Pravasi Legal Cell-Kerala

12/10/2025

മടങ്ങിയെത്തിയ പ്രവാസികളെയും “നോർക്ക കെയർ” ഇൻഷുറൻസ് പദ്ധതിയിൽ ഉൾപ്പെടുത്തണമെന്ന് ആവശ്യപ്പെട്ടുകൊണ്ട് പ്രവാസി ലീഗൽ സെൽ കേരള ചാപ്റ്റർ ബഹു. കേരള ഹൈക്കോടതിയിൽ ഫയൽ ചെയ്ത റിട്ട് ഹർജിയിൽ പുറപ്പെടുവിച്ച ഉത്തരവിൽ പദ്ധതിയുടെ ആവിഷ്കർത്താക്കളായ നോർക്ക റൂട്സ് പ്രവാസി ലീഗൽ സെല്ലിന്റെ നിവേദനം പരിഗണിച്ച് സർക്കാരുമായി കൂടിയാലോചിച്ച് എത്രയും പെട്ടന്ന് ഒരു ഉത്തരവ് പുറപ്പെടുവിക്കണമെന്ന് നിർദ്ദേശിച്ചിരുന്നു. ഈ വിഷയം വിശദീകരിക്കുന്നതിനായി പ്രവാസി ലീഗൽ സെൽ സംസ്ഥാന കമ്മറ്റി ഇന്ന് (ഒക്ടോബർ 11) നടത്തിയ പത്രസമ്മേളനത്തിൽ നിന്ന്

with CameraFi Live

23/10/2024

പ്രിയ സുഹൃത്തുക്കളെ,
പ്രവാസി ലീഗൽ സെല്ലിന്റെ (PLC) വിദ്യാർത്ഥി വിഭാഗത്തിന്റെ ഉദ്ഘാടനം ഈ വരുന്ന ശനിയാഴ്ച, ഇൻഡ്യൻ സമയം വൈകിട്ട് 7 മണിക്ക് ഓൺലൈൻ ആയി നടക്കുകയാണ്. ഇൻഡ്യക്കാരുടെ വിദേശകുടിയേറ്റവുമായി ബന്ധപ്പെട്ട് ആധികാരികമായി സംസാരിക്കാൻ പ്രാപ്തരായ രണ്ട് സുപ്രധാന വ്യക്തികളെയാണ് നമുക്ക് ലഭിച്ചിരിക്കുന്നത്. മുൻ സി ഡി എസ് പ്രൊഫസ്സറും നിരവധി കുടിയേറ്റസംബന്ധമായ ഗ്രന്ഥങ്ങളുടെ കർത്താവും ഇപ്പോൾ IIMAD (THE INTERNATIONAL INSTITUTE OF MIGRATION AND DEVELOPMENT) എന്ന സ്ഥാപനത്തിന്റെ അധ്യക്ഷനുമായ പ്രൊഫ. ഇരുദയരാജനും നോർക്ക റൂട്ട്സ് സി ഇ ഓ-യും കേരള സർക്കാരിന്റെ അഡിഷണൽ സെക്രട്ടറിയുമായ അജിത് കോളശ്ശേരിയുമാണ് PLC-യുടെ വിശിഷ്ടാതിഥികളായി എത്തുന്നത്. ഓൺലൈൻ ആയി നടക്കുന്ന ചടങ്ങിന്റെ ലിങ്ക് താഴെക്കൊടുക്കുന്നു:
Topic: PLC Students Wing Inauguration
Time: Oct 26, 2024 07:00 PM India

Join Zoom Meeting
https://us02web.zoom.us/j/81305317470?pwd=7QabcKXUB2VjgnnwKmOEFU1zFyqLTX.1

Meeting ID: 813 0531 7470
Passcode: 237584
എല്ലാ പി എൽ സി സുഹൃത്തുക്കളും ഈ ചടങ്ങിൽ പങ്കെടുക്കണമെന്ന് അഭ്യർത്ഥിക്കുന്നതിനോടൊപ്പം ഇത് പരമാവധി സുഹൃത്തുക്കൾക്ക് ഷെയർ ചെയ്യണമെന്നും അഭ്യർത്ഥിക്കുന്നു.

സസ്നേഹം
അഡ്വ.ആർ മുരളീധരൻ
ജനറൽ സെക്രട്ടറി
പ്രവാസി ലീഗൽ സെൽ

26/07/2024

പ്രിയപ്പെട്ട സുഹൃത്തുക്കളെ,
പ്രവാസി ക്ഷേമത്തിനും പുനരധിവാസത്തിനായി കേരള നിയമസഭ നിർമ്മിച്ച 'കേരള പ്രവാസിക്ഷേമ നിയമം, 2008'-ന്റെ നടത്തിപ്പ് ഏജൻസിയായ കേരള പ്രവാസി ക്ഷേമനിധി ബോർഡിന്റെ പ്രവർത്തനങ്ങളുമായി, പ്രത്യേകിച്ച് പ്രവാസി പെൻഷനുമായി ബന്ധപ്പെട്ട് നിരവധി ആക്ഷേപങ്ങൾ പ്രവാസി സമൂഹത്തിൽനിന്നും ഉണ്ടായിക്കൊണ്ടിരിക്കുകയാണ്. ഈ പ്രശ്നങ്ങൾ പഠിക്കുകയും വേണ്ടിവന്നാൽ കോടതികളുടെ ഇടപെടലിൽക്കൂടി അവയ്ക്ക് പരിഹാരം ഉണ്ടാക്കാനുള്ള നടപടികൾ പ്രവാസി ലീഗൽ സെൽ ആരംഭിച്ചിരിക്കുകയുമാണ്. ഇതിന് മുന്നോടിയായി നിലവിലുള്ള പ്രശ്നങ്ങൾ പ്രവാസികളിൽനിന്നും നേരിട്ട് മനസ്സിലാക്കാൻ ഒരു ഓൺലൈൻ (Zoom) യോഗം ജൂലായ് 27 (ശനിയാഴ്ച) വൈകിട്ട് ഇൻഡ്യൻ സമയം 8.30-ന് ചേരുകയാണ്. എല്ലാ പ്രവാസികൾക്കും മടങ്ങിവന്ന പ്രവാസികൾക്കും യോഗത്തിൽ പങ്കെടുക്കാവുന്നതാണ്.
ആർ മുരളീധരൻ
ജനറൽ സെക്രട്ടറി
പ്രവാസി ലീഗൽ സെൽ (കേരളം)
മൊബൈൽ: +919562916653
ഇമെയിൽ: [email protected]
Zoom Meeting
https://us02web.zoom.us/j/88937148910?pwd=YwzKtlRDa0cmYg40rN3VfYIbErfAwa.1
Meeting ID: 889 3714 8910
Passcode: 468868
(മൊബൈൽ ഫോൺ ഉപയോഗിക്കുന്നവർ Zoom App ഡൗൺലോഡ് ചെയ്യേണ്ടതാണ് (https://zoom.us/download)

05/03/2024

പ്രിയ സുഹൃത്തുക്കളെ,
ഇന്നലെ (തിങ്കൾ) പ്രവാസി ലീഗൽ സെൽ (കേരള)-യുടെ ആഭിമുഖ്യത്തിൽ പി എൽ സി പ്രതിനിധികളായ മുരളീധരൻ , തൽഹത്ത് Thalhathpoovachal , ശ്രീകുമാർ Saudi Labour Case Vinod Anslem , ചന്ദ്രസേനൻ Sahayi Kharj , ജിഹാംഗിർ Pmf Saudi Kerala , നന്ദൻ ;Nandu/M എന്നിവർ കൽപ്പറ്റ പൂക്കോട് വെറ്റിനറി സർവ്വകലാശാലയിൽ ദുരൂഹമായ സാഹചര്യത്തിൽ മരണപ്പെട്ട സിദ്ധാർത്ഥിന്റെ നെടുമങ്ങാട്ടുള്ള കുടുംബവീട് സന്ദർശിക്കുകയും തീഷ്ണവും പ്രതികൂലവുമായ സാഹചര്യങ്ങളിൽകൂടി കടന്നുപോകുന്ന സിദ്ധാർത്ഥിന്റെ പിതാവും ദുബായിൽ പ്രവാസിയുമായ രാജഗോപാലിനോടും കുടുംബത്തോടും പി എൽ സി (കേരള) യുടെ അഗാധമായ അനുശോചനവും ഐക്യദാർഢ്യവും നിയമപരമായ പിന്തുണയും അറിയിക്കുകയും മറ്റ് സഹായസഹകരണങ്ങളും വാഗ്ദാനം ചെയ്യുകയും ചെയ്തു.
ആർ മുരളീധരൻ
സെക്രട്ടറി
പി എൽ സി (കേരള)

29/02/2024

പ്രിയ സുഹൃത്തുക്കളെ,

"പ്രവാസി ലീഗൽ സെൽ" അഥവാ PLC പൊതുപ്രവർത്തകരുടെയും അഭിഭാഷകരുടെയും മുൻ ജഡ്ജിമാരുടെയും വിവരാവകാശപ്രവർത്തകരുടെയും ഒരു നെറ്റ്‌വർക്ക് ആണ്. പ്രവാസി ഇൻഡ്യക്കാരുടെ വിവിധങ്ങളായ വിഷയങ്ങൾ സർക്കാർ തലത്തിലും കോടതികൾ വഴിയും മറ്റ് നിയമാനുസൃത മാർഗ്ഗങ്ങളിലൂടെയും പരിഹാരം കാണാനാനും പ്രൊഫഷണൽ ആയ മാർഗ്ഗനിർദ്ദേശങ്ങളും ഉപദേശങ്ങളും നൽകാനുമാണ് PLC ശ്രമിക്കുന്നത്.

പ്രവാസി ലീഗൽ സെൽ കേരള ചാപ്റ്ററിന്റെ ഉദ്ദേശ്യലക്ഷ്യങ്ങൾ താഴെപ്പറയുന്നവയാണ്:

1. കേരളത്തിന്റെയും കേന്ദ്രത്തിന്റെയും പ്രവാസി ക്ഷേമ പദ്ധതികൾ മടങ്ങിവന്ന പ്രവാസികൾക്ക് പരിചയപ്പെടുത്തുകയും അവ പ്രയോജനപ്പെടുത്താൻ താല്പര്യമുള്ളവർക്ക് വേണ്ട മാർഗ്ഗനിർദ്ദേശങ്ങളും സഹായസഹകരണങ്ങളും ചെയ്തുകൊടുക്കുക.

2. നിലവിലുള്ള പദ്ധതികളിൽ മാറ്റങ്ങൾ ആവശ്യമാണെങ്കിൽ അവ സർക്കാർ തലത്തിലും കോടതികൾ വഴിയും പരിഹരിക്കാൻ ശ്രമിക്കുക

3. പുതിയ പദ്ധതികളുടെ രൂപരേഖ തയ്യാറാക്കുകയും അവ ബന്ധപ്പെട്ട സർക്കാർ വകുപ്പുകളിൽകൂടി നടപ്പിലാക്കാൻ ശ്രമിക്കുക.

4. പ്രവാസികൾക്കുവേണ്ടിയുള്ള കേരളസർക്കാർ സ്ഥാപനങ്ങളായ നോർക്ക റൂട്സ്, പ്രവാസിക്ഷേമനിധി ബോർഡ്, എൻ ആർ ഐ കമ്മീഷൻ തുടങ്ങിയ സ്ഥാപനങ്ങളുടെ സേവനങ്ങൾ പ്രവാസികൾക്കായി പ്രയോജനപ്പെടുത്തുക.

5. മടങ്ങിവരുന്ന പ്രവാസികൾക്ക് പുനരധിവാസപദ്ധതികൾ തുടങ്ങുന്നതിനുള്ള സബ്‌സിഡി ലോൺ പദ്ധതികൾ പരിചയപ്പെടുത്തുകയും അവ ആവശ്യമുള്ളവർക്ക് ലഭ്യമാക്കുന്നതിനുള്ള സഹായസഹകരണങ്ങൾ ചെയ്യുക

6. വിദേശരാജ്യങ്ങളിലെ എംബസ്സികളുമായും കോൺസുലേറ്റുകളുമായും ബന്ധപ്പെട്ട വിഷയങ്ങളിൽ പ്രവാസികൾക്കും ബന്ധുക്കൾക്കും വേണ്ട സഹായസഹകരണങ്ങൾ നൽകുക.

7. പ്രവാസികൾക്ക് സംരംഭങ്ങൾ തുടങ്ങുന്നതിനുള്ള സൊസൈറ്റികൾ സഹകരണസംഘങ്ങൾ കമ്പനികൾ തുടങ്ങിയവ രൂപീകരിക്കുന്നതിനുള്ള സഹായസഹകരണങ്ങൾ ചെയ്യുക.

8. പ്രവാസി സംബന്ധമായ മറ്റ് വിഷയങ്ങൾ

PLC കേരള ചാപ്റ്ററിന്റെ താൽക്കാലിക ഓഫീസ് അഡ്രസ്സ്: F2-C, Capitol Centre, Statue, Thiruvananthapuram-695001

PLC Kerala വാട്സ്ആപ് ഗ്രൂപ്പുമായി സഹകരിച്ചു പ്രവർത്തിക്കാൻ താല്പര്യമുള്ള പ്രവാസി സുഹൃത്തുക്കൾക്ക് താഴെപ്പറയുന്ന ലിങ്ക് വഴി ഗ്രൂപ്പിൽ ചേരാവുന്നതാണ്: https://chat.whatsapp.com/C3vRLjonOVxI7nqNZmyKPm

സ്നേഹപൂർവ്വം,

ആർ. മുരളീധരൻ,
ജനറൽ സെക്രട്ടറി,
പ്രവാസി ലീഗൽ സെൽ, കേരള ചാപ്റ്റർ
മൊബൈൽ: +91-9562916653

PS: നമ്മുടെ ഗ്രൂപ്പിലുള്ളവർ ഈ സന്ദേശവും ഇൻവിറ്റേഷൻ ലിങ്ക്-ഉം താല്പര്യമുള്ളവർക്കെല്ലാം ഷെയർ ചെയ്യുക.