30/07/2026
সদৌ অসম গোৰ্খা ছাত্ৰ সন্থা (আগছু)ৰ কেন্দ্ৰীয় সমিতিৰ শপত গ্ৰহণ অনুষ্ঠান আজি গুৱাহাটী মহানগৰীৰ শ্ৰীমন্ত শঙ্কৰদেৱ কলাক্ষেত্ৰস্থিত শ্ৰী শ্ৰী মাধৱদেৱ আন্তঃৰাষ্ট্ৰীয় প্ৰেক্ষাগৃহত গাম্ভীৰ্যপূৰ্ণ পৰিৱেশত অনুষ্ঠিত হয়।
অনুষ্ঠানত সন্থাৰ নৱনিৰ্বাচিত কেন্দ্ৰীয় সভাপতি মাননীয় শ্ৰীযুত নোমল ছেত্ৰী ডাঙৰীয়া, সাধাৰণ সম্পাদক মাননীয় শ্ৰীযুত সোমৰাজ সোনাৰ ডাঙৰীয়া আৰু নৱনিৰ্বাচিত কেন্দ্ৰীয় কাৰ্যনিৰ্বাহক সমিতিৰ আন বিষয়ববীয়াসকলে সংগঠনৰ আদৰ্শ, নীতি আৰু লক্ষ্য-উদ্দেশ্য অটুট ৰাখি নিষ্ঠা, সততা আৰু দায়বদ্ধতাৰে দায়িত্ব পালন কৰাৰ শপত গ্ৰহণ কৰে।
ইয়াৰ সমান্তৰালভাৱে অনুষ্ঠানত এক আবেগঘন পৰিৱেশৰ সৃষ্টি হয়, য'ত সন্থাৰ প্ৰাক্তন কেন্দ্ৰীয় সভাপতি মাননীয় শ্ৰীযুত সুনীল কুমাৰ ছেত্ৰী ডাঙৰীয়াক তেওঁৰ সফল কাৰ্যকালৰ বাবে কৃতজ্ঞতা জ্ঞাপন কৰি আনুষ্ঠানিকভাৱে বিদায় সম্ভাষণ জনোৱা হয়। উপস্থিত সকলোৱে তেওঁৰ নেতৃত্ব, ত্যাগ আৰু সংগঠনলৈ আগবঢ়োৱা অৱদানৰ উচ্চ প্ৰশংসা কৰে আৰু আগন্তুক দিনসমূহৰ বাবে আন্তৰিক শুভেচ্ছা জ্ঞাপন কৰে।
All Assam Gorkha Students' Union
