Kerala Sasthra Sahithya Parishath - KSSP, Parishad Bhavan, Guruvayoor Road, Thrissur. Pin: Tel: 0487-2381344 gskssp@gmail. com, Thrissur (2026)

29/08/2026

കാഞ്ഞങ്ങാട് : കേരള ശാസ്ത്രസാഹിത്യ പരിഷത്തിൻ്റെ നേതൃത്വത്തിൽ ഡോ. എം. പി.പരമേശ്വരൻ അനുസ്മരണം നടന്നു. ഹൊസ്ദുർഗ് ഗവ. ഹയർ സെക്കൻഡറി സ്കൂളിൽ അഡ്വ. ഗോവിന്ദൻ പള്ളിക്കാപ്പിൽ എം എൽ എ ഉദ്ഘാടനം ചെയ്തു. മുൻ സംസ്ഥാന പ്രസിഡൻ്റ് പ്രഫ. പി കെ രവീന്ദ്രൻ അനുസ്മരണ പ്രഭാഷണം നടത്തി. ജില്ലാ പ്രസിഡൻ്റ് ബാലകൃഷ്ണൻ കൈരളി അധ്യക്ഷനായി ഡോ. പി പ്രഭാകരൻ, അഡ്വ. പി അപ്പുക്കുട്ടൻ,കെവി സജീവൻ, പപ്പൻ കുട്ടമത്ത്, വി.വി. ശാന്ത,ഡോ.കെ വിജേഷ്, വി. മധുസൂദനൻ സംസാരിച്ചു. ജില്ലാ കല -സംസ്കാരം ഉപസമിതിപാട്ടും പറച്ചിലും അവതരിപ്പിച്ചു.

22/08/2026

ഡോ:എം. പി. പരമേശ്വരൻ കേരളീയ സമൂഹത്തെ പരിവർത്തനപ്പെടുത്തിയ മഹാനായ ദാർശനികൻ — എം. വി. ഗോവിന്ദൻ

കണ്ണൂർ: കേരളീയ സമൂഹത്തെ ആഴത്തിൽ സ്വാധീനിക്കുകയും പരിവർത്തനത്തിന് ദിശാബോധം നൽകുകയും ചെയ്ത മഹാനായ ദാർശനികനും പ്രയോക്താവുമായിരുന്നു ഡോ. എം. പി. പരമേശ്വരനെന്ന് സി.പി.എം. സംസ്ഥാന സെക്രട്ടറി എം. വി. ഗോവിന്ദൻ മാസ്റ്റർ പറഞ്ഞു.

കേരള ശാസ്ത്രസാഹിത്യ പരിഷത്ത് കണ്ണൂർ ജില്ലാ കമ്മിറ്റി സംഘടിപ്പിച്ച ഡോ. എം. പി. പരമേശ്വരൻ അനുസ്മരണ സമ്മേളനത്തിൽ അനുസ്മരണ പ്രഭാഷണം നടത്തുകയായിരുന്നു അദ്ദേഹം.

ഏത് സങ്കീർണമായ ആശയവും ഏറ്റവും സാധാരണക്കാരന് പോലും മനസ്സിലാകുന്ന തരത്തിൽ അവതരിപ്പിക്കുന്നതായിരുന്നു എം. പി. പരമേശ്വരന്റെ സവിശേഷമായ ശൈലി.

വൈരുദ്ധ്യാത്മക ഭൗതികവാദത്തെ മലയാളത്തിൽ ഏറ്റവും ലളിതമായും ജനകീയമായും അവതരിപ്പിക്കുന്നതിൽ അദ്ദേഹം നിർണായകമായ സംഭാവന നൽകി.

‘നാലാം ലോക സിദ്ധാന്തം’ മുന്നോട്ടുവച്ചതിന്റെ പേരിൽ പാർട്ടിയിൽ നിന്ന് നടപടി നേരിടുകയും പിന്നീട് സി.പി.എമ്മിന് പുറത്താകുകയും ചെയ്തെങ്കിലും മരണംവരെ ഉത്തമമായ കമ്മ്യൂണിസ്റ്റ് ബോധം അദ്ദേഹം ഉയർത്തിപ്പിടിച്ചു. പാർട്ടിയോടും കമ്മ്യൂണിസ്റ്റ് പ്രസ്ഥാനത്തോടുമുള്ള ആത്മബന്ധം അവസാന നാളുകൾവരെ അദ്ദേഹം കാത്തുസൂക്ഷിച്ചുവെന്നും ഗോവിന്ദൻ മാസ്റ്റർ പറഞ്ഞു.

കേവല പരിസ്ഥിതിവാദത്തെയും കേവല വികസനവാദത്തെയും ഒരുപോലെ നിരാകരിച്ച് പരിസ്ഥിതിയും വികസനവും പരസ്പരപൂരകമായി മുന്നോട്ടുപോകേണ്ടതാണെന്ന കാഴ്ചപ്പാട് കേരളത്തിൽ വളർത്തിയെടുക്കുന്നതിൽ എം. പി. പരമേശ്വരന് വലിയ പങ്കുണ്ട്.

സോവിയറ്റ് യൂണിയനിലെ ജീവിതാനുഭവങ്ങൾ ഉൾപ്പെടെ തന്റെ വിശാലമായ അനുഭവലോകത്തെ അടിസ്ഥാനമാക്കി ജനാധിപത്യ സമൂഹത്തിന് അനുയോജ്യമായ പുതിയ വികസന കാഴ്ചപ്പാടുകൾ അദ്ദേഹം മുന്നോട്ടുവച്ചു.

ലോകശ്രദ്ധ നേടിയ കേരളത്തിന്റെ ജനകീയാസൂത്രണ പ്രസ്ഥാനത്തിന്റെ സാക്ഷരതാ പ്രസ്ഥാനത്തിൻ്റെയും സൈദ്ധാന്തിക അടിത്തറ രൂപപ്പെടുത്തുന്നതിലും എം. പി. പരമേശ്വരൻ നിർണായക പങ്കുവഹിച്ചു. കേരളത്തിന്റെ വൈദ്യുതി പ്രതിസന്ധിക്ക് ബദൽ പരിഹാരങ്ങൾ നിർദേശിക്കുന്നതിനും അദ്ദേഹം നടത്തിയ ഇടപെടലുകൾ ശ്രദ്ധേയമാണ്.

രാഷ്ട്രീയം, വികസനം, പരിസ്ഥിതി, ഊർജം, ആരോഗ്യം തുടങ്ങി സാമൂഹിക ജീവിതത്തിന്റെ വിവിധ മേഖലകളിൽ കാലത്തിന് വഴികാട്ടിയായ ചിന്തകനും പ്രവർത്തകനുമായിരുന്നു എം. പി. പരമേശ്വരൻ. ശാസ്ത്രത്തെ ജനകീയമാക്കുന്നതിനൊപ്പം ശാസ്ത്രീയ ചിന്തയും സാമൂഹിക ഉത്തരവാദിത്വവും പൊതുജീവിതത്തിന്റെ ഭാഗമാക്കുന്നതിലും അദ്ദേഹം വലിയ സംഭാവന നൽകി — ഗോവിന്ദൻ മാസ്റ്റർ പറഞ്ഞു.

കണ്ണൂർ ഐ.എം.എ. ഹാളിൽ നടന്ന അനുസ്മരണ സമ്മേളനത്തിൽ മുൻ പ്രസിഡണ്ട് കെ. ടി. രാധാകൃഷ്ണൻ ‘എം. പി.യും പരിഷത്തും’ എന്ന വിഷയത്തിൽ സംസാരിച്ചു. കെ.പി.സി.സി മെമ്പർ സുരേഷ് ബാബു എളയാവൂർ, സി. പി ഐ നേതാവ് പ്രദീപ് മുൻ എം.എൽ എ ജെയിംസ് മാത്യു പ്രസ് ക്ലബ്ബ് പ്രസിഡണ്ട് സി സുനിൽകുമാർ, പുകസ സെക്രട്ടറ എം. കെ. മനോഹരൻ, പരിഷത്ത് ജനറൽ സെക്രട്ടറി വി. മനോജ് കുമാർ എന്നിവർ പ്രസംഗിച്ചു

പരിഷത്ത് കേന്ദ്ര നിർവാഹക സമിതി അംഗങ്ങളായ എം ദിവാകരൻ, കെ.വിനോദ് കുമാർ, പി പി . ബാബു , ധന്യ റാം തുടങ്ങിയവർ പങ്കെടുത്തു

ഡോ. എം. പി. പരമേശ്വരന്റെ കേരള സമൂഹത്തെ കുറിച്ചുള്ള ശാസ്ത്രീയവും സാമൂഹികവുമായ ഇടപെടലുകളെ പുതിയ കാലത്തിന്റെ വെല്ലുവിളികളുമായി ബന്ധപ്പെടുത്തി വിലയിരുത്തുന്ന വേദിയായി അനുസ്മരണ സമ്മേളനം മാറി.

12/08/2026

എംപി അനുസ്മരണം..

12/08/2026

അന്ത്യാഭിവാദ്യങ്ങൾ, പ്രിയപ്പെട്ട എംപി..

12/08/2026

ഡോക്ടർ എം പി പരമേശ്വരൻ എന്ന എംപി ഇപ്പോൾ നമ്മളോടൊപ്പമില്ല. എന്നാൽ എംപി പകർന്നുതന്ന പ്രതീക്ഷകളുടെ ലോകം, എല്ലാവരെയും ഉൾക്കൊള്ളുന്ന ലോകം, അറിവിനെ ചൂഷണോപാധിയാക്കാതെ എല്ലാവരുടെയും ജീവിതഗുണത മെച്ചപ്പെടുത്തുന്ന ഒരു ലോകം, അന്ധവിശ്വാസവും വിധിവിശ്വാസവും നിലനിൽക്കാൻ ഇടയാക്കുന്ന കാരണ
ങ്ങളെ അഭിമുഖീകരിക്കുന്ന ഒരു ലോകം, പ്രകൃതിവിഭവങ്ങളെ ആർത്തിയോടെ ചൂഷണം ചെയ്യുന്ന ലാഭമോഹികൾക്കെതിരായി അണിനിരക്കുന്നവരുടെ ലോകം, വികസനത്തിന്റെ
യും വളർച്ചയുടെയും അതിരുകൾ നിശ്ചയിക്കണമെന്നും ഈ പ്രകൃതി എന്നത് ഭാവി തലമുറയ്ക്കും അവകാശപ്പെട്ടതാണ് എന്നും ഉള്ള ധാരണയിൽ പ്രവർത്തിക്കുന്നവരുടെ ലോകം, പഠനം പാൽപ്പായസമെന്നും അധ്യാപനം അതിമധുരമെന്നും തിരിച്ചറിയുന്ന വിദ്യാഭ്യാസ പ്രവർത്തകരുടെ ലോകം, കുട്ടികളുടെ സ്വർഗമായി ജീവിത ഇടങ്ങളെയും പഠന ഇടങ്ങളെയും പരിവർത്തിപ്പിക്കുന്ന ഒരു ലോകം, അറിവിന്റെ സാർവത്രികവൽ ക്കരണം അനിവാര്യമാണെന്നു മനസ്സിലാക്കിക്കൊണ്ട് അതിനായി നിരക്ഷരക്കെതിരായ പോരാട്ടം ജീവിതത്തിന്റെ പ്രായോഗിക സമരമായി മാറ്റുന്നവരുടെ ലോകം, ഇതിനായി കലയും സാഹിത്യവും ഉൾപ്പെടെ മാനവരാശി വളർത്തിയെടുക്കുന്നതെല്ലാം പ്രയോജന പ്പെടുത്തുന്നതിൽ വിശ്വാസവും അർപ്പണമനോഭാവവുമുള്ളവരുടെ ലോകം, കേന്ദ്രീകരണ ത്തിന് പകരം വികേന്ദ്രീകരണമാണ് വികസനത്തിന്റെ മുന്നുപാധികളിലൊന്ന് എന്ന് തിരിച്ചറിയുന്നവരുടെ ലോകം, ഏതാനും പേരുടെ സമൃദ്ധിയ്ക്കു പകരം എല്ലാവരുടെയും സമൃദ്ധി ഉറപ്പാക്കുന്ന ലോകം-ഇതാണ് എംപി ജീവിതത്തിലൂടെ പകരാൻ ശ്രമിച്ചത്.
മരണം തന്റെ അടുത്ത് എത്തിക്കൊണ്ടിരിക്കുന്നു എന്ന് തിരിച്ചറിഞ്ഞിരുന്ന ഘട്ടത്തിലും എംപി പ്രവർത്തനനിരതനായിരുന്നു. അദ്ദേഹത്തിന്റെ ധിഷണ സദാ ജാഗരൂകമായി രുന്നു.
ജനങ്ങളിലേക്ക് അറിവ് എത്തിച്ചുകൊണ്ട് മാത്രമേ അറിവിന്റെ അവകാശികളാക്കി ജനങ്ങളെ മാറ്റാൻ കഴിയൂ എന്ന് ഉറച്ചു വിശ്വസിക്കുക മാത്രമല്ല അത് പ്രായോഗികമാക്കി മാറ്റാൻ ബദലുകൾ മുന്നോട്ടുവയ്ക്കുകയും ചെയ്ത ശാസ്ത്രജ്ഞനാണ് എംപി. ഗഹനമായ കാര്യങ്ങൾ ലളിതമായി, ദൈനംദിന ജീവിതവുമായി ബന്ധപ്പെടുത്തിക്കൊണ്ട് സാധാരണക്കാർക്ക് വിശദീകരിച്ചുകൊടുക്കാനാണ് എംപി ജീവിതത്തിലുടനീളം ശ്രമിച്ചത്.
കേരളത്തിന്റെ വികസനത്തെക്കുറിച്ചുള്ള സ്വപ്നങ്ങൾ 1976 ഘട്ടത്തിൽ തന്നെ എംപി യുടെ നേതൃത്വത്തിലുള്ള ഒരു വിദഗ്ധസംഘം കേരളത്തിന്റെ സമ്പത്ത് എന്ന പുസ്തകത്തിലൂടെ ജനങ്ങളുടെ മുന്നിൽ അവതരിപ്പിച്ചു. ഈ പുസ്തകം കേരളത്തിന്റെ വികസനവുമായി ബന്ധപ്പെട്ട് നടന്ന സംവാദങ്ങളിലും തുടർന്ന് വികസനബദലുകൾ സൃഷ്ടിക്കുന്നതിനുള്ള പ്രവർത്തനങ്ങളിലും ഏറെ പ്രയോജനം ചെയ്തു. എംപിയുടെ നേതൃത്വത്തിൽ കൂട്ടായും എംപി തനിച്ചും എഴുതിയ പുസ്തകങ്ങളും, ലഘുലേഖകളും ലേഖനങ്ങളും നിലപാട് രേഖകളും തമസ്കരിച്ച് കേരളത്തെ സംബന്ധിച്ച വികസനകാര്യത്തിൽ ചർച്ച നടത്തുക സംഭാവ്യമല്ല. ഇതിനെല്ലാം എംപിയെ സജ്ജമാക്കിയത് പരിഷത്താണ്, തിരിച്ചു സംഘടനയെ ഇന്ത്യയിലെ പ്രമുഖ ജനകീയശാസ്ത്രപ്രസ്ഥാനമായി വളർത്തിയതിൽ നിസ്തുലമായ പങ്കു വഹിച്ചത് എംപിയാണ്.
കേരളീയസമൂഹത്തിന് ശാസ്ത്രത്തിന്റെ രീതി തിരിച്ചറിയാനും ശാസ്ത്രബോധം ഉളവാക്കാ
നും സഹായമായ പ്രകൃതി ശാസ്ത്രം സമൂഹം പുസ്തകം തയ്യാറാക്കുന്നതിലും ആ വിഷയത്തിലുള്ള ക്ലാസുകൾ വ്യാപകമായി നടത്തുന്നതിലും എംപിയുടെ സർഗാത്മകനേതൃത്വം ഉണ്ടായിരുന്നു.
ആഗോളവൽക്കരണത്തിനും മുതലാളിത്ത വികസനരീതിക്കും എതിരെ സന്ധിയില്ലാത്ത സമരം എംപിയുടെ ജീവിതത്തിന്റെ ഭാഗംകൂടിയാണ്. ഈ സമരത്തിൽ ജനങ്ങളോടൊപ്പം നിൽക്കുക എന്നത് എംപിയുടെ ജീവിതനിലപാടാണ്. അത്തരമൊരു നിലപാട് കാരണമാണ് ആറ്റോമിക് റിസർച്ച് സെന്ററിലെ ശാസ്ത്രജ്ഞൻ എന്ന നിലയിലുള്ള ഏറ്റവും മികച്ച തൊഴിൽപോലും രാജിവച്ച് എല്ലാവരുടെയും ജീവിതഗുണത വർധിപ്പി ക്കാനുള്ള സമരത്തിന്റെ ഭാഗമാകാൻ കേരളത്തിലേക്ക് മടങ്ങിവന്നത്. മോസ്കോയിൽ വച്ച് ആണവ ശാസ്ത്രത്തിൽ പിഎച്ച്ഡി നേടിയ എംപി ആണവ സാങ്കേതിക വിദ്യക്കെതിരെ നിലപാട് കൈക്കൊണ്ടതും ഈ ജീവിതവീക്ഷണത്തിന്റെ ഭാഗമായാണ്.
കേന്ദ്രീകരണത്തിന് എന്നും എതിരായിരുന്നു എംപി. എല്ലാവരെയും ഉൾച്ചേർക്കുകയും ഉൾക്കൊള്ളുകയും വിതരണ നീതിയും തുല്യതയും സമഭാവനയും ഒക്കെ സാക്ഷാൽക്ക രിക്കുകയും ചെയ്യുന്നതിന് വികേന്ദ്രീകൃതമായ ഒരു സാമൂഹികഘടന അനിവാര്യമാണെ ന്നാണ് എന്നും എം പി ഉയർത്തിപ്പിടിച്ച വാദം. അതുകൊണ്ടുതന്നെ മാനവരാശിയെ ആകെ ബാധിക്കുന്ന ഒരു പ്രശ്നം സൈദ്ധാന്തികമായി അഭിമുഖീകരിക്കുന്നതിനോടൊപ്പം ഒരു പ്രാദേശിക പഞ്ചായത്തിലെ പ്രശ്നങ്ങളിൽ ഇടപെടുന്നതിനെക്കുറിച്ചും ഒരേസമയം ചിന്തിക്കാനും പ്രചരിപ്പിക്കാനും എംപിക്ക് കഴിഞ്ഞു.
അതോടൊപ്പം ബദലുകളുടെ അന്വേഷണത്തിൽ സാങ്കേതികവിദ്യയുടെ പ്രാധാന്യം എംപി തിരിച്ചറിഞ്ഞു. അത് കേരളത്തിനനുഗുണമായി പരിവർത്തിപ്പിക്കാൻ സഹായകമായ ഒരു സ്ഥാപനത്തിന്റെ അനിവാര്യതയെക്കുറിച്ച് ബോധ്യപ്പെടുത്താൻ എംപിക്ക് കഴിഞ്ഞു. ഈ ബോധ്യമാണ് പാലക്കാട് മുണ്ടൂരിൽ ഇന്റഗ്രേറ്റഡ് റൂറൽ ടെക്നോളജി സെന്റർ സ്ഥാപിക്കുന്നതിലേക്കും അതിനെ വളർത്തിയെടുക്കുന്നതിലേക്കും പരിഷത്തിനെ നയിച്ചത്. അതിന്റെ ഫലമായാണ് ദക്ഷത കൂടിയ അടുപ്പ്, ചെലവ് കുറഞ്ഞ വീടുകളുടെ നിർമ്മാണം, ഊർജ മാപ്പിങ്, കല്ല്യാശ്ശേരി പഞ്ചായത്ത് സമഗ്രാസൂത്രണം, വിഭവ ഭൂപട നിർമ്മാണം, നീർത്തട മാപ്പിങ്, മാലിന്യ പരിപാലനം തുടങ്ങി ഒട്ടനവധി മേഖലകളിൽ അന്വേഷണങ്ങളും പ്രായോഗിക രൂപങ്ങളും വികസിപ്പിക്കാൻ ഐ ആർ ടി സി ക്ക് കഴിഞ്ഞത്. തെളിവുകളുടെ അടിസ്ഥാനത്തിൽ മാത്രമേ പ്രശ്നവിശകലനം നടത്താവൂ എന്നത് പ്രധാനമാണ്. അതിനാവശ്യമായ ഡേറ്റ ശേഖരിക്കലും വിശകലനം ചെയ്യലും അതിന്റെ രീതിശാസ്ത്രം വികസിപ്പിക്കലും എംപിയെ സംബന്ധിച്ച് നിർബന്ധമായിരുന്നു.
ഇതിനെല്ലാം ജനതയെ സജ്ജമാക്കണമെങ്കിൽ അവർ സാക്ഷരരാകണമെന്നത് ഒരു മുന്നുപാധിയായി എംപി കരുതി. അങ്ങനെ എറണാകുളം സാക്ഷരത, കേരള സമ്പൂർണ്ണ സാക്ഷരത തുടങ്ങിയവയുടെ അമരക്കാരനായി. അതിന്റെ തുടർച്ചയായി അഖിലേന്ത്യാ സാക്ഷരതാ പരിപാടിയുടെ നിർണ്ണായക നെടുനായകത്വം വഹിക്കാൻ എംപിക്ക് കഴിഞ്ഞു.
ജനകീയശാസ്ത്രപ്രസ്ഥാനത്തിന്റെ വളർച്ചയും വികാസവും എംപിയുടെ ലക്ഷ്യമായിരുന്നു. എഐപിഎസ്എൻ എന്ന അഖിലേന്ത്യാ ജനകീയശാസ്ത്രപ്രസ്ഥാന നെറ്റ്‌വർക്കിന്റെ രൂപീകരണത്തിലും അതിന്റെ പ്രവർത്തനങ്ങൾ മുന്നോട്ടു നയിക്കുന്നതിലും നിർണ്ണായക പങ്ക് എംപി വഹിച്ചു. അഖിലേന്ത്യാ സാക്ഷരതാ പ്രസ്ഥാനത്തിനായി ബിജിവിഎസ് രൂപീകരിക്കാനും അതിന് നേതൃത്വംനൽകാനും ജീവിതത്തിന്റെ ഒരുപ്രധാനഭാഗം എംപി മാറ്റിവച്ചു.
ജനങ്ങളോട് ആശയസംവാദത്തിനായി സാധ്യമായ എല്ലാ ഉപാധികളും പ്രയോഗിക്കണം എന്നതാണ് എം പി യുടെ നിലപാട്. പുസ്തകങ്ങൾ, ലഘുലേഖകൾ, പ്രാദേശിക കലാജാ
ഥകൾ മുതൽ ദേശീയതലത്തിലുള്ള വിവിധങ്ങളായ കലാജാഥകൾ, ഗ്രാമജാഥകൾ വരെ വിഭാവനംചെയ്യാനും ഉള്ളടക്കം വികസിപ്പിക്കാനും അവയുടെ സംഘാടനത്തിനു നേതൃത്വം നൽകാനും എല്ലാം ഒരേപോലെ എംപി ശ്രദ്ധിച്ചു.
പലപ്പോഴും പല അവാർഡുകളും എംപിയെ തേടിവന്നിട്ടുണ്ട്. ചുരുങ്ങിയത് രണ്ടു തവണ
യെങ്കിലും പത്മപുരസ്കാരത്തിനായി എംപിയെ തിരഞ്ഞെടുത്തിരുന്നു. പ്രസ്തുത ഘട്ടങ്ങളി ലെല്ലാം അത് നിരസിക്കാൻ എംപിക്ക് ഒരുമടിയും ഉണ്ടായില്ല. വൈരുധ്യാധിഷ്ഠിത ഭൗതികവാദം മലയാളിക്ക് മനസ്സിലാകുംവിധം എഴുതിയ രാഷ്ട്രീയ സൈദ്ധാന്തികൻ കൂടിയാണ് എംപി. എംപിയെ സംബന്ധിച്ച് സിദ്ധാന്തങ്ങൾ ചർച്ചയ്ക്കുള്ള വിഷയങ്ങൾ മാത്രമായിരുന്നില്ല. അത് ജീവിതത്തിൽ പ്രയോഗിക്കേണ്ടത് കൂടിയായിരുന്നു. വൈരുധ്യാ ധിഷ്ഠിത ഭൗതികവാദം ജീവിതയാത്രയുടെ ഭാഗമാക്കി മാറ്റിയ ധൈഷണികൻ കൂടിയായിരുന്നു എംപി.
കേരള ശാസ്ത്രസാഹിത്യ പരിഷത്തിന്റെ പ്രവർത്തനങ്ങളിൽ ആശയപരമായും പ്രായോഗികമായും ഉള്ള കാര്യങ്ങളിൽ എന്നും വഴികാട്ടിയായ എംപിയുടെ വിയോഗ ത്തിൽ സംഘടനയുടെ ദുഃഖം രേഖപ്പെടുത്തുന്നു. കഴിഞ്ഞ ആറ് പതിറ്റാണ്ടുകാലമായി പരിഷത്ത് മുന്നോട്ടുവച്ച ആശയങ്ങളും എംപി പങ്കുവച്ച കാലഹരണപ്പെടാത്ത സ്വപ്നങ്ങളും യാഥാർഥ്യമാക്കാനും കാലോചിതമായി മുന്നോട്ടുകൊണ്ടുപോകാനും പ്രവർത്തനങ്ങളുടെ തുടർച്ച ഉറപ്പുവരുത്താനും പരിഷത്തിന് ഉത്തരവാദിത്വമുണ്ട്. കൂട്ടായ പ്രവർത്തനങ്ങിലൂടെ അത് സാധ്യമാക്കാനുള്ള ആ ഉത്തരവാദിത്വം ഞങ്ങൾ ഉയർത്തിപ്പിടിക്കുന്നു

ഡോ. സി രാമകൃഷ്ണൻ
പ്രസിഡന്റ്

11/08/2026

എം പി.. ഓർമകളിലൂടെ..

11/08/2026

Our Dr. M. P. visionary and mentor of KSSP also nuclear scientist converted as grassroot educationist, and the guiding light behind India’s People’s Science Movement (PSM). His lifelong mission was to propagate science by demystifying science, taking it out of elite laboratories and placing it into the hands of working people to build an equitable,secular, democratic and sustainable society.
A Life Dedicated to Science, Literacy, and People’s abilities.
After getting Ph.D. in Nuclear Engineering from Moscow Dr. MP served at the Bhabha Atomic Research Centre (BARC) up to 1975. He left his prestigious scientific career to become a full-time activist for social transformation. He is the key force behind the formation of AIPSN

Architect of Mass Literacy Campaigns: historic Bharat Jan Vigyan Jatha (1987) and Bharat Gyan Vigyan Jatha (1990), he lead with clear vision nationwide movements. by unifying the secular forces, which ultimately reasoned for the formation of the Bharat Gyan Vigyan Samiti (BGVS) and pioneered India's National Literacy Mission.
He was the founder of Integrated Rural Technology Centre (IRTC) in Mundur, Palakkad, which is still exploring to develop rural technology by adapting and adopting modern technological possibilities. MP advocated for sustainable alternative models enabling human progress which may lead to an egalitarian society. He stood for decentralized development where peoples participation is non negotiable.
Author of over 60 popular science books and hundreds of articles or notes. With extreme regret we remember MPs contribution which will function as the leading light for all endeavours towards our march upholding the slogan science for social revolution

10/08/2026

ഡി. സലീം സാർ അന്തരിച്ചു. കേരള ശാസ്‌ത്രസാഹിത്യ പരിഷത്ത് ഹരിപ്പാട് മേഖല സെക്രട്ടറിയാണ്, മുൻ ആലപ്പുഴ ജില്ലാ ജോയിന്റ് സെക്രട്ടറിയുമായിരുന്നു. തൃക്കുന്നപ്പുഴയിലാണ് വീട്. ആദരാഞ്ജലികൾ..

03/08/2026

മാധവ് ഗാഡ്ഗിൽ ഓർമ്മ പുസ്തകം 'പരിസ്ഥിതിയും വികസനവും , ഇന്ത്യൻ അനുഭവങ്ങൾ' കാസറഗോഡ് ജില്ലാതല പ്രകാശനം കുണ്ടംകുഴി സാംസ്ക്കാരിക കേന്ദ്രത്തിൽ വെച്ച് ആഗസ്ത് 1 ന് നടന്നു. കേരള ജൈവ വൈവിധ്യ ബോർഡ് മെമ്പർ സിക്രട്ടറി Dr. വി ബാലകൃഷ്ണൻ പരിപാടി ഉദ്ഘാടനം ചെയ്യുകയും , സംസ്ഥാന അധ്യാപക അവാർഡ് ജേതാവ് വനജ ടീച്ചർക്ക് പുസ്തകം നല്കിക്കൊണ്ട് പ്രകാശനം ചെയ്യുകയും ചെയ്തു. ബേഡഡുക്ക പഞ്ചായത്ത് പ്രസിഡണ്ട് ഇ.കുഞ്ഞിരാമൻ അദ്ധ്യക്ഷത വഹിച്ചു. അഡ്വ.വിനോദ് പയ്യട ഗാഡ്ഗിൽ അനുസ്മരണ പ്രഭാഷണം നടത്തി.സംസ്ഥാന കമ്മിറ്റി അംഗം Dr. വി.ഗംഗാധരൻ , ജില്ലാ പ്രസിഡണ്ട് ബാലകൃഷ്ണൻ കൈരളി എന്നിവർ ആശംസാ പ്രസംഗം നടത്തി. സംസ്ഥാനകമ്മിറ്റി അംഗം പി.പി.രാജൻ, പരിസര വിഷയ സമിതി ചെയർമാൻ കെ.ബാലചന്ദ്രൻ, ജെൻറർ വിഷയ സമിതി അദ്ധ്യക്ഷ വി.ടി. കാർത്ത്യായനി, സംഘാടക സമിതി വൈസ് ചെയർമാൻ പി.കെ.ഗോപാലൻ എന്നിവർ ആശംസകൾ അറിയിച്ചു. പരിസര വിഷയ സമിതി കൺവീനർ പ്രൊഫ. എം.ഗോപാലൻ സ്വാഗതവും പ്രോഗ്രാം കൺവീനർ സുരേഷ് പയ്യങ്ങാനം നന്ദിയും പറഞ്ഞു

Kerala Sasthra Sahithya Parishath - KSSP

29/08/2026

22/08/2026

12/08/2026

12/08/2026

12/08/2026

11/08/2026

11/08/2026

10/08/2026

03/08/2026

Address

Telephone

Website

Alerts

Contact The Organization

Shortcuts

Share

Category

Listing takedown request