Mata gujar kaur ji yadgari trust chak kalan

27/03/2026

ਮਾਤਾ ਗੁਜਰ ਕੌਰ ਜੀ ਯਾਦਗਾਰੀ ਟਰੱਸਟ ਚੱਕ ਕਲਾਂ ਵੱਲੋ ਪਿੰਡ ਗੋਹੀਰ ਤੋਂ ਪਿੰਡ ਜੰਡਿਆਲਾ (ਤਹਿਸੀਲ ਨਕੋਦਰ) ਤੱਕ ਸੜਕ ‘ਤੇ ਵਾਰ-ਵਾਰ ਹੋ ਰਹੀਆਂ ਮਾਰੂ ਹਾਦਸਿਆਂ ਬਾਰੇ ਤੁਰੰਤ ਸ਼ਿਕਾਇਤ ਅਤੇ ਸਪੀਡ ਬ੍ਰੇਕਰ ਬਣਾਉਣ ਦੀ ਮੰਗ ਕੀਤੀ ਗਈ ਸੀ

ਅਸੀਂ ਪਿੰਡ ਵਾਸੀ ਅਤੇ ਇਲਾਕੇ ਦੇ ਨਿਵਾਸੀ ਮੌਜੂਦਾ ਸਰਕਾਰ Bhagwant Mannਦਾ ਦਿਲੋਂ ਧੰਨਵਾਦ ਕਰਦੇ ਹਾਂ ਕਿ ਤੁਸੀਂ ਸਾਡੀ ਸਮੱਸਿਆ ਨੂੰ ਗੰਭੀਰਤਾ ਨਾਲ ਲੈਂਦੇ ਹੋਏ ਸੜਕ ‘ਤੇ ਸਪੀਡ ਬ੍ਰੇਕਰ ਬਣਾਉਣ ਦਾ ਸਰਾਹਣਯੋਗ ਕੰਮ ਸ਼ੁਰੂ ਕੀਤਾ ਹੈ।

ਟਰੱਸਟ ਦੇ ਮੈਂਬਰ ਸ੍ਰੀ ਰਜਿੰਦਰ ਕੁਮਾਰ (ਬੋਬੀ) ਅਤੇ ਸ:ਤੀਰਥ ਸਿੰਘ (ਸਾਬਕਾ ਸਰਪੰਚ) ਦਾ ਦਿਲੋਂ ਧੰਨਵਾਦ, ਜਿਨ੍ਹਾਂ ਨੇ ਇਸ ਮੰਗ ਸੰਬੰਧੀ ਸੂਬਾ ਸਰਕਾਰ ਅਤੇ ਕੇਂਦਰ ਸਰਕਾਰ ਨੂੰ ਪੱਤਰ ਲਿਖ ਕੇ ਮਹੱਤਵਪੂਰਨ ਯੋਗਦਾਨ ਦਿੱਤਾ।

ਧੰਨਵਾਦ : ਅਸੀਂ ਸਮੂਹ ਇਲਾਕਾ ਨਿਵਾਸੀ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦਾ ਦਿਲੋਂ ਧੰਨਵਾਦ ਕਰਦੇ ਹਾਂ ਕਿ ਤੁਸੀਂ ਸਾਡੀ ਇਸ ਮੰਗ ਨੂੰ ਜਲਦੀ ਪੂਰਾ ਕੀਤਾ ਹੈ। ਤੁਹਾਡੇ ਇਸ ਕਦਮ ਨਾਲ ਇਲਾਕੇ ਦੇ ਲੋਕਾਂ ਨੂੰ ਬਹੁਤ ਵੱਡੀ ਰਾਹਤ ਮਿਲੀ ਹੈ ਅਤੇ ਸੜਕ ਸੁਰੱਖਿਆ ਵਿੱਚ ਵੀ ਮਹੱਤਵਪੂਰਨ ਸੁਧਾਰ ਆਵੇਗਾ।

ਤੁਹਾਡੇ ਇਸ ਲੋਕ-ਹਿਤਕਾਰੀ ਕਦਮ ਨਾਲ ਸਰਕਾਰ ਪ੍ਰਤੀ ਲੋਕਾਂ ਦਾ ਭਰੋਸਾ ਹੋਰ ਵੀ ਮਜ਼ਬੂਤ ਹੋਇਆ ਹੈ। ਅਸੀਂ ਆਸ ਕਰਦੇ ਹਾਂ ਕਿ ਤੁਸੀਂ ਭਵਿੱਖ ਵਿੱਚ ਵੀ ਇਸੇ ਤਰ੍ਹਾਂ ਲੋਕਾਂ ਦੀਆਂ ਸਮੱਸਿਆਵਾਂ ਦਾ ਹੱਲ ਕਰਦੇ ਰਹੋਗੇ।

16/02/2026

ਮਾਤਾ ਗੁਜਰ ਕੌਰ ਜੀ ਯਾਦਗਾਰੀ ਟਰੱਸਟ ਵੱਲੋਂ ਸ਼ਿਵਰਾਤਰੀ ਦੇ ਪਾਵਨ ਮੌਕੇ 'ਤੇ ਮੁਫ਼ਤ ਅੱਖਾਂ ਦੇ ਚੈੱਕਅੱਪ ਮੈਡੀਕਲ ਕੈਂਪ ਦਾ ਆਯੋਜਨ ਕੀਤਾ ਗਿਆ।

ਮਾਤਾ ਗੁਜਰ ਕੌਰ ਜੀ ਯਾਦਗਾਰੀ ਟਰੱਸਟ, ਪਿੰਡ ਚੱਕ ਕਲਾਂ (ਜਲੰਧਰ) ਨੇ ਨਗਰ ਪੰਚਾਇਤ, ਸਾਰੇ ਨਗਰ ਨਿਵਾਸੀਆਂ ਅਤੇ ਐਨ.ਆਰ.ਆਈ. ਭਰਾਵਾਂ ਦੇ ਸਹਿਯੋਗ ਨਾਲ ਸ਼ਿਵਰਾਤਰੀ ਦੇ ਪਵਿੱਤਰ ਦਿਹਾੜੇ ਤੇ ਮਿਤੀ 14 ਫਰਵਰੀ, 2026 (ਸ਼ਨੀਵਾਰ) ਨੂੰ ਸ਼ਿਵ ਮੰਦਰ, ਪਿੰਡ ਚੱਕ ਕਲਾਂ ਵਿਖੇ ਮੁਫ਼ਤ ਅੱਖਾਂ ਦਾ ਚੈੱਕਅੱਪ ਕੈਂਪ ਲਗਾਇਆ।

ਇਸ ਮੌਕੇ ਅਕਾਲ ਹਸਪਤਾਲ ਤੋਂ ਡਾ. ਬਲਵੀਰ ਸਿੰਘ ਭੋਰਾ ਅਤੇ ਉਹਨਾਂ ਦੀ ਟੀਮ ਵੱਲੋਂ ਲਗਭਗ 250 ਮਰੀਜ਼ਾਂ ਦੀਆਂ ਅੱਖਾਂ ਦੀ ਜਾਂਚ ਕੀਤੀ ਗਈ ਅਤੇ 60 ਦੇ ਕਰੀਬ ਮਰੀਜ਼ਾਂ ਦੇ ਫ੍ਰੀ ਲੈਂਸ ਪਾਏ ਗਏ ਅਤੇ ਨਾਲ ਹੀ ਲੋੜਵੰਦ ਮਰੀਜ਼ਾਂ ਨੂੰ ਐਨਕਾ ਅਤੇ ਦਵਾਈਆਂ ਮੁਫ਼ਤ ਮੁਹੱਈਆ ਕਰਵਾਈਆਂ ਗਈਆਂ । ਮਰੀਜ਼ਾਂ ਨੇ ਡਾ. ਸਾਹਿਬ ਅਤੇ ਸਮੂਹ ਟਰੱਸਟ ਮੈਂਬਰਾ ਦਾ ਦਿਲੋਂ ਧੰਨਵਾਦ ਕੀਤਾ ।

ਟਰੱਸਟ ਦੇ ਪ੍ਰਧਾਨ ਸ. ਸੁਰਿੰਦਰ ਸਿੰਘ ਬਾਗੜੀ ਅਤੇ ਮੀਤ ਪ੍ਰਧਾਨ ਸ.ਸ਼ਮਿੰਦਰ ਸਿੰਘ ਬਾਗੜੀ(ਲੰਬੜਦਾਰ)ਵੱਲੋਂ ਆਏ ਹੋਏ ਮਾਹਿਰ ਡਾਕਟਰ,ਉਨ੍ਹਾਂ ਦੀ ਸਾਰੀ ਟੀਮ ਦਾ ਧੰਨਵਾਦ ਕੀਤਾ ਗਿਆ। ਇਸ ਦੌਰਾਨ ਖਜ਼ਾਨਚੀ ਸ.ਤੀਰਥ ਸਿੰਘ ਬਾਗੜੀ ,ਡਾ.ਜੋਗਿੰਦਰ ਸਿੰਘ ਹੀਰਾ ,ਡਾ.ਕੇਸ਼ਵ ਭਾਗੀ,ਸ੍ਰੀ ਜਗਜੀਵਨ ਭਾਗੀ ,ਸ.ਬਲਵੀਰ ਸਿੰਘ ਬਾਗੜੀ,ਸ.ਅਮਰਜੀਤ ਸਿੰਘ ਬਾਗੜੀ,ਸ.ਬਲਵਿੰਦਰ ਸਿੰਘ ਬਾਗੜੀ, ਸ.ਜੁਗਮੇਲ ਸਿੰਘ ਬਾਗੜੀ,ਸ.ਸੁਰਜੀਤ ਸਿੰਘ ਹੀਰਾ,ਸ.ਗੁਰਮੇਲ ਸਿੰਘ ਬਾਗੜੀ,ਸ.ਪਿਆਰਾ ਸਿੰਘ ਭੱਟੀ,ਸ.ਹਰਨੇਕ ਸਿੰਘ ਬਾਗੜੀ ਪ੍ਰਧਾਨ ਗੁਰਦੁਆਰਾ ਸਿੰਘ ਸਭਾ ਅਤੇ ਹੋਰ ਮੈਂਬਰਾ ਨੇ ਆਪਣੀ ਭੂਮਿਕਾ ਬਾਖੂਬੀ ਨਿਭਾਈ।

ਇਸ ਦੌਰਾਨ ਡਾ. ਬਲਵਿੰਦਰ ਸਿੰਘ ਹੋਰਾਂ ਜੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਹਰ ਇਕ ਇਨਸਾਨ ਨੂੰ ਆਪਣੀਆਂ ਅੱਖਾਂ ਵੱਲ ਵਿਸ਼ੇਸ਼ ਧਿਆਨ ਦੇਣਾ ਚਾਹੀਦਾ ਹੈ ਤੇ ਜੇਕਰ ਕੋਈ ਅੱਖਾਂ ਸੰਬੰਧੀ ਸਮੱਸਿਆ ਆਉਂਦੀ ਹੈ ਤਾਂ ਬਿਨਾ ਦੇਰ ਕੀਤੇ ਕਿਸੇ ਵੀ ਮਾਹਿਰ ਡਾਕਟਰ ਦੀ ਸਲਾਹ ਨਾਲ ਇਲਾਜ ਕਰਵਾਉਣਾ ਚਾਹੀਦਾ ਹੈ

ਸ. ਸੁਰਿੰਦਰ ਸਿੰਘ ਬਾਗੜੀ
ਪ੍ਰਧਾਨ

04/02/2026

ਪਿੰਡ ਚੱਕ ਕਲਾਂ

30/12/2025

ਮਿਤੀ 25-12-2025

ਮਾਤਾ ਗੁਜਰ ਕੌਰ ਜੀ ਯਾਦਗਾਰੀ ਟਰੱਸਟ ਚੱਕ ਕਲਾਂ ਵੱਲੋਂ ਸਮੂਹ ਨਗਰ ਨਿਵਾਸੀਆਂ ਅਤੇ ਐਨ. ਆਰ. ਆਈ. ਭਰਾਵਾਂ ਦੇ ਸਹਿਯੋਗ ਨਾਲ ਚਾਰ ਸਾਹਿਬਜ਼ਾਦਿਆਂ, ਮਾਤਾ ਗੁਜਰ ਕੌਰ ਜੀ ਅਤੇ ਸ਼ਹੀਦਾਂ ਦੀ ਲਾਸਾਨੀ ਸ਼ਹਾਦਤ ਨੂੰ ਸਮਰਪਿਤ ਦੁੱਧ ਦਾ ਲੰਗਰ ਲਗਾਇਆ ਗਿਆ, ਜਿਸ ਵਿੱਚ ਟਰੱਸਟ ਦੇ ਸਾਰੇ ਮੈਂਬਰਾਂ ਵੱਲੋਂ ਵੱਧ ਚੜ੍ਹ ਕੇ ਸੇਵਾ ਕੀਤੀ ਗਈ !! ਸਾਰੇ ਮੈਂਬਰਾਂ ਦਾ ਬਹੁਤ-ਬਹੁਤ ਧੰਨਵਾਦ !!

23/12/2025

ਚਾਰ ਸਾਹਿਬਜ਼ਾਦਿਆਂ, ਮਾਤਾ ਗੁਜਰ ਕੌਰ ਜੀ ਅਤੇ ਸਮੂਹ ਸ਼ਹੀਦਾਂ ਨੂੰ
ਸਮਰਪਿਤ ਦੋ ਰੋਜ਼ਾ ਫ੍ਰੀ ਮੈਡੀਕਲ ਕੈਂਪ ਦਾ ਆਯੋਜਨ

ਮਾਤਾ ਗੁਜਰ ਕੌਰ ਜੀ ਯਾਦਗਾਰੀ ਟਰੱਸਟ, ਪਿੰਡ ਚੌਂਕ ਕਲਾਂ (ਜਲੰਧਰ) ਵੱਲੋਂ ਨਗਰ ਪੰਚਾਇਤ, ਸਮੂਹ ਨਗਰ ਨਿਵਾਸੀ ਅਤੇ ਐਨ.ਆਰ.ਆਈ. ਵੀਰਾਂ ਦੇ ਸਹਿਯੋਗ ਸਦਕਾ ਚਾਰ ਸਾਹਿਬਜ਼ਾਦਿਆਂ, ਮਾਤਾ ਗੁਜਰ ਕੌਰ ਜੀ ਅਤੇ ਸਮੂਹ ਸ਼ਹੀਦਾਂ ਨੂੰ ਸਮਰਪਿਤ ਦੋ ਰੋਜ਼ਾ ਫ੍ਰੀ ਮੈਡੀਕਲ ਚੈੱਕ ਅੱਪ ਕੈਂਪ ਮਿਤੀ 22 ਅਤੇ 23 ਦਸੰਬਰ 2025 (ਦਿਨ ਸੋਮਵਾਰ ਅਤੇ ਮੰਗਲਵਾਰ) ਨੂੰ ਗੁਰਦੁਆਰਾ ਸਿੰਘ ਸਭਾ, ਪਿੰਡ ਚੌਂਕ ਕਲਾਂ ਵਿਖੇ ਸਫਲਤਾਪੂਰਵਕ ਲਗਾਇਆ ਗਿਆ।

ਮਿਤੀ 22 ਦਸੰਬਰ 2025 ਨੂੰ ਸਵੇਰੇ 9:00 ਵਜੇ ਤੋਂ 3:00 ਵਜੇ ਤੱਕ ਮਾਹਿਰ ਡਾਕਟਰਾਂ ਦੀ ਟੀਮ ਵੱਲੋਂ ਮਰੀਜ਼ਾਂ ਦੀ ਫ੍ਰੀ ਜਾਂਚ ਕੀਤੀ ਗਈ। ਜਿਸ ਵਿੱਚ 200 ਤੋਂ ਵੱਧ ਨਗਰ ਵਾਸੀਆਂ ਵੱਲੋਂ ਆਪਣੀ ਜਾਂਚ ਕਰਵਾਈ ਗਈ। ਸਾਰੇ ਮਰੀਜ਼ਾਂ ਨੂੰ ਇੱਕ ਮਹੀਨੇ ਤੱਕ ਦੀਆਂ ਦਵਾਈਆਂ ਟਰੱਸਟ ਵੱਲੋਂ ਮੁਫ਼ਤ ਮੁਹੱਈਆ ਕਰਵਾਈਆਂ ਗਈਆਂ। ਡਾਕਟਰਾਂ ਵੱਲੋਂ ਜ਼ਰੂਰਤ ਅਨੁਸਾਰ ਮਰੀਜ਼ਾਂ ਨੂੰ ਲੈਬੋਰਟਰੀ ਟੈਸਟ ਕਰਵਾਉਣ ਦੀ ਸਲਾਹ ਦਿੱਤੀ ਗਈ। ਜਿਸ ਮੁਤਾਬਕ ਮਿਤੀ 23 ਦਸੰਬਰ 2025 ਨੂੰ ਸਵੇਰੇ 8:00 ਵਜੇ ਤੋਂ ਦੁਪਹਿਰ 12:00 ਵਜੇ ਤੱਕ ਦੀ ਲੈਬੋਰਟਰੀ ਟੈਸਟ ਕਰਨ ਲਈ 170 ਦੇ ਕਰੀਬ ਮਰੀਜ਼ਾਂ ਦੇ ਸੈਂਪਲ ਇਕੱਠੇ ਕੀਤੇ ਗਏ।

ਟਰੱਸਟ ਦੇ ਪ੍ਰਧਾਨ ਸ. ਸੁਰਿੰਦਰ ਸਿੰਘ ਬਾਗੜੀ ਅਤੇ ਸੈਕਟਰੀ ਸ.ਤੀਰਥ ਸਿੰਘ ਵੱਲੋਂ ਆਏ ਹੋਏ ਮਾਹਿਰ ਡਾਕਟਰਾਂ ਅਤੇ ਪਤਵੰਤੇ ਸੱਜਣਾਂ ਦਾ ਧੰਨਵਾਦ ਕੀਤਾ ਗਿਆ। ਇਸ ਦੌਰਾਨ ਸੈਕਟਰੀ ਸ:ਤੀਰਥ ਸਿੰਘ ਬਾਗੜੀ, ਡਾ. ਜੋਗਿੰਦਰ ਸਿੰਘ ਹੀਰਾ, ਡਾ. ਕੇਸ਼ਵ ਭਾਗੀ , ਸ੍ਰੀ ਜਗਜੀਵਨ ਸ਼ਰਮਾ, ਸ਼ਮਿੰਦਰ ਸਿੰਘ ਬਾਗੜੀ (ਲੰਬੜਦਾਰ)ਸ. ਅਮਰਜੀਤ ਸਿੰਘ ਬਾਗੜੀ, ਸ:ਬਲਵੀਰ ਸਿੰਘ ਬਾਗੜੀ,ਸ:ਬਲਵਿੰਦਰ ਸਿੰਘ ਬਾਗੜੀ, ਸ.ਸੁਖਵਿੰਦਰ ਸਿੰਘ ਬਾਗੜੀ,ਸ:ਜੁਗਮੇਲ ਸਿੰਘ ਬਾਗੜੀ,ਸ. ਸੁਰਜੀਤ ਸਿੰਘ ਹੀਰਾ, ਸ. ਗੁਰਮੇਲ ਸਿੰਘ ਬਾਗੜੀ, ਸ. ਪਿਆਰਾ ਸਿੰਘ ਭੱਟੀ ਅਤੇ ਹੋਰ ਮੈਂਬਰਾਂ ਨੇ ਆਪਣੀ ਭੂਮਿਕਾ ਬਾਖੂਬੀ ਨਿਭਾਈ।

ਇਸ ਦੌਰਾਨ ਡਾ.ਜੋਗਿੰਦਰ ਸਿੰਘ ਅਤੇ ਡਾ. ਕੇਸ਼ਵ ਭਾਗੀ ਵੱਲੋਂ ਜਾਣਕਾਰੀ ਦਿੱਤੀ ਗਈ ਕਿ ਮਹਾਂ ਸਿਵਰਾਤਰੀ ਦੇ ਮੌਕੇ ‘ਤੇ ਸਥਾਨਕ ਸ਼ਿਵ ਮੰਦਰ ਵਿਖੇ ਔਰਤਾਂ ਲਈ ਇੱਕ ਮੈਡੀਕਲ ਚੈੱਕ ਅੱਪ ਕੈਂਪ ਲਗਾਇਆ ਜਾਵੇਗਾ ਜਿਸ ਵਿੱਚ ਔਰਤ ਰੋਗਾਂ ਦੇ ਮਾਹਿਰ ਡਾਕਟਰਾਂ ਵੱਲੋਂ ਮੁਫ਼ਤ ਜਾਂਚ ਕੀਤੀ ਜਾਵੇਗੀ।

ਸ. ਸੁਰਿੰਦਰ ਸਿੰਘ ਬਾਗੜੀ
ਪ੍ਰਧਾਨ

21/12/2025

17/11/2025

ਮਾਤਾ ਗੁੱਜਰ ਕੌਰ ਜੀ ਚੈਰੀਟੇਬਲ ਟਰੱਸਟ , ਪਿੰਡ ਚੱਕ ਕਲਾਂ , ਤਹਿਸੀਲ ਨਕੋਦਰ ਵੱਲੋਂ ਸੁਲਤਾਨਪੁਰ ਲੋਧੀ ਦੇ ਨਾਲ ਲੱਗਦੇ ਵੱਖ ਵੱਖ ਹੜ੍ਹ ਪ੍ਰਭਾਵਿਤ ਪਿੰਡਾਂ ਦਾ ਦੌਰਾ ਕੀਤਾ ਗਿਆ ਅਤੇ ਕਿਸਾਨ ਭਰਾਵਾ ਨੂੰ ਆਪਣੀ ਜਮੀਨ ਮੁੜ ਤੋ ਖੇਤੀ ਯੋਗ ਬਣਾਉਣ ਲਈ ਦਰਪੇਸ਼ ਆ ਰਹੀਆਂ ਔਕੜਾ ਦੀ ਜਾਣਕਾਰੀ ਲਈ। ਕਿਸਾਨਾਂ ਵਲੋ ਦੱਸਿਆ ਗਿਆ ਓਹਨਾ ਕੋਲ ਜਮੀਨ ਨੂੰ ਖੇਤੀਯੋਗ ਬਣਾਉਣ ਲਈ ਸਾਧਨਾਂ ਦੀ ਸਹਾਇਤਾ ਮਿਲ ਗਈ ਸੀ । ਪਰ ਪੈਸੇ ਦੀ ਕਮੀ ਕਾਰਨ ਖਾਦ ਆਦਿ ਖ਼ਰੀਦਣ ਦੀ ਸਮੱਸਿਆ ਆ ਰਹੀ ਹੈ । ਜਿਸ ਕਾਰਨ ਇਸ ਸੀਜ਼ਨ ਵਿੱਚ ਫ਼ਸਲ ਬੀਜਣ ਤੋ ਵਾਂਝੇ ਰਹਿ ਜਾਣ ਦਾ ਡਰ ਬਣਿਆ ਹੋਇਆ ਸੀ । ਉਪਰੋਕਤ ਸਮੱਸਿਆ ਨੂੰ ਟਰੱਸਟ ਵੱਲੋਂ ਗੰਭੀਰਤਾ ਨਾਲ ਲਿਆ ਗਿਆ ਅਤੇ ਵਿਦੇਸ਼ ਬੈਠੇ ਐਨ. ਆਰ. ਆਈ . ਵੀਰਾ ਨਾਲ ਵੀ ਸੰਪਰਕ ਕੀਤਾ ਗਿਆ ਜਿਹਨਾਂ ਨੇ ਉਪਰੋਕਤ ਕਿਸਾਨਾਂ ਦਾ ਹੱਥ ਫੜਨ ਦਾ ਪ੍ਰਣ ਕੀਤਾ ਅਤੇ ਤੁਰੰਤ ਵਿੱਤੀ ਸਹਾਇਤਾ ਭੇਜ ਦਿੱਤੀ ਗਈ । ਜਿਸ ਨੂੰ ਅੱਜ ਮਿਤੀ 16-11-2025 ਦਿਨ ਐਤਵਾਰ ਨੂੰ ਟਰੱਸਟ ਦੇ ਪ੍ਰਧਾਨ ਸ:ਸੁਰਿੰਦਰ ਸਿੰਘ ਬਾਗੜੀ ,ਉਪ ਪ੍ਰਧਾਨ ਸ:ਸਮਿੰਦਰ ਸਿੰਘ ਬਾਗੜੀ (ਨੰਬਰਦਾਰ) ਅਤੇ ਸ:ਤੀਰਥ ਸਿੰਘ ਬਾਗੜੀ ਸੈਕਟਰੀ ਦੀ ਦੇਖ ਰੇਖ ਵਿੱਚ ਸਮੂਹ ਟਰੱਸਟ ਦੇ ਮੈਂਬਰਾ ਵਲੋ 26 ਲੋੜਵੰਦ ਕਿਸਾਨ ਭਰਾਵਾਂ ਨੂੰ ਜਰੂਰਤ ਮੁਤਾਬਕ ਖਾਦ , ਡੀਜਲ ਅਤੇ ਬੀਜ ਖਰੀਦਣ ਲਈ ਮਾਲੀ ਸਹਾਇਤਾ ਦਿੱਤੀ ਗਈ । ਇਸ ਦੇ ਨਾਲ ਹੀ ਇਕ ਜ਼ਰੂਰਤਮੰਦ ਲੜਕੀ ਜਿਸ ਉਪਰੋ ਪਿਤਾ ਦਾ ਸਾਇਆ ਉੱਠ ਚੁੱਕਾ ਸੀ, ਨੂੰ ਵਿਆਹ ਲਈ ਪੈਸੇ ਦੀ ਜ਼ਰੂਰਤ ਸੀ, ਦਾ ਮਾਮਲਾ ਧਿਆਨ ਵਿੱਚ ਆਇਆ । ਟਰੱਸਟ ਨੇ ਤੁਰੰਤ ਵਿਚਾਰ ਵਟਾਂਦਰਾ ਕਰਕੇ ਉਸ ਲੜਕੀ ਦੇ ਪਰਿਵਾਰ ਨੂੰ ਲੜਕੀ ਦੇ ਵਿਆਹ ਵਾਸਤੇ ਇਕ ਲੱਖ ਦੀ ਵਿੱਤੀ ਸਹਾਇਤਾ ਪ੍ਰਦਾਨ ਕੀਤੀ ਗਈ ।

ਜ਼ਿਕਰਯੋਗ ਹੈ ਕਿ ਇਹ ਟਰੱਸਟ ਪਿੰਡ ਵਿੱਚ ਸਮੇ ਸਮੇ ਤੇ ਫ੍ਰੀ ਮੈਡੀਕਲ ਚੈੱਕਅਪ ਕੈਂਪਾਂ ਦਾ ਆਯੋਜਨ ਕਰਦਾ ਹੈ ਅਤੇ ਲੋੜਵੰਦ ਮਰੀਜ਼ਾ ਨੂੰ ਫ੍ਰੀ ਦਵਾਈਆ ਅਤੇ ਲੈਬ ਟੈਸਟਾਂ ਦੀ ਸਹੂਲਤ ਪ੍ਰਦਾਨ ਕਰਦਾ ਹੈ ।ਇਸ ਦੌਰਾਨ ਸ: ਬਲਵੀਰ ਸਿੰਘ ,ਡਾ:ਜੋਗਿੰਦਰ ਸਿੰਘ , ਡਾ: ਕੇਸ਼ਵ ਭਾਗੀ ,ਸ੍ਰੀ ਸੁਦੇਸ਼ ਭਾਗੀ , ਸ੍ਰੀ.ਜਗਜੀਵਨ ਭਾਗੀ , ਸ:ਸੁਖਵਿੰਦਰ ਸਿੰਘ ਮੈਨੇਜਰ , ਸ: ਗੁਰਮੇਲ ਸਿੰਘ , ਸ: ਹਰਨੇਕ ਸਿੰਘ (ਪ੍ਰਧਾਨ ਕਿਸਾਨ ਯੂਨੀਅਨ ਬਲਾਕ ਨਕੋਦਰ) , ਸ: ਅਮਰਜੀਤ ਸਿੰਘ ,ਸ: ਮਨਜੀਤ ਸਿੰਘ , ਸ: ਸੁਰਜੀਤ ਸਿੰਘ ਹੀਰਾ , ਸ: ਪਿਆਰਾ ਸਿੰਘ ਸੈਕਟਰੀ , ਸ: ਜੁਗਮੇਲ ਸਿੰਘ , ਸ: ਹਰਨਿੰਦਰਜੀਤ ਸਿੰਘ ਅਤੇ ਸਮੂਹ ਮੈਂਬਰਾ ਨੇ ਭਰਪੂਰ ਸਹਿਯੋਗ ਦਿੱਤਾ । 🙏🏻

( ਸ: ਸੁਰਿੰਦਰ ਸਿੰਘ ਬਾਗੜੀ)
ਪ੍ਰਧਾਨ

23/09/2025

ਮਾਤਾ ਗੁਜਰ ਕੌਰ ਯਾਦਗਾਰੀ ਟਰੱਸਟ ਪਿੰਡ ਚੱਕ ਕਲਾਂ,ਨਕੋਦਰ ਵੱਲੋਂ ਮਿਤੀ 22-09-2025 ਨੂੰ ਬਿਆਸ ਦਰਿਆ ਨੇੜੇ ਪੈਂਦੇ ਪਿੰਡ ਆਹਲੀ ਕਲਾਂ ਜਿਲ੍ਹਾ ਕਪੂਰਥਲਾ ਵਿੱਚ ਜਿੱਥੇ ਕਿ ਟੁੱਟੇ ਹੋਏ ਬੰਨ ਨੂੰ ਪੂਰਨ ਦਾ ਕੰਮ ਚੱਲ ਰਿਹਾ ਹੈ ਦੇ ਵਾਸਤੇ ਮਿੱਟੀ ਦੀਆਂ 7 ਟਰਾਲੀਆਂ ਭੇਜੀਆਂ ਗਈਆਂ। ਇਸ ਮੌਕੇ ਟਰੱਸਟ ਦੇ ਮੈਂਬਰਾਂ ਵਲੋ ਦਾਨੀ ਸੱਜਣਾ ਦਾ ਧੰਨਵਾਦ ਕੀਤਾ ਗਿਆ 🙏🏻

10/09/2025

ਮਾਤਾ ਗੁਜਰ ਕੌਰ ਜੀ ਯਾਦਗਾਰੀ ਟਰੱਸਟ ਪਿੰਡ ਚੱਕ ਕਲਾਂ,ਤਹਿਸੀਲ ਨਕੋਦਰ ਵੱਲੋ ਹੜ ਪੀੜਤਾ ਦੀ ਰਾਹਤ ਸਮੱਗਰੀ ਇਕੱਤਰ ਕੀਤੀ ਗਈ ਜਿਸ ਨੂੰ ਮਿਤੀ 05-09-2025 ਨੂੰ ਸੁਲਤਾਨਪੁਰ ਲੋਧੀ ਅਧੀਨ ਆਉਂਦੇ ਪਿੰਡ ਬਾਊਪੁਰ ਜ਼ਦੀਦ ਅਤੇ ਆਸ ਪਾਸ ਦੇ ਪਿੰਡਾਂ ਵਿੱਚ ਹੜ ਪੀੜਤ ਲੋਕਾਂ ਵਿੱਚ ਵੰਡਿਆ ਗਿਆ ਰਾਹਤ ਸਮੱਗਰੀ ਨੂੰ ਵੰਡਣ ਲਈ ਸੰਤ ਬਲਬੀਰ ਸਿੰਘ ਸੀਚੇਵਾਲ ਜੀ ਵਲੋ ਟਰੱਸਟ ਨੂੰ ਦੋ ਕਿਸ਼ਤੀਆ ਮੁੱਹਈਆ ਕਰਵਾਈਆ ਗਈਆ ਜਿਸ ਦੀ ਮਦਦ ਨਾਲ ਟਰੱਸਟ ਦੇ ਮੈਂਬਰਾ ਦੁਆਰਾ ਹੜ ਪੀੜਤਾ ਦੇ ਘਰ-ਘਰ ਜਾ ਕੇ ਰਾਹਤ ਸਮੱਗਰੀ ਲੋੜ ਅਨੁਸਾਰ ਵੰਡੀ ਗਈ । ਇਸ ਰਾਹਤ ਸਮੱਗਰੀ ਦੀ ਪੁਹੰਚ ਸ:ਸੁਰਿੰਦਰ ਸਿੰਘ ਦੁਬਈ ਵਾਲੇ ( ਪ੍ਰਧਾਨ ),ਸ:ਜੋਗਿੰਦਰ ਸਿੰਘ ਸਾਬਕਾ ਸਰਪੰਚ ਅਤੇ ਸ:ਗੁਰਮੇਲ ਸਿੰਘ ਰਾਣਾ ਵਲੋ ਆਪਣੀਆ ਗੱਡੀਆ ਵਿੱਚ ਕੀਤੀ ਗਈ । ਇਸ ਮੌਕੇ ਟਰੱਸਟ ਦੇ ਮੈਂਬਰ ਸ:ਸੁਰਜੀਤ ਸਿੰਘ ਸਾਬਕਾ ਪੰਚ,ਸ:ਸ਼ਮਿੰਦਰ ਸਿੰਘ ਨੰਬਰਦਾਰ,ਸ: ਸੁਰਿੰਦਰ ਸਿੰਘ ਹੀਰਾ ,ਸ੍ਰੀ ਕੇਸ਼ਵ ਭਾਗੀ, ਸ:ਹਰਨੇਕ ਸਿੰਘ ,ਸ:ਸੁਖਵਿੰਦਰ ਸਿੰਘ ਸੋਸਾਇਟੀ ਵਾਲੇ ,ਸ:ਅਮਰਜੀਤ ਸਿੰਘ ,ਸ:ਹਰਨਿੰਦਰਜੀਤ ਸਿੰਘ ,ਰਜਿੰਦਰ ਕੁਮਾਰ ਆਦਿ ਹਾਜ਼ਰ ਹੋਏ ।
ਇਸ ਮੌਕੇ ਟਰੱਸਟ ਦੇ ਮੈਂਬਰਾ ਵਲੋ ਦਾਨੀ ਸੱਜਣਾ ਦਾ ਧੰਨਵਾਦ ਕੀਤਾ ਗਿਆ।

05/09/2025

ਮਾਤਾ ਗੁਜਰ ਕੌਰ ਜੀ ਯਾਦਗਾਰੀ ਟਰੱਸਟ ਚੱਕ ਕਲਾਂ ਵੱਲੋਂ ਪਿੰਡ ਚੱਕ ਕਲਾਂ ਵਿੱਚ 6 ਜੁਲਾਈ 2025 ਨੂੰ ਤਕਰੀਬਨ 09 ਸਾਲ ਦੀ ਬੱਚੀ ਜੋ ਬਚਪਨ ਤੋਂ ਹੀ ਕੰਨਾਂ ਤੋਂ ਸੁਣਨ ਤੋ ਅਸਮਰੱਥ ਸੀ, ਨੂੰ ਡਾਕਟਰ ਸੀਮਾ ਜੀ ਦੇ ਸਹਿਯੋਗ ਨਾਲ ਅਤੇ ਸਮੂੰਹ ਟਰੱਸਟ ਦੇ ਮੈਂਬਰਾਂ ਦੀ ਸਹਿਮਤੀ ਨਾਲ ਕੰਨਾਂ ਤੋਂ ਸੁਨਣ ਲਈ ਦੋਨਾਂ ਕੰਨਾਂ ਨੂੰ ਮਸ਼ੀਨਾਂ ਲਗਵਾ ਕੇ ਦਿੱਤੀਆ! ਟਰੱਸਟ ਦੇ ਪ੍ਰਧਾਨ ਅਤੇ ਮੈਂਬਰਾਂ ਦੀ ਹਾਜ਼ਰੀ ਵਿੱਚ ਇਹ ਮਸ਼ੀਨਾਂ ਬੇਟੀ ਦੀ ਮਾਤਾ ਨੂੰ ਦਿੱਤੀਆਂ ਗਈਆਂ । ਧੰਨਵਾਦ ॥