https://www.facebook.com/104984097996672/

V4 Kochi

Home
India
THOPPUMPADY
V4 Kochi

Call

Humanism - Individual Freedom, Individual Achievement, Scientific Temper, Ecological Sustainability.

Mission

അഴിമതിയിലും കെടുകാര്യസ്ഥതയിലും ജീർണ്ണിച്ച ഭരണവ്യവസ്ഥ മാറ്റി, ജനപങ്കാളിത്തത്തോടെയുള്ള അഴിമതിരഹിത സുതാര്യ ഭരണം കൊച്ചിയിലെ ജനങൾക്ക് കാഴ്ചവെക്കാൻ V4 Kochi പദ്ധതിയിടുന്നു. നാടിൻറെ നല്ല നാളെക്കായി കൊച്ചിക്കാരുടെ നന്മക്കായി V4 Kochi ഒരു വിപ്ലവം ജനമുന്നേറ്റം സാധ്യമാകുക എന്നതാണ് ദൗത്യം . Vision
നിലവിലെ മുന്നണി, കക്ഷി രാഷ്ട്രീയ വ്യവസ്ഥിതിയിൽ അഴിമതിയിൽ മുങ്ങിയ വ്യവസ്ഥയിൽ വികസനം വഴിമുട്ടി നിൽക്കുന്ന കൊച്ചി നഗരത്തിനു നല്ല ഭാവിയുടെ പ്രതീക്ഷയായി, അഴിമതി മുക്ത ഭരണം ഉറപ്പുവരുത്തി ജനാധിപത്യം നിയമപരമായി സാധ്യമാക്കി, അസ്സൂത്രിതമായ ബൃഹദ് പദ്ധതികളോടെ യഥാർത്ഥ വികസനം സാധ്യമാക്കുക.

27/05/2026

മുഖ്യമന്ത്രി വി. ഡി. സതീശന്, രത്തൻ കേൾക്കർ ഐ.എ.എസ്. പൊതു ശല്യം ഉണ്ടാക്കുന്നത് തടയാൻ സാധിക്കണം.

രത്തൻ കേൾക്കർ ഐ.എ.എസ്. ചീഫ് ഇലക്ട്രൽ ഓഫീസർ ആയി പ്രചർത്തിച്ച 2026 കേരള നിയമസഭാ തിരെഞ്ഞെടുപ്പ് വേളയിൽ, ജില്ലാ കളക്ട്രേറ്റുകൾ കേന്ദ്രീകരിച്ച് സ്ഥാപിച്ച സോഷ്യൽ മീഡിയ നിരീക്ഷണ സംഘങ്ങൾ അവരുടെ അധികാരം ദുരുപയോഗിച്ച് കൊണ്ട് വ്യാപകമായി സോഷ്യൽ മീഡിയ പോസ്റ്റുകൾ നീക്കം ചെയ്യുകയുണ്ടായി. മാന്യമായ രാഷ്ട്രീയ, സാമൂഹിക അഭിപ്രായ പ്രകടനങ്ങൾ, വിമർശനങ്ങൾ എന്നിവ നീക്കം ചെയ്യപ്പെട്ടു. അന്നത്തെ പ്രതിപക്ഷ നേതാവായിരുന്ന ശ്രീ വി. ഡി. സതീശന്റെ, മലയാള മനോരമ പ്രസിദ്ധീകരിച്ച, അഭിമുഖം വരെ നീക്കം ചെയ്യപ്പെട്ടു. അത് ഒരാഴ്ചക്കുള്ളിൽ പുനഃസ്ഥാപിക്കപെട്ടു. എന്നാൽ എത്രയോ സാധാരണക്കാരുടെ മാന്യമായ അഭിപ്രായ പ്രകടനങ്ങൾ ഈ കൂട്ടർ നീക്കം ചെയ്തു. മീഡിയ വൺ ന്യൂസ് ചാനൽ അവരുടെ പേജ് നീക്കം ചെയ്യപ്പെട്ടതിന് എതിരെ ഹൈ കോടതിയിൽ കേസ് നടത്തി പേജ് പുനഃസ്ഥാപിച്ചു. ഹൈ കോടതിയിൽ കേസ് നടത്തി ഇതിനായി പതിനായരങ്ങളും ലക്ഷങ്ങളും ചിലവാക്കാൻ എത്ര ആളുകൾക്ക് സാധിക്കും ? ഭരണ ഘടന ഉറപ്പ് നൽകുന്ന അഭിപ്രായ സ്വാതന്ത്ര്യം വ്യാപകമായി അട്ടിമറിക്കാൻ നേതൃത്വം നൽകിയ ഉദ്യോഗസ്ഥൻ ആയിട്ട് ആണ് ഇന്ന് രത്തൻ കേൾക്കറെ കാണാൻ സാധിക്കുക. രത്തൻ കേൾക്കറുടെ ഇപ്പോഴത്തെ നിയമനം ന്യായീകരിക്കുന്ന മുഖ്യമന്ത്രിയുടെ ഭാഗത്ത് നിന്ന് ഈ കാര്യത്തിൽ വിശദീകരണം പ്രതീക്ഷിക്കുന്നു. ഭരണഘടനാ മൂല്യങ്ങൾ അംഗീകരിക്കാത്ത ഉദ്യോഗസ്ഥൻ എത്ര കഴിവ് ഉള്ളവൻ ആയാലും, പൊതു ശല്യം ആയി മാറുന്നതാണ് മാർച്ച്, ഏപ്രിൽ 2026 മാസങ്ങളിൽ കണ്ടത്.

18/05/2026

നിയമവ്യവസ്ഥയെ കാറ്റിൽ പറത്തിയും റെവന്യൂ അധികൃതരെ “ഫുട്ബോൾ തട്ടിയും” കൊച്ചി മുനിസിപ്പൽ കോർപറേഷൻ യു.ഡി.എഫ്. കൗൺസിലർ.

റെവന്യൂ രേഖകളിൽ “പുറമ്പോക്ക് പുഴ” എന്ന് രേഖപ്പെടുത്തിയിരിക്കുന്ന ഭൂമി, സ്വകാര്യ റിയൽ എസ്റ്റേറ്റ് സ്ഥാപനത്തിന് പുഴ കയ്യേറാൻ ഒത്താശ ചെയ്യുന്നതിന്റെ ഭാഗമായി കയ്യേറി, ലക്ഷങ്ങളുടെ നിർമ്മാണം നടത്തി, അഴിമതി നടത്തി വരുന്ന കൊച്ചി മുനിസിപ്പൽ കോർപറേഷൻ വാർഡ് 49 യു.ഡി.എഫ്. കൗൺസിലർ ജിസൻ ജോർജ്, 2026 മേയ് 16 ശനിയാഴ്ച കയ്യേറ്റ സ്ഥലത്ത് റെവന്യൂ അധികൃതർ സ്ഥാപിച്ച മുന്നറിയിപ്പ് ബോർഡ് പിഴുതെറിഞ്ഞ് കയ്യേറ്റം നടപ്പിലാക്കി.

ചിലവന്നൂരിൽ പോണെത്ത് ചാൽ എന്ന് അറിയപ്പെടുന്ന കണയന്നൂർ താലൂക്ക് ഇളംകുളം വില്ലേജ് സർവേ നമ്പർ 803 പുഴയാണ് സ്വകാര്യ റിയൽ എസ്റ്റേറ്റ് സ്ഥാപനമായ എറണാകുളം കോ-ഓപ്പറേറ്റീവ് ഹൗസിങ് കൺസ്ട്രക്ഷൻ സൊസൈറ്റി ലിമിറ്റഡ് എന്ന സ്ഥാപനത്തിന് വേണ്ടി കയ്യേറാൻ ശ്രമങ്ങൾ വർഷങ്ങളായി നടന്നുവരുന്നത്. മുൻ തൃക്കാക്കര എം.എൽ.എ. പി.ടി. തോമസ് ആണ് തന്റെ ഭാര്യ ഉമ തോമസ് ഡയറക്ടറായ ഈ സ്ഥാപനത്തിന് വേണ്ടി 2019-2020 കാലഘട്ടത്തിൽ ഈ പുഴ കയ്യേറ്റത്തിന് പരസ്യമായി രാഷ്ട്രീയ പിന്തുണ നൽകാൻ ആരംഭിച്ചത്.

16/05/2026

ചിലവന്നൂരിൽ പോണെത്ത് ചാൽ എന്ന് വിളിക്കുന്ന കണയന്നൂർ താലുക്ക് ഇളംകുളം വില്ലേജ് സർവ്വേ നമ്പർ 803 പുഴ. അനധികൃത സ്വകാര്യ താൽപര്യങ്ങൾക്കായി കോൺഗ്രസ് നേതാക്കൾ നേതൃത്വം നൽകി കാലക്രമേണ നികത്തി, ഇപ്പോൾ കയ്യേറി വ്യാജ കളിസ്ഥലം സ്ഥാപിക്കുന്ന ഭാഗം മാർക്ക് ചെയ്തിരിക്കുന്നു. പുഴയുടെ കിഴക്കേ കൈവഴിയും അനധികൃതമായി നികത്തി എടുത്തിരിക്കുന്നു.

15/05/2026

കോൺഗ്രസ് അധികാരം ഏറ്റെടുക്കുന്നു. പുഴ കയ്യേറ്റം പുനരാരംഭിക്കുന്നു.

വി. ഡി. സതീശൻ മുഖ്യമന്ത്രിയായി ചാർജ് എടുക്കുന്നതോടെ കൊച്ചിയിൽ കോൺഗ്രസ് ചെയ്യുന്ന ആദ്യ പ്രവർത്തി ചിലവന്നൂരിലെ പുഴ കയ്യേറ്റം. മുഖ്യമന്ത്രി തിരുത്തും എന്ന് പ്രതീക്ഷിക്കുന്നു.

മുൻപ് പരിസ്ഥിതി സ്നേഹി ചമഞ്ഞ് നടന്ന പി. ടി. തോമസും, പിന്നീട് ഉമ തോമസും നേതൃത്വം നൽകി വരുന്ന തൃക്കാക്കര മണ്ഡലത്തിലെ, കൊച്ചി മുനിസിപ്പൽ കോർപ്പറേഷനിൽപ്പെടുന്ന ചിലവന്നൂർ പോണെത്ത് ചാൽ - ഇളംകുളം വില്ലേജ് സർവേ നമ്പർ 803-ലെ പുഴ കയ്യേറ്റം ഈ ദിവസങ്ങളിൽ പുനരാരംഭിച്ചു. “പൊതു കളിസ്ഥലം” എന്ന വ്യാജേനയാണ് കോൺഗ്രസ് നേതാക്കൾ നികത്തലും കയ്യേറ്റവും തുടരുന്നത്. ഉമ തോമസ് ഡയറക്ടറായി പ്രവർത്തിച്ചിരുന്ന എറണാകുളം കോ-ഓപ്പറേറ്റീവ് ഹൗസിംഗ് കൺസ്ട്രക്ഷൻ സൊസൈറ്റി ലിമിറ്റഡ് എന്ന സ്വകാര്യ റിയൽ എസ്റ്റേറ്റ് സ്ഥാപനത്തിന് വേണ്ടിയാണ് ഈ കയ്യേറ്റം കോൺഗ്രസ് നേതാക്കളും പ്രാദേശിക രാഷ്ട്രീയ നേതാക്കളും ചേർന്ന് നടത്തുന്നത്. സി.ആർ.ഇസഡ് മേഖലയിലെ പൊതുപുഴയുടെ ഒരു കൈവഴി ഘട്ടംഘട്ടമായി മുഴുവനായും നികത്തിയെടുത്തിരിക്കുന്നു. സ്വകാര്യ റിയൽ എസ്റ്റേറ്റ് സ്ഥാപനം ഇൻവെസ്റ്റ്മെന്റ് നടത്തി വാങ്ങിയിട്ടിരിക്കുന്ന ഭൂമിയോട് ചേർന്നുള്ള പുഴ നികത്തി അവിടെ പൊതു ഉപയോഗം ഉണ്ടാകുന്നു എന്ന് വരുത്തിത്തീർക്കാനുള്ള ശ്രമത്തിലാണ് കോൺഗ്രസ് നേതാക്കൾ. കൃത്യമായി അളന്ന് റവന്യൂ രേഖകളിൽ രേഖപ്പെടുത്തിയിട്ടുള്ള പുഴയാണ് കോൺഗ്രസ് നേതൃത്വം കയ്യേറുന്നത് — നിയമ വ്യവസ്ഥയോടും പരിസ്ഥിതിയോടുമുള്ള പരസ്യമായ വെല്ലുവിളി. സർവേ നമ്പർ 803 പുഴ കയ്യേറ്റവുമായി ബന്ധപെട്ട അഴിമതിയിൽ ഉദ്യോഗസ്ഥർക്ക് എതിരെ വിജിലൻസ് എഫ്.ഐ.ആർ. നിലവിൽ ഉണ്ട്.

വി. ഡി. സതീശൻ മുഖ്യമന്ത്രിയായി ചാർജ് എടുക്കുന്നതോടെ കൊച്ചിയിൽ കോൺഗ്രസ് ചെയ്യുന്ന ആദ്യ പ്രവർത്തിയാണ് ചിലവന്നൂരിലെ പുഴ കയ്യേറ്റം. മുഖ്യമന്ത്രി ഈ തെറ്റ് തിരുത്തും എന്ന് പ്രതീക്ഷിക്കുന്നു.

10/05/2026

ചിലർക്ക് കേരളത്തിലെ ജനതീരുമാനം മാനിക്കാൻ ബുദ്ധിമുട്ട് ഉണ്ടാകുന്നത് വി. ഡി. സതീശൻ കോൺഗ്രസിൽ ആയത് കൊണ്ട് മാത്രമാണ്. ഈ തിരഞ്ഞെടുപ്പിൽ ജനങ്ങൾ വോട്ട് ചെയ്തത് എൽ.ഡി.എഫ്.-ന് എതിരെ, വി. ഡി. സതീശന്റെ നേതൃത്വത്തിന്; കോൺഗ്രസിന് അല്ല. ഈ യാഥാർഥ്യം അംഗീകരിക്കാൻ കോൺഗ്രസ് പാർട്ടിയുടെ ദേശീയ നേതൃത്വത്തിന് ബുദ്ധിമുട്ട് ഉണ്ടാകും. കാലം മാറി, സോഷ്യലിസ്റ്റ് പ്രത്യയശാസ്ത്രം അപ്രസക്തമായി. ഹ്യൂമനിസ്റ്റ് ആശയങ്ങൾ, പ്രത്യേക പ്രത്യയശാസ്ത്രമായി, കേരള സമൂഹത്തിൽ വ്യാപകമായി അവതരിപ്പിക്കപ്പെട്ടിട്ടില്ല. വിവര-സാങ്കേതികവിദ്യയും ഇന്റർനെറ്റ് സമൂഹമാധ്യമങ്ങളും പ്രധാന പങ്ക് വഹിക്കുന്ന ഈ കാലഘട്ടത്തിൽ “പ്രസിഡൻഷ്യൽ” രീതിയിലേക്ക് ജനങ്ങളുടെ തിരഞ്ഞെടുപ്പ് സമീപനം മാറിയിരിക്കുന്നു.

10/05/2026

തമിഴ്‌നാട് മുഖ്യമന്ത്രിയായി സത്യപ്രതിജ്ഞ ചെയ്ത ശ്രീ സി. ജോസഫ് വിജയ്‌-ക്ക് അഭിവാദ്യങ്ങൾ. ആശംസകൾ.

07/05/2026

2026 കേരള സംസ്ഥാന നിയമസഭാ തിരഞ്ഞെടുപ്പിൽ യു.ഡി.എഫ്.-നും കോൺഗ്രസിനും ഉജ്വല വിജയം സാധ്യമാക്കിയ തന്ത്രപരമായ രാഷ്ട്രീയ പ്രവർത്തനങ്ങൾക്ക് നേതൃത്വം നൽകുകയും ജനഹൃദയങ്ങളിൽ സ്ഥാനം പിടിക്കുകയും ചെയ്ത ശ്രീ വി. ഡി. സതീശന് അഭിനന്ദനങ്ങൾ.

09/04/2026

പൗരന്റെ അഭിപ്രായ സ്വാതന്ത്ര്യം അട്ടിമറിക്കുന്ന തിരെഞ്ഞെടുപ്പ് കമ്മീഷൻ ഉദ്യോഗസ്ഥർ, ഐ.എ.എസ്., ഐ.പി.എസ്. ഉദ്യോഗസ്ഥർ എന്നിവരെ നേരിടും.

എൽ.ഡി.എഫ്., യു.ഡി.എഫ്., എൻ.ഡി.എ. മുന്നണികളുടെ ചൂടേറിയ മത്സരത്തിനും കക്ഷിരാഷ്ട്രീയ വിഷയങ്ങൾക്കും അപ്പുറം ഈ തിരഞ്ഞെടുപ്പിന്റെ പ്രത്യേകത, തിരഞ്ഞെടുപ്പ് കമ്മീഷനും അവർക്ക് കീഴിലുള്ള ഉദ്യോഗസ്ഥരും കേരളത്തിൽ വ്യാപകമായി അധികാര ദുര്‍വിനിയോഗം നടത്തി ഭരണഘടന ഉറപ്പ് നൽകുന്ന പൗരന്റെ അഭിപ്രായസ്വാതന്ത്ര്യം അട്ടിമറിച്ചു എന്നതാണ്. വ്യാപകമായി സമൂഹമാധ്യമങ്ങളിലെ അഭിപ്രായ പ്രകടനങ്ങൾ നീക്കം ചെയ്യപ്പെട്ടു. സർക്കാർ സംവിധാനങ്ങളെയും ഉദ്യോഗസ്ഥരെയും രാഷ്ട്രീയ നേതാക്കളെയും പൊതുവിഷയങ്ങളുമായി ബന്ധപ്പെട്ട് അവരുടെ പൊതുപ്രവർത്തികളെ എത്ര രൂക്ഷമായി വേണമെങ്കിലും പൗരന് പരസ്യമായി വിമർശിക്കാം എന്ന് സുപ്രീം കോടതി വരെ ആവർത്തിച്ച് പറഞ്ഞിട്ടുള്ള ഈ രാജ്യത്താണ്, പ്രബുദ്ധ കേരളത്തിൽ വ്യാപകമായി തിരഞ്ഞെടുപ്പ് കമ്മീഷനും അവർക്ക് കീഴിലുള്ള ഉദ്യോഗസ്ഥരും ഭരണഘടനാ ലംഘനങ്ങൾ നടത്തി അഴിഞ്ഞാടിയത്. ഈ പ്രവണത ശക്തമായി എതിർക്കപ്പെടേണ്ടതാണ്. തിരഞ്ഞെടുപ്പ് കഴിഞ്ഞുള്ള ആഴ്ചകളിലും മാസങ്ങളിലും കക്ഷിരാഷ്ട്രീയ ഭേദമന്യേ ഈ വിപത്ത് നാട് നേരിടണം. ജനാധിപത്യം അപകടത്തിലാണ്.

5 വർഷം കൂടുമ്പോൾ കേരള നിയമസഭയിലേക്ക് അംഗങ്ങളെ തിരഞ്ഞെടുക്കുന്നതിനായി 140 മണ്ഡലങ്ങളിൽ നടക്കുന്ന തിരഞ്ഞെടുപ്പിൽ തൃക്കാക്കര മണ്ഡലത്തിൽ വോട്ട് രേഖപ്പെടുത്തികൊണ്ട് ഇന്ന് 09 ഏപ്രിൽ 2026-ൽ ജനാധിപത്യ പ്രക്രിയയിൽ പങ്കെടുത്തു. കേരളത്തിലെ വിവിധ മണ്ഡലങ്ങളിൽ വോട്ട് രേഖപ്പെടുത്തികൊണ്ട് ജനാതിപത്യത്തെ ശക്തിപ്പെടുത്തുന്ന എല്ലാവർക്കും അഭിവാദ്യങ്ങൾ.

നിപുൺ ചെറിയാൻ.
പ്രസിഡന്റ്, V4 കൊച്ചി.

06/04/2026

തൃക്കാക്കരയിൽ വീടുകളിലേക്കുള്ള ജലവിതരണം വർഷങ്ങളായി താറുമാറായ അവസ്ഥയിലാണ്.

തൃക്കാക്കര മണ്ഡലത്തിലെ ഐ.ടി. മേഖലയിൽ ഓപ്പൺ ജിം പണിയാൻ കാണിക്കുന്ന ഉത്സാഹം, ജനപ്രതിനിധികൾ സാധാരണക്കാർ അനുഭവിക്കുന്ന കുടിവെള്ള പ്രശ്നം പരിഹരിക്കുന്നതിനായി കാണിക്കുന്നില്ല. തൃക്കാക്കര എം.എൽ.എ. ഉമ തോമസ് മണ്ഡലത്തിലെ വോട്ടർമാരുടെ അടിസ്ഥാന ആവശ്യങ്ങൾക്ക് മുൻഗണന നൽകിയിട്ടില്ല.

തൃക്കാക്കരയിലെ വിവിധ സ്ഥലങ്ങളിൽ പൈപ്പ് വഴിയുള്ള കുടിവെള്ള വിതരണം താറുമാറായി കിടക്കുകയാണ്. പല സ്ഥലങ്ങളിലും ഒന്നരാടം ദിവസം കൂടുമ്പോഴാണ് വെള്ളം എത്തുന്നത്. ചില സ്ഥലങ്ങളിൽ മൂന്ന്–നാല് ദിവസം കൂടുമ്പോഴാണ് വിതരണം നടക്കുന്നത്. ഇതുമൂലം നാല് പേർ അടങ്ങുന്ന ഒരു കുടുംബത്തിന് ആവശ്യത്തിന് വെള്ളം ലഭിക്കാത്ത അവസ്ഥയാണ് വീടുകളിൽ.

ഈ പ്രശ്നം പരിഹരിക്കുന്നതിന് മുൻഗണന നൽകി പ്രവർത്തിക്കാൻ എം.എൽ.എ. ഉമ തോമസിന് സാധിച്ചിട്ടില്ല. ഈ തിരഞ്ഞെടുപ്പിൽ നിലവിലെ എം.എൽ.എ.-യും മറ്റ് സ്ഥാനാർത്ഥികളും ഈ കാര്യത്തിൽ കൃത്യമായ പരിഹാരം നിർദേശിക്കണം. വിജയിക്കുന്ന വ്യക്തി എം.എൽ.എ. സ്ഥാനം വഹിച്ചുകൊണ്ട് പരിഹാരം നടപ്പിലാക്കുന്നതിനായി പ്രവർത്തിക്കാനും തയ്യാറാകണം.

നിപുൺ ചെറിയാൻ

31/03/2026

പണി പൂർത്തിയാക്കിയ വൈറ്റില മേൽപാലം ജനങ്ങൾക്ക് തുറന്ന് കൊടുക്കണം എന്ന ആവശ്യം ഉന്നയിച്ചതിന് V4 കൊച്ചി പ്രവർത്തകർക്ക് എതിരെ കേരള പോലീസ് എടുത്ത കള്ള കേസ് കോടതിയിൽ തകർന്ന് അടിഞ്ഞു. 30 മാർച്ച് 2026-ന് വിസ്താരം പൂർത്തിയാക്കി വിധി പറഞ്ഞ എറണാകുളം ജുഡീഷ്യൽ മജിസ്‌ട്രേറ്റ് കോടതി എല്ലാ പ്രതികളെയും വെറുതേ വിട്ടു. അന്വേഷണ ഉദ്യോഗസ്ഥൻ കോടതിയിൽ മൊഴി രേഖപ്പെടുത്തിയില്ല. സാക്ഷികൾ പലരേയും പ്രോസിക്യൂഷൻ സ്വയം ഒഴിവാക്കി. സാക്ഷി മൊഴി നൽകിയ രണ്ട് പോലീസ് ഉദ്യോഗസ്ഥർ പരസ്‌പര വിരുദ്ധമായ മൊഴികൾ നൽകി. V4 കൊച്ചി പ്രവർത്തകരെ സ്ഥലത്ത് നിന്ന് പോലീസ് അറസ്റ്റ് ചെയ്‌തു എന്ന് ഒരു പോലീസ് ഉദ്യോഗസ്ഥ കള്ള മൊഴി നൽകി. ജി. സുധാകരൻ പൊതുമരാമത്ത് മന്ത്രി ആയിരുന്നപ്പോൾ 2020 നവംബർ 30 -ന് നിർമ്മാണം പൂർത്തിയാക്കിയ വൈറ്റില മേൽപാലം ഡിസംബർ 30 അയിട്ടും പൊതുജനങ്ങൾക്ക് തുറന്ന് കൊടുക്കാത്തതിൽ വലിയ പ്രതിക്ഷേധം ഉയർന്നിർന്നു. 05 ജനുവരി 2021-ന് വൈറ്റില മേൽപാലം ജനകീയ ഉദ്ഘാടനം നടന്ന സംഭവത്തിന് ആസ്പതമായി പാലം തകർത്തു എന്നും മറ്റും ആരോപിച്ച് പോലീസ് എടുത്ത മറ്റൊരു കള്ള കേസിൽ ഇന്നേ ദിവസം വരെ വിചാരണ തുടങ്ങിയിട്ടില്ല.

Address

Thoppumpady
Thoppumpady

Telephone

+919846400341

Website

facebook.com

Alerts

Be the first to know and let us send you an email when V4 Kochi posts news and promotions. Your email address will not be used for any other purpose, and you can unsubscribe at any time.

V4 Kochi

27/05/2026

18/05/2026

16/05/2026

15/05/2026

10/05/2026

10/05/2026

07/05/2026

09/04/2026

06/04/2026

31/03/2026

Address

Telephone

Website

Alerts

Shortcuts

Share

Category

Listing takedown request