Sermey Minyak Khangtsen

02/04/2026

05/03/2026

༈ སེར་སྨད་མི་ཉག་ཁང་ཚན་དང་གཞིས་དགོན་ཐེག་ཆེན་གླིང་བྲག་རྒྱབ་བླ་བྲང་བཅས་ནས་གོང་ས་སྐྱབས་མགོན་ཆེན་པོ་མཆོག་ལ་བྲག་རྒྱབ་རིན་པོ་ཆེ་མཆོག་གི་ཡང་སྲིད་འཁྲུངས་ཡོད་མེད་ཀྱི་བརྟག་ཞུ་ཕུལ་བ་ལྟར་༧གོང་ས་རྒྱལ་བ་རིན་པོ་ཆེ་གིས་སེར་སྨད་མི་ཉག་ཁང་ཚན་གྱི་དགེ་བཤེས་པོ་ཏོ་བའི་སྐུ་རྒྱུད་སྐྱབས་རྗེ་བྲག་རྒྱབ་རིན་པོ་ཆེ་སྐུ་འཕྲེང་བཅོ་ལྔ་པའི་ཡང་སྲིད་ཆུང་སྲིད་རིན་པོ་ཆེ་སྐུ་འཁྲུངས་ཡོད་པའི་ཕྱག་རྟགས་ཕེབས་པར་གུས་སློབ་སྐོམ་པ་ཆུ་འདོད་ལྟར་གནས་པའི་སློབ་མ་རྣམས་དགའ་སྤྲོ་དཔག་མེད་བྱུང་བ་དང་ཆུང་སྲིད་རིན་པོ་ཆེ་མཆོག་བསྟན་པ་དང་འགྲོ་བའི་ཆེད་གསན་བསམ་སློབ་གཉེར་མཐར་ཕྱིན་པ་ཡོང་བ་ཞུ།

18/02/2026

༈ ལོ་གསར་ཚེས་གཅིག་ནི་བླ་མའི་ལོ་གསར་ཡིན་པར་སོང་རང་ཅག་ཁང་ཚན་གྱི་གྲྭ་མང་རྣམས་རི་བོ་དགེ་ལྡན་པའི་བསྟན་པའི་མཛེས་རྒྱན་མཚུངས་མེད་ཤར་པ་ཆོས་རྗེ་རིན་པོ་ཆེ་མཇལ་བཅར་ཞུས་པའི་སྐབས་ཀྱི་སྐུ་པར་ཞིག་དྲྭ་གྲོགས་རྣམས་ལ་ཕུལ་ཡོད།

17/02/2026

༈ ལྷན་རྒྱས་ཀུན་ལ་ལོ་གསར་བཟང་

08/02/2026

གསར་འགོད་གསལ་བསྒྲགས།

༄༅། །ཉེ་ལམ་གསར་འགྱུར་བརྒྱུད་ལམ་དང་སྤྱི་ཚོགས་དྲྭ་ལམ་ཁག་གཅིག་གི་ནང་དུ་ཨེབ་སི་ཊིན་གྱི་ཡིག་ཚགས་དང་འབྲེལ་གནས་ཐད། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་ཇེ་ཕི་རི་ཨེབ་སི་ཊིན་དབར་འབྲེལ་བ་བྱུང་གནས་སྐོར་གནས་ཚུལ་སྤེལ་བཞིན་འདུག་ཀྱང། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ད་བར་ཇེ་ཕི་རི་ཨེབ་སི་ཊིན་དང་མཇལ་འཕྲད་གནང་མྱོང་མེད་པ་མ་ཟད། ༸གོང་ས་མཆོག་གི་མཚན་ཐོག་ནས་ཀྱང་ཁོང་དང་མཇལ་འཕྲད་དམ་བཀའ་མོལ་གནང་རྒྱུ་བཀོད་མངགས་གནང་རིགས་གཏན་ནས་བྱུང་མྱོང་མེད་པའི་གསལ་བསྒྲགས་སུ།།
དགའ་ལྡན་ཕོ་བྲང་ཡིག་ཚང་ནས་ཕྱི་ལོ་ ༢༠༢༦ ཟླ་ ༢ ཚེས་ ༨ ལ།།

https://www.gyalwarinpoche.com/news/2-8

28/01/2026

༈ སེར་སྨད་མི་ཉག་ཁང་ཚན་གྱི་སློབ་གཉེར་བ་གཉིས་ནས་གྲྭ་ཚང་གི་བློ་རྒྱུགས་སྐབས་དབུ་མ་རྩ་བ་ཤེས་རབ་ཀྱི་བློ་རྒྱུགས་ཕུལ་བའི་གཟེངས་བསྟོད་བྱ་དགའ་ཐོབ་པའི་འདྲ་པར་ཞིག་འདི་ན་ཕུལ་ཡོད།

19/01/2026

ཕྱི་ལོ་༢༠༢༦ ཟླ ༡ ཚེས ༡༨ ཉིན་༧གོང་ས་རྒྱལ་བ་རིན་པོ་ཆེ་མཆོག་གིས་འབྲས་སྤུངས་བློ་གསལ་གླིང་གྲྭ་ཚང་གི་ཆོས་རྭའིནང་དུ། འཇང་དགུན་ཆོས་ཀྱི་རྣམ་འགྲེལ་མཚད་ཕུད་དམ་བཅའ་ཆེན་མོའི་ཚོགས་མགོན་དུ་དབུ་བཞུགས་བཀའ་དྲིན་བསྐྱངས་པ་དང་སྟབས་བསྟུན་སེར་སྨད་ཐོས་བསམ་ནོར་གླིང་གྲྭ་ཚང་གི་སློབ་གཉེར་བ་རྣམས་ནས་རྟགས་གསལ་ཕུལ་བཞིན་པའི་བརྙན་ཐུང་ཞིག་ཕུལ་ཡོད།
བོད་ཀྱི་དུས་བབ་ནས་བཤུས།།

14/12/2025

དགའ་ལྡན་ལྔ་མཆོད།
༈ཇི་སྐད་དུ་ཡང།
དམིགས་མེད་བརྩེ་བའི་གཏེར་ཆེན་སྤྱན་རས་གཟིགས།།
དྲི་མེད་མཁྱེན་པའི་དབང་པོ་འཇམ་པའི་དབྱངས།།
བདུད་དཔུང་མ་ལུས་འཇོམས་མཛད་གསང་བའི་བདག །
གངས་ཅན་མཁས་པའི་གཙུག་རྒྱན་ཙོང་ཁ་པ།། ...
སེར་སྨད་མི་ཉག་ཁང་ཚན་ནས།

13/12/2025

༈ བྱམས་པ་ཆེན་པོས་འགྲོ་ཀུན་བདེ་ལ་འགོད།།
ཐུགས་རྗེ་ཆེན་པོས་འཇིགས་པ་ཀུན་ལས་སྐྱོབ།།
ཡོན་ཏན་ཆེན་པོས་བཤེས་གཉེན་མཆོག་གྱུར་བ།།
བྱམས་ཆེན་ཆོས་ཀྱི་རྗེ་ལ་གསོལ་བ་འདེབས།།

སེ་ར་བཞི་མཆོད།
Death Anniversary of Jamchen Choeje Shakya Yeshi


༄༅། །དེ་རིང་བོད་ཟླ་ ༡༠ ཚེས་ ༢༤ ནི་༸རྗེ་ཙོང་ཁ་པ་བློ་བཟང་གྲགས་པ་དཔལ་བཟང་པོ་མཆོག་གི་སློབ་མ་༸བྱམས་ཆེན་ཆོས་རྗེ་ཤཱཀྱ་ཡེ་ཤེས་དཔལ་བཟང་པོ་མཆོག་དགོངས་པ་ཆོས་དབྱིངས་སུ་འཐིམ་ཚུལ་བསྟན་པའི་དུས་དྲན་ཞིག་ཡིན། ༸བྱམས་ཆེན་ཆོས་རྗེ་ཤཱཀྱ་ཡེ་ཤེས་ནི་སེ་ར་ཐེག་ཆེན་པོའི་གླིང་ཕྱག་འདེབས་པ་པོ་ དང་། དམ་པ་འདི་ཉིད་རབ་བྱུང་དྲུག་པའི་ཆུ་འབྲུག་ལོ་ལ་འཁྲུངས། རབ་བྱུང་བདུན་པའི་ས་གླང་ལོ་ལ་ཏཱ་མིང་གི་རྒྱལ་པོས་གདན་དྲངས་ཀྱང་མ་ཕེབས་པའི་རྗེ་བཙུན་ཙོང་ཁ་པའི་ཚབ་བྱས་ནས་པེ་ཅིན་དུ་ཕེབས། རབ་བྱུང་བདུན་པའི་ཤིང་རྟ་ལོར་པེ་ཅིན་དུ་ལན་གཉིས་པ་ཕེབས་ནས་གུ་ཤྲཱི་ཆེན་པོའི་གོ་ས་ཐོབ། རབ་བྱུང་བདུན་པའི་ཤིང་སྟག་ལོར་ཏཱ་མིང་རྒྱལ་པོས་བྱམས་ཆེན་ཆོས་རྗེ་ཞེས་པའི་མཚན་གནས་བསྩལ།རབ་བྱུང་བདུན་པའི་ཤིང་ཡོས་ལོར་པེ་ཅིན་ནས་བོད་ལ་ཕྱིར་ཕེབས་སྐབས་ལམ་བར་དུ་འདས་པ་བཅས་དམ་པ་འདི་ཉིད་ཀྱི་སྐུའི་མཛད་རྣམ་མདོར་བསྡུས་ཙམ་དུ།

:སེར་སྨད་མི་ཉག་ཁང་ཚན་ནས -:

03/12/2025

༈ སེར་སྨད་མི་ཉག་ཁང་ཚན་གྱི་སློབ་གཉེར་བ་གཉིས་ནས་གྲྭ་ཚང་གི་རྒྱུགས་སྤྲོད་ཁག་ནང་ཨང་རིམ་གྱི་བྱ་བ་དགའ་ལེན་པར་དགའ་བསུའི་འཚམས་འདྲི་ཞུ་གྲངས་མེད་ཞུ་བ་དང་མ་འོངས་དུས་ན་ཡང་སློབ་གཉེར་ཐོག་འབད་པ་ཆུ་བོའི་རྒྱུན་ལྟར་བསྟེན་ནས་གོང་ནས་གོང་འཕེལ་ཡོང་བའི་རེ་བ་དང་ཡིད་ཆེས་ཞུ་བཞིན་ཡོད་ཡོད།

30/10/2025

༄༅། །ཕྱི་ལོ་ ༢༠༢༥ ཟླ་ ༡༠ ཚེས་ ༢༩ རེས་གཟའ་ལྷག་པའི་ཉིན་སེར་སྨད་ཐོས་བསམ་ནོར་གླིང་གྲྭ་ཚང་གི་ཞི་བདེ་ཚོགས་ཁང་ནང་དུ་ཕྱི་ལོ་ ༢༠༢༤ ལོའི་གཞུང་ཆེན་བཀའ་པོད་ལྔའི་ནང་ཚན་དབུ་མ། ཕར་ཕྱིན། ཚད་མ་གསུམ་ལ་སློབ་ཐར་སོན་པའི་སློབ་གཉེར་བ་རྣམས་ལ་ནང་པའི་སློབ་གཉེར་ཁང་ནས་ཕྱག་འཁྱེར་གནང་བའི་ནང་ནས་རང་རེའི་ཁང་ཚན་གྱི་སློབ་གཉེར་བ་འགའ་ཞིག་ནས་དབུ་མ་རབ་འབྱམས་པ་དང་ཕར་ཕྱིན་རབ་འབྱམས་པའི་ཕྱག་འཁྱེར་བཞེས་པའི་འདྲ་པར་འགའ་ཁང་ཚན་ལ་ཐུགས་སྣང་ཡོད་པའི་མཛའ་བརྩེའི་དྲྭ་གྲོགས་རྣམས་ཀྱི་ཆེད་འདི་ན་ཕུལ་ཡོད།

17/10/2025

༈ རང་རེའི་ཁང་ཚན་གྱི་སློབ་གཉེར་བ་ལྷུན་གྲུབ་ཡར་འཕེལ་འཛིན་རིམ་བཅུ་པའི་NIOS རྒྱུགས་སྤྲོད་ལ་བཞུགས་ནས་རྒྱུགས་སྤྲོད་ལེགས་སྒྲུབ་ཟིན་ནས་དེ་རིང་སེར་བྱེས་བཀྲིས་ཆོས་གླིང་དུ་༧རྒྱལ་བའི་གོ སྟོན་མཛད་སྒོ་འཚོགས་པ་དང་སྦྲགས་བོད་མི་དམངས་སྤྱི་འཐུས་ཚོགས་གཙོའི་ཕྱག་ནས་ཕྱག་འཁྱེར་བཞེས་པར་འཚམས་འདྲི་དང་སླད་མར་ཡང་ཁྱེད་ནས་ནང་དོན་རིག་པ་དང་དེང་དུས་ཀྱི་ཤེས་ཡོན་གཉིས་ཀའི་ཐད་ལ་འབད་བརྩོན་ལྷོད་མེད་ཡོང་བའི་རེ་བ་ཡོད།