09/04/2026
ਲਾਇਨਜ ਕਲੱਬ ਸੁਲਤਾਨਪੁਰ ਲੋਧੀ ਗੌਰਵ ਵੱਲੋਂ ਕਲੱਬ ਪ੍ਰਧਾਨ ਲਾਇਨ ਮੇਜਰ ਸਿੰਘ ਢੋਟ ਦੀ ਅਗਵਾਈ ਵਿੱਚ ਅੱਜ ਸਰਕਾਰੀ ਐਲੀਮੈਂਟਰੀ ਸਕੂਲ ਲੱਖ ਵਰਿਆਂਹ ਵਿਖੇ ਬਹੁਤ ਹੀ ਸ਼ਾਨਦਾਰ ਪ੍ਰੋਜੈਕਟ ਕੀਤਾ ਗਿਆ। ਇਸ ਪ੍ਰੋਜੈਕਟ ਮੌਕੈ ਮੁੱਖ ਮਹਿਮਾਨ ਵਜੋਂ ਪਾਸਟ ਡਿਸਟਿਕ ਗਵਰਨਰ ਲਾਇਨ ਸਵਰਨ ਸਿੰਘ ਖਾਲਸਾ ਸ਼ਾਮਲ ਹੋਏ ਅਤੇ ਸੀਨੀਅਰ ਲਾਇਨ ਲੀਡਰ ਲਾਇਨ ਬਲਵੰਤ ਸਿੰਘ ਸੰਗਰ ਅਤੇ ਲਾਇਨ ਹਰਜਿੰਦਰ ਸਿੰਘ ਕੰਡਾ ਤੋਂ ਇਲਾਵਾ ਲਾਇਨ ਦਲਬੀਰ ਸਿੰਘ ਧੰਜੂ, ਲਾਇਨ ਜਗਜੀਤ ਸਿੰਘ ਚੰਦੀ, ਲਾਇਨ ਬਿਕਰਮ ਸਿੰਘ, ਲਾਇਨ ਕੁਲਵਿੰਦਰ ਸਿੰਘ ਥਿੰਦ, ਲਾਇਨ ਰਾਜਵਿੰਦਰ ਕੌਰ, ਲਾਇਨ ਪਰਵੀਨ ਕੌਰ ਅਤੇ ਲਾਇਨ ਮਨਜੀਤ ਕੌਰ ਨੇ ਵੀ ਹਾਜਰੀ ਭਰੀ। ਇਸ ਮੌਕੇ ਕਲੱਬ ਵੱਲੋਂ ਵਿਦਿਆਰਥੀਆਂ ਦੀ ਸਕੂਲ ਆਉਣ ਜੇਣ ਦੀ ਲੋੜ ਨੂੰ ਮੁੱਖ ਰੱਖਦਿਆਂ ਲੋੜਵੰਦ ਦਸ ਵਿਦਿਆਰਥੀਆਂ ਨੂੰ ਸਾਈਕਲ, 50 ਵਿਦਿਆਰਥੀਆਂ ਨੂੰ ਸਕੂਲ ਬੈਗ ਅਤੇ ਸਕੂਲ ਵਿੱਚ ਕੰਮ ਕਰਦੀਆਂ ਦਰਜਾ ਚਾਰ ਔਰਤ ਮੁਲਾਜਮਾਂ ਨੂੰ ਇੱਕ ਮਹੀਨੇ ਦਾ ਰਾਸ਼ਨ ਮੁਹੱਈਆ ਕਰਵਾਇਆ ਗਿਆ। ਇਸ ਮੌਕੇ ਸਕੂਲ ਸਟਾਫ ਵੱਲੋਂ ਸੇਵਾ ਕਾਰਜਾਂ ਬਦਲੇ ਕਲੱਬ ਦਾ ਧੰਨਵਾਦ ਕੀਤਾ ਗਿਆ।
