30/07/2026
कित्येकदा आपण ज्या गोष्टी सामान्य आहेत असे गृहीत धरुन चालतो त्या किती विशेष आहेत याचा प्रत्यय आश्वासला वेळोवेळी येत असतो.
गावात एक तरी मेडिकल दुकान आणि शहरात तर नाक्यानाक्यावर मेडिकल दुकाने असतात आणि काही अहोरात्र चालू असतात. त्यामुळे लहानमोठ्या दुखण्याला घरात औषध नसले तरी चटकन् दुकानातून आणणे याची आपल्याला सवय झाली असते. पण भंडारदराच्या डोंगररांगातील छोट्या वाडीवस्तीजवळ अशी कुठलीच दुकाने नाहीत.
आधी डॉक्टर नव्हते तर आश्वासने मासिक भेट देणे सुरु करुन तिथला डॉक्टरी उपलब्धतेचा प्रश्न सोडवला होता. तेव्हाच भरपूर औषधे घेऊन जायची आणि गरजेनुसार द्यायची असा उपाय काढला होता. पण रात्री बेरात्री कधी काही अडचण आली, तर तातडीने फर्स्ट एडसाठी काहीतरी करायला हवे हे जाणवत होते.
शेवटी उपाय सापडला. भंडारदऱ्याच्या शेंडी आणि मुतखेल अशा दोन्ही गेटवर फर्स्ट एड बॉक्स बसवले.
त्यात आपण घरी ठेवतो तशी नेहमीच्या वापराची औषधे ठेवली. ज्याला लागेल तो तिथून घेऊन जाईल आणि दरमहा मासिक भेटीच्या वेळी तो बॉक्स पुन्हा भरून ठेवायचा अशी कल्पना राबवली. आणि तिला आता छान यश मिळू लागले आहे. या मोफत उपक्रमाचा तिथल्या लोकांना किती फायदा होतो आहे हे जाणून घेण्यासाठी हा व्हिडीओ बघा.
“परार्थ अमुचा स्वार्थ असो, अन् श्वास असो आश्वास!” 🙏
