Upkar Co-ordination Society Nawanshahr (Pb)

28/08/2026

ਦਰਸ਼ਨ ਦੀਦਾਰੇ ਇਤਿਹਾਸਕ ਬੇਈਂ, ਨਜ਼ਦੀਕ ਗੁਰਦੁਆਰਾ ਬੇਰ ਸਾਹਿਬ ਸ੍ਰੀ ਸੁਲਤਾਨਪੁਰ ਲੋਧੀ ਵਿਖੇ "ਉਪਕਾਰ ਕੋਆਰਡੀਨੇਸ਼ਨ ਸੋਸਾਇਟੀ ਨਵਾਂਸ਼ਹਿਰ" ਦੇ ਮੈਂਬਰ ਵਿਖਾਈ ਦੇ ਰਹੇ ਹਨ।
Members of the "Upkar Coordination Society Nawanshahr" are seen at the historical Bein, near Gurdwara Ber Sahib Sri Sultanpur Lodhi.

28/08/2026

ਸਮਾਜਿਕ ਬੁਰਾਈਆਂ ਦੀ ਰੋਕਥਾਮ ਲਈ "ਉਪਕਾਰ ਕੋਆਰਡੀਨੇਸ਼ਨ ਸੋਸਾਇਟੀ ਨਵਾਂਸ਼ਹਿਰ" ਨੇ ਜਾਗਰੂਕਤਾ ਹਿੱਤ ਲੋਕ ਤਿਓਹਾਰਾਂ ਨੂੰ ਵੀ ਚੁਣਿਆਂ- ਇਸ ਮੰਤਵ ਲਈ ਲਈ ਧਾਰਮਿਕ ਉਚਾਰਨ, ਵਿਸ਼ੇਸ਼ ਗੀਤ ਅਤੇ ਲੋਕ-ਬੋਲੀਆਂ ਤਿਆਰ ਤੇ ਉਚਾਰਨ ਕਰਨ ਵਾਲ੍ਹੀਆਂ ਸ਼ਖ਼ਸੀਅਤਾਂ ਸ.ਗੁਰਚਰਨ ਸਿੰਘ ਬਸਿਆਲ੍ਹਾ, ਸ.ਜੋਗਾ ਸਿੰਘ ਸਾਧੜਾ, ਸ੍ਰੀ ਦੇਸ ਰਾਜ ਬਾਲੀ ਅਤੇ ਸ੍ਰੀ ਓਮਕਾਰ ਮਹਿੰਦੀਪੁਰੀ ਨੇ ਇਤਿਹਾਸ ਸਿਰਜਿਆ ਹੈ। ਅਜਿਹੀਆਂ ਹਨ ਇਹ ਯਾਦਗਾਰੀ ਤਸਵੀਰਾਂ ਜੋ ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਸੜੋਆ ਬਲਾਕ ਅਧੀਨ ਪਿੰਡ ਪੈਲ੍ਹੀ ਨਾਲ੍ਹ ਸਬੰਧਤ ਹਨ।
To prevent social evils, "Upkar Coordination Society Nawanshahr" also selects folk festivals for awareness - for this purpose, religious and special songs were prepared and sung by personalities like S. Gurcharan Singh Basiala, S. Joga Singh Sadhra, Mr. Des Raj Bali and Mr. Omkar Mehndipuri who created history. Such are these memorable pictures which are related to village Peily under Saroya Block of Distt.Shaheed Bhagat Singh Nagar Pb.

11/08/2026

ਜਾਗਰੂਕਤਾ ਲਈ ਨਾਟਕਾਂ ਦਾ ਪ੍ਰਭਾਵ:- ਸਾਲ 2005-07 ਦੌਰਾਨ ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ (ਤੱਤਕਾਲੀ ਨਵਾਂਸ਼ਹਿਰ) ਵਿੱਚ "ਨਵ-ਜਨਮੀਆਂ ਧੀਆਂ" ਨੂੰ ਬਚਾਉਣ ਦੀ ਜ਼ੋਰਦਾਰ ਲਹਿਰ ਆਰੰਭ ਹੋ ਚੁੱਕੀ ਸੀ। ਮੌਕੇ ਦੇ ਡਿਪਟੀ ਕਮਿਸ਼ਨਰ ਸ੍ਰੀ ਕ੍ਰਿਸ਼ਨ ਕੁਮਾਰ IAS ਜੀ ਵਲੋਂ "ਉਪਕਾਰ ਕੋਆਰਡੀਨੇਸ਼ਨ ਸੋਸਾਇਟੀ ਨਵਾਂਸ਼ਹਿਰ" ਦੇ ਅਹੁਦੇਦਾਰਾਂ ਨਾਲ੍ਹ ਮੀਟਿੰਗ ਕਰਦਿਆਂ ਪ੍ਰੇਰਨਾ ਕੀਤੀ ਗਈ ਕਿ ਜਿਲ੍ਹੇ ਵਿੱਚ ਧੀਆਂ ਨੂੰ ਬਚਾਉਣ ਲਈ ਜਾਗਰੂਕਤਾ ਦੇ ਹੋਰ ਯਤਨਾਂ ਤੋਂ ਇਲਾਵਾ ਪਿੰਡਾਂ, ਕਸਬਿਆਂ ਵਿੱਚ ਰਾਤਰੀ ਨਾਟਕ ਵੀ ਕਰਵਾਏ ਜਾਣ। ਉਲੀਕੇ ਪ੍ਰੋਗਰਾਮਾਂ ਤੇ ਅਮਲ ਕਰਦਿਆਂ ਪੰਜ ਨਾਟਕ ਪ੍ਰਤੀ ਬਲਾਕ ਉਲੀਕੇ ਗਏ। ਪਹਿਲੇ ਗੇੜ੍ਹ ਵਿੱਚ 25 ਨਾਟਕਾਂ ਦਾ ਪ੍ਰੋਗਰਾਮ ਬਣਿਆ। ਵੱਖ ਵੱਖ ਸਥਾਪਿਤ ਨਾਟਕ ਕਲਾ ਕੇਂਦਰਾਂ ਨੂੰ ਪੰਜ-ਪੰਜ ਪਿੰਡ ਅਲਾਟ ਕੀਤੇ ਗਏ। ਪਹਿਲਾ ਰਾਤਰੀ ਨਾਟਕ ਪਿੰਡ ਕਾਹਮਾ ਵਿੱਚ ਆਯੋਜਿਤ ਕੀਤਾ ਗਿਆ ਜਿੱਥੇ ਸ੍ਰੀ ਕ੍ਰਿਸ਼ਨ ਕੁਮਾਰ IAS ਖੁਦ ਪੁੱਜੇ, ਸੰਬੋਧਨ ਕਰਦਿਆਂ ਧੀਆਂ ਨੂੰ ਬਚਾਉਣ ਦੀ ਪ੍ਰੇਰਨਾ ਕੀਤੀ ਸੀ । ਮੁੱਖ ਤੌਰ ਤੇ "ਪ੍ਰਗਤੀ ਕਲਾ ਕੇਂਦਰ ਲਾਂਧੜਾ" ਦੀ ਰੰਗਮੰਚ ਟੀਮ ਨੇ ਜਾਗਰੂਕਤਾ ਨਾਟਕ ਪੇਸ਼ ਕੀਤੇ। ਸਾਰੇ ਹੀ ਨਾਟਕ ਹਾਜਰੀ ਤੇ ਪਬਲਿਕ ਹੁੰਗਾਰੇ ਪੱਖੋਂ ਉਤਸ਼ਾਹਜਨਕ ਸਾਬਤ ਹੋਏ। ਇਸ ਤਰ੍ਹਾਂ ਜਾਗਰੂਕਤਾ ਲਹਿਰ ਉਸਾਰਨ ਲਈ ਨਾਟਕਾਂ ਨੇ ਭਾਸ਼ਨਾਂ ਤੋਂ ਵੱਧ ਕੰਮ ਕੀਤਾ।

09/08/2026

ਉਦੇਸ਼:- " ਰੰਗਮੰਚ ਸਮਾਜਿਕ ਤਬਦੀਲੀ ਲਈ"ਉਦੇਸ
Aim:- Theatre for Social change

ਬਚਪਨ ਤੋਂ ਨਾਟਕ ਵੇਖਣ ਦਾ ਬਹੁਤ ਸ਼ੌਕ ਰਿਹਾ... ਇਸ ਦਾ ਕਾਰਨ ਪਿੰਡ ਵਿੱਚ ਇਨਕਲਾਬੀ ਨਾਟਕ ਵੇਖਦੇ ਵੇਖਦੇ ਹੋਸ਼ ਸੰਭ੍ਹਾਲੀ..ਪ੍ਰੀਵਾਰਕ ਮੈਂਬਰ ਇਹਨਾਂ ਪ੍ਰੋਗਰਾਮਾਂ ਦੇ ਹੋਸਟ ਵੀ ਹੁੰਦੇ ਸਨ ਤੇ ਅਦਾਕਾਰ ਵੀ..ਪਿਤਾ ਜੀ ਸਵ: ਕਾ.ਚੈਨ ਸਿੰਘ ਗਿੱਦਾ, ਚਾਚਾ ਜੀ ਕਾ.ਹਰਨਾਮ ਸਿੰਘ, ਭਾਜੀ ਸ.ਤ੍ਰਲੋਕ ਸਿੰਘ ਗਿੱਦਾ (ਟੈਰੀ ਗਿੱਦਾ) ,ਸ. ਮਹਿੰਦਰ ਸਿੰਘ ਗਿੱਦਾ, ਚਚੇਰਾ ਭਾਈ ਸਵ: ਮੋਹਣ ਸਿੰਘ ਗਿੱਦਾ, ਸ.ਦਲਜੀਤ ਸਿੰਘ ਗਿੱਦਾ, ਦੋਸਤ ਸ.ਮੇਜਰ ਸਿੰਘ ਦਾਨੀ ਯੂ.ਕੇ, ਸ.ਜਸਵੀਰ ਸਿੰਘ ਜੱਸੀ ਅਤੇ ਸ.ਬਹਾਦਰ ਸਿੰਘ ਸੁੱਜੋਂ ਆਦਿ ਨਾਲ੍ਹ ਅਜਿਹੀਆਂ ਯਾਦਾਂ ਜੁੜੀਆਂ ਹੋਈਆਂ ਹਨ। ਸ੍ਰੀ ਹਰਨਾਮ ਸਿੰਘ ਨਰੂਲਾ, ਸ੍ਰੀ ਰਾਜਿੰਦਰ ਭੋਗਲ,ਬਾਵਾ ਕੁਲਦੀਪ ਤੇ ਸ੍ਰੀ ਜੋਗਿੰਦਰ ਬਾਹਰਲਾ ਦੇ ਦਿਨ ਅੱਜ ਵੀ ਸਤਾਉਂਦੇ ਹਨ ਜਦੋਂ ਰੇਹੜੀਆਂ ਰੋੜ੍ਹ ਕੇ ਸਟੇਜਾਂ ਬਣਾਉਣ ਚ’ ਸਹਿਯੋਗ ਕਰਨਾ ਤੇ ਗੈਸ ਲੈਂਪ ਤੇ ਸਪੀਕਰ ਸੈੱਟ ਕਰਵਾਉਣੇ। ਕਲਾਕਾਰਾਂ ਦੇ ਖਾਣੇ ਰਹਾਇਸ਼ ਦੇ ਪ੍ਰਬੰਧਕ ਬਣਨ ਦਾ ਚਾਅ ਰਹਿੰਦਾ ਸੀ। ਇਸੇ ਸ਼ਰਧਾ ਨਾਲ੍ਹ ਪੰਜਾਬ ਦੇ ਸ਼ਹਿਰ ਮੌਹਾਲ੍ਹੀ ਵਿਖੇ ਸਥਾਪਿਤ “ਸੁਚੇਤਕ ਰੰਗਮੰਚ” ਦੀਆਂ ਦੇਸ ਵਿਦੇਸ਼ ਵਿਖੇ ਹੁੰਦੀਆਂ ਸਰਗਰਮੀਆਂ ਨੂੰ ਸੋਸ਼ਲ ਮੀਡੀਏ ਰਾਹੀਂ ਵੇਖਦਾ ਰਿਹਾ ਹਾਂ । ਸੰਸਥਾ ਨੇ ਆਪਣਾ ਉੱਚਾ ਆਦਰਸ਼ “ਰੰਗਮੰਚ ਸਮਾਜਿਕ ਤਬਦੀਲੀ ਲਈ” ਰੱਖਿਆ ਹੋਇਆ ਹੈ। ਰੰਗਮੰਚ ਦੇ ਪ੍ਰਧਾਨ ਮੈਡਮ ਅਨੀਤਾ ਸ਼ਬਦੀਸ਼, ਮੀਤ ਪ੍ਰਧਾਨ ਮੈਡਮ ਰਮਨ ਢਿੱਲੋਂ, ਸਕੱਤਰ ਸ੍ਰੀ ਸ਼ਬਦੀਸ਼ ਜੀ ਸਮੇਤ 17 ਮੈੱਬਰ ਹਨ । ਪਿਛਲੇ 27 ਸਾਲ ਤੋਂ ਰੰਗਮੰਚ ਨੂੰ ਸਮਰਪਿਤ ਸੁਚੇਤਕ ਰੰਗਮੰਚ (ਰਜਿ:) ਮੋਹਾਲ੍ਹੀ ਨੂੰ ਨਾਟਕ ਲੇਖਕ ਸ਼ਖ਼ਸੀਅਤ ਡਾ. ਆਤਮਜੀਤ, ਪ੍ਰੋ: ਡਾ.ਰਾਣੀ ਬਲਵੀਰ ਕੌਰ (ਇੰਡੀਅਨ ਥੀਏਟਰ, ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ), ਸ੍ਰੀ ਬੀਨੂੰ ਢਿੱਲੋਂ, ਐਕਟਰ ਸ੍ਰੀ ਨੀਨਜਾ ਤੇ ਸ੍ਰੀ ਮਨਭਵਨ ਸਿੰਘ (ਫਿਲਮ ਡਾਇਰੈਕਟਰ) ਵਰਗੀਆਂ ਪ੍ਰਸਿੱਧ ਸ਼ਖ਼ਸੀਅਤਾਂ ਨੇ ਸਨਮਾਨਯੋਗ ਸ਼ਬਦਾਂ ਨਾਲ੍ਹ ਨਿਵਾਜਿਆ ਹੈ। ਸੰਸਥਾ ਦਾ ਮੰਨਣਾ ਹੈ ਕਿ ਅਭਿਨੇਤਾ ਦੀ ਸਿਖਲਾਈ ਇੱਕ ਤੀਬਰ ਪ੍ਰਕਿਰਿਆ ਹੈ ਜਿਸ ਲਈ ਉਤਸੁਕਤਾ, ਹਿੰਮਤ ਅਤੇ ਵਚਨਬੱਧਤਾ ਦੀ ਲੋੜ ਹੁੰਦੀ ਹੈ। “ਸੁਚੇਤਕ ਸਕੂਲ ਆਫ਼ ਐਕਟਿੰਗ” ਵਿਖੇ, ਅਭਿਨੇਤਾ ਸਿਖਲਾਈ ਦਾ ਫਲਸਫਾ ਸਮੂਹ 'ਤੇ ਅਧਾਰਤ ਹੈ, ਜੋ ਤੁਹਾਨੂੰ ਤੁਹਾਡੀ ਕਲਪਨਾ, ਸੀਮਾ, ਹੁਨਰ ਅਤੇ ਤਕਨੀਕ ਵਿਕਸਤ ਕਰਨ ਵਿੱਚ ਮਦਦ ਕਰਦਾ ਹੈ। ਸੁਚੇਤਕ ਸਕੂਲ ਆਫ਼ ਐਕਟਿੰਗ ਸਿਖਲਾਈ ਪ੍ਰਣਾਲੀ ਵਿੱਚ ਸਭ ਤੋਂ ਨਵੀਨਤਮ ਅਤੇ ਵਿਆਪਕ ਤਕਨੀਕਾਂ ਅਤੇ ਵਿਧੀਆਂ ਸ਼ਾਮਲ ਹਨ ਜੋ ਪ੍ਰੇਰਨਾਦਾਇਕ ਅਤੇ ਸਸ਼ਕਤੀਕਰਨ ਸਾਬਤ ਹੋਈਆਂ ਹਨ। ਕੋਰਸ ਨੂੰ ਧਿਆਨ ਨਾਲ ਵਿਦਿਆਰਥੀਆਂ ਨੂੰ ਸਰੀਰਕ, ਵੋਕਲ, ਮਾਨਸਿਕ ਅਤੇ ਭਾਵਨਾਤਮਕ ਹੁਨਰਾਂ ਦੇ ਇੱਕ ਪਰਿਪੱਕ ਪੱਧਰ ਨਾਲ ਲੈਸ ਕਰਨ ਲਈ ਤਿਆਰ ਕੀਤਾ ਗਿਆ ਹੈ ਜੋ ਥੀਏਟਰ ਫਿਲਮ ਅਤੇ ਟੈਲੀਵਿਜ਼ਨ ਨਾਲ ਉਨ੍ਹਾਂ ਦੇ ਰੁਝੇਵਿਆਂ ਲਈ ਇੱਕ ਮਜ਼ਬੂਤ ਨੀਂਹ ਰੱਖਦੇ ਹਨ। ਮੁੱਖ ਤੌਰ 'ਤੇ ਕੋਨਸਟੈਂਟਿਨ ਸਟੈਨਿਸਲਾਵਸਕੀ, ਬਰਟੋਲਟ ਬ੍ਰੇਖਟ, ਜੇਰਜ਼ੀ ਗ੍ਰੋਟੋਵਸਕੀ ਅਤੇ ਚਾਰਲੀ ਚੈਪਲਿਨ ਦੇ ਅਧਿਆਪਨ ਅਤੇ ਅਭਿਆਸਾਂ ਦੇ ਨਾਲ-ਨਾਲ ਥੀਏਟਰ ਅਤੇ ਸਕ੍ਰੀਨ ਦੇ ਸਾਰੇ ਵਿਸ਼ਿਆਂ ਦੇ ਕੰਮ 'ਤੇ ਡਰਾਇੰਗ। ਅਦਾਕਾਰੀ ਪ੍ਰੋਗਰਾਮ ਸਿਖਾਂਦਰੂ ਕਲਾਕਾਰ ਨੂੰ ਸਟੇਜ ਦੀ ਅਦਾਕਾਰੀ ਤੋਂ ਲੈ ਕੇ ਵਿਅਕਤੀਗਤ ਤਕਨੀਕੀ ਹੁਨਰਾਂ ਦਾ ਇੱਕ ਸਪਸ਼ਟ ਸਮੂਹ ਵਿਕਸਤ ਕਰਨ ਵਿੱਚ ਮਦਦ ਕਰਦਾ ਹੈ। ਮਹੱਤਵਪੂਰਨ ਆਲੋਚਨਾਤਮਕ ਅਤੇ ਮੁਲਾਂਕਣ ਹੁਨਰ ਸਿਖਾਂਦਰੂ ਕਲਾਕਾਰ ਨੂੰ ਸੈਟਜ ਅਤੇ ਸਕ੍ਰੀਨ ਲਈ ਸਭ ਤੋਂ ਵਧੀਆ ਕੰਮ ਕਰਨ ਦੇ ਯੋਗ ਬਣਾਏਗਾ। ਸਿਖਾਂਦਰੂ ਕਲਾਕਾਰ ਦੀ ਕਲਪਨਾ ਨੂੰ ਨਾਟਕਾਂ, ਸੁਧਾਰ ਅਤੇ ਦ੍ਰਿਸ਼ਾਂ ਦੇ ਕੰਮ ਰਾਹੀਂ ਵਿਕਸਤ ਕਰੇਗਾ। ਸਮਕਾਲੀ ਕੋਰਸ ਸਿਖਾਂਦਰੂ ਕਲਾਕਾਰ ਨੂੰ ਲਾਈਵ ਸਕ੍ਰੀਨ ਜਾਂ ਰੇਡੀਓ ਦਰਸ਼ਕਾਂ ਦੇ ਸਾਹਮਣੇ ਇੱਕ ਦਿਲਚਸਪ, ਰਚਨਾਤਮਕ ਕਰੀਅਰ ਲਈ ਤਿਆਰ ਕਰੇਗਾ। ਇਹ ਤਿੰਨ ਮਹੀਨਿਆਂ ਦਾ ਕੋਰਸ ਸਿਖਾਂਦਰੂ ਕਲਾਕਾਰ ਨੂੰ ਇੱਕ ਅਦਾਕਾਰ ਬਣਨ ਦੀ ਸਿਖਲਾਈ ਦਿੰਦਾ ਹੈ, ਮੁੱਖ ਧਾਰਾ, ਅਦਾਕਾਰੀ ਤਕਨੀਕਾਂ ਦਾ ਇੱਕ ਮੁੱਖ ਵਿਹਾਰਕ ਜਾਣ-ਪਛਾਣ ਪ੍ਰਦਾਨ ਕਰਦਾ ਹੈ । ਵਿਦਿਆਰਥੀਆਂ ਨੂੰ ਕੰਮ ਦੀ ਇੱਕ ਆਲੋਚਨਾਤਮਕ ਸੰਖੇਪ ਜਾਣਕਾਰੀ ਅਪਣਾਉਣ ਅਤੇ ਆਪਣੇ ਲਈ ਮੁਲਾਂਕਣ ਕਰਨ ਲਈ ਉਤਸ਼ਾਹਿਤ ਕਰਦਾ ਹੈ, ਕਲਾਸ ਚਰਚਾ ਦੁਆਰਾ ਅਤੇ ਕਾਗਜ਼ 'ਤੇ ਪ੍ਰਤੀਬਿੰਬਤ ਵਿਸ਼ਲੇਸ਼ਣ ਦੁਆਰਾ।
ਅਦਾਕਾਰੀ ਦੇ ਸ਼ੌਕ ਤਹਿਤ ਅੱਗੇ ਵੱਧਣ ਲਈ “ਸੁਚੇਤਕਾ ਸਕੂਲ ਆਫ਼ ਐਕਟਿੰਗ” ਸ਼ੁਰੂਆਤ ਕਰਨ ਲਈ ਇੱਕ ਆਦਰਸ਼ ਜਗ੍ਹਾ ਹੈ। ਇੱਥੇ 3 ਮਹੀਨਿਆਂ ਦਾ ਐਕਟਿੰਗ ਕੋਰਸ ਪ੍ਰਦਾਨ ਕੀਤਾ ਜਾਂਦਾ ਹੈ ਜਿਸ ਵਿੱਚ ਸ਼ਾਮਲ ਹਨ:-
1.ਫਿਟਨੈਸ ਕਲਾਸ (ਸਰੀਰਕ ਅਤੇ ਮਾਨਸਿਕ ਤੰਦਰੁਸਤੀ)
2. ਐਕਟਿੰਗ ਕਲਾਸ (ਸਟੇਜ ਅਤੇ ਕੈਮਰਾ ਐਕਟਿੰਗ)
3, ਸ਼ਖਸੀਅਤ ਵਿਕਾਸ ਕਲਾਸ
4. ਅਵਾਜ਼ ਮੋਡੂਲੇਸ਼ਨ ਕਲਾਸ
5. ਪ੍ਰੈਕਟੀਕਲ ਟ੍ਰੇਨਿੰਗ
ਦੱਸਿਆ ਗਿਆ ਹੈ ਕਿ ਇਹ ਕੋਰਸ ਹਫ਼ਤੇ ਵਿੱਚ ਪੰਜ ਸਵੇਰੇ ਚੌਵੀ ਹਫ਼ਤਿਆਂ ਵਿੱਚ ਹੁੰਦਾ ਹੈ ਅਤੇ ਥੀਏਟਰ ਅਤੇ ਫਿਲਮ ਇੰਡਸਟਰੀ ਵਿੱਚ ਕੰਮ ਕਰਨ ਦੇ ਸਾਲਾਂ ਦੀ ਸਿਖਲਾਈ ਅਤੇ ਤਜਰਬੇ ਵਾਲੇ ਕਈ ਹੁਨਰਮੰਦ ਟਿਊਟਰਾਂ ਦੁਆਰਾ ਸਿਖਾਇਆ ਜਾਂਦਾ ਹੈ। ਇਹ ਕੋਰਸ ਉਨ੍ਹਾਂ ਲੋਕਾਂ ਲਈ ਵੀ ਇੱਕ ਸੰਪੂਰਨ ਫਿੱਟ ਹੈ ਜੋ ਆਪਣੇ ਆਤਮਵਿਸ਼ਵਾਸ ਅਤੇ ਪੇਸ਼ਕਾਰੀ ਦੇ ਹੁਨਰ ਨੂੰ ਬਿਹਤਰ ਬਣਾਉਣਾ ਚਾਹੁੰਦੇ ਹਨ। ਕੋਰਸ ਦੌਰਾਨ ਵਿਦਿਆਰਥੀ ਨੂੰ “ਸੁਚੇਤਕ ਸਕੂਲ ਆਫ਼ ਐਕਟਿੰਗ” ਦੁਆਰਾ ਤਿਆਰ ਕੀਤੇ ਜਾਣ ਵਾਲੇ ਪ੍ਰੋਡਕਸ਼ਨ ਦਾ ਹਿੱਸਾ ਬਣਨ ਦਾ ਮੌਕਾ ਦਿੰਦਾ ਹੈ।
ਲਾਭ ਅਤੇ ਸਿੱਖਿਆਵਾਂ:-
1. ਬੁਨਿਆਦੀ ਸੁਧਾਰ ਦੇ ਹੁਨਰ ਅਤੇ ਅਦਾਕਾਰੀ ਤਕਨੀਕਾਂ ਸਿੱਖਣਾ!
2. ਆਵਾਜ਼ ਅਤੇ ਸਰੀਰ ਉੱਤੇ ਆਪਣੀ ਕਮਾਂਡ ਬਾਰੇ ਵਧੇਰੇ ਜਾਗਰੂਕਤਾ !
3. ਸਮੂਹਿਕ ਕੰਮ ਦੀ ਊਰਜਾ ਅਤੇ ਉਤਸ਼ਾਹ ਦਾ ਅਨੁਭਵ !
4. ਪਾਤਰਾਂ ਨੂੰ ਸਮਝਣ ਅਤੇ ਵਿਕਸਤ ਕਰਨ ਦੀ ਜਾਣ-ਪਛਾਣ !
5. ਟੀਮ ਭਾਵਨਾ ਦਾ ਵਿਕਾਸ !
SUCHETAK RANGMANCH MOHALI (Theatre For Social Change)
Suchetak Rangmanch (Regd.) Mohali was established in 1999.
Mbl. 091-98148 03773
[email protected]
Add:-SCO-949 Sector 70, Mataur Market, Sahibzada Ajit
Singh Nagar ( Mohali) Punjab 160055

24/06/2026

26 ਜੂਨ ਦੇ ਵਿਸ਼ਵ ਨਸ਼ਾ ਵਿਰੋਧੀ ਜਾਗਰੂਕਤਾ ਦਿਵਸ ਨੂੰ ਸਮਰਪਿਤ ਸੈਮੀਨਾਰ:- "ਰੈੱਡ ਕਰਾਸ ਨਸ਼ਾ ਪੀੜ੍ਹਤਾਂ ਲਈ ਏਕੀਕ੍ਰਿਤ ਮੁੜ ਵਸੇਬਾ ਕੇਂਦਰ” ਨਵਾਂਸ਼ਹਿਰ ਵਲੋਂ “ਉਪਕਾਰ ਕੋਆਰਡੀਨੇਸ਼ਨ ਸੋਸਾਇਟੀ” ਨਵਾਂਸ਼ਹਿਰ ਅਤੇ “ਦੀਨ ਦਿਆਲ ਉਪਾਧਿਆਇ ਸਕਿਲ ਡਿਵੈਲਪਮੈਟ ਸੈਂਟਰ” ਦੇ “ਆਫ਼ਰੀਨ ਐਜੂਕੇਸ਼ਨ ਟਰੱਸਟ (ਦੋਆਬਾ ਗਰੁੱਪ ਆੱਫ ਕਾਲਿਜ਼ਜ) ਦੇ ਸਹਿਯੋਗ ਨਾਲ੍ਹ ਪਿੰਡ ਛੋਕਰਾਂ (ਰਾਹੋਂ) ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਵਿਖੇ ਮਿਤੀ 24 ਜੂਨ 2026 ਨੂੰ ਵਿਸ਼ੇਸ਼ ਜਾਗਰੂਕਤਾ ਸੈਮੀਨਾਰ ਕਰਵਾਇਆ ਗਿਆ। ਇਹ ਦਿਨ, ਇਸ ਸਾਲ ਦੇ ਰੱਖੇ ਵਿਸ਼ੇ "ਨਸ਼ਾ ਮੁਕਤ ਭਾਰਤ ਅਭਿਆਨ-ਵਿਕਸਤ ਭਾਰਤ ਦੀ ਪਹਿਚਾਣ" ਦੇ ਆਧਾਰ ਤੇ ਮਨਾਇਆ ਗਿਆ। ਸੈਮੀਨਾਰ ਦੇ ਮੁੱਖ ਮਹਿਮਾਨ ਸ਼੍ਰੀ ਅਮਨਦੀਪ ਸਿੰਘ ਸੌਂਧੀ, ਡੀ.ਐਸ.ਪੀ. ਨਵਾਂਸ਼ਹਿਰ ਸਨ। ਵਿਸ਼ੇਸ਼ ਮਹਿਮਾਨ ਡਾ. ਰਾਜਨ ਸ਼ਾਸ਼ਤਰੀ (ਮਨੋਰੋਗਾਂ ਦੇ ਮਾਹਿਰ ਡਾਕਟਰ, ਸਿਵਲ ਹਸਪਤਾਲ ਨਵਾਂਸ਼ਹਿਰ) ਨੇ ਅੱਜ ਦੇ ਸਮੇਂ ਵਿੱਚ ਨੌਜਵਾਨਾਂ ਦੇ ਨਸ਼ੇ ਦੇ ਆਦੀ ਹੋਣ ਦੇ ਕਾਰਨਾਂ ਬਾਰੇ ਵਿਸਥਾਰ ਨਾਲ ਦੱਸਿਆ ਜਿਵੇਂ ਕਿ ਦੋਸਤਾਂ ਦਾ ਦਬਾਅ, ਪਰਿਵਾਰਕ ਸਮੱਸਿਆਵਾਂ, ਜਿੰਦਗੀ ਵਿੱਚ ਅਸਫਲਤਾਵਾਂ, ਆਦਿ। ਉਨਾ ਨੇ ਕਿਹਾ ਕਿ ਨਸ਼ਾ ਇੱਕ ਮਾਨਸਿਕ ਬਿਮਾਰੀ ਹੈ। ਜਿਹੜੇ ਨੌਜਵਾਨ ਨਸ਼ੇ ਦੀ ਦਲਦਲ ਵਿੱਚ ਫੱਸ ਚੁੱਕੇ ਹਨ, ਉਨਾਂ ਨਾਲ ਕਿਸੇ ਤਰ੍ਹਾਂ ਦਾ ਵਿਤਕਰਾ ਨਾ ਕਰਕੇ ਉਹਨਾਂ ਨੂੰ ਪਿਆਰ ਨਾਲ ਸਰਕਾਰ ਦੁਆਰਾ ਖੋਲੇ ਗਏ ਨਸ਼ੇ ਛੁਡਾਊ ਕੇਂਦਰਾਂ ਵਿਚੋ ਮੈਡੀਕਲ ਟਰੀਟਮੈਟ ਤਹਿਤ ਨਸ਼ੇ ਦੀ ਦਲਦਲ ਵਿੱਚੋਂ ਬਾਹਰ ਕੱਢਿਆ ਜਾ ਸਕਦਾ ਹੈ। ਮਰੀਜਾਂ ਅਤੇ ਉਨਾ ਦੇ ਮਾਤਾ-ਪਿਤਾ ਨੂੰ ਵੀ ਨਸ਼ੇ ਬਾਰੇ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ ਅਤੇ ਇਸ ਸਬੰਧੀ ਦਵਾਈਆਂ ਦੀ ਵੀ ਜਾਣਕਾਰੀ ਦਿੱਤੀ ਕਿ ਕਿਸ ਤਰ੍ਹਾਂ ਨਸ਼ੇ ਦੇ ਆਦੀ ਵਿਅਕਤੀਆਂ ਦਾ ਇਲਾਜ ਕੀਤਾ ਜਾਦਾ ਹੈ। ਉਨਾਂ ਨੇ ਐਚ ਏ ਐਲ ਟੀ ਨਾਮ ਦਾ ਇੱਕ ਫਾਰਮੂਲਾ ਸਾਂਝਾ ਕੀਤਾ ਤਾਂ ਕਿ ਨੋਜਵਾਨ ਨਸ਼ੇ ਤੋਂ ਦੂਰ ਰਹਿ ਸਕਣ। ਇਸ ਮੌਕੇ ਦੇ ਮੁੱਖ ਮਹਿਮਾਨ ਅਮਨਦੀਪ ਸਿੰਘ ਸੋਂਧੀ, ਡੀ. ਐਸ. ਪੀ. ਨਵਾਂਸ਼ਹਿਰ, ਸ. ਚਮਨ ਸਿੰਘ, ਪ੍ਰੋਜੈਕਟ ਡਾਇਰੈਕਟਰ, ਮਾਸਟਰ ਨਰਿੰਦਰ ਸਿੰਘ ਭਾਰਟਾ ਵਰਕਿੰਗ ਪ੍ਰਧਾਨ, ਉਪਕਾਰ ਕੋਆਰਡੀਨੇਸ਼ਨ ਸੁਸਾਇਟੀ, ਨਵਾਂਸ਼ਹਿਰ ਨੇ ਆਪਣੇ ਵਿਚਾਰ ਪੇਸ਼ ਕੀਤੇ ਕਿ ਆਖਿਆ ਕਿ ਨੌਜਵਾਨ ਹੀ ਸਾਡੇ ਦੇਸ਼ ਦਾ ਭਵਿਖ ਹਨ। ਇਸ ਲਈ ਉਹ ਆਪਣਾ ਸੁਪਨਾ ਪੂਰਾ ਕਰਨ ਲਈ ਸਖਤ ਮਿਹਨਤ ਕਰਨ ਅਤੇ ਪੜ ਲਿਖ ਕੇ ਉਚੇ ਅਹੁਦਿਆ ਤੇ ਦੇਸ਼ ਦੀ ਸੇਵਾ ਕਰਨ ਤਾਂ ਕਿ ਅਸੀ ਵਿਕਸਤ ਭਾਰਤ ਦੇ ਸਕੱਲਪ ਨੂੰ ਪੂਰਾ ਹੋ ਸਕੇ । ਸ੍ਰੀ ਜੀਤ ਰਾਮ ਹਿਆਲਾ (ਵਾਤਾਵਰਣ ਸੇਵਾ ਸੁਸਾਇਟੀ, ਰਾਹੋਂ) ਨੇ ਵੱਧ ਤੋਂ ਵੱਧ ਤੋਂ ਪੌਦੇ ਲਗਾਉਣ ਵਾਰੇ ਅਪੀਲ ਕੀਤੀ । ਸ਼੍ਰੀ ਗੁਰਪ੍ਰੀਤ ਸਿੰਘ (ਓ ਐਸ ਟੀ ਸੈਂਟਰ ਨਵਾਂਸ਼ਹਿਰ) , ਸ੍ਰੀ ਰਾਜ ਕੁਮਾਰ ( ਸੋਸਲ ਮੁਬਲਾਈਜੇਸਨ ਅਫਸਰ) ਨੇ ਵੱਖ ਵੱਖ ਜਾਣਕਾਰੀਆਂ ਸਾਂਝੀਆਂ ਕੀਤੀਆਂ। ਵਿਦਿਆਰਥੀ ਅਨੂਪ੍ਰੀਤ ਅਤੇ ਰਤਨਜੋਤੀ, ਕੋਮਲ ਨੇ ਕਵਿਤਾਵਾਂ ਪੇਸ਼ ਕੀਤੀਆਂ ਅਤੇ ਗਾਇਕ ਅਮਿਤ ਅਨਵਰ ਵਲੋਂ ਗੀਤ ਪੇਸ਼ ਕੀਤਾ ਗਿਆ। ਵਾਤਾਵਰਣ ਸੇਵਾ ਸੁਸਾਇਟੀ, ਰਾਹੋਂ ਵਲੋਂ ਬੂਟੇ ਲਗਾਏ ਗਏ। ਚਾਰਟ ਮੇਕਿੰਗ ਮੁਕਾਬਲੇ ਕਰਵਾਏ ਗਏ, ਜੇਤੂ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਗਿਆ। ਸੈਮੀਨਾਰ ਦੀ ਸਮਾਪਤੀ ਤੇ ਸ੍ਰੀਮਤੀ ਕਮਲਜੀਤ ਕੌਰ, ਕੌਂਸਲਰ ਨੇ ਸਾਰੀਆਂ ਆਈਆਂ ਹੋਈਆਂ ਸਖਸ਼ੀਅਤਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਉਪਕਾਰ ਸੋਸਾਇਟੀ ਵਲੋਂ ਮਾ. ਨਰਿੰਦਰ ਸਿੰਘ ਭਾਰਟਾ, ਸ੍ਰੀ ਦੇਸ ਰਾਜ ਬਾਲੀ, ਸ੍ਰੀ ਨਰਿੰਦਰਪਾਲ ਤੂਰ, ਸ੍ਰੀ ਬਹਾਦਰ ਸਿੰਘ ਸੁੱਜੋਂ, ਸ੍ਰੀ ਬਲਵਿੰਦਰ ਸਿੰਘ ਨਾਨੋਵਾਲ੍ਹ, ਸ੍ਰੀ ਹਰਪਾਲ ਸਿੰਘ ਹੰਸਰੋਂ ਜਦਕਿ ਸਥਾਨਕ ਸਮਾਜ ਸੇਵੀ ਸ੍ਰੀ ਦਿਨੇਸ਼ ਕੁਮਾਰ, ਵਿਜੇ ਕੁਮਾਰ, ਕੁਲਵੰਤ ਸਿੰਘ, ਦੀਪਕ ਚੋਪੜਾ, ਦਲਜੀਤ ਕੌਰ ਕੌਂਸਲਰ, ਡਾ. ਰਮੇਸ਼ ਚੋਪੜਾ, ਲਾਲਾ ਅਮਰ ਨਾਥ, ਗੁਰਦੇਵ ਬੱਤਰੀ, ਵਿੱਕੀ, ਅਮਿਤ ਅਨਵਰ, ਏਵਨ ਸਿੰਘ, ਉਂਕਾਰ ਸਿੰਘ, ਅਮਿਤ ਅਨਵਰ, ਜੀਤ ਰਾਮ ਹਿਆਲਾ, ਰਾਮ ਸਾਹਿਲ, ਅਮਰ ਚੰਦ ਚੁੱਘ, ਰਮੇਸ ਕੁਮਾਰ ਚੋਪੜਾ, ਗੁਰੂਦੇਵ ਬੱਤਰਾ, ਏਵਨ ਅਤੇ ਵੱਡੀ ਗਿਣਤੀ ਵਿੱਚ ਵਿਦਿਆਰਥੀ ਹਾਜਰ ਰਹੇ।

01/04/2026

01/04/2026

“ਉਪਕਾਰ ਕੋਆਰਡੀਨੇਸ਼ਨ ਸੋਸਾਇਟੀ” ਤੇ ਦੁਆਬਾ ਸਿੱਖ ਨੈਸ਼ਨਲ ਸੀਨੀਅਰ ਸੈਕੰਡਰੀ ਸਕੂਲ ਨਵਾਂਸ਼ਹਿਰ ਵਲੋਂ ਸਾਂਝੇ ਤੌਰ ਤੇ “ਹੈਡਮਾਸਟਰ ਸਵ: ਦਰਸ਼ਨ ਸਿੰਘ-ਕਟਾਈ ਸਿਲਾਈ ਟ੍ਰੇਨਿੰਗ ਸੈਂਟਰ” ਚਲਾਇਆ ਜਾ ਰਿਹਾ ਹੈ। ਇੱਥੋਂ ਟ੍ਰੇਨਿੰਗ ਪਾਸ ਕਰਨ ਵਾਲ੍ਹੀਆਂ ਵਿਦਿਆਰਥਣਾਂ ਨੂੰ ਸਰਟੀਫਿਕੇਟ ਵੰਡਣ ਲਈ ਵਿਸ਼ੇਸ਼ ਸਮਾਗਮ ਆਯੋਜਿਤ ਕੀਤਾ ਗਿਆ। ਸਮਾਗਮ ਦੀ ਪ੍ਰਧਾਨਗੀ ਪ੍ਰਿੰਸੀਪਲ ਰਾਣਾ ਪਰਵਿੰਦਰ ਸਿੰਘ ਜੱਸੋਮਜਾਰਾ ਨੇ ਕੀਤੀ। ਸੰਬੋਧਨ ਉਪ੍ਰੰਤ ਸਕੂਲ ਮੈਨੇਜ਼ਰ ਲਹਿੰਬਰ ਸਿੰਘ ਕਿਸ਼ਨਪੁਰਾ ਨੇ ਡਾ.ਅਜੇ ਬੱਗਾ ਸਿਵਲ ਸਰਜਨ (ਰਿਟਾ:) ਮੁੱਖ ਮਹਿਮਾਨ ਨੂੰ ਸਕੂਲ ਦੀ ਤਰਫੋਂ ਫੁੱਲਾਂ ਦਾ ਗੁਲਦਸਤਾ ਭੇਟ ਕੀਤਾ। ਡਾ. ਅਜੇ ਬੱਗਾ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਵਿਸ਼ਵ ਨੂੰ ਨਵੀਨ ਟੈਕਨੌਲੋਜੀ ਸਮਾਜ ਦੇ ਭਲੇ ਅਤੇ ਵਿਕਾਸ ਲਈ ਇਸਤੇਮਾਲ ਕਰਨੀ ਚਾਹੀਦੀ ਹੈ ਨਾ ਕਿ ਵਿਨਾਸ਼ ਲਈ। ਉਹਨਾਂ ਸਮਾਜਿਕ ਕਦਰਾਂ ਕੀਮਤਾਂ ਦੇ ਘਟਦੇ ਜਾਣ ਤੇ ਚਿੰਤਾ ਪ੍ਰਗਟ ਕੀਤੀ। ਉਹਨਾਂ ਨੇ ਵਿਦਿਆਰਥਣਾਂ ਨੂੰ ਚੰਗੇ ਭਵਿੱਖ ਲਈ ਸ਼ੁੱਭ ਕਾਮਨਾਵਾਂ ਦਿੱਤੀਆਂ। ਉਪਕਾਰ ਸੋਸਾਇਟੀ ਦੇ ਪ੍ਰਧਾਨ ਜਸਪਾਲ ਸਿੰਘ ਗਿੱਦਾ ਨੇ ਕਟਾਈ ਸਿਲਾਈ ਟ੍ਰੇਨਿੰਗ ਸੈਂਟਰ ਦੇ ਪ੍ਰੋਜੈਕਟ ਵਾਰੇ ਜਾਣਕਾਰੀ ਸਾਂਝੀ ਕੀਤੀ ਤੇ ਉਹਨਾਂ ਦਾਨੀ ਸ਼ਖ਼ਸੀਅਤਾਂ ਦਾ ਧੰਨਵਾਦ ਕੀਤਾ ਜਿਹਨਾਂ ਦਸ ਅਧੁਨਿਕ ਮਸ਼ੀਨਾਂ ਖਰੀਦ ਕੇ ਦਿੱਤੀਆਂ। ਡਾਇਰੈਕਟਰ ਗੁਰਚਰਨ ਸਿੰਘ ਬਸਿਆਲ੍ਹਾ ਨੇ ਲੜਕੀਆਂ ਨੂੰ ਮਾਪਿਆਂ ਦੇ ਆਗਿਆਕਾਰ ਬਣਨ, ਉੱਚ ਵਿਦਿਆ ਪ੍ਰਾਪਤ ਕਰਨ ਤੇ ਸਮਾਜ ਸੇਵਾ ਵਾਲ੍ਹੇ ਗੁਣਾਂ ਦੇ ਧਾਰਨੀ ਬਣਨ ਦੀ ਪ੍ਰੇਰਨਾ ਕੀਤੀ। ਇਸ ਮੌਕੇ ਤੇਰਾਂ ਸਿਖਿਆਰਥਣਾਂ ਨੂੰ ਸਰਟੀਫਿਕੇਟ ਦੇਣ ਦੀ ਰਸਮ ਡਾ.ਅਜੇ ਬੱਗਾ, ਗੁਰਚਰਨ ਸਿੰਘ ਬਸਿਆਲ੍ਹਾ, ਬੀਰਬਲ ਤੱਖੀ, ਡਾ.ਅਵਤਾਰ ਸਿੰਘ ਦੇਣੋਵਾਲ੍ਹ ਕਲਾਂ, ਮੈਨੇਜਰ ਲਹਿੰਬਰ ਸਿੰਘ ਕਿਸ਼ਨਪੁਰਾ, ਹਰਬੰਸ ਕੌਰ, ਜੋਤੀ ਬੱਗਾ, ਰਾਜਿੰਦਰ ਕੌਰ ਗਿੱਦਾ, ਪਲਵਿੰਦਰ ਕੌਰ ਬਡਵਾਲ੍ਹ, ਮੈਨੇਜਰ ਮਨਮੀਤ ਸਿੰਘ, ਸੁੱਖਵਿੰਦਰ ਕੌਰ ਸੁੱਖੀ, ਲਖਬੀਰ ਸਿੰਘ ਦੇਣੋਵਾਲ੍ਹ, ਰਾਣਾ ਪਰਵਿੰਦਰ ਸਿੰਘ ਜੱਸੋਮਜਾਰਾ, ਸਿਮਰਨਜੀਤ ਕੌਰ ਤੱਖੀ, ਕੋਮਲ ਰਾਣੀ, ਸਰਬਜੀਤ ਕੌਰ, ਤਮੰਨਾ, ਪੂਜਾ, ਮਨਪ੍ਰੀਤ ਕੌਰ, ਨੀਤੂ ਰਾਣੀ, ਦੀਵੰਸ਼ੀ,ਨੂਤਨ, ਮੋਨਾ,ਉਰਮਿਲਾ , ਮਨਜੀਤ ਕੌਰ ਤੇ ਸੁਮੀਤ ਗਿੱਲ ਨੇ ਲੜ੍ਹੀਵਾਰ ਆਪਣੇ ਆਪਣੇ ਕਰ ਕਮਲਾਂ ਨਾਲ੍ਹ ਅਦਾ ਕੀਤੀ। ਇਸ ਮੌਕੇ ਮੁੱਖ ਮਹਿਮਾਨ ਡਾ:ਅਜੇ ਬੱਗਾ, ਪ੍ਰਿੰਸੀਪਲ ਰਾਣਾ ਪਰਵਿੰਦਰ ਸਿੰਘ ਜੱਸੋਮਜਾਰਾ, ਮੈਨੇਜਰ ਲਹਿੰਬਰ ਸਿੰਘ ਕਿਸ਼ਨਪੁਰਾ ਤੇ ਇਨਸਟਰਕਟਰ ਕੋਮਲ ਰਾਣੀ ਨੂੰ ਸਨਮਾਨਿਤ ਕੀਤਾ ਗਿਆ। ਅਖੀਰ ਵਿੱਚ ਲਹਿੰਬਰ ਸਿੰਘ ਕਿਸ਼ਨਪੁਰਾ ਨੇ ਸਕੂਲ ਵਲੋਂ ਹਾਜਰ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਸਕੂਲ ਵਿੱਚ ਸਿਖਿਆਰਥਣਾਂ ਵਲੋਂ ਕਟਾਈ ਸਿਲਾਈ ਟ੍ਰੇਨਿੰਗ ਦੌਰਾਨ ਤਿਆਰ ਵਸਤਰਾਂ ਆਈਟਮਾਂ ਦੀ ਨੁਮਾਇਸ਼ ਆਯੋਜਿਤ ਕੀਤੀ ਗਈ ਜਿਸ ਨੂੰ ਸਮਾਗਮ ਵਿੱਚ ਪਧਾਰੀਆਂ ਸ਼ਖ਼ਸੀਅਤਾਂ ਨੇ ਦਿਲਚਸਪੀ ਨਾਲ੍ਹ ਵੇਖਿਆ ਤੇ ਜਾਣਕਾਰੀ ਹਾਸਲ ਕੀਤੀ।

22/12/2025

"The Tribune" ਦੇ 11 ਦਸੰਬਰ 2025 ਦੇ ਅੰਕ ਵਿੱਚ ਇਸਦੇ ਪੱਤਰਕਾਰ ਮੈਡਮ ਦੀਪਕਮਲ ਕੌਰ ਵਲੋਂ "Lead Story" ਕੀਤੀ ਗਈ ਹੈ। ਕੀਤੀ ਗਈ ਸਟੋਰੀ ਵਿੱਚ ਉਹਨਾਂ ਨਵ-ਜਨਮੀਆਂ ਬੱਚੀਆਂ ਨੂੰ ਬਚਾਉਣ ਵਾਲ੍ਹੇ ਪ੍ਰਸਿੱਧ ਜਾਗਰੂਕਤਾ ਨਮੂਨੇ "ਨਵਾਂ ਸ਼ਹਿਰ-ਮਾਡਲ" ਤਹਿਤ ਬਦਲਦੇ ਹਾਲਾਤਾਂ ਵਾਰੇ "ਸਿਹਤ ਤੇ ਪ੍ਰੀਵਾਰ ਭਲਾਈ ਵਿਭਾਗ" ਮੰਤਰੀ ਪੰਜਾਬ ਡਾ: ਬਲਵੀਰ ਸਿੰਘ ਵਲੋਂ "ਪੀ.ਸੀ ਤੇ ਪੀ.ਐਨ.ਡੀ.ਟੀ" ਵਿਸ਼ੇ ਤੇ ਰਾਜ-ਪੱਧਰੀ ਵਰਕਸ਼ਾਪ (ਮਿਤੀ 02 ਦਸੰਬਰ,2025, ਚੰਡੀਗੜ੍ਹ) ਵਿੱਚ ਉਹਨਾਂ ਦੇ ਸੰਬੋਧਨ,ਐਨ.ਜੀ.ਓ ਅਤੇ ਸਿਵਲ ਸਰਜਨ ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਡਾ: ਗੁਰਿੰਦਰਜੀਤ ਸਿੰਘ ਦੇ ਬਿਆਨ ਕਲਮਬੱਧ ਕੀਤੇ ਹਨ।
In the December 11, 2025 issue of "The Tribune", its journalist Mrs. Deepakmal Kaur has written a "Lead Story". In the story, the famous awareness model for saving newborn girls, the changing situation under the "Nawanshahr Model", was discussed by the "Health and Family Welfare Department" Minister Punjab Dr. Balvir Singh in the state-level workshop on the topic "PC and PNDT" (dated December 02, 2025, Chandigarh), his address, statements of NGOs and Dr.Gurinderjit Singh, Civil Surgeon of SBS Nagar on the issue have been recorded.