Upkar Co-ordination Society Nawanshahr (Pb)

01/04/2026

01/04/2026

“ਉਪਕਾਰ ਕੋਆਰਡੀਨੇਸ਼ਨ ਸੋਸਾਇਟੀ” ਤੇ ਦੁਆਬਾ ਸਿੱਖ ਨੈਸ਼ਨਲ ਸੀਨੀਅਰ ਸੈਕੰਡਰੀ ਸਕੂਲ ਨਵਾਂਸ਼ਹਿਰ ਵਲੋਂ ਸਾਂਝੇ ਤੌਰ ਤੇ “ਹੈਡਮਾਸਟਰ ਸਵ: ਦਰਸ਼ਨ ਸਿੰਘ-ਕਟਾਈ ਸਿਲਾਈ ਟ੍ਰੇਨਿੰਗ ਸੈਂਟਰ” ਚਲਾਇਆ ਜਾ ਰਿਹਾ ਹੈ। ਇੱਥੋਂ ਟ੍ਰੇਨਿੰਗ ਪਾਸ ਕਰਨ ਵਾਲ੍ਹੀਆਂ ਵਿਦਿਆਰਥਣਾਂ ਨੂੰ ਸਰਟੀਫਿਕੇਟ ਵੰਡਣ ਲਈ ਵਿਸ਼ੇਸ਼ ਸਮਾਗਮ ਆਯੋਜਿਤ ਕੀਤਾ ਗਿਆ। ਸਮਾਗਮ ਦੀ ਪ੍ਰਧਾਨਗੀ ਪ੍ਰਿੰਸੀਪਲ ਰਾਣਾ ਪਰਵਿੰਦਰ ਸਿੰਘ ਜੱਸੋਮਜਾਰਾ ਨੇ ਕੀਤੀ। ਸੰਬੋਧਨ ਉਪ੍ਰੰਤ ਸਕੂਲ ਮੈਨੇਜ਼ਰ ਲਹਿੰਬਰ ਸਿੰਘ ਕਿਸ਼ਨਪੁਰਾ ਨੇ ਡਾ.ਅਜੇ ਬੱਗਾ ਸਿਵਲ ਸਰਜਨ (ਰਿਟਾ:) ਮੁੱਖ ਮਹਿਮਾਨ ਨੂੰ ਸਕੂਲ ਦੀ ਤਰਫੋਂ ਫੁੱਲਾਂ ਦਾ ਗੁਲਦਸਤਾ ਭੇਟ ਕੀਤਾ। ਡਾ. ਅਜੇ ਬੱਗਾ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਵਿਸ਼ਵ ਨੂੰ ਨਵੀਨ ਟੈਕਨੌਲੋਜੀ ਸਮਾਜ ਦੇ ਭਲੇ ਅਤੇ ਵਿਕਾਸ ਲਈ ਇਸਤੇਮਾਲ ਕਰਨੀ ਚਾਹੀਦੀ ਹੈ ਨਾ ਕਿ ਵਿਨਾਸ਼ ਲਈ। ਉਹਨਾਂ ਸਮਾਜਿਕ ਕਦਰਾਂ ਕੀਮਤਾਂ ਦੇ ਘਟਦੇ ਜਾਣ ਤੇ ਚਿੰਤਾ ਪ੍ਰਗਟ ਕੀਤੀ। ਉਹਨਾਂ ਨੇ ਵਿਦਿਆਰਥਣਾਂ ਨੂੰ ਚੰਗੇ ਭਵਿੱਖ ਲਈ ਸ਼ੁੱਭ ਕਾਮਨਾਵਾਂ ਦਿੱਤੀਆਂ। ਉਪਕਾਰ ਸੋਸਾਇਟੀ ਦੇ ਪ੍ਰਧਾਨ ਜਸਪਾਲ ਸਿੰਘ ਗਿੱਦਾ ਨੇ ਕਟਾਈ ਸਿਲਾਈ ਟ੍ਰੇਨਿੰਗ ਸੈਂਟਰ ਦੇ ਪ੍ਰੋਜੈਕਟ ਵਾਰੇ ਜਾਣਕਾਰੀ ਸਾਂਝੀ ਕੀਤੀ ਤੇ ਉਹਨਾਂ ਦਾਨੀ ਸ਼ਖ਼ਸੀਅਤਾਂ ਦਾ ਧੰਨਵਾਦ ਕੀਤਾ ਜਿਹਨਾਂ ਦਸ ਅਧੁਨਿਕ ਮਸ਼ੀਨਾਂ ਖਰੀਦ ਕੇ ਦਿੱਤੀਆਂ। ਡਾਇਰੈਕਟਰ ਗੁਰਚਰਨ ਸਿੰਘ ਬਸਿਆਲ੍ਹਾ ਨੇ ਲੜਕੀਆਂ ਨੂੰ ਮਾਪਿਆਂ ਦੇ ਆਗਿਆਕਾਰ ਬਣਨ, ਉੱਚ ਵਿਦਿਆ ਪ੍ਰਾਪਤ ਕਰਨ ਤੇ ਸਮਾਜ ਸੇਵਾ ਵਾਲ੍ਹੇ ਗੁਣਾਂ ਦੇ ਧਾਰਨੀ ਬਣਨ ਦੀ ਪ੍ਰੇਰਨਾ ਕੀਤੀ। ਇਸ ਮੌਕੇ ਤੇਰਾਂ ਸਿਖਿਆਰਥਣਾਂ ਨੂੰ ਸਰਟੀਫਿਕੇਟ ਦੇਣ ਦੀ ਰਸਮ ਡਾ.ਅਜੇ ਬੱਗਾ, ਗੁਰਚਰਨ ਸਿੰਘ ਬਸਿਆਲ੍ਹਾ, ਬੀਰਬਲ ਤੱਖੀ, ਡਾ.ਅਵਤਾਰ ਸਿੰਘ ਦੇਣੋਵਾਲ੍ਹ ਕਲਾਂ, ਮੈਨੇਜਰ ਲਹਿੰਬਰ ਸਿੰਘ ਕਿਸ਼ਨਪੁਰਾ, ਹਰਬੰਸ ਕੌਰ, ਜੋਤੀ ਬੱਗਾ, ਰਾਜਿੰਦਰ ਕੌਰ ਗਿੱਦਾ, ਪਲਵਿੰਦਰ ਕੌਰ ਬਡਵਾਲ੍ਹ, ਮੈਨੇਜਰ ਮਨਮੀਤ ਸਿੰਘ, ਸੁੱਖਵਿੰਦਰ ਕੌਰ ਸੁੱਖੀ, ਲਖਬੀਰ ਸਿੰਘ ਦੇਣੋਵਾਲ੍ਹ, ਰਾਣਾ ਪਰਵਿੰਦਰ ਸਿੰਘ ਜੱਸੋਮਜਾਰਾ, ਸਿਮਰਨਜੀਤ ਕੌਰ ਤੱਖੀ, ਕੋਮਲ ਰਾਣੀ, ਸਰਬਜੀਤ ਕੌਰ, ਤਮੰਨਾ, ਪੂਜਾ, ਮਨਪ੍ਰੀਤ ਕੌਰ, ਨੀਤੂ ਰਾਣੀ, ਦੀਵੰਸ਼ੀ,ਨੂਤਨ, ਮੋਨਾ,ਉਰਮਿਲਾ , ਮਨਜੀਤ ਕੌਰ ਤੇ ਸੁਮੀਤ ਗਿੱਲ ਨੇ ਲੜ੍ਹੀਵਾਰ ਆਪਣੇ ਆਪਣੇ ਕਰ ਕਮਲਾਂ ਨਾਲ੍ਹ ਅਦਾ ਕੀਤੀ। ਇਸ ਮੌਕੇ ਮੁੱਖ ਮਹਿਮਾਨ ਡਾ:ਅਜੇ ਬੱਗਾ, ਪ੍ਰਿੰਸੀਪਲ ਰਾਣਾ ਪਰਵਿੰਦਰ ਸਿੰਘ ਜੱਸੋਮਜਾਰਾ, ਮੈਨੇਜਰ ਲਹਿੰਬਰ ਸਿੰਘ ਕਿਸ਼ਨਪੁਰਾ ਤੇ ਇਨਸਟਰਕਟਰ ਕੋਮਲ ਰਾਣੀ ਨੂੰ ਸਨਮਾਨਿਤ ਕੀਤਾ ਗਿਆ। ਅਖੀਰ ਵਿੱਚ ਲਹਿੰਬਰ ਸਿੰਘ ਕਿਸ਼ਨਪੁਰਾ ਨੇ ਸਕੂਲ ਵਲੋਂ ਹਾਜਰ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਸਕੂਲ ਵਿੱਚ ਸਿਖਿਆਰਥਣਾਂ ਵਲੋਂ ਕਟਾਈ ਸਿਲਾਈ ਟ੍ਰੇਨਿੰਗ ਦੌਰਾਨ ਤਿਆਰ ਵਸਤਰਾਂ ਆਈਟਮਾਂ ਦੀ ਨੁਮਾਇਸ਼ ਆਯੋਜਿਤ ਕੀਤੀ ਗਈ ਜਿਸ ਨੂੰ ਸਮਾਗਮ ਵਿੱਚ ਪਧਾਰੀਆਂ ਸ਼ਖ਼ਸੀਅਤਾਂ ਨੇ ਦਿਲਚਸਪੀ ਨਾਲ੍ਹ ਵੇਖਿਆ ਤੇ ਜਾਣਕਾਰੀ ਹਾਸਲ ਕੀਤੀ।

22/12/2025

"The Tribune" ਦੇ 11 ਦਸੰਬਰ 2025 ਦੇ ਅੰਕ ਵਿੱਚ ਇਸਦੇ ਪੱਤਰਕਾਰ ਮੈਡਮ ਦੀਪਕਮਲ ਕੌਰ ਵਲੋਂ "Lead Story" ਕੀਤੀ ਗਈ ਹੈ। ਕੀਤੀ ਗਈ ਸਟੋਰੀ ਵਿੱਚ ਉਹਨਾਂ ਨਵ-ਜਨਮੀਆਂ ਬੱਚੀਆਂ ਨੂੰ ਬਚਾਉਣ ਵਾਲ੍ਹੇ ਪ੍ਰਸਿੱਧ ਜਾਗਰੂਕਤਾ ਨਮੂਨੇ "ਨਵਾਂ ਸ਼ਹਿਰ-ਮਾਡਲ" ਤਹਿਤ ਬਦਲਦੇ ਹਾਲਾਤਾਂ ਵਾਰੇ "ਸਿਹਤ ਤੇ ਪ੍ਰੀਵਾਰ ਭਲਾਈ ਵਿਭਾਗ" ਮੰਤਰੀ ਪੰਜਾਬ ਡਾ: ਬਲਵੀਰ ਸਿੰਘ ਵਲੋਂ "ਪੀ.ਸੀ ਤੇ ਪੀ.ਐਨ.ਡੀ.ਟੀ" ਵਿਸ਼ੇ ਤੇ ਰਾਜ-ਪੱਧਰੀ ਵਰਕਸ਼ਾਪ (ਮਿਤੀ 02 ਦਸੰਬਰ,2025, ਚੰਡੀਗੜ੍ਹ) ਵਿੱਚ ਉਹਨਾਂ ਦੇ ਸੰਬੋਧਨ,ਐਨ.ਜੀ.ਓ ਅਤੇ ਸਿਵਲ ਸਰਜਨ ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਡਾ: ਗੁਰਿੰਦਰਜੀਤ ਸਿੰਘ ਦੇ ਬਿਆਨ ਕਲਮਬੱਧ ਕੀਤੇ ਹਨ।
In the December 11, 2025 issue of "The Tribune", its journalist Mrs. Deepakmal Kaur has written a "Lead Story". In the story, the famous awareness model for saving newborn girls, the changing situation under the "Nawanshahr Model", was discussed by the "Health and Family Welfare Department" Minister Punjab Dr. Balvir Singh in the state-level workshop on the topic "PC and PNDT" (dated December 02, 2025, Chandigarh), his address, statements of NGOs and Dr.Gurinderjit Singh, Civil Surgeon of SBS Nagar on the issue have been recorded.

02/07/2025

ਹਾਲਾਂਕਿ ਮੈਂ ਦਸ ਸਾਲ ਪਹਿਲਾਂ ਰਿਟਾਇਰ ਹੋ ਗਿਆ ਸਾਂ ਫਿਰ ਵੀ ਬਹੁਤ ਸਾਰੇ ਸਤਿਕਾਰਯੋਗ ਸੱਜਣ ਆਈ.ਟੀ.ਆਈ.ਦਾਖਲਿਆਂ ਵਾਰੇ ਪਿਛਲੇ ਮਹੀਨਿਆਂ ਵਿੱਚ ਪੁੱਛਦੇ ਰਹੇ ਹਨ-ਮੈਨੂੰ ਚਿੰਤਾ ਹੁੰਦੀ ਹੈ ਕਿ ਸਾਰੇ ਫੋਨ ਯਾਦ ਨਹੀਂ ਰਹਿੰਦੇ ਇਸ ਲਈ ਵਿਭਾਗ ਵਲੋਂ ਜਾਰੀ ਦਾਖਲਾ ਪ੍ਰੋਗਰਾਮ ਦੀ ਅਖਬਾਰੀ ਇਸ਼ਤਿਹਾਰ ਦੀ ਕਾਪੀ ਨੱਥੀ ਕੀਤੀ ਜਾਂਦੀ ਹੈ। ਪੰਜਾਬ ਦੀ ਕਿਸੇ ਨਜ਼ਦੀਕੀ ਸਰਕਾਰੀ ਆਈ.ਟੀ.ਆਈ ਪੁੱਜ ਕੇ ਆਨਲਾਈਨ ਰਜਿਸਟ੍ਰੇਸ਼ਨ ਕਰਵਾਈ ਜਾ ਸਕਦੀ ਹੈ। ਸਹੂਲਤ ਵਜੋਂ ਲੋੜੀਂਦੇ ਦਸਤਾਵੇਜ਼ਾਂ ਦੀ ਲਿਸਟ ਵੀ ਨੱਥੀ ਕੀਤੀ ਜਾ ਰਹੀ ਹੈ।
Although I retired ten years ago, many respected known persons have been asking about ITI admissions in the past few months - I am worried that I do not remember all the phone numbers, so a copy of the newspaper advertisement of the admission program issued by the department is attached. Online registration can be done by visiting any nearby government ITI in Punjab. As a convenience, a list of required documents is also being attached. government ITI of Punjab. A list of required documents is also being attached as a convenience.

21/05/2025

"ਉਪਕਾਰ ਕੋਆਰਡੀਨੇਸ਼ਨ ਸੋਸਾਇਟੀ" ਤੇ "ਦੁਆਬਾ ਸਿੱਖ ਨੈਸ਼ਨਲ ਸੀਨੀਅਰ ਸੈਕੰਡਰੀ ਸਕੂਲ" ਨਵਾਂਸ਼ਹਿਰ ਦੇ ਸਾਂਝੇ ਟ੍ਰੇਨਿੰਗ ਸੈਂਟਰ "ਹੈਡਮਾਸਟਰ ਦਰਸ਼ਨ ਸਿੰਘ ਅਟਵਾਲ੍ਹ ਯਾਦਗਾਰੀ ਕਟਾਈ ਸਿਲਾਈ ਟ੍ਰੇਨਿੰਗ ਸੈਂਟਰ" ਦਾ ਸ਼ੁੱਭ ਆਰੰਭ ਸ.ਬਰਜਿੰਦਰ ਸਿੰਘ ਹੁਸੈਨਪੁਰ ਜੀ ਨੇ ਮਿਤੀ 19 ਮਈ 2025 ਨੂੰ ਆਪਣੇ ਕਰ ਕਮਲਾਂ ਨਾਲ੍ਹ ਕੀਤਾ। ( ਧੰਨਵਾਦ ਸਹਿਤ- ਦੈਨਿਕ ਪੰਜਾਬ ਕੇਸਰੀ, ਰੋਜ਼ਾਨਾ ਜੱਗ ਬਾਣੀ, ਰੋਜ਼ਾਨਾ ਅਜੀਤ, ਰੋਜ਼ਾਨਾ ਨਵਾਂ ਜ਼ਮਾਨਾ, ਰੋਜ਼ਾਨਾ ਪੰਜਾਬੀ ਜਾਗਰਣ, ਦੈਨਿਕ ਹਿੰਦੀ ਜਾਗਰਣ, ਦੈਨਿਕ ਭਾਸਕਰ, ਰੋਜ਼ਾਨਾ 'ਬੋਲ ਪ੍ਰਦੇਸਾਂ ਦੇ' ਅਤੇ ਚਾਨਣ ਮਨਾਰਾ ਵਲੋਂ ਕੀਤੀ ਗਈ ਕਵਰੇਜ)
"Headmaster Darshan Singh Atwal Memorial Cutting and Sewing Training Center", a Joint Training Center of "Upkar Coordination Society" and "Doaba Sikh National Senior Secondary School", Nawanshahr, was inaugurated by S. Barjinder Singh Husainpur ji on 19th May 2025 with his blessings. (With thanks - Dainik Punjab Kesari, Daily Jag Bani, Rozana Ajit, Daily Nawan Zamana, Daily Punjabi Jagran, Denik Hindi Jagran, Dainik Bhaskar, 'Bol Pradesan De' and Chanan Manara)

20/05/2025

"ਦੁਆਬਾ ਸੀਨੀਅਰ ਸੈਕੰਡਰੀ ਸਕੂਲ" ਸਲੋਹ ਰੋਡ ਨਵਾਂ ਸ਼ਹਿਰ ਵਿਖੇ "ਉਪਕਾਰ ਕੋਆਰਡੀਨੇਸ਼ਨ ਸੋਸਾਇਟੀ" ਤੇ "ਦੁਆਬਾ ਸਿੱਖ ਨੈਸ਼ਨਲ ਸ.ਸ.ਸ.ਸਕੂਲ" ਵਲੋਂ ਆਪਸੀ ਐਮ.ਓ.ਯੂ ਤਹਿਤ ਆਰੰਭ ਕੀਤੇ “ਕਟਾਈ-ਸਿਲਾਈ ਟ੍ਰੇਨਿੰਗ ਸੈਂਟਰ” ਦਾ ਸ਼ੁੱਭ ਉਦਘਾਟਨ ਇਲਾਕੇ ਦੀ ਜਾਣੀ-ਪਹਿਚਾਣੀ ਸਮਾਜ ਸੇਵੀ ਸ਼ਖ਼ਸੀਅਤ‌ ਸ.ਬਰਜਿੰਦਰ ਸਿੰਘ ਹੁਸੈਨਪੁਰ ਜੀ ਨੇ ਸੋਮਵਾਰ 19 ਮਈ 2025 ਨੂੰ ਆਪਣੇ ਕਰ-ਕਮਲਾਂ ਨਾਲ ਕੀਤਾ। ਇਸ ਮੌਕੇ ਉਹਨਾਂ ਆਪਣੇ ਸੰਬੋਧਨ ਵਿੱਚ ਆਖਿਆ ਕਿ ਕਈ ਵਾਰ ਅਸੀਂ ਸੋਚਦੇ ਹਾਂ ਕਿ ਉਹੀ ਕੰਮ ਸਿੱਖੀਏ ਜਿਹੜਾ ਨੌਕਰੀ ਦੇ ਕੰਮ ਆ ਸਕਦਾ ਹੋਵੇ ਪਰ ਜਿਵੇਂ ਰਸੋਈ ਦਾ ਕੰਮ ਹਰ ਇੱਕ ਲਈ ਲਾਭਦਾਇਕ ਹੈ ਤੇ ਹਰੇਕ ਨੂੰ ਆਉਣਾ ਚਾਹੀਦਾ ਹੈ ਇਸੇ ਤਰ੍ਹਾਂ ਕਟਾਈ-ਸਿਲਾਈ ਦਾ ਕੰਮ ਵੀ ਹੈ । ਸਾਡੇ ਬੱਚਿਆਂ ਨੂੰ ਪ੍ਰਦੇਸਾਂ ਵਿੱਚ ਹੁਣ ਇਹਨਾਂ ਗੱਲਾਂ ਦੀ ਸਮਝ ਆ ਗਈ ਹੈ। ਇਸੇ ਤਰ੍ਹਾਂ ਅੱਜ ਦੇ ਮਸ਼ੀਨੀ ਯੁੱਗ ਵਿੱਚ ਡਰਾਈਵਿੰਗ , ਕੁਦਰਤੀ ਆਫ਼ਤਾਂ ਤੋਂ ਬਚਣ ਦੀ ਅਤੇ ਫਸਟ-ਏਡ ਟ੍ਰੇਨਿੰਗ ਪ੍ਰਤੀ ਵੀ ਗੰਭੀਰ ਹੋਣ ਦੀ ਲੋੜ ਹੈ ਜੋ ਕਿ ਰੋਜ਼ਾਨਾ ਦੇ ਜੀਵਨ ਵਿੱਚ ਆਪਣੇ ਆਪ ਨੂੰ ਤੇ ਦੂਜਿਆਂ ਨੂੰ ਸੁਰੱਖਿਅਤ ਕਰਨ ਵਾਲ੍ਹੇ ਟ੍ਰੇਨਿੰਗ ਪ੍ਰੋਗਰਾਮ ਹਨ। ਇਸ ਤੋਂ ਪਹਿਲਾਂ ਸਕੂਲ ਵਿਦਿਆਰਥੀਆਂ ਵਲੋਂ ਧਾਰਮਿਕ ਗੀਤ ਨਾਲ੍ਹ ਆਰੰਭ ਹੋਏ ਪ੍ਰੋਗਰਾਮ ਉਪ੍ਰੰਤ ਪ੍ਰਿੰਸੀਪਲ ਪਰਵਿੰਦਰ ਸਿੰਘ ਜੱਸੋਮਜਾਰਾ ਨੇ ਮੁੱਖ ਮਹਿਮਾਨ, ਸਮਾਜ ਸੇਵਕਾਂ ਸਟਾਫ ਤੇ ਵਿਦਿਆਰਥੀਆਂ ਦਾ ਰਸਮੀ ਸਵਾਗਤ ਕੀਤਾ। ਨੈਨਾ ਤੇ ਗੁਰਸਿਮਰਨ ਵਿਦਿਆਰਥਣਾਂ ਨੇ ਧਾਰਮਿਕ ਗੀਤ ਨਾਲ੍ਹ ਪ੍ਰੋਗਰਾਮ ਆਰੰਭ ਹੋਇਆ ਜਦ ਕਿ +2 ਦੀ ਵਿਦਿਆਰਥਣ ਭਾਵਨਾ ਸ਼ਰਮਾ ਨੇ ਦਸਤਕਾਰੀ ਟ੍ਰੇਨਿੰਗ ਦੀ ਲੋੜ ਦੇ ਮਹੱਤਵ ਵਾਰੇ ਜਾਗਰੂਕ ਕੀਤਾ ਗਿਆ। ਉਪਕਾਰ ਸੋਸਾਇਟੀ ਦੇ ਪ੍ਰਧਾਨ ਜੇ.ਐਸ.ਗਿੱਦਾ ਅਤੇ ਬੁਲਾਰੇ ਮਾ: ਨਰਿੰਦਰ ਸਿੰਘ ਭਾਰਟਾ ਨੇ ਕਟਾਈ-ਸਿਲਾਈ ਟ੍ਰੇਨਿੰਗ ਪ੍ਰੋਗਰਾਮ ਦੀ ਲੋੜ ਤੇ ਮਹੱਤਵ ਵਾਰੇ ਜਾਣਕਾਰੀ ਸਾਂਝੀ ਕੀਤੀ। ਸ੍ਰੀ ਦੇਸ ਰਾਜ ਬਾਲੀ ਨੇ ਉਸਾਰੂ ਨਿਸ਼ਾਨਿਆ ਲਈ ਪ੍ਰੇਰਨਾ ਭਰਪੂਰ ਜਾਗਰੂਕਤਾ ਰਚਨਾ ਨੂੰ ਤਰਨੱਮ ਵਿੱਚ ਪੇਸ਼ ਕੀਤਾ। ਸਟਾਫ ਮੈਂਬਰ ਸ੍ਰੀ ਮਹਿੰਦਰਪਾਲ ਨੇ ਸਟੇਜ ਸਕੱਤਰ ਦੀ ਭੂਮਿਕਾ ਬਾਖੂਬੀ ਨਿਭਾਈ। ਉਦਘਾਟਨੀ ਸਮਾਗਮ ਨੂੰ ਸ੍ਰੀ ਲਹਿੰਬਰ ਸਿੰਘ ਸਕੂਲ ਮੈਨੇਜਰ ਅਤੇ ਰਿਟਾ: ਪ੍ਰਿੰਸੀਪਲ ਹਰਵਿੰਦਰ ਸਿੰਘ ਨੇ ਵਿਦਿਆਰਥਣਾਂ ਨੂੰ ਮੁਫਤ ਕਟਾਈ-ਸਿਲਾਈ ਟ੍ਰੇਨਿੰਗ ਦਾ ਲਾਭ ਲੈਣ ਲਈ ਪ੍ਰੇਰਿਤ ਕੀਤਾ। ਇਸ ਮੌਕੇ ਮੁੱਖ ਮਹਿਮਾਨ ਵਲੋਂ ਸਹਿਯੋਗੀ ਸੰਸਥਾਵਾਂ ਤੇ ਸ਼ਖ਼ਸੀਅਤਾਂ ਦਾ ਸਨਮਾਨ ਕੀਤਾ ਗਿਆ ਜਿਹਨਾਂ ਵਿੱਚ ਪੀ.ਐਸ.ਟੀ.ਐਸ.ਗਿੱਦਾ ਵੈਲਫੇਅਰ ਸੋਸਾਇਟੀ ਸੁੱਜੋਂ, ਸ੍ਰੀਮਤੀ ਸੁਰਜੀਤ ਕੌਰ ਡੂਲਕੂ, ਡਾ.ਅਜੇ ਬੱਗਾ, ਸ੍ਰੀ ਜੀ.ਐਸ.ਤੂਰ, ਸ.ਗੁਰਚਰਨ ਸਿੰਘ ਬਸਿਆਲ੍ਹਾ, ਸ.ਜੋਗਾ ਸਿੰਘ ਸਾਧੜਾ , "ਘਰ-ਸੰਭ੍ਹਾਲੋ" ਸੰਸਥਾ ਤੋਂ ਸ੍ਰੀਮਤੀ ਗੁਰਪ੍ਰੀਤ ਕੌਰ ਤੇ ਸ੍ਰੀ ਹਰਿੰਦਰਪਾਲ ਸਿੰਘ, ਐਨ.ਆਰ.ਆਈ ਗੁਰਮੀਤ ਸਿੰਘ ਬਡਵਾਲ੍ਹ ਸੁੱਜੋਂ ਅਤੇ ਇਨਸਟਰਕਰ ਮੈਡਮ ਕੋਮਲ ਰਾਣੀ ਸ਼ਾਮਲ ਸਨ। ਇਸ ਮੌਕੇ ਸ੍ਰੀ ਬਲਵੀਰ ਸਿੰਘ ਸੰਘਾ, ਸ੍ਰੀ ਮਹਿੰਦਰ ਸਿੰਘ ਅਟਵਾਲ, ਸ੍ਰੀ ਹਰਵਿੰਦਰ ਸਿੰਘ, ਸ੍ਰੀ ਲਹਿੰਬਰ ਸਿੰਘ ਮੈਨੇਜਰ, ਸ੍ਰੀਮਤੀ ਸੁਰਜੀਤ ਕੌਰ ਡੂਲਕੂ, ਸ੍ਰੀ ਬੀਰਬਲ ਤੱਖੀ, ਸ੍ਰੀ ਨਰਿੰਦਰਪਾਲ ਤੂਰ ਰਿਟਾ: ਪੋਸਟ ਮਾਸਟਰ , ਮਾ: ਨਰਿੰਦਰ ਸਿੰਘ ਭਾਰਟਾ, ਸ੍ਰੀ ਦੇਸ ਰਾਜ ਬਾਲੀ, ਸ੍ਰੀਮਤੀ ਹਰਬੰਸ ਕੌਰ, ਸ੍ਰੀਮਤੀ ਜੋਤੀ ਬੱਗਾ, ਸ੍ਰੀਮਤੀ ਰਾਜਿੰਦਰ ਕੌਰ ਗਿੱਦਾ, ਸ੍ਰੀਮਤੀ ਪਲਵਿੰਦਰ ਕੌਰ ਬਡਵਾਲ੍ਹ, ਸ੍ਰੀਮਤੀ ਬਲਵਿੰਦਰ ਕੌਰ ਬਾਲੀ, ਸ੍ਰੀ ਵਾਸਦੇਵ ਪ੍ਰਦੇਸੀ, ਸ੍ਰੀਮਤੀ ਸੁੱਖਵਿੰਦਰ ਕੌਰ ਸੁੱਖੀ, ਸ੍ਰੀ ਜਸਕਰਨ ਸਿੰਘ, ਸ੍ਰੀ ਸੁਰਜੀਤ ਸਿੰਘ, ਮੈਡਮ ਬੰਦਨਾ, ਮੈਡਮ ਸਰਬਜੀਤ ਕੌਰ,ਸ੍ਰੀ ਸਤਪਾਲ ਲੰਗੜੋਆ ਤੇ ਸ੍ਰੀ ਇੰਦਰਜੀਤ ਸਿੰਘ ਮੁਬਾਰਕਪੁਰ ਤੇ ਸ੍ਰੀ ਪ੍ਰਭਾਤ ਹਾਜਰ ਸਨ। ਮੈਨੇਜਮੈਂਟ, ਪ੍ਰਿੰਸੀਪਲ ਅਤੇ ਉਪਕਾਰ ਸੋਸਾਇਟੀ ਵਲੋਂ ਸ.ਬਰਜਿੰਦਰ ਸਿੰਘ ਹੁਸੈਨਪੁਰ (ਨਰੋਆ ਪੰਜਾਬ) ਦਾ ਸਨਮਾਨ ਕੀਤਾ ਗਿਆ। ਪ੍ਰੋਗਰਾਮ ਦੇ ਆਖਰ ਵਿੱਚ ਰਿਟਾ: ਪ੍ਰਿੰਸੀਪਲ ਹਰਵਿੰਦਰ ਸਿੰਘ ਨੇ ਮੁੱਖ ਮਹਿਮਾਨ, ਸਮਾਜ ਸੇਵਕਾਂ, ਸਟਾਫ ਮੈਂਬਰ ਸਾਹਿਬਾਨ ਤੇ ਵਿਦਿਆਰਥਣਾਂ ਦਾ ਧੰਨਵਾਦ ਕੀਤਾ।

07/04/2025

"ਜਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ" ਵਿੱਚ ਪੈਂਦੇ 125 ਕਿਲੋਮੀਟਰ ਦੇ ਕਰੀਬ ਹਾਈਵੇ ਤੇ 25 ਅਜਿਹੇ ਸਥਾਨ ਹਨ ਜਿੱਥੇ ਪੰਜ ਸਾਲ ਚ' 80 % ਐਕਸੀਡੈਂਟ ਹੋਏ ਤੇ 591 ਜਾਨਾਂ ਗਈਆਂ। "ਦੈਨਿਕ ਭਾਸਕਰ" ਦੇ ਸੁਲਝੇ ਹੋਏ ਪੱਤਰਕਾਰ ਨੇ ਉਹਨਾਂ 25 "ਬਲੈਕ ਸਪੌਟਾਂ" ਵੱਲ ਧਿਆਨ ਦੁਆਇਆ ਹੈ ਜਿਹਨਾਂ ਨੂੰ NHAI ਵਲੋਂ ਹੱਲ ਕੀਤੇ ਜਾਣਾ ਬਣਦਾ ਹੈ।

04/03/2025

"ਉਪਕਾਰ ਕੋਆਰਡੀਨੇਸ਼ਨ ਸੋਸਾਇਟੀ" ਅਤੇ "ਦੁਆਬਾ ਸਿੱਖ ਨੈਸ਼ਨਲ ਸੀਨੀਅਰ ਸੈਕੰਡਰੀ ਸਕੂਲ ਨਵਾਂਸ਼ਹਿਰ" ਵਿਚਕਾਰ , ਪਹਿਲੀ ਮਾਰਚ 2025 ਨੂੰ ਆਪਸੀ ਲਿਖਤੀ ਸਮਝੌਤੇ ਤਹਿਤ ਲੜਕੀਆਂ ਦੀ ਆਤਮ ਨਿਰਭਰਤਾ ਲਈ ਕੋਰਸ ਚਲਾਉਣ ਦਾ ਫੈਸਲਾ।

27/02/2025

ਭਾਰਤ ਸਰਕਾਰ ਦੇ ਸੂਚਨਾ ਤੇ ਪ੍ਰਸਾਰਨ ਵਿਭਾਗ ਵਲੋਂ "ਉਪਕਾਰ ਕੋਆਰਡੀਨੇਸ਼ਨ ਸੋਸਾਇਟੀ ਨਵਾਂਸ਼ਹਿਰ" ਦੁਆਰਾ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਵਿੱਚ "ਬੇਟੀ ਬਚਾਓ" ਜਾਗਰੂਕਤਾ ਮੁਹਿੰਮ ਵਾਰੇ ਵਿਸ਼ੇਸ਼ ਡਾਕੂਮੈਂਟਰੀ ਵੇਖਣ ਦੀ ਖੇਚਲ ਕਰਨਾ ਜੀ 🙏

Upkar Co-Ordination Society,Nsr

20/02/2025

ਦੁਆਬੇ ਵਿੱਚ ਖੂਨਦਾਨ ਜਾਗਰੂਕਤਾ ਵਾਸਤੇ ਬੀਡੀਸੀ ਬਲੱਡ ਸੈਂਟਰ ਨਵਾਂਸ਼ਹਿਰ ਬਣਿਆ ਰੌਸ਼ਨੀ ਦਾ ਸਾਧਨ।

03/02/2025

26 ਜਨਵਰੀ 2025 ਨੂੰ ਗਣਤੰਤਰਤਾ ਦਿਵਸ ਮੌਕੇ ਬੀ.ਡੀ.ਸੀ ਨਵਾਂ ਸ਼ਹਿਰ ਵਲੋਂ ਉਹਨਾਂ ਤਿੰਨ ਖੂਨਦਾਨੀ ਸੰਸਥਾਵਾਂ ਨੂੰ ਸਨਮਾਨਿਤ ਕੀਤਾ ਗਿਆ ਸੀ ਜਿਹਨਾਂ ਵਲੋਂ ਸਾਲ 2024 ਵਿੱਚ ਵਧੇਰੇ ਬਲੱਡ ਯੂਨਿਟਾਂ ਦਾ ਯੋਗਦਾਨ ਪਾਇਆ ਗਿਆ ਸੀ। ਇਸ ਸਬੰਧੀ "ਦੈਨਿਕ ਭਾਸਕਰ" ਵਲੋਂ ਅੱਜ "ਮੰਡੇ ਪਾਜੇਟਿਵ" ਸਟੋਰੀ ਕੀਤੀ ਗਈ ਹੈ । ਸਬੰਧਤ ਸੰਸਥਾਵਾਂ ਨੂੰ ਵਧਾਈਆਂ।
On the occasion of Republic Day on 26th January 2025, BDC Nawanshahr honored the three Organizations that contributed the high number of blood units in the year 2024. In this regard, Dainik Bhaskar has carried a story today as "Monday Positive". Congratulations to the concerned Organizations.

30/01/2025

Upkar Coordination Society Nawanshahr participation in Road Safety Jhaki on 26 Jan 2025 at Distt level function.