16/06/2026
മാനദണ്ഡ വിരുദ്ധമായ ലൈസൺ ഓഫീസർ നിയമനം റദ്ദ് ചെയ്യുന്നതിനും, ആരോഗ്യവകുപ്പ് ഡയറക്ടറുടെ അന്യായമായ സ്ഥലം മാറ്റത്തിനൂമെതിരെ എൻ.ജി.ഒ യൂണിയൻ, കെ.ജി.ഒ.എ, കെ.ജി.എൻ.എ സംയുക്തമായി പ്രതിഷേധം സംഘടിപ്പിച്ചു. ആരോഗ്യ വകുപ്പിൽ ഓൺലൈൻ സ്ഥലം മാറ്റം വിളിച്ചിരുന്നതിനാൽ ഭരണമാറ്റത്തെ തുടർന്ന് ഭരണാനുകൂല സംഘടനകളും ഭരണ പക്ഷ MLA മാരും നൽകിയ സ്ഥലം മാറ്റങ്ങൾ നൽകാൻ കഴിയില്ലെന്ന് വ്യക്തമാക്കിയതുമാണ് ഡി. എച്ച്.എസിനെ സ്ഥലം മാറ്റാൻ കാരണം. നിപ , ഷിഗല്ലെ ഉൾപ്പെടെ മാരക രോഗങ്ങളും കേരളമാകെ പനിക്കിടക്കയിലായ സാഹചര്യത്തിലും 350 ലേറെ ഡോക്ടർമാരേയും പൊതുജനാരോഗ്യ ജീവനക്കാരെയും വ്യാപകമായി സ്ഥലം മാറ്റാൻ ആവശ്യപ്പെട്ടു
എന്നാൽ നിലവിലെ ആരോഗ്യ സാഹചര്യത്തിലും ഓൺലൈൻ സ്ഥലം മാറ്റം വിളിച്ചതു കാരണവും മാനദണ്ഡ വിരുദ്ധ സ്ഥലംമാറ്റങ്ങൾ ചെയ്യാൻ കഴിയില്ലെന്ന് ഡോ . റീന കെ ജെ അറിയിച്ചതിനെ തുടർന്നാണ് 2 ദിവസം മാത്രം ലീവെടുത്ത ഡോ. കെ.ജെ.റീനയെ മാറ്റിയത്. കൂടാതെ ആരോഗ്യ വകുപ്പിൽ അനധികൃത ഇടപെടലുകൾക്കായി രണ്ട് നേഴ്സിംഗ് ഓഫീസർമാരെ ലൈസൺ ഓഫീസർ മാരായി നിയമിച്ചത് കേട്ടു കേൾവി പോലും ഇല്ലാത്തതാണ്. ആരോഗ്യ സ്ഥാപനങ്ങളിൽ ജീവനക്കാരുടെ കുറവ് നേരിടുമ്പോൾ ആണ് യാതൊരുവിധ ജോലിയും ചുമതലയും നൽകാതെ അനധികൃത നിയമനം നൽകിയിട്ടുള്ളത്.
പത്തനംതിട്ട ഡിഎംഒ ഓഫീസിനു മുന്നിൽ നടന്ന പ്രതിഷേധ സമരം യൂണിയൻ സംസ്ഥാന സെക്രട്ടറിയേറ്റ് അംഗം സ സി വി സുരേഷ്കുമാർ ഉദ്ഘാടനം ചെയ്തു.
