Voice of Raha Youth Association ৰহা যুৱ কন্ঠ মঞ্চ

17/04/2026

ৰাজহুৱা গোহাৰী🙏🙏
বিষয়ঃ “ Voice of Raha Forum”
“নৱ ভাৱনা – নতুন ৰহা”ৰ দৃষ্টিভংগী আৰু প্ৰেৰণাৰে অনুপ্ৰাণিত হৈ ৬১ নং ৰহা বিধানসভা সমষ্টিৰ অন্তৰ্গত সকলো জাতি-জনগোষ্ঠী, ধৰ্ম-বৰ্ণ নিৰ্বিশেষে এক সজাগ, শিক্ষিত, কৰ্মঠ শিল্পী,সাহিত্যিক সমাজপ্ৰেমী নতুন প্ৰজন্মক একেখন মঞ্চত একত্ৰিত কৰাৰ উদ্দেশ্যেৰে আমি “Voice of Raha Forum“ নামৰ এটি শক্তিশালী আৰু সুশৃংখল মঞ্চ গঠন কৰাৰ সংকল্প গ্ৰহণ কৰিছো।
এই মঞ্চৰ মূল লক্ষ্য হৈছে—
ৰাষ্ট্ৰমুখী সামাজিক আৰু সাংস্কৃতিক কাৰ্য্যক্ৰমৰ জৰিয়তে বৃহত্তৰ ৰহা অঞ্চলৰ বিকাশ সাধন কৰা ৷

ৰহা সমষ্টিৰ সামগ্ৰিক আৰু সুসংহত উন্নয়ন সাধন কৰা৷
স্থানীয় সমস্যা সমূহ গভীৰভাৱে চিনাক্ত কৰি সময়োপযোগী আৰু যুক্তিসংগত সমাধান উলিওৱা
সমাজত ঐক্য, ভাতৃত্ববোধ আৰু দায়িত্ববোধ শক্তিশালী কৰা ৷
ৰাজনীতিৰ সীমাৰেখাৰ ওপৰত থাকি এক নিষ্ঠাৱান সামাজিক কৰ্মৰ আন্দোলন গঢ়ি তোলা ৷
চৰকাৰ আৰু জনপ্ৰতিনিধিৰ জনকল্যাণমূলক কাম সমূহত সহযোগিতা কৰা ৷
সাংস্কৃতিক এনাজৰীৰে সকলোৰে লগত ভাতৃত্ববোধ গঢ়ি তুলা ৷
স্থানীয় এলেকাত নিবনুৱা সমস্যা সমাধানৰ বাবে বিভিন্ন পদক্ষেপ গ্ৰহন কৰা ৷
আমি দৃঢ় বিশ্বাস কৰো যে, বৰ্তমান প্ৰজন্মৰ শক্তিয়েই সমাজৰ আটাইতকৈ বলিষ্ঠ শক্তি, যাৰ মাজত আছে সৃষ্টিশীলতা, সাহস আৰু পৰিবৰ্তন আনিবলৈ সক্ষমতা।
সেয়েহে ৰহা সমষ্টিৰ অন্তৰ্গত প্ৰতিটো প্ৰান্তত থকা সমাজৰ প্ৰতিজন সচেতন যুৱক-যুৱতী,শিল্পী- সাহিত্যিক তথা অন্যান্য সংস্কাৰমুলক কামত জড়িত থকা ব্যক্তি আৰু প্ৰতিভা সমূহক এই মঞ্চখনৰ জৰিয়তে সংযুক্ত কৰি এখন শক্তিশালী সামাজিক,সাংস্কৃতিক মঞ্চ আৰু উন্নত ৰহা গঢ়াৰ মহান অভিযানত সক্ৰিয় অংশগ্ৰহণ কৰিবলৈ ৰহা সমষ্টিৰ সকলো প্ৰান্তৰ আগ্ৰহী সকললৈ বিনম্ৰ আহ্বান জনাইছো ৷
এইয়া কেৱল এটি সংগঠন নহয়—ই এক চিন্তাধাৰা, এখন কৰ্মমূখী আন্দোলন, আৰু এখন নতুন ৰহাৰ সপোন।
আহক, আমি সকলোয়ে একেলগে এক “নৱ চিন্তা – নতুন দিশ” লৈ আগবাঢ়ি এখন উন্নত, শক্তিশালী আৰু আদৰ্শ ৰহা সমষ্টি গঢ়ি তুলিবলৈ প্ৰয়াস কৰো ৷

02/01/2026

31/10/2024

মহাপুৰুষ শ্ৰীমন্তশঙ্কৰদেৱ গুৰু জনাৰ অনবদ্য অৱদান নামঘৰেই হল অসমীয়া জাতিৰ কৃষ্টি-সংস্কৃতি,ৰীতি-নীতি,আচাৰ ব্যবহাৰ,জ্ঞান-বিজ্ঞান আৰু আধ্যাত্মবাদৰ মুখ্য পুথিভড়াঁল ৷অসমীয়া সমাজ জীৱনত প্ৰতিখন গাৱঁত থকা নামঘৰ সমূহৰ জৰিয়তেই সমাজৰ ঐক্য-সংঘতি,সমন্বয়-সম্পিতিৰ দিক নিৰ্দেশনাৰে অসমীয়া সমাজখন ঐক্যবদ্ধতাৰে চলি আহিছে আৰু ভবিষ্যতে ও চলি থাকিব ৷আত্মা আৰু পৰমাত্মাৰ অন্যতম মিলনভুমি এই নামঘৰেই হ’ল জীৱ মুক্তিৰ প্ৰধান চিকিৎসালয় ৷মুক্তিৰ মহৌষধ বিছাৰি যিসকল মনুষ্যৰূপী মহান আত্মাই গুৰু জনাই দি যোৱা নীতি নিৰ্দেশনা অনুসৰি হৰিৰ শ্ৰৱণ কীৰ্তন কৰি জীৱনৰ গতি কৰিব সেই জীৱন ধন্য হোৱাৰ লগতে তেনে জীবাত্মা জন্ম-মৃত্যুৰ যন্ত্ৰণাৰ পৰা মক্তি লাভ কৰি বৈকুণ্ঠধামলৈ গতি কৰিব বুলি গুৰুজনাই সিধান্ত দি গৈছে ৷জাতি-বৰ্ণৰ বৈষম্যৰ বিপৰিতে সকলোকে এক কৰি শৃংখলিত ভাবে নীতি নিয়ম পালন কৰি সমাজ পাতি কেনেকৈ মানুহে সৰল জীৱন নিৰ্বাহ কৰিব পাৰে তাৰো ব্যৱস্থা গুৰুজনাই সত্ৰ-নামঘৰৰ জৰিয়তে সমাজলৈ দি গ’ল ৷অন্ধবিশ্বাস,কুসংস্কাৰ আৰু অস্পৃশ্যতাৰ বিপৰীতে সমাজখন একত্ৰিত কৰি “এক দেও এক সেও এক বিনে নাই কেৱ ’’ নীতিৰে
“এক শৰন নামধৰ্ম ’’ প্ৰতিষ্ঠা কৰি মনুষ্যৰূপী জীৱৰ ধৰ্ম-কৰ্ম আৰু মকুতিৰ বাট দেখুৱাই মানৱসমাজৰ জীৱন ধন্য কৰিলে ৷পোন্ধৰশ/ষোল্লশ শতিকাতে একশৰণ নামধৰ্ম প্ৰতিষ্ঠা কৰাৰ লক্ষ্যৰে গুৰুজনাই যি সত্ৰ-নামঘৰ গাৱে গাৱে প্ৰতিষ্ঠা কৰি সমাজখন একত্ৰিত কৰিলে সেইয়া আজিও বিৰাজমান আৰু ভবিষ্যতেও সৰ্বত্ৰে বিৰাজমান হৈ থাকিব ৷“ভক্তিয়েই শক্তি সাধনাই সিদ্ধি’’ৰ প্ৰথম পঢ়াশালি নামঘৰেই হল অসমীয়া সমাজ জীৱনৰ একমাত্ৰ আধ্যাত্মিক কেন্দ্ৰ ৷এই নামঘৰতেই দৈনিক হৈ থকা নাম-প্ৰসংগ,কীৰ্তন ,বৰগীত,ঘোষা,তোটয়,চপয়,পয়াৰ লেছাৰী আদিয়ে গাঁওখনক আধ্যাত্মিক ভাৱে সজীৱ কৰি ৰখাৰ লগতে পৰমপিতা পৰমেশ্বৰৰ প্ৰতি গভীৰ আস্থা আৰু বিশ্বাসেৰে মানৱ জীৱনক ধৰ্মৰ বাটেৰে আগুৱাই যাবলৈ দিক-নিৰ্দেশনা প্ৰদান কৰে ৷গ্ৰাম্যসমাজ খন ধীৰ-সুস্থিৰে ধৰি ৰাখিবলৈ নামঘৰেই হল একমাত্ৰ কেন্দ্ৰ য’ৰ পৰা আমি শাৰীৰিক,মানসিক,বৌদ্ধিক আৰু আধ্যাত্মিক শিক্ষাৰ জৰিয়তে সমাজত বসবাস কৰিবলৈ প্ৰেৰণা লাভ কৰিলো ৷পবিত্ৰ ভাদ মাহত আইমাতৃ সকলৰ লগতে ভকত-বৈষ্ণৱ সকলে মাহজুৰি হৰি নামৰ ধ্বনিৰে মুখৰিত কৰা গাওঁখনৰ মাদকতা উপলব্ধি কৰি ধন্য হওঁ যে বহু পুণ্যৰ ফলতেহে যেন আমি শংকৰ-মাধৱৰ দেশত জন্ম লাভ কৰিলো ৷ নামঘৰকেন্দ্ৰিক কিছু চিন্তাই নতুনকৈ মনত গজালি মেলিছে ৷সেয়েহে মনত ক্ৰীড়া কৰি থকা শব্দবোৰ এনেদৰেই লিখিবলৈ চেষ্টাহে কৰিলো ৷আশাকৰোঁ ভুল হলে আঙুলিয়াই দি পিছৰ খিনি লিখিবলৈও যেন সাহস প্ৰদান কৰে🙏🙏

12/10/2024

জয় গুৰু শংকৰ 🙏🙏🙏