15/05/2026
🔴 প্ৰতি তথাকথিত সাংবাদিক -ই ডা: ৰনোজ পেগু ডাঙৰীয়াক অসমৰ শিক্ষামন্ত্রী হিচাপে দায়িত্ব অর্পণ কৰাক লৈ কৰা ভিত্তিহীন সমালোচনা আৰু আপত্তিৰ তীব্ৰ বিৰোধিতা জনাই-----
◾️আজি কিছুমান ব্যক্তিয়ে আৰু নিজকে সাংবাদিক, বুদ্ধিজীবী বুলি পৰিচয় দিয়া সকলে ডা: ৰনোজ পেগু ডাঙৰীয়াক অসমৰ #শিক্ষামন্ত্ৰী হিচাপে লৈ বিভিন্ন ধৰণৰ সমালোচনা আৰু বিৰোধিতা কৰা দেখা যায়। কোনোবাই তেওঁৰ দক্ষতাৰ ওপৰত প্ৰশ্ন তোলে, কোনোবাই কয় “নামতহে শিক্ষামন্ত্ৰী”, আন কোনোবাই আকৌ শিক্ষা বিভাগৰ সকলো সিদ্ধান্ত মুখ্যমন্ত্ৰীৰ নিৰ্দেশত হয় বুলি কটাক্ষ কৰে। কিন্তু সমালোচনা কৰাৰ আগতে এটা কথা সৎভাৱে ভাবি চাব লাগিব - ডা: ৰনোজ পেগু ডাঙৰীয়াৰ জীৱন সংগ্ৰাম, শিক্ষাগত যোগ্যতা, প্ৰশাসনিক অভিজ্ঞতা আৰু বিগত পাঁচ বছৰত শিক্ষা বিভাগত কৰা কামসমূহ আমি কিমান গভীৰভাৱে বিচাৰ কৰিছোঁ ?
ডা: ৰনোজ পেগু ডাঙৰীয়া কেৱল এজন ৰাজনীতিবিদ নহয়, তেওঁ এজন উচ্চ শিক্ষিত, অধ্যৱসায়ী আৰু সুদীৰ্ঘ চিকিৎসক অভিজ্ঞতাসম্পন্ন ব্যক্তি। অসমৰ এক সাধাৰণ জনজাতীয় পৰিয়ালৰ পৰা উঠি আহি তেওঁ নিজৰ মেধা, পৰিশ্ৰম আৰু অধ্যৱসায়ৰ জৰিয়তে ভাৰতীয় চিকিৎসা সেৱা পঢ়িবলৈ নিজকে যোগত্যা অৰ্জন কৰাৰ পিছত সমাজৰ বহু বাধা-বিঘিনি, পিছপৰা পৰিস্থিতি আৰু কঠিন সংগ্ৰামৰ মাজেৰে তেওঁ আগবাঢ়ি আহিছিল। সেইবাবে তেওঁৰ সফলতা কেৱল ব্যক্তিগত সফলতা নহয়, ই অসমৰ হাজাৰ হাজাৰ জনজাতীয় আৰু পিছপৰা পৰিয়ালৰ সন্তানৰ বাবে এক অনুপ্ৰেৰণা। যোৱা ৫ টা বছৰ কাৰ্যকালত শিক্ষামন্ত্ৰী হিচাপে দায়িত্ব গ্ৰহণ কৰাৰ পিছত ডা: ৰনোজ পেগু ডাঙৰীয়াই শিক্ষা বিভাগত বহু পৰিৱর্তন আনিবলৈ চেষ্টা কৰিছে। চৰকাৰী বিদ্যালয়সমূহত নতুন আন্তঃগাঁথনি, ডিজিটেল শিক্ষা ব্যৱস্থাৰ বিস্তাৰ, বিদ্যালয় একত্ৰীকৰণৰ দৰে জটিল কিন্তু প্ৰয়োজনীয় সিদ্ধান্ত, শিক্ষকৰ নিযুক্তি প্ৰক্ৰিয়াত স্বচ্ছতা অনা, বিদ্যালয়সমূহত বিজ্ঞান আৰু কাৰিকৰী শিক্ষাৰ ওপৰত অধিক গুৰুত্ব, ছাত্ৰ-ছাত্ৰীৰ ফলাফল উন্নত কৰাৰ বাবে বিভিন্ন নতুন নীতি ,এই সকলোবোৰ পদক্ষেপে শিক্ষা বিভাগটোক আগুৱাই নিয়াৰ ক্ষেত্ৰত উল্লেখযোগ্য ভূমিকা পালন কৰিছে। উল্লেখ্যযোগ্য যে কোভিড ( Covid) মহামাৰীৰ দৰে কঠিন সময়ত বিদ্যালয় বন্ধ হৈ থকাৰ পিছতো অনলাইন শিক্ষা, ডিজিটেল পাঠদান আৰু বিকল্প শিক্ষাব্যৱস্থা আগবঢ়োৱাৰ ক্ষেত্ৰতো বিভাগটোৱে যথেষ্ট সক্ৰিয় ভূমিকা পালন কৰিছিল। শিক্ষা ব্যৱস্থাৰ দৰে বৃহৎ আৰু জটিল বিভাগ এটাক একে দিনতে সম্পূৰ্ণ সলনি কৰা সম্ভৱ নহয়। কিন্তু দিশটো সঠিকভাৱে আগুৱাই নিয়া হৈছে নে নাই, সেইটো বেছি গুৰুত্বপূৰ্ণ। সেই দিশত ডা: ৰনোজ পেগু ডাঙৰীয়াই নিষ্ঠাৰে কাম কৰি অহা কথা অস্বীকাৰ কৰিব নোৱাৰি।
আমি প্ৰায়ে শুনিবলৈ পোৱা যায় — “ডা: ৰনোজ পেগু নামতহে শিক্ষামন্ত্ৰী, গোটেই বিভাগটো মুখ্যমন্ত্ৰীৰ কথামতেহে চলে।” কিন্তু ইয়াতো এটা সাধাৰণ ৰাজনৈতিক আৰু সাংবিধানিক বাস্তৱতা আছে। কোনো এখন ৰাজ্যত মুখ্যমন্ত্ৰী হৈছে চৰকাৰৰ মূখ্য নেতা। প্ৰতিটো বিভাগেই চৰকাৰৰ সামগ্ৰিক নীতি আৰু মুখ্যমন্ত্ৰীৰ নেতৃত্ব অনুসৰি কাম কৰে। তেন্তে কোনটো বিভাগ মুখ্যমন্ত্ৰীৰ কথা নুশুনি নিজ ইচ্ছামতে চলে ? কোনজন মন্ত্ৰীয়ে মুখ্যমন্ত্ৰীৰ সৈতে আলোচনা নকৰাকৈ সম্পূৰ্ণ স্বতন্ত্ৰভাৱে সিদ্ধান্ত লয় ? এই ধৰণৰ অভিযোগ কেৱল ডা: ৰনোজ পেগুৰ ক্ষেত্ৰত তুলি ধৰা মানে ই একপক্ষীয় সমালোচনাৰ বাহিৰে আন একো নহয়। আচলতে সমস্যাটো আন ঠাইতো থাকিব পাৰে। অসমৰ সমাজত এতিয়াও বহু সময়ত এজন জনজাতীয় ব্যক্তিৰ সফলতা সহজভাৱে ল’ব নোৱাৰা এক মানসিকতা দেখা যায়। এজন মিচিং জনজাতীয় নেতা, তাতে উচ্চ শিক্ষিত আৰু দক্ষ চিকিৎসক অভিজ্ঞতাসম্পন্ন ব্যক্তি শিক্ষা বিভাগৰ দৰে গুৰুত্বপূর্ণ দায়িত্বত সফলভাৱে কাম কৰি থকা কথাটো কিছুমান লোকৰ বাবে হয়তো সহজে গ্ৰহণযোগ্য নহয়। সেয়েহে তেওঁক সমালোচনা কৰাৰ ক্ষেত্ৰত বহু সময়ত যুক্তিতকৈ অধিক পক্ষপাতিত্ব আৰু মানসিক সংকীর্ণতা দেখা যায়। সমালোচনা নিশ্চয় হ’ব পাৰে। গণতন্ত্ৰত সমালোচনা অতি প্ৰয়োজনীয়। কিন্তু সেই সমালোচনা তথ্যভিত্তিক, যুক্তিসংগত আৰু গঠনমূলক হ’ব লাগে। কেৱল ব্যক্তিগত বিদ্বেষ, জাতিগত সংকীর্ণতা বা ৰাজনৈতিক উদ্দেশ্য লৈ কৰা সমালোচনাই সমাজক আগুৱাই নিব নোৱাৰে। এজন ব্যক্তিৰ কামৰ মূল্যায়ন তেওঁৰ জাতি, সম্প্ৰদায় বা পৰিচয় চাই নহয়; তেওঁৰ কৰ্ম, দক্ষতা আৰু অৱদান চাই হোৱা উচিত।
ডা: ৰনোজ পেগু ডাঙৰীয়াই হয়তো সকলো সমস্যাৰ সমাধান কৰিব পৰা নাই, কিন্তু তেওঁ নিষ্ঠা, অধ্যৱসায় আৰু দায়িত্ববোধেৰে শিক্ষা বিভাগটোক আগুৱাই নিয়াৰ চেষ্টা কৰিছে। সেই চেষ্টা আৰু অৱদানক স্বীকাৰ কৰাৰ মানসিকতা আমাৰ থাকিব লাগিব। কাৰণ কোনো এখন সমাজ আগুৱাই যায় বিভাজন, বিদ্বেষ আৰু সংকীর্ণতাৰে নহয়; আগুৱাই যায় যোগ্যতা, পৰিশ্ৰম আৰু পাৰস্পৰিক সন্মানৰ জৰিয়তে। গতিকে, আমি সকলো বিষয় আবেগ বা পক্ষপাতিত্বৰে নহয়, যুক্তি আৰু বাস্তৱতাৰ ভিত্তিত বিচাৰ কৰা উচিত। এজন ব্যক্তিক কেৱল তেওঁৰ জাতি, পৰিচয় বা ৰাজনৈতিক চিন্তাধাৰাৰ বাবে নহয়, তেওঁৰ কৰ্ম, যোগ্যতা আৰু অৱদানৰ ভিত্তিত মূল্যায়ন কৰাটোৱেই হওক সুস্থ সমাজৰ পৰিচয়। ডা: ৰনোজ পেগু ডাঙৰীয়াই নিজৰ জীৱন সংগ্ৰাম, মেধা আৰু কৰ্মদক্ষতাৰ জৰিয়তে শিক্ষা বিভাগটোক আগুৱাই নিয়াৰ যি চেষ্টা অব্যাহত ৰাখিছে, সেই প্ৰচেষ্টাক সন্মান জনোৱাটো আমাৰ সকলোৰে দায়িত্ব। সমালোচনা হওক গঠনমূলক, কিন্তু সফলতাক স্বীকাৰ কৰাৰ মহানুভৱতাও সমাজত থাকিব লাগিব।
◾️আমি সমগ্ৰ অসমৰ উন্নয়নমুখী অসমীয়াই আন্তৰিকভাৱে কামনা কৰোঁ যে ডা: ৰনোজ পেগু ডাঙৰীয়াই পুনৰ অসমৰ শিক্ষামন্ত্রী হিচাপে দায়িত্ব গ্ৰহণ কৰক। শিক্ষা ক্ষেত্ৰত তেওঁৰ দূৰদৰ্শী চিন্তা, নিষ্ঠা আৰু কাৰ্যদক্ষতাই ৰাজ্যৰ শিক্ষা ব্যৱস্থাক এক নতুন গতিশীলতা প্ৰদান কৰিব । সেয়েহে, অসমৰ শিক্ষা খণ্ডৰ স্বাৰ্থত মাননীয় মুখ্যমন্ত্রী ড০ হিমন্ত বিশ্ব শৰ্মা ডাঙৰীয়াক ডা: ৰনোজ পেগু ডাঙৰীয়াক পুনৰ শিক্ষামন্ত্রীৰ দায়িত্ব অর্পণ কৰিবলৈ আন্তৰিক আহ্বান জনাইছোঁ আৰু আমি আশাবাদী 🙏💐।।।
Himanta Biswa Sarma
Ranoj Pegu
Bhubon Pegu
Bhuban Gam
Sarmila Payeng Pegu
Tilak Doley
Shaan Do Nyi Panggíng
Digbijay Doley
Dipanjal Doley
ঋতুৰাজ পাতিৰ
Guddi Doley
TMPK, Silapathar District Committee
TMPK Jonai Dist committee
Tmpk Sivasagar TC
Takam Mising Porin Kébang - TMPK All Mising Students' Union
