18/02/2025
शिवरायांच्या छायेखाली कधीच नव्हती वाण..!
आनंदाने नांदत होते हिँदू मुसलमान ..!!
काळ्यारात्री तळपत होतं जिच्या रूपाचं उन,
अशी देखणी होती एका मुसलमानाची सून,
त्या तरूणीला सन्मान केला, राजा तो शीलवान,
आनंदाने नांदत होते हिँदु मुसलमान....!!
बांधीत होता मस्जिद ईथे अन तिथे मंदिर,
त्या शिवाच्या चरणी झुकले सदैव माझे शीर,
अशा नराच्या पुतळ्यापाशी अजून झुकते मान,
आनंदाने नांदत होते हिँदु मुसलमान...!!
वामनवाणी शिवरायाला करतो मी वंदन,
मला न आवडे जात आणि धर्माचे बंधन,
असाच माझा शिवबा होता माणुसकीची खाण,
आनंदाने नांदत होते हिँदू मुसलमान....!!!
-- महाकवी वामनदादा कर्डक
