ONGC Purbanchal Employees' Association, OPEA.

11/06/2026

🕯️ শোক-সমবেদনা জ্ঞাপন

আজি ১১ জুন ২০২৬, বৃহস্পতিবাৰে, অ' এন জি চি পূৰ্বাঞ্চল এমপ্ল'ইজ এছ'চিয়েচনৰ উপ-সভাপতি শ্ৰীযুত কিৰণ কুমাৰ বৰা ডাঙৰীয়াৰ নেতৃত্বত এছ'চিয়েচনৰ এটি দলে ৯৬ নং শিৱসাগৰ বিধানসভা সমষ্টিৰ সন্মানীয় বিধায়ক শ্ৰীযুত অখিল গগৈ ডাঙৰীয়াৰ লুখুৰাখনস্থিত বাসগৃহত উপস্থিত হৈ তেখেতৰ পূজনীয়া মাতৃ প্ৰিয়দা গগৈৰ পৰলোকপ্ৰাপ্তিত গভীৰ শোক প্ৰকাশ কৰে ।

এই দুখৰ ক্ষণত এছ'চিয়েচনৰ পক্ষৰ পৰা এটি শোকবাৰ্তা প্ৰদান কৰাৰ লগতে শোকসন্তপ্ত পৰিয়ালবৰ্গলৈ আন্তৰিক সমবেদনা জ্ঞাপন কৰা হয় । প্ৰয়াত মাতৃ গৰাকীৰ পূণ্য আত্মাৰ সদ্গতি কামনা কৰি ঈশ্বৰৰ ওচৰত প্ৰাৰ্থনা জনোৱা হয় আৰু শোকাকুল পৰিয়ালক এই অপূৰণীয় ক্ষতি সহ্য কৰাৰ শক্তি প্ৰদান কৰিবলৈ কামনা কৰা হয় ।

"মানুহৰ দেহ নশ্বৰ, কিন্তু তেওঁৰ কৰ্ম, আদৰ্শ আৰু স্মৃতি চিৰজীৱী।"

অ' এন জি চি পূৰ্বাঞ্চল এমপ্ল'ইজ এছ'চিয়েচন
অ' এন জি চি অসম সম্পদ । 🕯️🙏🏻

05/06/2026

সেউজীয়া অৰণ্যৰ মৃদু মৰ্মৰ, নদীৰ কলকল ধ্বনি আৰু প্ৰকৃতিৰ অপৰূপ সুষমাই আমাৰ জীৱনক কৰি তোলে সজীৱ আৰু অৰ্থপূৰ্ণ । এই অমূল্য সম্পদ সংৰক্ষণ কৰাটো আমাৰ সকলোৰে পৱিত্ৰ দায়িত্ব ।

বিশ্ব পৰিৱেশ দিৱসৰ এই ক্ষণত অ'এনজিচি পূৰ্বাঞ্চল এমপ্ল'ইজ এছ'চিয়েচনৰ তৰফৰ পৰা সকলো সদস্যলৈ আন্তৰিক শুভেচ্ছা আৰু শুভকামনা জ্ঞাপন কৰিলোঁ । আহক, সেউজীয়া পৃথিৱী আৰু সুন্দৰ আগন্তুক প্ৰজন্মৰ স্বাৰ্থত পৰিৱেশ সংৰক্ষণৰ সংকল্পেৰে একেলগে আগবাঢ়ি যাওঁ ।

“প্ৰকৃতিৰ প্ৰতি সন্মানেই জীৱনৰ প্ৰতি সন্মান।”
– অ'এনজিচি পূৰ্বাঞ্চল এমপ্ল'ইজ এছ'চিয়েচন

28/05/2026

🌙 ঈদ মোবাৰক সকলোলৈ!

25/05/2026

“জ্ঞানৰ দীপ্তিতেই উজলি উঠে সমাজৰ ভৱিষ্যত ।”

শিক্ষা কেৱল পুথিগত জ্ঞানৰ সীমাবদ্ধ পৰিসৰ নহয়; শিক্ষা হৈছে মানুহৰ মনন, মূল্যবোধ আৰু জীৱনদৰ্শনৰ এক অনন্ত যাত্ৰা। অধ্যৱসায়, শৃংখলা আৰু সপোনৰ সোপান বগাই আগুৱাই যোৱা নতুন প্ৰজন্মই এখন সুস্থ, সচেতন আৰু শক্তিশালী সমাজ গঢ়াৰ মূল আধাৰ । সেই বিশ্বাসক হৃদয়ত ধৰি অ'এনজিচি অসম সম্পদৰ স্বীকৃতিপ্ৰাপ্ত শ্ৰমিক সংগঠন অ'এনজিচি পূৰ্বাঞ্চল এমপ্ল'ইজ এছ'চিয়েচনে ২০২৪ চনৰ পৰা আৰম্ভ কৰিছে “অভিনন্দন” শীৰ্ষক এক ব্যতিক্ৰমী আৰু হৃদয়স্পৰ্শী অভিনন্দন অনুষ্ঠান ।

এই অনুষ্ঠান কেৱল এখন সাধাৰণ সম্বৰ্ধনা সভা নহয়; ই হৈছে কৃতিত্বৰ স্বীকৃতি, অধ্যৱসায়ৰ সন্মান আৰু উদীয়মান প্ৰজন্মৰ প্ৰতি সমাজৰ আশীৰ্বাদ । অ'এনজিচি অসম সম্পদৰ নিয়মীয়া তথা চুক্তিবদ্ধ বিষয়া- কৰ্মচাৰীসকলৰ সন্তানৰ লগতে অ'এনজিচিৰ লগত জড়িত বচা বচা কৃতী ছাত্ৰ-ছাত্ৰীসকলক এই মঞ্চৰ যোগেদি অভিনন্দন জ্ঞাপন কৰি তেওঁলোকৰ মনত নতুন উদ্যম আৰু আত্মবিশ্বাস সঞ্চাৰ কৰাৰ এক আন্তৰিক প্ৰয়াস অব্যাহত ৰাখিবলৈ চেষ্টা কৰি অহা হৈছে ।

যোৱাকালি গাম্ভীৰ্য, সৌহাৰ্দ্য আৰু অনুপ্ৰেৰণাৰে ভৰপূৰ পৰিবেশত অনুষ্ঠিত হৈ যায় এই বৰ্ষৰ “অভিনন্দন” অনুষ্ঠান । জ্ঞানৰ পোহৰেৰে আলোকিত এই বিশেষ অনুষ্ঠানত মুখ্য অতিথি হিচাপে উপস্থিত থাকি উদীয়মান প্ৰজন্মক প্ৰেৰণা আৰু দিক্‌দৰ্শন আগবঢ়াই সদৌ অসম ছাত্ৰ সন্থাৰ সভাপতি, যুৱ সমাজৰ এক বলিষ্ঠ কণ্ঠস্বৰ শ্ৰীমান উৎপল শৰ্মাই ।

বিশিষ্ট অতিথি হিচাপে অনুষ্ঠানৰ গাম্ভীৰ্য বৃদ্ধি কৰে শিৱসাগৰ জিলাৰ জ্যেষ্ঠ আৰক্ষী অধীক্ষক, কৰ্তব্যনিষ্ঠা আৰু নেতৃত্বৰ প্ৰতীক শ্ৰীমতী পাপৰি চেতিয়া বাইদেউয়ে । উপস্থিত থাকে তাই আহোম ছাত্ৰ সন্থাৰ কেন্দ্ৰীয় সভাপতি, জাতীয় চেতনাৰ দৃঢ় বাহক বসন্ত গগৈ লগতে উপস্থিত থাকে অ'এনজিচি অসম সম্পদৰ অভিভাৱক স্বৰূপ কাৰ্যবাহী সঞ্চালক (নৱনিযুক্ত) শ্ৰীযুত উদয় পাচোৱানে ।

অনুষ্ঠানত দশম আৰু দ্বাদশ শ্ৰেণীৰ বৰ্ডৰ পৰীক্ষাত সফলতাৰে উত্তীৰ্ণ হোৱা ২৯ জন কৃতী ছাত্ৰ-ছাত্ৰীক সম্বৰ্ধনা জ্ঞাপন কৰা হয় । লগতে শিৱসাগৰ জিলা ভিতৰতে সৰ্বাধিক নম্বৰ লাভ কৰি দ্বাদশ শ্ৰেণীত উত্তীৰ্ণ হোৱা কেন্দ্ৰীয় মাধ্যমিক শিক্ষাৰ ব’ৰ্ডৰ মেধাৱী ছাত্ৰ দিব্যাংকু ৰবি দত্ত (৯৯.৮০%) আৰু অসম ৰাজ্যিক বিদ্যালয় শিক্ষা পৰিষদৰ কৃতী ছাত্ৰ দৃশান দত্তক (৯৭.৩৩%) বিশেষভাৱে সম্বৰ্ধনা জনোৱা হয়। তেওঁলোকৰ এই উজ্জ্বল সাফল্যই নিঃসন্দেহে আগন্তুক প্ৰজন্মক অনুপ্ৰেৰণা যোগাব।

অনুষ্ঠানজুৰি অনুভৱ কৰা গ’ল এক সুন্দৰ বৌদ্ধিক আৰু সাংস্কৃতিক আৱহ য’ত কৃতিত্বৰ সন্মানৰ লগতে সমাজ, শিক্ষা আৰু মূল্যবোধৰ কথাও সমানভাৱে উচ্চাৰিত হ’ল। অতিথিসকলৰ অনুপ্ৰেৰণাদায়ক ভাষণে ছাত্ৰ-ছাত্ৰীসকলৰ মনত নতুন সপোনৰ বীজ ৰোপণ কৰাৰ লগতে জীৱনৰ পথত দৃঢ়তা আৰু নিষ্ঠাৰে আগুৱাই যোৱাৰ প্ৰেৰণা জগাই তোলে ।

সকলো কৃতী ছাত্ৰ-ছাত্ৰীলৈ অ'এনজিচি পূৰ্বাঞ্চল এমপ্ল'ইজ এছ'চিয়েচনৰ ফালৰ পৰা পুনৰাই জনালোঁ আন্তৰিক অভিনন্দন আৰু শুভাশিস । তোমালোকৰ জ্ঞান, মেধা আৰু মানৱিকতাৰে উজলি উঠক আগন্তুক অসম, শক্তিশালী হওক সমাজ আৰু গৌৰৱোজ্জ্বল হওক আমাৰ মাতৃভূমি ।

#পাপৰি_চেতিয়া
্মা
#বসন্ত_গগৈ
#অভিনন্দন_৩_০
#সদৌ_অসম_ছাত্ৰ_সন্থা
#সদৌ_তাই_আহোম_ছাত্ৰ_সন্থা


Utpal Sarma Papori Chetia Basanta Gogoi Uday Paswan

24/05/2026

22/05/2026

ABHINANDAN 3.0 - 2026

17/05/2026

For registration click the link below:

https://forms.gle/VCv7mF9W9UcfW9xQ9

13/05/2026

যোৱা ৮, ৯ আৰু ১০ মে’ ২০২৬ (২৪, ২৫ আৰু ২৬ ব’হাগ ) ONGC Nazira-ত অনুষ্ঠিত বৰ্ণাঢ্য সাংস্কৃতিক সমাৰোহ “বসন্ত উৎসৱ ২০২৬”-ৰ কিছু মনোমুগ্ধকৰ আৰু স্মৃতিমধুৰ স্থিৰচিত্ৰ।

13/01/2026

সদৌটিলৈকে ভোগালী বিহুৰ আন্তৰিক ওলগ জনালোঁ ।