06/12/2025
*സൗജന്യ വനിതാ സംരംഭകത്വ തൊഴിൽ പരിശീലന പരിപാടി ഉദ്ഘാടനം ചെയ്തു.
ആലത്തൂർ : ആക്സെഞ്ച്വർ , എൻ്റർപ്രണർഷിപ് ഡെവലപ്മെൻ്റ് ഇൻസ്റ്റിറ്റ്യൂട്ട് ഓഫ് ഇന്ത്യ (EDII) എന്നിവയുടെ നേതൃത്വത്തിൽ
നെന്മാ സെൻറർ ഫോർ ലൈഫ് സ്കിൽ ലേണിംഗിൻ്റെ (CLSL) സഹകരണത്തോടെ ആരംഭിക്കുന്ന
26 ദിവസത്തെ സൗജന്യ വനിതാ സംരഭകത്വ തൊഴിൽ പരിശീലന കോഴ്സിൻ്റെ ഉദ്ഘാടനം പ്രശസ്ത സിനിമാതാരം ശ്രീ. ദേവൻ നിർവ്വഹിച്ചു. ചടങ്ങിൽ CLSL ഡയറക്ടർ അശോക് നെന്മാറ അധ്യക്ഷയായിരുന്നു. EDI ജില്ലാ പ്രോഗ്രാം ഓഫീസർ ശിബിഷ്ണു ആമുഖ പ്രഭാഷണം നടത്തി. CLSL പ്രവർത്തകരായ അക്ഷര രവീന്ദ്രൻ , ചിജീഷ്.എസ് , കോഴിക്കോട് ലിസ്സ കോളേജ് സാമൂഹ്യ പ്രവർത്തന വിഭാഗം പ്രതിനിധികളായ അലൻ തോമസ്, ദീപിക, അമൽഡ സജി, കോകില എന്നിവർ സംസാരിച്ചു.
ജില്ലയിൽ നിന്നും തിരഞ്ഞെടുക്കപ്പെട്ട 55 വനിതകൾക്കാണ് കരകൗശല വസ്തുക്കളുടെയും ജ്വല്ലറി മേക്കിങ്ങിൻ്റെയും പരിശീലനം നൽകുന്നത്. പരിശീലനം പൂർണ്ണമായും സൗജന്യമായിരിക്കും.
കോഴ്സ് വിജയകരമായി പൂർത്തിയാക്കുന്നവർക്ക് *എൻ്റർപ്രണർഷിപ് ഡെവലപ്മെൻ്റ് ഇൻസ്റ്റിറ്റ്യൂട്ട് ഓഫ് ഇന്ത്യയും ആക്സെഞ്ച്വറും സംയുക്തമായി നൽകുന്ന സർട്ടിഫിക്കറ്റുകൾ ലഭ്യമാക്കും*
അതോടൊപ്പം 26 ദിന പരിശീലനത്തിൽ *വിവിധ സംരഭകത്വ വായ്പാ പദ്ധതികൾ, സംരംഭങ്ങളുടെ രജിട്രേഷൻ, ലൈസൻസുകൾ ഉൽപ്പന്നങ്ങളുടെ മാർക്കറ്റിംഗ്, ഡിജിറ്റൽ മാർക്കറ്റിംഗ്, ഇന്നോവേഷൻ, പാക്കേജിങ്, ബ്രാൻഡിംഗ്, ലോഗോ നിർമ്മാണം* തുടങ്ങിയ വിവിധ വിഷയങ്ങളിൽ ക്ലാസ്സുകളും നൽകും. സംരംഭ രൂപീകരണത്തിന് സഹായവും പിന്തുണയും ഉറപ്പ് വരുത്തും. ആലത്തൂർ സ്വാതി ജംഗ്ഷനിലുള്ള കുടുംബശ്രീ ഹാളിൽ വച്ചാണെ പരിശീലനം.
