടെത്തിയാൽ ഉത്തരവാദികളായ ഉദ്യോഗസ്ഥർക്കും ബന്ധപ്പെട്ടവർക്കുമെതിരെ നിയമാനുസൃത നടപടി സ്വീകരിക്കുക.
തോടിന്റെ സ്വാഭാവിക ഒഴുക്കിനും പൊതുസുരക്ഷയ്ക്കും യാതൊരു ഭീഷണിയും ഉണ്ടാകാത്ത വിധം ആവശ്യമായ സംരക്ഷണ നടപടികൾ ഉടൻ സ്വീകരിക്കുക.

പൊതുസമ്പത്തും പ്രകൃതി വിഭവങ്ങളും സംരക്ഷിക്കുക എന്നത് തദ്ദേശസ്വയംഭരണ സ്ഥാപനങ്ങളുടെ പ്രധാന ഉത്തരവാദിത്തമാണ്. നിയമാനുസൃത നടപടിക്രമങ്ങൾ പാലിക്കാതെയുള്ള പ്രവർത്തനങ്ങൾ പൊതുതാൽപര്യത്തിനും പരിസ്ഥിതിക്കും ദീർഘകാല ദോഷം വരുത്താൻ ഇടയാക്കും. അതിനാൽ ഈ വിഷയത്തിൽ പൂർണ സുതാര്യത ഉറപ്പാക്കുകയും, വസ്തുതകൾ പൊതുജനങ്ങളെ അറിയിക്കുകയും, ആവശ്യമായ നിയമനടപടികൾ സ്വീകരിക്കുകയും ചെയ്യണമെന്ന് DYFI കോതമംഗലം ബ്ലോക്ക്‌ കമ്മിറ്റി ആവശ്യപ്പെടുന്നു.

01/08/2026

കോതമംഗലം താലൂക്ക് ആശുപത്രിയും ഇരുട്ടിൽ..
ഇത് കോതമംഗലം താലൂക്ക് ആശുപത്രിയിൽ കഴിഞ്ഞ ദിവസത്തെ കാഷ്വാലിറ്റിയിലെ അവസ്ഥയാണ്. ഇന്നലെ മാത്രമല്ല കഴിഞ്ഞ രണ്ടുമാസക്കാലമായി ഇതുതന്നെയാണ് അവസ്ഥ. നൂറുകണക്കിന് രോഗികൾ ആശ്രയിക്കുന്ന ഈ ആശുപത്രിയിൽ ഇങ്ങനൊരാവസ്ഥ എങ്ങനെ ഉണ്ടാകുന്നു എന്ന് ചിന്തിച്ചാൽ ചില കാര്യങ്ങൾ ഇങ്ങനെ അനുമാനിക്കാൻ കഴിയും.
1. കഴിഞ്ഞ കാലങ്ങളിൽ ഇങ്ങനൊരു പവർക്കട്ട് ഇല്ലാതിരുന്നതിനാൽ(LDF ഭരിച്ച കഴിഞ്ഞ 10 വർഷം )കാഷ്വാലിറ്റിയിൽ ഇൻവെർട്ടർ സൗകര്യം ആവശ്യമായി വന്നിരുന്നില്ല.
2. ഹോസ്പിലിന്റെ ഭൗദീക സൗകര്യങ്ങളും, അടിസ്ഥാന ആവശ്യങ്ങളും ഒരുക്കേണ്ട നഗരസഭ, നിലവിലെ MLA, HMC എന്നിവർ ഇതൊന്നും ശ്രെദ്ധിക്കുന്നില്ല.
3. ആഘോഷങ്ങളും, ആർഭടങ്ങളും ഒരുക്കുന്ന ധൃതിയിൽ
(നഗരസഭ ഓഫീസ് ശീതീകരിക്കൽ, നിലവിൽ ആവശ്യത്തിന് വാഹനം ഉണ്ടായിരിക്കെ ലക്ഷങ്ങൾ മുടക്കി പുത്തൻ വാഹനം വാങ്ങുന്നു... Etc )സാധാരണക്കാരുടെ ബുദ്ധിമുട്ട് മനസിലാക്കാൻ താൽപ്പര്യം ഇല്ലായിരിക്കാം.
കോതമംഗലം താലൂക്ക് ആശുപത്രിയിൽ ഇരുട്ടിൽ ചികിത്സ നൽകേണ്ടി വരുന്ന സാഹചര്യം പരിഹരിക്കാൻ ബന്ധപ്പെട്ട അധികൃതർ ഉടൻ തയ്യാറാവണം.
DYFI കോതമംഗലം ബ്ലോക്ക്‌ കമ്മിറ്റി

25/07/2026

25/07/2026

കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രദാൻ രാജി വയ്ക്കുക, നീറ്റ് ചോദ്യപേപ്പർ വിഷയത്തിൽ
ഡൽഹിയിൽ നടക്കുന്ന വിദ്യാർത്ഥി യുവജന പ്രക്ഷോഭങ്ങളെ അടിച്ചമർത്തുന്ന കേന്ദ്ര സർക്കാരിനെതിരെ ഡിവൈഎഫ്ഐ - എസ് എഫ് ഐ കോതമംഗലം ഏരിയ കമ്മിറ്റികളുടെ നേതൃത്വത്തിൽ നടന്ന നൈറ്റ് മാർച്ച്‌ പ്രശസ്ത തിരക്കഥകൃത്ത് ആദർശ് സുകുമാരൻ ഉദ്ഘാടനം ചെയ്തു. ചലച്ചിത്ര താരം ഏബിൾ അഭിവാദ്യം ചെയ്തു.

29/05/2026

മുൻ മന്ത്രിയും കോതമംഗലത്തിന്റെ എംഎൽഎയും ആയിരുന്ന TU കുരുവിള അന്തരിച്ചു. ആദരാഞ്ജലികൾ.

30/04/2026

കോതമംഗലം നഗരത്തിൻ്റെ വിവിധ ഭാഗങ്ങളിലും, തങ്കളം ഷീ ലോഡ്ജിന് മുൻപിലായും മാലിന്യങ്ങൾ കൂടി കിടക്കാൻ തുടങ്ങിയിട്ട് ഏറെ ദിനങ്ങളായി.നഗരസഭയുടെ കെടുകാര്യസ്ഥതയും, വേസ്റ്റ് മാനേജ്മെൻ്റ് ചെയ്യുന്നതിലെ വീഴ്ചയും ചൂണ്ടിക്കാട്ടി DYFI മുനിസിപ്പൽ കമ്മറ്റികളുടെ നേതൃത്വത്തിൽ പ്രകടനവും പ്രതിഷേധയോഗവും നടത്തി. DYFI സംസ്ഥാന കമ്മറ്റി അംഗം കെ പി ജയകുമാർ പ്രതിഷേധയോഗം ഉദ്ഘാടനം ചെയ്തു. ബ്ലോക്ക് പ്രസിഡൻറ് അരുൺ പി ബോബൻ അധ്യക്ഷത വഹിച്ചു. ബ്ലോക്ക് സെക്രട്ടറി ജിയോ പയസ്, കെ എൻ ശ്രീജിത്ത്, മുനിസിപ്പൽ കൗൺസിലർമാരായ CPS ബാലൻ, അദർശ് കുര്യാക്കോസ്, മരിയ രാജു, സീത വിജയൻ, ഷിബി ബാബു, DYFi നേതാക്കളായ എൽദോസ് പോൾ, അമൽ കെ എൻ, ചന്ദ്രപാൽ കെ ജെ, ജോബിൻ ചെറിയാൻ എന്നിവരും സംസാരിച്ചു.തുടന്ന് ചെയർപേഴ്സണും, മുനിസിപ്പൽ സെക്രട്ടറിയുമായി നടത്തിയ ചർച്ചയിൽ അടിയന്തിരമായി വേസ്റ്റ് നീക്കം ചെയ്യാമെന്ന ഉറപ്പിൽ സമരം അവസാനിപ്പിച്ചു.

08/04/2026

കോതമംഗലത്ത് ആന്റണി ജോണിന് മുൻതൂക്കം; 8000-8500 വോട്ടിന്റെ ഭൂരിപക്ഷം പ്രവചിച്ച് സർവേ

എറണാകുളം: വരാനിരിക്കുന്ന നിയമസഭ തെരഞ്ഞെടുപ്പില്‍ ആന്റണി ജോണിന് വിജയം പ്രവചിച്ച് സർവ്വേ. 'പൊളിറ്റിക്കല്‍ റിസർച്ച് പൊജക്ട് റിപ്പോർട്ട്' നടത്തിയ സർവ്വേയിലാണ് കോതമംഗലം നിയമസഭ മണ്ഡലത്തിൽ നിലവിലെ എംഎൽഎ ആന്റണി ജോൺ വീണ്ടും വിജയിക്കുമെന്ന് വ്യക്തമാക്കുന്നത്. ഏകദേശം 8000-8500 വോട്ടുകളുടെ ഭൂരിപക്ഷം നേടുമെന്നും സർവേ വിലയിരുത്തുന്നു.

അവസാനഘട്ടത്തിൽ ശക്തമായ പ്രചാരണം മത്സരം കടുപ്പിച്ചെങ്കിലും, മണ്ഡലത്തിൽ നടപ്പാക്കിയ വികസന പ്രവർത്തനങ്ങളും ജനങ്ങളുമായി പുലർത്തിയ സ്ഥിരമായ ബന്ധവും ആന്റണി ജോണിന് വ്യക്തമായ മുൻതൂക്കം നൽകുന്നതായും സർവ്വേ റിപ്പോർട്ട് പറയുന്നു.

തദ്ദേശ സ്ഥാപനങ്ങളില്‍

തദ്ദേശ സ്ഥപനങ്ങള്‍ കോതമംഗലം മുനിസിപ്പാലിറ്റി പരിധിയില്‍ യു.ഡി.എഫ് ലീഡ് പ്രതീക്ഷിക്കുന്നുണ്ടെങ്കില്‍ അത് വലിയ രീതിയില്‍ ചുരുങ്ങിയേക്കും കോട്ടപ്പടി, കുട്ടമ്പുഴ, നെല്ലിക്കുഴി തുടങ്ങിയ പഞ്ചായത്തുകളില്‍ എല്‍ഡിഎഫിന് വ്യക്തമായ മേല്‍ക്കൈ ലഭിച്ചേക്കും. ആന്റണി ജോണിന്റെ സ്വന്തം പഞ്ചായത്തായ വാരപ്പട്ടിയിലും ഇടതിന് തന്നെയായിരിക്കും മുന്‍തൂക്കം. കവളങ്ങാട് ഒപ്പത്തിനൊപ്പം നില്‍ക്കുന്ന മത്സര കാഴ്ചവെക്കുന്നുണ്ടെങ്കിലും നല്ല രീതിയിലുള്ള വോട്ട് ഇവിടേയും ഇടത് സ്ഥാനാർത്ഥി പ്രതീക്ഷിക്കുന്നു. കീരംപാറ, പല്ലാരിമംഗലം, പിണ്ഡിമന, എന്നിവിടങ്ങളിലും കടുത്ത മത്സരമാണ് നടക്കുന്നതെങ്കിലും നേരിയ മുന്‍തൂക്കം യു.ഡി.എഫിനാണ്.

എംഎല്‍എയുടെ പ്രകടനം

നിലവിലെ എംഎൽഎയുടെ പ്രകടനത്തിന് പൊതുവേ അനുകൂലമായ വിലയിരുത്തലാണ് സർവ്വേയില്‍ ലഭിക്കുന്നത്. എംഎല്‍എയുടെ സേവനങ്ങളുടെ ലഭ്യതയെക്കുറിച്ചുള്ള ചോദ്യത്തിൽ 28.33% പേർ “വളരെ മികച്ചത്” എന്നും 24.71% പേർ “മികച്ചത്” എന്നും അഭിപ്രായപ്പെട്ടു. ഇതോടെ പോസിറ്റീവ് അഭിപ്രായം 53% കവിഞ്ഞു. അതേസമയം 17.42% പേർ ശരാശരി എന്ന് പറഞ്ഞപ്പോൾ, ഏകദേശം 21% പേർ നെഗറ്റീവ് അഭിപ്രായമാണ് രേഖപ്പെടുത്തിയത്.

വികസനം, പരാതി പരിഹാരം, ക്ഷേമ പ്രവർത്തനങ്ങൾ തുടങ്ങിയ മേഖലകളിലും സമാനമായ പ്രവണതയാണ് കാണുന്നത്. 20.61% പേർ “വളരെ നല്ലത്” എന്നും 27.44% പേർ “നല്ലത്” എന്നും വിലയിരുത്തിയപ്പോൾ, പോസിറ്റീവ് അഭിപ്രായം ഇവിടെ കൂടി 48% ന് മുകളിൽ എത്തുന്നു.

വീണ്ടും വിജയിക്കണമോ?

എംഎൽഎ വീണ്ടും തിരഞ്ഞെടുക്കപ്പെടണമോ എന്ന ചോദ്യത്തിൽ 32.11% പേർ “തീർച്ചയായും വേണം” എന്നും 21.65% പേർ “വന്നാലും കുഴപ്പമില്ല” എന്നും പ്രതികരിച്ചു. ഇതോടെ ഏകദേശം 53% പേർ അനുകൂല നിലപാടിലാണ്. മറുവശത്ത് 21.55% പേർ “ഒരിക്കലും വരരുത്” എന്നും 19.33% പേർ “പുതിയ ആളുകൾ വരട്ടെ” എന്നും അഭിപ്രായപ്പെട്ടു. ആകെ വിലയിരുത്തലിൽ എംഎൽഎയ്ക്ക് 7.9/10 എന്ന മികച്ച ശരാശരി മാർക്കും ലഭിച്ചിട്ടുണ്ട്.

ഇതിനിടെ യുഡിഎഫ് സ്ഥാനാർത്ഥിയെക്കുറിച്ചുള്ള വിലയിരുത്തലിൽ നെഗറ്റീവ് അഭിപ്രായമാണ് മുൻതൂക്കം നേടുന്നത്. 26.14% പേർ “മോശം” എന്നും 12.42% പേർ “വളരെ മോശം” എന്നും പ്രതികരിച്ചപ്പോൾ, നെഗറ്റീവ് അഭിപ്രായം ഏകദേശം 38.5% ആയി. പോസിറ്റീവ് അഭിപ്രായം (വളരെ നല്ലത് + നല്ലത്) ചേർന്ന് ഏകദേശം 37% മാത്രമാണ്.

മണ്ഡലത്തിൽ നടപ്പാക്കിയ വികസന പ്രവർത്തനങ്ങളും എംഎൽഎയുടെ വ്യക്തിപരമായ ഇടപെടലുകളും അനുകൂല ഘടകങ്ങളായി മാറുന്നുണ്ട്. ഗ്രാമപ്രദേശങ്ങൾ ഉൾപ്പെടെ ഉറച്ച വോട്ട്ബേസ് നിലനിൽക്കുന്നതും മുൻതൂക്കം വർധിപ്പിക്കുന്നു.